اپوزیشن کے شور شرابے میں سندھ کا بائیس کھرب روپے سے زائد کا ٹیکس فری بجٹ پیش، حزب اختلاف کے ارکان نشستوں پر کھڑے ہو کر نعرے لگاتے رہے، وزیراعلیٰ مراد علی شاہ کی تقریر کے دوران شدید مشکلات پیش آئیں، اپوزیشن ارکان نے وزیراعلیٰ کی نشست کی جانب بڑھنے کی کوشش بھی کی، بجٹ اجلاس میں کئی ارکان نے ویڈیو لنک کے ذریعے شرکت کی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سندھ میں سرکاری ملازمین کی تنخواہوں میں اضافہ، گریڈ ایک سے سولہ کے ملازمین کی تنخواہیں دس فیصد، گریڈ سترہ سے اکیس تک افسران کی تنخواہیں پانچ فیصد بڑھیں گی، صحت کیلئے اٹھائیس ارب روپے مختص، تعلیم کیلئے تئیس ارب روپے مختص کرنے کی تجویز، کورونا سدباب کیلئے پانچ ارب روپے مختص، ترقیاتی بجٹ دو سو نو ارب روپے رکھا گیا،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بی این پی مینگل کا مرکزی حکومتی اتحاد سے علیحدگی کا اعلان، سردار اختر مینگل نے قومی اسمبلی میں تقریر کرتے ہوئے کہا، دو سال تک پی ٹی آئی کے ساتھ ہوئے معاہدے پرعملدرآمد کا انتظار کیا، مزید بھی کرنے کو تیار ہیں لیکن کچھ شروع تو کریں، ایوان میں موجود رہیں گے اور اپنی بات کرتے رہیں گے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وفاقی وزیراطلاعات شبلی فراز کہتے ہیں، اختر مینگل ہمارے اتحادی تھے ہیں اور رہیں گے، حکومت بی این پی مینگل سے رابطے میں ہے، چھ نکاتی مطالبات پر کمیٹی بنائی تھی، ایک دو روز میں تمام مسائل حل ہو جائیں گے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تحریک انصاف میں متبادل وزیراعظم کیلئے لابنگ شروع ہو چکی، پی ٹی آئی کے کئی لوگ ہمارے ساتھ رابطے میں ہیں، رہنما ن لیگ خواجہ آصف کا دعویٰ، پروگرام پاکستان ٹونائٹ میں گفتگو کرتے ہوئے کہا، حکومت میں توڑ پھوڑ کا سلسلہ شروع ہو گیا، سنا ہے جہانگیر ترین نوازشریف سے رابطے کی کوشش کر رہے ہیں، دیکھئے پروگرام آج رات آٹھ بج کر دو منٹ پر صرف ہم نیوز پر
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قومی اسمبلی میں تحریک انصاف اور اتحادیوں کی تعداد ایک سو اسی ہے، اپوزیشن ارکان کی تعداد ایک سو ستاون ہے، قومی اسمبلی میں بی این پی مینگل کے چار ارکان ہیں، بی این پی مینگل اپوزیشن سے مل جائے تو اپوزیشن ارکان کی تعداد ایک سو اکسٹھ ہو سکتی ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وفاقی حکومت نے بین الاقومی پروازیں شروع کرنے کا اعلان کر دیا، کوئٹہ اور سیالکوٹ سمیت آٹح ائیر پورٹس سے فضائی آپریشن ہو گا، معاون خصوصی معید یوسف کہتے ہیں، بیرون ملک سے آنے والے صحت مند افراد چودہ روز گھر میں قرنطینہ رہیں گے، قرنطینہ توڑنے والوں کیخلاف صوبے کارروائی کریں گے، زلفی بخاری نے کہا، صورت حال خراب ہونے پر فضائی آپریشن معطل کیا جا سکتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ملک بھر میں کورونا سے ایک ہی دن میں ایک سو چھتیس اموات، کورونا سے اب تک ایک ہی دن میں سب سے زیادہ اموات رجسٹرڈ ہوئیں، مجموعی اموات تین ہزار کے قریب ہو گئیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ملک بھر میں کورونا کیسز ڈیڑھ لاکھ سے بڑھ گئے، گزشتہ چوبیس گھنٹوں میں پانچ ہزار آٹھ سو اُنتالیس نئے کیسز رجسٹرڈ ہوئے، متاثرہ افراد کی تعداد ایک لاکھ چون ہزار سات سو ساٹھ ہو گئی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دیکھتی آنکھوں اور سنتے کانوں کو طارق عزیز کا آخری سلام، عظیم کمپئیر طارق عزیز چل بسے، طارق عزیز نے ریڈیو پاکستان لاہور سے اپنی پیشہ ورانہ زندگی کا آغاز کیا، اسٹیج شو نیلام گھر نے ان کو شہرت کی بلندیوں پر پہنچا دیا، طارق عزیز نے فلموں میں بھی اداکاری کے جوہر دکھائے، رکن قومی اسمبلی بھی رہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
طارق عزیز نے فن کے شعبے میں گراں قدر خدمات انجام دیں، صدر مملکت ڈاکٹر عارف علوی کا طارق عزیز کے لواحقین سے دلی ہمدردی اور اظہارِ افسوس، وزیراعظم عمران خان کا بھی طارق عزیز کے انتقال پر اظہار تعزیت، کہا، طارق عزیز آئیکون اور ہمارے ٹی وی گیم شو کے بانی تھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ماضی میں اقتدار میں رہنے والی سیاسی قیادت نےعوامی خدمت نہیں کی، انہوں نے صرف اپنے ذاتی مفاد کی خاطر اقتدار کا استعمال کیا، وزیراعظم عمران خان سے کراچی میں پی ٹی آئی اور ایم کیو ایم رہنماؤں کی ملاقات، پی ٹی آئی رہنماؤں نے کہا، سندھ کے اسپتالوں سے سامان غائب کرایا جا رہا ہے، وزیراعظم بولے، اٹھاروویں ترمیم کے دائرہ کار میں رہتے ہوئے اقدامات کریں گے، عمران خان مختصر دورے پر لاڑکانہ پہنچ گئے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چوبیس گھنٹے سے زائد گزرنے کو، راولپنڈی کے علاقے کلیام میں گھی کے گودام میں لگی پر مکمل قابو نہ پایا جا سکا، آگ کی شدت کم ہونے لگی، گودام کا بڑا حصہ زمین بوس ہو گیا، دو درجن سے زائد فائر ٹینڈرز آپریشن میں حصہ لے رہے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لداخ میں بھارت کو ایک اور شرمناک پسپائی، چینی فوج سے جھڑپوں میں کرنل سمیت بیس بھارتی فوجی ہلاک ہو گئے، دس سے زائد بھارتی فوجی لاپتہ، چینی وزارت خارجہ کا کہنا ہے، انڈین فوجیوں نے پروٹوکول توڑا، ہم جھڑپ کے ذمہ دار نہیں، مزید تنازعات نہیں چاہتے، صورتحال اب مستحکم اور قابو میں ہے، اقوام متحدہ کے سکریٹری جنرل کا بھارت چین تنازعات پر تشویش کا اظہار
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مودی کہاں چھپے بیٹھے ہو؟ سامنے آؤ، بہت ہو گیا، اب قوم کو جواب دینا ہو گا، کانگریس رہنما راہول گاندھی پھٹ پڑے، کہا، چین نے ہمارے جوانوں کو مارنے کی جرات کیسے کی؟ چین نے ہماری زمین پر قبضہ کرنے کی ہمت کیسے کی؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی کے مختلف علاقوں میں اعلانیہ اور غیراعلانیہ لوڈ شیڈنگ، نارتھ کراچی، سرجانی، فیڈرل بی ایریا کے علاقوں میں سات گھنٹے تک لوڈشیڈنگ، جیکب لائنز، لائنز ایریا اور اورنگی ٹاؤن کے مخصوص سیکٹرز بھی مختلف اوقات میں بجلی سے محروم
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور میں سلیکٹو لاک ڈاؤن، کورونا کے اکسٹھ ہاٹ اسپاٹس دو ہفتے کیلئے بند، عسکری ٹین، ڈی ایچ اے فیز ون، فائیو اور کیولری گراؤنڈ شامل، قلعہ گجر سنگھ، داروغہ والا، جلو موڑ اور باٹا پور کے علاقے بھی بند، جوہر ٹاؤن، کینال ویو سوسائٹی اور واپڈا ٹاؤن کے علاقے بھی شامل
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اسلام آباد میں کورونا کا پھیلاؤ روکنے کیلئے اقدامات، آئی ایٹ تھری اور فور کو رات بارہ بجے سیل کر دیا جائے گا، آئی ٹین ون اور ،،ٹو،، کو بھی سیل کر دیا جائے گا، پرائیویٹ دفاتر، پارکس بند رہیں گے، گھر سے باہر جانا ضروری ہو تو شناخی کارڈ ساتھ رکھا جائے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گوجرانوالہ میں سابق صدر پی ایم اے ڈاکٹر گلزار احمد کورونا وائرس کے باعث جاں بحق ہو گئے، ڈاکٹر گلزار سینئر چائلڈ اسپشلسٹ تھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈیکسا میتھاسون نامی دوا کورونا مریض کی زندگی بچا سکتی ہے، برطانوی ماہرین صحت کا دعویٰ، کہا، کورونا کیخلاف دوا ایک بڑا بریک تھرو ہے، وینٹی لیٹر پر موجود مریض کی زندگی بچانے کا امکان بھی بڑھ جاتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان میں ایکسپرٹ کمیٹی ڈیکسامیتھاسون دوا کے استعمال پر غور کرے گی، معاون خصوصی ظفر مرزا کہتے ہیں، ڈیکسامیتھاسون کے برطانیہ میں نتائج مثبت آئے ہیں، دوا کے استعمال سے کورونا وائرس سے اموات میں کمی واقع ہو گی، عالمی ادارہ صحت نےکورونا کے علاج میں اسے اہم پیش رفت قرار دیا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اقتصادی رابطہ کمیٹی نے مختلف سپلیمنٹری گرانٹس کی منظوری دے دی، پی آئی اے کو قرضوں پر سود کی ادائیگی کیلئے تین ارب بیس کروڑ روپے کی فراہمی منظور، میڈیا پر کورونا مہم چلانے کیلئے پچاس کروڑ روپے منظور، کورونا سے نمٹنے کیلئے چین سے سات ارب چورانے کروڑ روپے کا سامان خریدنے کی منظوری
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سی پیک کا کام پوری طرح جاری ہے، چیئرمین سی پیک اتھارٹی عاصم سلیم باجوہ نے سی پیک منصوبوں پر سست روی کا تاثر مسترد کر دیا، کہا، بعض گمراہ کن عناصر سی پیک منصوبوں پر سست روی کا جھوٹا تاثر دے رہے ہیں، حالیہ دنوں میں سی پیک منصوبوں پر کام کی رفتار کو تیز کر دیا گیا، سی پیک فیز ٹو کے گراوَنڈ ورک کو مکمل کر لیا گیا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سندھ کے بجٹ میں ٹرانسپورٹ منصوبوں کیلئے بارہ ارب روپے مختص، کراچ ٹھٹھہ ڈبل ٹریک روڈ کیلئے دو ارب سات کروڑ روپے رکھے گئے، ماس ٹرانزٹ کیلئے تین ارب گیارہ کروڑ روپے مختص
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جون میں کورونا بے قابو، صرف سولہ روز میں نواسی ہزار کے قریب کورونا کیسز سامنے آئے، چودہ سو سے زائد اموات رپورٹ ہوئیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نئے کیسز میں پھر پاکستان دنیا میں چھٹے نمبر پر موجود، ایکٹو کیسز میں بھی پاکستان سے صرف پانچ ممالک آگے، گزشتہ روز اموات کے لحاظ سے بھی صرف سات ممالک سے پیچھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان میں کورونا کے کیسز ڈیڑھ لاکھ سے زائد ہو گئے، پہلے پچاس ہزار کیس پچاسی روز جبکہ آخری پچاس ہزار کیسز صرف آٹھ روز میں رپورٹ ہوئے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کورونا پھیلاؤ روکنے کیلئے ملتان کے تین علاقوں کو سیل کیا جائے گا، گجرات کے بھی آٹھ علاقے مکمل بند ہوں گے، سرگودھا کی سات تحصیلوں میں منتخب علاقے سیل، وہاڑی اور بورے والا کے بھی کچھ علاقے سیل کرنے کا فیصلہ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
صوبے میں کورونا پھیلاؤ محدود کرنے کیلئے اسمارٹ لاک ڈاؤن لگایا گیا، وزیر اطلاعات فیاض الحسن چوہان کہتے ہیں، عوام اور کاروباری طبقے کے تعاون کے بغیر کورونا کو شکست دینا ناممکن ہے، مکمل لاک ڈاؤن اور معاشی سرگرمیوں کی بندش غریب عوام کیلئے موت کا پروانہ ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نالائقی، تکبر اور انتقام کی وجہ سے حکومت ناکام ہو رہی ہے، قومی اسمبلی کے بجٹ اجلاس میں رانا ثنااللہ کا اظہار خیال، کہا، کورونا کے پھیلاؤ کو روکنے کیلئے وفاقی حکومت نے کوئی ٹھوس اقدامات نہیں کیے، ڈاکٹر رو رو کر لاک ڈاون ختم نہ کرنے کا مطالبہ کر رہے ہیں، آج ہمارا بجٹ بھی آئی ایم ایف بنا رہی ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چیئرمین اوگرا کام نہیں کر سکتے تو عہدہ چھوڑ دیں، چیف جسٹس لاہور ہائیکورٹ چیئرمین اوگرا کے پیش نہ ہونے پر برہم، ریمارکس میں کہا، اوگرا کی وجہ سے ملک میں پٹرول کا بحران ہے، اوگرا نے بیڑا غرق کیا ہوا ہے، چیئرمین کا عہدہ انجوائے کرنے کیلئے نہیں، ادارے کام نہ کریں تو عدالتوں کو نوٹس لینا پڑتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان کو ڈیڑھ لاکھ کیسز تک پہنچنے میں ایک سو گیارہ روز لگے، امریکہ میں صرف چوالیس روز میں ڈیڑھ لاکھ کیسز رپورٹ ہوئے، برازیل نے ڈیڑھ لاکھ کیسز کا سفر چوہتر روز میں طے کیا، بھارت میں ایک سو ایک دنوں میں ڈیڑھ لاکھ کیسز سامنے آئے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی میں کورونا مریضوں کی تعداد چھیالیس ہزار سے زائد، سات سو تیس افراد زندگی کی بازی ہار گئے، اسلام آباد میں متاثرہ مریضوں کی تعداد نو ہزار سے بڑھ گئی، اموات کی تعداد نوے ہو گئی، لاہور میں اٹھائیس ہزار سے زائد کورونا کے مریض، اموات کی تعداد چار سو ہو گئی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پلازمہ تھراپی کو ابھی کورونا کا علاج تصور نہیں کیا جا سکتا، وزارت صحت کا کہنا ہے، کسی بھی بلڈ بینک یا اسپتال سے پلازمہ خریدنے کے دھوکے میں نہ آئیں، ایف ڈی اے نے اسے صرف ایک تجرباتی علاج قرار دیا ہے، پلازمہ بیچنے یا خریدنے کی ہرگز اجازت نہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عوام کو ریلیف فراہم کرنے کیلئے ماضی کا روایتی طریقہ کار اب نہیں چلے گا، وزیراعلیٰ پنجاب کہتے ہیں، تمام اضلاع میں ترقیاتی فنڈز کی تقسیم کے حوالے سے کوئی امتیاز نہیں برتا جائے گا، عثمان بزدار سے ارکان صوبائی اسمبلی کی ملاقات، حلقوں کے مسائل کے حل پر تبادلہ خیال
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اپوزیشن لیڈر شہباز شریف کی ضمانت میں انتیس جون تک توسیع، لاہور ہائیکورٹ نے نیب کو اپوزیشن لیڈر کی گرفتاری سے روک دیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور ہائیکورٹ نے چودھری برادران کی درخواستوں کو سماعت کیلئے منظور کر لیا، عدالت کا چودھری برادران کی درخواستوں پر نیب کو چھ جولائی کیلئے نوٹس، جواب طلب
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اینکر مرید عباس قتل کیس، ملزم عادل زمان کی دوسرے مقدمے میں بھی ضمانت منظور، عدالت نے رہائی کا حکم دے دیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہم نیوز کی خبر پر پولیس کا ایکشن، کینال روڈ پر گھوڑوں کی ریس لگانے اور ہوائی فائرنگ کرنے والے سات ملزم گرفتار، دیگر ملزمان کی گرفتاری کیلئے چھاپے، سی سی پی او نے اے ایس آئی کو معطل کر دیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ملک کے بیالیس اضلاع میں ٹڈی دل کے خاتمے کیلئے اسپرے، بیالیس لاکھ ایکڑ پر اسپرے کیا جا چکا ہے، ای سی سی نے پنجاب میں ٹڈی دل پر قابو پانے کیلئے دس کروڑ روپے کے فنڈز کی منظوری دے دی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چین نے کوشش کی کہ معاملہ افہام و تفہیم اورگفتگو کے ذریعے حل ہو، وزیر خارجہ شاہ محمود قریشی کہتے ہیں، بھارت نے متنازعہ علاقے میں تعمیرات کا سلسلہ جاری رکھا، بیس سے زائد بھارتی فوجیوں اور افسران کی اموات غیر معمولی واقعہ ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لداخ میں چین کے ہاتھوں بدترین پسپائی پر بھارتی صحافی بھی نریندر مودی کی خاموشی پر بول پڑے، رویش کمار نے کہا، کتنے فوجی مارے گئے، پورا دن کچھ نہیں بتایا گیا، آخر کب تک صحافیوں سے ذرائع کے نام سے خبریں پلانٹ کرائی جائیں گی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دنیا بھر میں کورونا کیسزکی تعداد بیاسی لاکھ اٹھاسی ہزار سے بڑھ گئی، اب تک چار لاکھ چھیالیس ہزارسے زائد افراد جان سے گئے، تینتالیس لاکھ بیالیس ہزارسے زائد افراد صحت یاب
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھارت میں ایک ہی روز میں کورونا سے دو ہزار سے زائد اموات، مرنے والوں کی مجموعی تعداد بارہ ہزار کے قریب، کورونا کیسز ساڑھے تین لاکھ سے بڑھ گئے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
امریکہ میں کورونا کیسز بائیس لاکھ سے بڑھ گئے، مجموعی ہلاکتیں ایک لاکھ انیس ہزار سے زیادہ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کورونا کا علاج، صرف احتیاط، احتیاط اور احتیاط، مہلک وائرس سے خود بھی بچنا ہے، دوسروں کو بھی بچانا ہے، فیس ماسک کا استعمال اور سماجی فاصلے کو یقینی بنائیں، کم ازکم بیس سکینڈ تک ہاتھوں کو دھوئیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کورونا کے وار نے سعودی عرب میں پاکستانیوں سمیت بارہ لاکھ تارکین وطن کی زندگی تاریک کر دی، جدہ انوسٹمنٹ کمپنی کی رپورٹ کے مطابق، مستقبل میں بہت سے شعبوں کی مکمل بحالی کی امید نہیں، ہوٹل، ریستوران، ٹریول ایجنسی اور سیکیورٹی سمیت کئی شعبوں سے بارہ لاکھ تارکین وطن بے روزگار ہوں گے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
متحدہ عرب امارات میں ڈاکٹر کا وقت ضائع کرنے پر ایک ہزار درہم جرمانہ ہو گا، مقرر اپائنمنٹ پر اسپتال جانا لازمی قرار
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فرانس میں ڈاکٹروں اور پیرامیڈیکس اسٹاف کا تنخواہوں میں اضافے کیلئے احتجاج، پولیس کا مظاہرین کے خلاف آنسو گیس کا استعمال، مظاہرین نے گاڑی الٹا کر خود کو آنسو گیس سے بچایا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کورونا سے بچاؤ کیلئے روسی صدر محتاط، وائرس سے حفاظت کیلئے ڈس انفیکشن سرنگ تیار کر لی گئی، روسی صدر سے ملاقات کیلئےآنے والے ہر شخص کو اس سرنگ سے گزرنا پڑے گا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بینک میں شیشے کے دروازے سے ٹکرا کر خاتون کی موت، بھارتی ریاست کیرالہ میں افسوسناک حادثہ، خاتون بینک میں زخمی ہوئی کچھ منٹ بعد اسپتال میں دم توڑ گئی، خاتون اپنی چابی باہر بھول گئی تھی جسے لینے وہ جلدی میں بھاگی تھیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
برازیل میں پندرہ سالہ لڑکے کی پولیس کے ہاتھوں ہلاکت کے بعد پرتشدد مظاہرے پھوٹ پڑے، پولیس کے ساتھ جھڑپوں میں مظاہرین نے بسوں کو آگ لگا دی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
امریکی صدر ڈونلڈ ٹرمپ نے مظاہرین کے آگے گھٹنے ٹیک دیئے، ٹرمپ نے پولیس اصلاحات کے قانون پر دستخط کر دیئے، جارج فلوئیڈ کی ہلاکت کے بعد پولیس میں اصلاحات کے مطالبات زور پکڑنے لگے تھے، ٹرمپ نے کئی بار پولیس ریفارمز کی مخالفت بھی کی تھی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
امریکی ریاست نیو میکسیکو میں مظاہرین کی جانب سے مجسمے ہٹانے کے دوران دو گروپوں میں تصادم، سفید فام شہری نے مجسمہ ہٹانے والے شخص کو گولی مار کر زخمی کر دیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اب آپ واٹس ایپ پر رقوم کی ترسیل اور اشیا کی خریداری پر ادائیگی کر سکیں گے، سوشل میڈیا ایپ نے سب سے پہلے برازیل میں فیچر متعارف کرا دیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ابھی شادی کا کوئی ارادہ نہیں ، فاسٹ باؤلر نسیم شاہ کی ویڈیو لنک پر بات چیت، کہا، کوشش ہے انگلینڈ میں زیادہ سے زیادہ سیکھ سکوں، ان سوئنگ اور آؤٹ سوئنگ بہتر کرنے پر فوکس ہے، ہر میچ میں کم ازکم پانچ آؤٹ کرنے کی کوشش ہو گی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میسی کا پنالٹی پر گول، بارسلونا نے لالیگا کا ایک اور میچ جیت لیا، حریف کلب کو دو صفر سے دھول چٹا دی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کورونا نے روبوٹس کی اہمیت میں مزید اضافہ کر دیا، درجہ حرارت معلوم کرنا ہو یا سینیٹائزرز کی فراہمی، ایئر پورٹس پر پٹرولنگ ہو یا کورونا مریضوں کو ادویات کی فراہمی، دنیا بھر میں روبوٹس، انسانوں کی مدد میں مصروف عمل
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آسٹریلیا کی سرفر نے دنیا کی خوفناک لہروں کو شکست دے کر نئی تاریخ رقم کر دی، خوفناک لہر کو لہروں کی ماؤنٹ ایورسٹ بھی کہا جاتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دولت کے نشے میں محبت کو الواداع کہنے والی الفت کی کہانی، ہم ٹی وی کی میگا ڈرامہ سیریل ’محبت تجھے الوداع‘ کی پہلی قسط آج رات آٹھ بجے نشر کی جائے گی، اداکار زاہد احمد، سونیا حسین اور منشا پاشا ڈرامے کے مرکزی کردار ہیں
یہ بھی پڑھیے
نام ور سرائیکی شاعر مشتاق سبقت انتقال کر گئے
نیشنل پریس کلب کے انتخابات، جرنلسٹ پینل نے میدان مارلیا، اظہر جتوئی صدر منتخب
ملتان یونین آف جرنلسٹس کے سالانہ انتخابات میں "پروفیشنل جرنلسٹس گروپ” نے میدان مار لیا،