ماہی دا ملخ ھِ وسدا پے میکوں اپنڑے اظہار دی سخت لوڑھ اے میں ہتھ پیر مریندا وداں ایں واسطے ملک صہیب دا مہمان بنڑیا بیٹھاں ملک اقبال جھرڑ ملک کھنڈے دا بال اے سوہرا پٹواری ہس ساڈے موضع کوٹلی خداٸی تعینات ھِ
بھرا امام بخش اوور سیٸر ہِس اقبال صیہب دے چہرے تے جوانی دی رت ھٸی لیکن ملک حسن دے اگوں ٹھہل نا سگدا ہا ملک صیہب آنونڑ سیتی میڈی گوپانگیں والی وردی ڈیکھ تے آکھیس کہیں شریف دا مہمان جو تھیا لباس وی شریفانہ ہووے
ہنڑ تاں ایویں لگدا بیٹھیں جیویں ملک صیہب کنوں بھنگا منگنڑ آیا بیٹھا ہوویں اساں چرک تک جاگدے رہ گٸے پنج سالیں دا حال ہا ہکی رات وچ نا مکدا ہا
میں اپنڑی مطلب دی گالھ کر تے بستہ ٹھپینداں میکوں اقبال جھرڑ آکھیا میڈا سوہرا اہدے تیڈے یار دا پیو سردار خدا بخش خان پورے موضع وچ سب کنوں وڈا زمیندار اے
تیڈا یار ہوندا کلہا پتر اے اگوں پڑھدا کیوں نٸیں میں آکھیے جھرڑ صیہب ابا نئیں منیدا کھلییں والی سہاگ رات دا حال ڈتم تے آکھیم Jv پی ٹی سی وچ داخلے دا پیکج گھن آیاں نال تھی اوں آکھیے منٹ مرینداں بھرا امام بخش یار اے ممتاز خوجے دا او پرنسپل ھ پی ٹی سی ادارے دا ملک اقبال جھرڑ دی وجہ کنوں میڈی زندگی ہک اہم موڑ مڑ گئی
اتھاں آتے میکوں پتہ لگا عزیز شاہد ایں سکول اچ ڈرائنگ ماسٹر ھ میں نہال تھی گیم
اے وی پڑھو:جیون پوتھی (2)۔۔۔ صوفی تاج گوپانگ
جاری ہے۔۔۔۔
یہ بھی پڑھیے
”کوئی خواب میکوں اُدھارا نہ ݙیویں“ (وسیب یاترا :12)||سعید خاور
”بدن دی بھوئیں تے مُونجھ دا متام“ (وسیب یاترا :11)||سعید خاور
””سندھو سکرات وِچ اے“ (وسیب یاترا :10)||سعید خاور