پورے وسیب کیتے ہک وڈی تیں چنگی خبر۔اکبر خان ملکانی

ذندگی اچ اج پہلی واری سرائیکی لکھاری۔دانشور محقق۔شاعر۔قیدی تخت لاہور دے خالق سردار عاشق خاں بزدار نیں میڈی ہک پوسٹ دے جوابی پوسٹ اچ میڈے عمل کوں۔میڈے کم کوں۔میڈی محنت کوں بھرپور خراج پیش کیتے۔اور نال اے وی لکھیئے۔جواساں اپت اچ چھوٹے لادے ہک بے دے گھاٹے بٹ یار ہیں۔اے کوڑ یا سچ ھوندا اے۔ میکوں نئیں پتہ اے گالہیں اندرلے

عاشق خاں نیں لکھین یا بارہرلے عاشق خاں نیں لکھین۔اے تیں چنگاں او آپ ای ڈس سگدے۔بحر حال عاشق خاں دی طرفوں میڈے کم کوں سرھانونڑ ۔اے جیڈی وڈی محبت دا اظہار کرنڑ۔اے وی اوں ویلھے جیلھے آساں ڈوہیں قبر کنیں صرف ڈو گز تلی پرو بھرے بیٹھے ہیں۔عاشق خاں دے ایں محبت تیں تعریف لکھنڑ تیں میں ہنڑ وی اے جیڈا وڈا پریشان اں۔جیندی کوئی انتہا نئیں۔کیا اے حقی حق عاشق خاں نیں میڈے کم کوں میڈی محنت کوں تسلیم کیتے یا میڈے نال مذاق کیتے۔اے تیں چنگاں او آپ ای ڈس سگدے۔بحر حال ہیں عاشق خاں دی جوابی پوسٹ نیں میڈے اندرو ہک کھلبلی ہلچل ضرور مچا ڈتی اے جو شئیر میں چنگاں لکھداں ھوساں۔اے جیڈی وڈی سند جو ملدی پئی اے۔

چلو خیر ھووس حیاتی ھووس۔بچیں دی عمر دراز ھووس۔مہرے آلے دی خیر ھووس۔اڑے پاڑے دی خیر ھووس۔مہرے آلے دی گلی گلی تھلی تھلی دی خیر ھووس۔مرحوم سردار چاچا غلام فرید خاں بزدار تیں کوڑو خاں بزدار دے بوھڑ آلے مقان تکیہ بہار شاہ دی خیر ھووے۔جتھاں ساری ذندگی مہرے الے دے لوکیں کوں سر کجنڑ دی چھت چھاں ملدی رہ ویندی اے۔ جتھاں مہرے آلے دے تھکے ترٹے لوک غریب غربا درویش فقیر فقرا سہی سپی ان کڈھدن۔ دنیاوی شور غر غاپے کنوں جان چھڑا ہک ڈوجھے نال حال حویلے ونڈنڑ لیوں ایں پپل بوہڑ دا آسرا کر اپڑیاں رام کہانیاں ہک بے نال بہہ ونڈیدن ۔تہوں اوں تکیہ بہار شاہ الے پپل بوھڑ دی خیر ھووے۔جتھاں پیو پتر کٹھے آرام فرما ان۔قصور دی خیر ھووے۔یاسر دی خیر ھووے۔درویش خاں دے بالیں دی خیر ھوووے۔کوڑو خاں دے بالیں دی خیر ھووے۔ذلفو خاں تیں ذلفو خاں دے بالیں دی خیر ھووے۔مرحوم لیاقت خاں دے بالیں دی خیر ھووے۔ نزاکت خاں تیں نزاکت خاں دے بالیں دی خیر ھووے۔پوری لگدی برادری حق ہمسائیں دی خیر ھووے۔منور خاں بزدار تیں آؤندے بچیں دی خیر ھووے۔جنید خاں بزدار دی خیر ھووے۔ اقبال بزدار ھوٹل آلے دی خیر ھووے۔جام حضورن دی خیر ھووے۔جام مرید دی خیر ھووے۔سرور اعوان دی خیر ھووے۔بلال مسن دی خیر ھووے۔رزاق سالک دی خیر ھووے۔استاد مستری مرید حسین دی خیر ھوووے۔جتھ وی ھ جتھاں وی ھ اوں مرید شاھد دی خیر ھووے۔ڈاکٹر عباس دی خیر ھووے۔استاد حکیم جیرھا ہنڑ وی کوڑو خاں دے جھٹکے ڈیندے آوندی خیر ھووے۔جام نزیر برڑہ ھوٹل آلے دی خیر ھووے۔یسین دائے دی خیر ھووے۔فخرو ماچھی دی خیر ھووے۔امیر بخش پراہیں دی خیر ھووے۔جمعے بٹھی رسان دی خیر ھووے۔مہرے آلے دی ہک انچ انچ زمین دی خیر ھووے۔ہنڑ دا تیں میکوں پتہ کئینی او ایں گالھوں جو جڈاں دا کوڑو خاں بزدار موئے۔صرف او نئیں مویا جگ جہان کوں ماری گئے۔پورے مہرے آلے کوں ماری گئے۔ بلکہ ایں کیوں نہ اکھاں جو اپڑیں نال ساری سنگت کوں ماری گئے۔ساڈے سنگ سنگتیں دے ایں نکھڑین کہیں کوں ہک بے دا پتہ آی نہیں رھ گیا۔کوئی پتہ نئیں مہرے آلے دا ڈاکٹر افتخار خاں بزدار کتھاں اے۔واجد خاں بزدار کتھاں اے۔مختیار قیصر خاں بزدار کتھاں اے۔اسد خاں گوپانگ کتھاں اے۔مالک لغاری کتھاں اے۔خادم حسین خاں گشکوری کتھاں اے۔عبدالطیف بھٹی کتھاں اے۔ملک سجاد ماڑھا کتھاں اے۔پیلا خاں گلفاذ کتھاں اے۔عنصر بخآری کتھاں اے۔۔مرید شاھد کتھاں اے۔جمیل شاہ بخآری کتھاں اے۔حسنات شاہ کتھاں اے۔سمیع مجاز کتھاں اے۔مسیع اللہ خاں گوچانی کتھاں اے۔۔عزیز شاھد کتھاں اے۔ریاض عصمت کتھاں اے۔سعید خاں احمدانی کتھاں اے۔منظور ٹھلا کتھاں اے۔ماسٹررسول بخش خاں راگڑی کتھاں اے۔ڈاکٹر عباس کتھاں اے۔استاد حکیم کتھاں اے۔رزاق سالک کتھاں اے۔سرور اعوان کتھاں اے۔سیفی نارو کتھاں اے۔فاروق کھوکھر کتھاں اے۔پتہ نئیں ایویں بے وی ڈھیر بھلیئے چکیئےدوست ان جنہیں دا کوئی اتہ پتہ نئیں او کتھاں ان۔
رل گئی رعیت کہیں دی میت۔کرگئین دفن اگیریں۔۔۔۔۔۔۔۔۔۔۔۔
او وی ہک زمانہ ھا جڈاں مہرے آلا مکے مدینے دے جھٹکے ڈیندا ھا۔مہرے آلے محبت دے درس ملدے ھن ۔لوک مہرے آلے ثواب سمجھ کیں آندے ھن۔مہرے آلا کہیں کوں اوپرا شھر نہ لگداھا۔ہر دوست آپ کوں مہرے آلے دا بھائیوال سمجھدا ھا۔ اے مہرے آلے کوں شرف حاصل اے۔کہیں سیاسی غیر سیاسی یا شادی غمی اچ عاشق خاں نیں ایں گال کوں یقینی بنڑایا ھویا اے۔ جو اعلی کلاس کنوں گھن بی سی کلاس تک لوک لوک مہرے آلے دے ڈکھ سکھ اچ شریک تھیندے ھن ۔ صدر اے ممکت۔وزیر اعظم کنیں گھن سپیکر۔ڈپٹی سپیکر۔چھوٹے وڈے سارے وزیر عاشق خاں کوں ملنڑ مہرے آلے ضرور اندے ھن۔اے وی عاشق خاں یکا ہر جاہ تیں اہدا رہ ویندے ۔۔۔۔۔۔۔۔۔۔۔۔۔
کل وی اکھیم دھرتی ربدی۔دھرتی سب دی۔
اج وی اہداں اچی جھکی ذات دا کوڑا قصہ۔۔۔۔۔۔ ۔۔۔۔۔۔۔۔۔۔۔۔

ہر کہیں دا ھ ہکو جیہاں۔ کائینات اچ حصہ۔۔۔۔۔۔
۔ عاشق خاں نیں مہرے آلے کوں ہک سنجانڑ ڈتی اے۔شناخت ڈتی اے۔صدیں تک جتھاں مہرے آلے دا ناں اوسی۔یاسرائیکی تحریک دا ناں اوسی ۔اتھاں عاشق خاں دا ناں ضرور اوسی ۔جیویں عاشق خاں ہک تاریخ رکھدے انویں مہرے آلا وی ہک تاریخ رکھدے۔جتھاں ساری زندگی خدا دی خدائی کوں محبت دین اے۔محبت ایمان اے دا درس ملدے۔جتھاں عاشق خاں دی لکنت الوونڑ الی رکدی ھوئی ذبان کوں سنڑنڑ سانگے پورے جگ جہان دے مہان کٹھے تھیندن۔سرائیکی مسئلے دی سوجھ بوجھ وی مہرے آلے کنیں شروع تھئی اے تیں اجاں تک ونج ویندڑ اے۔جڈاں موئرخ سرائیکی تحریک دی تاریخ مرتب کریسی۔استاد فدا حسین گاڈی۔سرور کربلائی ۔بنگلہ کورائی۔مہرے آلے دے ناں کوں یقینن سر فہر ست مکھ پنیں تیں ضرور لکھسی۔تحریک کیتے مہرے آلے کنوں لیزرشعائیں دے ذریعے جیرھی روشنی پھیلائی گئی ھئی۔یا جیرھا چوپا لایا گیاھا۔اوھو اج پک تیں جوان تھی گئے۔بیشک رادھی رڑھ۔پکی فصل تیں لئیہار ہنڑ ڈھیر تھی کیں ا گئین۔جیرھی اے وی چلو بہوں چنگی گال اے اور خوشی دی گال اے۔عاشق خاں ساڈا اوں ویلھے دا یار اے۔جڈاں اے دیر ے کالج اچ پڑھدا ھا۔ایندے کولھو ہک سکوٹر ھوندا ھا۔ھوں ویلھے سائیکل موٹر پہلے تیں ھن کئیناں۔اگر ھن وی سہی کتھائیں ڈو چار بندیں کنوں ھوسن جیرھے میں کتھائیں کڈاہیں نہ ڈٹھے ھن۔صرف سکوٹر ھوندے ھن۔او وی بخت الیں یا صاحب اے حیثیت لوکیں کنوں ھوندے ھن۔اے اوں ویلھے عاشق خاں ساڈا یار بنڑیا ھا۔جڈاں اے سئیں مرحوم سرور کربلائی۔مرحوم محسن نقوی۔مرحوم رانا امام بخش اترا دا یار ھوندا ھا۔ اے اوں ویلھے دیاں گالہیں ان جڈاں پیپلز پارٹی دے خدو خال ودے بنڑدے ھن۔میں عاشق خاں۔مرحوم جام تاج برڑہ ھالا کنونشن دے مندوب وی ھاسے۔اوں ویلھے عاشق خاں دی ساڈی جانڑ سنجانڑ کئیناں ھوندی ھئی
اوں ویلھے آساں بشیرالدین سالار۔منظور خاں لنڈ۔رمضان خالد خاں برمانی۔حمید اصضر شاہین دے نال ھوندے ھاسے۔ملتان وی اکثر میں عاشق خاں دے خرچ اخراج تیں کٹھے ویندا ھاسے۔شبروز ھوٹل تیں رہندے ھاسے۔ مسیع اللہ خاں جامپوری ایندا بہوں وڈا یار ھوندا ھا ہنڑ وی ھ پیا۔ او اینکوں چھیکویں مندے کڈھدا ھا۔اور او ایندے نال بہوں فری ھوندا ھا۔۔اوں ویلھے عاشق خاں دی شادی کئیناں تھی ھئی۔عاشق خاں کالج چھوڑنڑ دے بعد مستقل ڈیرہ غازیخان اچ رہندا ھا۔اور پیپلز پارٹی دا سرخیل ھا۔عاشق خاں دا ہک دور نئیں کئی ادوار ان۔اگر انہیں کوں لکھنڑ بہہ ونجاں تیں میڈے خیال کئی سال لگسن ۔ول وی سو اچو سو گال نکلدی ویسی۔ول وی شئیت کہانی نہ مکسی۔عاشق خاں دی جوانی کنیں بڈھیپے تک ہک ہک گال دا میں آئینی شاھد اں۔ہیں میڈی گال کوں شئیت عاشق خاں ہنڑ وی نہ جھٹلیسی۔او ایں گالھوں جو گالی تک عاشق خاں جیندا جاگدا اے۔اورمیڈی گال دی شئیت کتھائیں نفی نہ کریسی۔اپڑیں بخت تیں جوانی اچ عاشق خاں ہک بہوں وڈا لشکر ھا۔وڈے پیو دا پتر ھا۔ اے جیڈا امیر ترین شئیت نہ ھوسی۔لیکن امیر آدمی ھا۔اور شہ خرچ آدمی ھا۔یاریں نال لاڈ پیار وی ڈاڈھا کریندا ھا۔سردار کریم نواز خاں کورائی۔صوفی تاج خاں گوپانگ۔۔ملک عمر وڈہ پہوڑ۔ جام تاج برڑہ ۔ استاد نزیر فیض مگی تیں میڈے نال چاگھاں کریندیں ھوئیں اینکوں ڈاڈھی چس اندی ھئی۔اجکل سنڑیسے قاری بلال نال وی چاگھاں کریندے۔عمر وڈہ پہوڑ نال جو اے چاگھاں کرے ھا۔او اینکوں انگلش اچ مندے کڈھدا ھا۔ اے آؤندے مندیں تیں ڈاڈھا خوش تھیندا ھا۔جڈاں مہرے الے پہلی سرائیکی کانفرنس تھئی ھئی۔اوندے اچ آساں کامی تیں میزبان ھاسے۔بنگہ کورائی دے بعد سرائیکی لوک سانجھ دی بہوں وڈی کانفرنس مہرے آلے اچ تھئی ھئی۔جیندے وچ نزیر لغاری نیں سرائیکی کوں کٹھا تھیونڑ دا ہک بہوں وڈا پیغام ڈتا ھا۔او پہلی کانفرنس ھئی جیندے اچ پورے ملک دے ترقی پسند دوست کٹھے تھئے ھن۔ اور او کامیاب کانفرنس تھئی ھئی۔۔جیرھی آج تئیں عاشق خاں کریندا کھڑے۔ہمت اے ایں جوان دی جیرھا ڈکھیں دے نال وی بھڑدا رہ ویندے اور کھلدا وی رہ ویندے۔عاشق خاں دے سونہیں تھئے ھاسے تیں مہرے آلے فاضل پور ترائے بندیں کوں کٹھے ڈٹھا ھاسے ۔او ترائے بندے عاشق خاں بزدار۔سردار منظور خاں دریشک۔صوفی تاج خاں گوپانگ اروں ویاروں آج وی انویں ہر جاہ تیں کٹھے کھڑن تھئے ۔عاشق خاں دی سکھانی آلے جڈاں منگڑیں تھی ھئی۔اوندے وچ جگ جہان دے دوست کٹھے تھئے ھن۔مرحوم سرور کربلائی۔مرحوم محسن نقوی۔جیندا جاگدا اقبال سوکڑی۔مرحوم استاد شاکر تونسوی صاحب۔ مرحوم اقبال نصرت۔مرحوم امام بخش خاں کلیانی۔مرحوم رانا امام بخش ۔مرحوم غلام عباس جاڑا۔مرحوم منظور حسین سرکار۔مرحوم مرید حسین سرکار۔مرحوم
خواجہ صفدر حسین دارو مدار سرکار تیں جیندا جاگدا اکبر خاں ملکانڑیں توھاڈے سامڑہیں ھ۔ شامل ھاسے۔او منگڑیں دی رسم یاد گار رسم ھئی۔ول شادی تھئی۔ کیا شادی تھئی۔پورا جہان کٹھا تھیا۔قربت وی ڈسینداں جلاں۔جڈاں جو ہک دفعہ عاشق خاں۔کوڑو خاں دا بابا مرحوم چاچا سردار غلام فرید خاں بزدار اکھیں یاکہیں بے علاج دے سلسلے اچ محمد پوردیوان ہسپتال اچ داخل ھا۔اتھاں میکوں چاچے سئیں ھونریں کوں مٹھ مروڑے دا شرف وی حاصل تھیا ھا ۔شادی دے کجھ عرصہ بعد میں عاشق خاں دا مہرے آلے ممہان ہم۔اجاں عاشق خاں بال نہ تھئے ھن۔عاشق دی خاں اپڑیں گھر الی ساڈی بھابھی بھجائی سینڑ دےنال سکھانی آلے ٹکنڑ ویندا پیا ھا۔اوں ویلھے ٹانگے چلدے ھن۔ بھابھی تیں عاشق خاں جو ویندے پئے ھن۔عاشق خاں ھوں ٹانگے تیں میکوں وی کٹھے بلھائی اے۔ اے ھا عاشق خاں دا دوستیں تیں اعتماد پیار۔اخر اچ ہر دوست کوں ہک مشورہ ضرور ڈیساں۔عاشق خاں دی دوستی تیں ہر کہیں ڈٹھی اے۔ڈاڈھی چنگی اے۔عاشق خاں دی دشمنی اللہ کہیں کوں نہ ڈکھاوے۔اے اوھو ڈس سگدے جئیں ایندیاں سٹاں جھلیاں ھوسن۔امان مولا پناہ ڈیوے ۔۔۔۔۔۔۔۔۔بحر حال بقول مرشد عزیز شاھد دے۔
اے رشتے روح دے رشتے ھن۔
اے رشتے کیویں ترٹ سگدن۔
میں بڈھڑا تھی گیاں۔ا ونج بہوں گھٹ تھی گئے۔لیکن میڈے چھوٹے بھرا نیں میڈی جاہ تیں اے سا سبھا دا رشتہ انویں برقرار رکھیا ھویا اے۔جیویں سنگتاں ھن ۔پیو میڈا یار اے تیں پتر میڈے بھرا اسلم خاں دا یار اے۔کتھائیں وی میکوں میڈی کمی محسوس نسی تھیونڑ ڈتی۔انہیں رشتیں کوں اوں انویں برقرار رکھیئے۔جیویں میڈے ھن۔ اوں جاہ دے نزاکت خاں بزدار۔قصور خاں بزدار۔یاسر خاں بزدار۔رفاقت خاں بزدار۔غضنفر خاں بزدار۔جنید جونی خاں بزدار۔امر خاں بزدار۔عدنان خاں بزدار۔ظفر خاں بزدار۔مالک خاں لغاری۔فیصل نزیر مگی۔طارق سونترا۔شہزاد بکھر۔احمد رضا پہوڑ۔ارسلان پہوڑ۔ولید رضا پہوڑ۔ملک اخلاق۔ازیر بھٹی۔امان اللہ بھٹی۔اعجازعرف اعجازو قصائی۔نومی قریشی۔بے وی ڈھیر لوک ان۔جیرھے اسلم خاں دے دوست ان۔دعا منگو میڈے بھرا اسلم خاں کوں۔میڈے بھتریجے ذوالفقار کوں اللہ سونڑھاں صحت اے کاملہ عطا فرماوے۔میکوں تیں عاشق خاں کوں ایں کرونا وائیرس کنوں بچاوے۔ڈاکٹریں اکھیے کرونا وائیرس اینجھی چھتی تھئ ودی اے جو بڈھڑیں کوں تیں گول گول کیں ودی مریندی اے۔ایں آرٹیکل دی اگلی قسط وت اگوں تیں۔کیوں جو میڈے موبائیل دی بیٹری بے وفا جو ھ جواب ڈے گئی اے۔جیوو۔ھووو۔سرائیکستان ذندہ باد۔

توھاڈا اپڑاں۔اکبر خاں ذات ملکانڑیں۔قوم سرائیکی۔

ویب ڈیسک

See author's posts