پاکستان سمیت دنیا بھر سے آج کی خبریں، مختصر مختصر

۔۔۔۔۔۔۔۔۔۔

کورونا کا معیشت پر شدید دباؤ، ترقی کی شرح منفی میں چلی گئی، رواں مالی سال جی ڈی پی گروتھ منفی صفر اعشاریہ چار فیصد رہی، وفاقی حکومت نے اقتصادی سروے جاری کر دیا، رواں مالی سال بجٹ اہداف حاصل نہ ہو سکے، صنعتی ترقی کی شرح بھی منفی میں چلی گئی، دس ماہ میں مہنگائی کی شرح گیارہ اعشاریہ دو فیصد رہی، فی کس آمدنی میں سو ڈالر کی کمی، ایک ہزار تین سو پچپن ڈالر ہو گئی، زراعت، مینو فیکچرنگ، چھوٹے کاروبار سمیت بڑی صنعتوں کی ترقی کی شرح اندازے سے کم رہی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا کے باعث ملکی معیشت کو تین ہزار ارب روپے کا نقصان، قومی آمدنی میں ساڑھے تین فیصد کی کمی ہوئی، ٹیکس وصولیاں ساڑھے سات سو سے آٹھ سو ارب روپے کم ہوئیں، مشیر خزانہ ڈاکٹر عبدالحفیظ شیخ  کہتے ہیں، کورونا سے پہلے پاکستانی معیشت تین فیصد کی شرح سے بڑھنے کی توقع تھی، وائرس کے اثرات پر کوئی نمبر لگانا اتنا آسان نہیں، ایف بی آر ٹیکسوں سے تین ہزار نو سو ارب روپے حاصل ہوں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وفاقی حکومت کا نئے مالی سال کے بجٹ میں نیا ٹیکس نہ لگانے کا اعلان، ڈاکٹر عبدالحفیظ شیخ نے کہا، ملکی تاریخ میں پہلی بار آمدنی اور اخراجات متوازن رہے، پانچ ہزار ارب روپے کے قرض واپس کیے گئے، پہلی بار پورے سال میں اسٹیٹ بینک سے کوئی قرض نہیں لیا گیا، بیس ارب ڈالر کا کرنٹ اکاؤنٹ خسارہ کم کر کے تین ارب ڈالر پر لے آئے، براہ راست بیرونی سرمایہ کاری ایک سو سینتیس فیصد بڑھی، مئی جون میں ایکسپورٹ بڑھیں گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مشیر خزانہ ڈاکٹر عبدالحفیظ شیخ کہتے ہیں، رواں مالی سال پاک فوج کے بجٹ میں اضافہ نہیں کیا، فوج کا بجٹ منجمد کرنے پر جنرل قمر جاوید باجوہ کے مشکور ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مکمل لاک ڈاون سے ملک میں ایک کروڑ پچاسی لاکھ افراد بے روزگار ہوں گے، درمیانے لاک ڈاؤن سے ایک کروڑ تئیس لاکھ افراد کا روزگار جائے گا، نرم لاک ڈاؤن سے چودہ لاکھ افراد کا روزگار جائے گا، وفاقی وزیر خسرو بختیار کہتے ہیں، موجودہ حالات میں عوام اور کاروبار پر زیادہ بوجھ نہیں ڈال سکتے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیراعظم کی زیر صدارت کورونا کی صورتحال پر اجلاس، وائرس کے پھیلاؤ پر بریفنگ، وینٹی لیٹرز کی فراہمی سے بھی آگاہ کیا گیا، ایس او پیز، طبی عملے کو دی جانے والی حفاظتی کٹس پر بھی بات چیت

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اپوزیشن لیڈر شہباز شریف کا کورونا ٹیسٹ مثبت آ گیا، مریم نواز کہتی ہیں، شہباز شریف کورونا سے متاثر ہوئے، اپوزیشن لیڈر کو جان بوجھ کر خطرے سے دوچار کرنے والوں کو جواب دینا ہو گا، سلمان شہباز نے کہا، والد کو کچھ ہوا تو عمران خان، چیئرمین نیب اور شہزاد اکبر پر ایف آئی آر کرائیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ن لیگ کی اگلی پوری صف کورونا کی لپیٹ میں آچکی ہے، خزاں کے پتوں کی طرح کورونا سے انسانی جانیں جائیں گی، خواجہ آصف کی حکومت  سے وبا پر سیاست نہ کرنے کی استدعا، کہا، اندازے کے مطابق صرف لاہور میں تیس لاکھ کے قریب کورونا کیسز ہیں، ہمارے ہاں حالات نہیں تھے پھر بھی لاک ڈاؤن کھولا گیا، خواجہ آصف کا ماسک اور دستانوں کے بغیر کورونا پر طویل خطاب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملک بھر میں چوبیس گھنٹوں میں کورونا کے چھ ہزار کے قریب کیسز رپورٹ، کراچی سے ایک ہی روز میں سب سے زیادہ کیسز کا ریکارڈ، پہلی بار چوبیس گھنٹوں میں کراچی سے دو ہزار سے زائد کیسز رپورٹ ہوئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملک میں کورونا سے چوبیس گھنٹوں میں ایک سو ایک اموات، مرنے والوں کی مجموعی تعداد دو ہزار تین سو چھپن ہو گئی، کیسز کی تعداد ایک لاکھ اُنیس ہزار پانچ سو چھتیس ہو گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سندھ سے ایک روز میں کورونا کے تین ہزار سے زائد کیسز رپورٹ،  اب تک صوبے میں سات سو چھہتر افراد چل بسے، وزیراعلیٰ مراد علی شاہ کہتے ہیں، کراچی سے سوچ سے بھی زیادہ کیسز سامنے آئے، اب بھی عوام صورت حال نہ سمجھ پائی تو حالات بہت خراب ہو جائیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پنجاب میں استعمال ہونے والی سرکاری کورونا کٹس کے نتائج تسلی بخش نہیں، ڈی جی فرانزک سائنس ایجنسی ڈاکٹر طاہر اشرف کا انکشاف، کہا، جو کٹس فراہم کی گئیں، ان کے نتائج پر تحفظات ہیں، ایک ہفتے سے کٹس نہ ہونے کے باعث ٹیسٹ نہیں ہو رہے، ڈبلیو ایچ او کی تجویز کردہ کٹس استعمال کریں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی کے سائٹ ایریا کی گارمنٹس فیکٹری میں آگ آٹھ گھنٹے بعد بھی بجھائی نہ جا سکی، دو اسنارکلز، باؤزرز اور آٹھ گاڑیاں آگ بجھانے میں مصروف، ملازمین کو نکال لیا گیا، پاک بحریہ کی ٹیم بھی امدادی کارروائیوں میں شامل

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

غربت کے شکار افراد تک امداد کیسے پہنچائی جائے، وزیر اعظم عمران خان نے بھارت کو کیش ٹرانسفر پروگرام کے حوالے سے مدد کی پیشکش کر دی، کہا، ایک رپورٹ کے مطابق بھارت میں چونتیس فیصد گھرانے اضافی امداد کے بغیر ایک ہفتہ بھی نہیں گزار سکتے، ہماری حکومت نے کامیابی سے 9ہفتوں میں ایک سو بیس ارب روپے مستحقین میں تقسیم کیے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

حکومت کا کوئی رخ اور کوئی سمت نہیں ہے، ہم سے قیمت وصول کرلیں لیکن خدا کیلئے کچھ کام تو کریں، خواجہ آصف کی وفاقی حکومت پر کڑی تنقید، کہا، اوگرا سو رہا ہے اور پٹرول پمپس پر قطاریں لگی ہیں، جہانگیر ترین لندن چلے گئے، حکومتی بنچوں پر خاموشی چھائی رہی، زلفی بخاری کا نجکاری کے عمل میں شامل ہونا سوالیہ نشان ہے؟ گرفتاریوں سے مسائل حل ہوتے ہیں تو ہم خود تھانے چلے جاتے ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

حکومت گرانے کی دھمکی کے باوجود کمیشن بنایا گیا، چینی کمیشن کا کریڈٹ عمران خان کا ہے، مشیر پارلیمانی امور بابر اعوان کا قومی اسمبلی میں اظہار خیال، کہا، اداروں کی نجکاری شفاف اور قانون کے مطابق ہو گی، کورونا وبا پر سیاست ہوئی جو اچھی روایت نہیں تھی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

آئی ایم ایف چار ہزار نوسو پچاس ارب روپے ٹیکس وصولی کے ہدف پر رضا مند، تمام شعبوں پر سیلز ٹیکس استثنیٰ ختم کرنے پر زور، نان فائلرز کیلئے ٹیکس کی شرح میں اضافہ کرنے کا فیصلہ، غیرملکی کرنسی کے لین دین پر ود ہولڈنگ ٹیکس عائد کرنے کی تجویز، بجلی کے بلوں میں ود ہولڈنگ ٹیکس کی سلیبز بڑھا کر تین کرنے کی تجویز

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان میں گدھوں کی تعداد بڑھ گئی، اقتصادی سروے کے مطابق، ملک میں گدھوں کی تعداد میں ایک لاکھ کا اضافہ ہوا، مویشیوں کی تعداد اٹھارہ لاکھ بڑھی، بھینسوں، بھیڑوں، بکریوں کی تعداد میں بھی اضافہ ہوا، اونٹ، گھوڑے اور خچر کی تعداد میں اضافہ نہیں ہوا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

توشہ خانہ ریفرنس میں نوازشریف کے ناقابل ضمانت وارنٹ گرفتاری جاری، دفتر خارجہ کو برطانیہ میں پاکستانی سفارتحانے کے ذریعے وارنٹس کی تعمیل کا حکم، سابق صدر آصف زرداری کی حاضری سے استثنیٰ کی درخواست منظور، یوسف رضا گیلانی کی حاضری سے مستقل استثنیٰ کی درخواست پر نیب کو نوٹس

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

رمضان شوگر ملز ریفرنس میں شہباز شریف اور حمزہ شہباز پر فرد جرم عائد نا ہو سکی، حمزہ شہباز عدالت میں پیش، شہباز شریف کورونا کے باعث پیش نہ ہوئے، احتساب عدالت لاہور نے سماعت یکم جولائی تک ملتوی کر دی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چینی ستر روپے کلو فروخت کی  جائے، اسلام آباد ہائی کورٹ کا حکم، عدالت نے حکومت کو دس روز کیلئے شوگرانکوائری کمیشن کی رپورٹ پر کارروائی سے روک دیا، چیف جسٹس اطہر من اللہ نے ریمارکس میں کہا، عام عوام کا مسئلہ حل نہیں کیا گیا، جس مقصد کیلئے کمیشن بنا تھا وہ ایڈریس ہی نہیں ہوا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سستا پیٹرول کہاں گیا؟ کراچی، لاہور سمیت ملک کے کئی شہروں میں پٹرول کی قلت، سپلائی میں تعطل کے باعث کئی پٹرول پمپ بند، پٹرول کے حصول کیلئے شہری سخت گرمی میں قطاروں میں کھڑے ہونے پر مجبور

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا، آٹا، چینی اور پٹرول بحران ہے، یہ کیا ہورہا ہے؟ پشاور ہائیکورٹ کے جسٹس قیصر رشید کا وفاقی حکومت سے استفسار، کہا، حکومت معاملے پر رسپانس کیوں نہیں کر رہی؟ عوام تکلیف میں ہیں حکومت بے فائدہ اجلاس کررہی ہے، چیئرمین نیب کی کارکردگی سے ہم خوش نہیں، عدالت  کی تین روز میں بحران ختم کر کے رپورٹ جمع کرنے کی ہدایت

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پٹرول کے دس روز کے ذخائر موجود ہیں، وزیر توانائی عمر ایوب کہتے  ہیں، تمام متعلقہ ادارے مافیا کے خلاف متحرک ہیں، پہلی بار تاریخ میں مختلف مافیاز کیخلاف پی ٹی آئی حکومت کارروائی کررہی ہے، عوام کو ہر طرح سے سہولیات فراہم کرنا حکومت کی اولین ترجیح ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مہنگائی سے تنگ عوام کیلئے ایک اور بُری خبر، لاہور میں نان بائیوں کا  روٹی اور نان کی قیمت میں اضافے کا فیصلہ، سو گرام سادہ روٹی آٹھ روپے کی کر دی گئی، ایک سو بیس گرام کا نان پندرہ روپے میں ملے گا، وزیراعلیٰ پنجاب عثمان بزدار کہتے ہیں، کسی کو قیمتیں نہیں بڑھانے دیں گے، مقرر کردہ نرخوں سے زائد وصول کرنے والوں کیخلاف کارروائی ہو گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان میں جون کے پہلے دس روز خطرناک ثابت  ہوئے، دس روز میں چھیالیس ہزار سے زائد کورونا کیسز رپورٹ ہوئے، آٹھ  سو سے زائد افراد لقمہ اجل بنے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سندھ میں دس سال سے کم عمر ایک ہزار سات سو بارہ بچے کورونا سے متاثر ہیں، ترجمان سندھ حکومت مرتضیٰ وہاب کے مطابق، کورونا سے اب تک چار بچے زندگی کی بازی ہار چکے ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا مریضوں کیلئے ملک بھر میں پچیس ہزار سات سو تیس بیڈ مختص،  چودہ سو وینٹی لیٹرز، پانچ ہزار چار سو تینتیس بیڈ کے ساتھ آکسیجن کی سہولت موجود، ملک بھر میں تین سو اڑسٹھ وینٹی لیٹرز پر کورونا کے مریض موجود، این ڈی ایم اے نے اڑتالیس گھنٹوں میں پچیس پورٹ ایبل وینٹلی لیٹرز کراچی بجھوا دیئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پنجاب میں کورونا مریضوں کیلئے تین سو ستاسی وینٹی لیٹرز دستیاب، سندھ میں تین سو چونتیس، خیبر پختون خوا میں تین سو تیرہ، بلوچستان میں چھتیس، اسلام آباد میں نوے، گلگت بلتستان میں پانچ، آزاد کشمیر میں تینتالیس وینٹی لیٹر، بلوچستان، گلگت بلتستان اور آزاد کشمیر میں کوئی مریض وینٹی لیٹر پر نہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان میں ایک روز میں ریکارڈ چھبیس ہزار پانچ سو سے زائد کورونا ٹیسٹ کیے گئے، مثبت ٹیسٹ کی شرح بائیس فیصد رہی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

صوبوں کو پندرہ جولائی تک تمام امتحانات کے التوا کے فیصلے پر عمل  کی ہدایت، وزیر تعلیم شفقت محمود کہتے ہیں، پندرہ جون سے جولائی تک صرف آن لائن امتحانات لیے جا سکیں گے، طلبا کے ممکنہ اجتماعات سے گریز کیا جائے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزارت صحت اور سائنس و ٹیکنالوجی کے درمیان معاہدہ، وفاقی وزیر فواد چودھری کہتے ہیں، پاکستان پی پی ایز دوسرے ممالک کو بھی فراہم کر سکے گا، ہمیں دس کروڑ ڈالر کے ایکسپورٹ آرڈرز موصول ہو چکے، ڈاکٹر ظفر مرزا نے کہا، کورونا کیخلاف ہر ممکن کوشش کر رہے ہیں، حالات کا مقابلہ کرتے ہوئے صحت کے شعبے کو بہتر بنائیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

انسانوں کے بعد جانوروں میں کورونا وائرس پھیلنے کا خوف، لاہور کی ویٹرنری یونیورسٹی نے پالتو جانوروں کے کورونا ٹیسٹ کی سہولت، یونیورسٹی میں اب تک دو بلیوں اور ایک کتے کا کورونا ٹیسٹ کیا گیا، تینوں پالتو جانوروں کا ٹیسٹ منفی آیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اگر بھارت نے کوئی حماقت کی تو منہ توڑ، بھرپور اور فی الفور جواب دیں گے، وزیرخارجہ شاہ محمود قریشی نے ایک بار پھر خبردار کر دیا، کہا، بھارت کی دھمکیوں سے کشمیریوں کی حمایت سے پیچھے نہیں ہٹیں گے، مودی بتائیں لداخ میں کیا ہو رہا ہے؟ بھارتی میڈیا کیوں خاموش ہے؟ پاکستان  خطے میں امن و استحکام کا خواہاں ہے، ہم افغان امن عمل کو آگے بڑھانے پر توجہ مرکوز کیے ہوئے ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

میرا نام کشمیر ہے، جہاں بار بار قتل عام ہوتا ہے اور موت میری پہچان بن گئی ہے، ترکی کی حکمران پارٹی کے رہنما، نے، مقبوضہ کشمیر میں بھارتی مظالم، دکھانے کیلئے نیا نغمہ جاری کر دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 امریکہ کا بھارت میں مذہبی آزادی پر شدید تشویش کا اظہار، امریکی سفیر سیموئیل براؤن کہتے ہیں، بھارت میں حالات تبدیل نہ ہوئے تو تشدد میں اضافہ ہوسکتا ہے، مذہبی اقلیتوں کو کورونا کا ذمہ دار ٹھہرانا کسی طور پر درست نہیں۔،بھارت میں کورونا پر اقلیتوں کے ساتھ سلوک کو دیکھ رہے ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ٹڈی دل کے حملوں سے ملک کے اکاون اضلاع میں فصلیں متاثر، کپاس، گنا، چارے کی فصلیں تباہ، ملک بھر میں باغات کو بھی نقصان پہنچا، وفاقی وزیر خوراک سید فخر امام کہتے ہیں، ٹڈی دل سے رواں سال نقصان خاصا بڑھتا نظر آرہا ہے، ایران سے ایک دو ہفتوں میں مزید ٹڈی دل آ سکتے ہیں، اب تک آٹھ ہزار ہیکٹر پر اسپرے کر چکے ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 امریکہ کی کئی ریاستوں میں پرتشدد مظاہرے، ریاست ورجینیا میں کرسٹوفر کولمبس کے مجسمے کو گرا کر آگ لگا دی گئی، میساچوسٹس کے شہر بوسٹن میں کولمبس کے مجسمے کا سر اتار دیا گیا، بیلجیم میں بھی کنگ لیوپولڈ دوم کے مجسمے کو جلا کر سرخ رنگ کا اسپرے کر دیا گیا، برطانوی ملکہ وکٹوریا کے مجسمے پر قاتل اور غلاموں کی ملکہ کے الفاظ تحریر

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا میں چوہترلاکھ ستاسی ہزارسے زائد افراد میں کورونا کی تشخیص، چار لاکھ انیس ہزار سے زائد اموات، اڑتیس لاکھ سے زائد افراد صحت یاب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکہ میں کورونا کیسز بیس لاکھ چھیاسٹھ ہزار سے بڑھ گئے، ہلاکتیں ایک لاکھ پندرہ ہزار سے زائد، صرف نیویارک میں تیس ہزار سے زائد اموات اور چار لاکھ سے زائد کیسز

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چین کورونا سے بچاؤ کی ویکسین بنانے کے قریب، ویکسین کا ایک ہزار انسانوں پر تجربے کا آغاز کر دیا گیا، چینی ماہرین  کے مطابق، کورونا ویکسین کے بندروں پر تجربات کے حوصلہ افزا نتائج ملے ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 امریکی صدر نے کورونا وبا کے باوجود انتخابی ریلیوں کا اعلان کر دیا، امریکہ میں وبائی صورت حال کی وجہ سے ریلیوں پر پابندی عائد کی گئی تھی، ٹرمپ نے پابندی ختم کرتے ہوئے اوکلوہاما میں پہلی انتخابی ریلی کا اعلان کر دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ناروے کی مسجد پر حملہ کرنے والے ملزم کو اکیس سال قید کی سزا سنا دی گئی، اکیس سالہ ملزم نے مسجد میں داخل ہو کر فائرنگ کی تھی، مسجد میں موجود نمازی نے اسے دبوچ لیا تھا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکہ میں پولیس چہرے کو شناخت کرنے والی ٹیکنالوجی کا استعمال نہیں کر سکے گی، ایمازون کمپنی نے ایک سال کیلئے سافٹ وئیر کے استعمال پر پابندی لگا دی، کمپنی کو سیام فام شہری کی ہلاکت کے بعد غلط شکلوں کے میچ سے ناجائز گرفتاریوں کا خدشہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لاک ڈاؤن میں نرمی کے بعد سیروسیاحت کی سرگرمیاں بحال، امریکی ریاست کیلیفورنیا میں ڈزنی تھیم پارک جولائی میں کھولا جائے گا، محدود تعداد میں شہریوں کو آنے کی اجازت ہو گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

یورپی یونین کا فیس بک، ٹوئٹراور گوگل سے جعلی خبریں روکنے کا مطالبہ، خارجہ پالیسی کے سربراہ نے روس اور چین کو غلط معلومات پھیلانے کا مورد الزام ٹھہرایا، کہا، مقصد کورونا اقدامات کو نقصان پہنچانا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دورہ انگلینڈ میں کون کون کھیلے گا؟ قومی سلیکشن کمیٹی کا اجلاس طلب، ٹیسٹ کپتان اظہر علی کہتے ہیں، انگلینڈ کی سیریزمیں دباؤ ہو گا، یونس خان کے تجربے سے فائدہ اٹھانے کی کوشش کریں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان کے پہلے سپراسٹار سنتوش کمار کو دنیا چھوڑے اڑتیس برس بیت گئے، سنتوش کمار نے اسی سے زائد فلموں میں اداکاری کے انمٹ نقوش چھوڑے، پاکستان کی پہلی سلور جوبلی فلم میں کام کرنے کا اعزاز

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکہ میں آسکر ایوارڈ یافتہ  فلم ‘گون ود دی وِنڈ‘ کی اسٹریمنگ روک دی  گئی، نسل  پرستی کے الزامات کے باعث ایچ بی میکس اسٹریمنگ نے فلم  پر پابندی لگائی

ویب ڈیسک

See author's posts