ڈیرہ غازی خان :ڈی پی او ڈیرہ اسد سرفراز نے انسان دوستی کا مظاہرہ کرتے ہوئے تھیلسیمیا میں مبتلا بچے کی خواہش پوری کرتے ہوئے اسے ایس ایس پی کی وردی پہنا کراہلکاروں سے اسے سیلوٹ پیش کرایا۔
ڈیرہ غازی خان کے رہائشی دس سالہ ننھے حماد کو تھیلسیمیا جیسا موذی مرض لاحق ہے ۔
ننھے حماد کی خواہش پولیس میں ایس ایس پی بننا ہے ،اس خواہش بارے آگاہی ملنے پر ڈی پی او اسد سرفراز خان نے ننھے حماد کو اپنی سرکاری گاڑی پر گھر سے بلوا لیا ۔
ڈی پی او ڈیرہ غازی خان کے حکم پرننھے حماد کو محکمہ پولیس کے ایس ایس پی رینک کی وردی پہنائی گئی اور اسے پولیس لائن میں سلامی بھی پیش کی گئی۔
یہی نہیں بلکہ ڈی پی او ڈیرہ غازی خان کی سرکاری گاڑی پر ننھے ایس ایس پی کو شہر کا معائنہ بھی کرایا گیا ۔
ڈی پی او کی انسان دوستی بارے جان کر شہریوں نے ننھے ایس ایس پی کی گاڑی پر گلپاشی بھی کی ۔
اس موقع پر حماد نے اپنی خواہش پوری کیے جانے پر ڈی پی او ڈیرہ غازی خان اسد سرفراز خان کا شکریہ ادا کیا۔
یہ بھی پڑھیے
متوازن وفاق اور وسائل پر اختیار کےلئے سرائیکی سرگرم کارکنوں اور طلبہ تنظیموں کی’ سرائیکی صوبہ ریلی کا انعقاد
ڈیرہ اسماعیل خان میں پولیس نفری لیجانےوالی گاڑی کے قریب دھماکہ،5افراد شہید،21زخمی
ڈیرہ غازی خان کی خبریں