قدرتی طور تے کجھ چیزاں اینجھیاں وقوع پذیر تھی ویندین جنھاں دا تھیونڑ بہوں سوہنڑا لگدے. اینجھا اتفاق جیہرھا بہوں رنگلے طریقے نال فطرت تے ساڈی دھرتی دے سوہنڑپ وکھرپ کوں بیان کریندے
ہک اینجھی کہانی ابھے پچھادی سپین دے علاقے کوسٹا براوا اچ تھئی جتھاں سٹارلنگ نامی پکھی دا ہک کٹھ مکھ وٹاونڑ آلی بدلی دی صورت اچ کٹھا تھیا جیکوں (انگریزی اصطلاح) اچ murmuration آکھیا ویندے.
اے اصطلاح ہوں ویہلے ہک سوہنڑے منظر دے روپ اچ نظردی اے جیہلے سینکنڑاں تے کئی دفعہ ہزاراں یا ہوندے کنے ڈھیر پکھی ہکی جڑے ہوئے بت آلی کار جیرھا خود کوں کہیں صورت وچ ڈھال گھندے حرکت کریندن تے گھمدن جرمنی دے شہر hilzingen دے فوٹو گرافر ڈینیل بائبر اوں ویہلے اتھاں ہن جیہلے سٹارلنگ پکھی گھمنڑ تے ہکی مدار اچ گردش کرنڑ لگے ہیندا امکان وی ہے جو اے عمل سٹارلنگ پکھیاں دے اردگرد کہیں شکاری پکھی عقاب یا شاہین دے ہوونڑ دا نتیجہ اے. اے عمل تقریباً سپر نیچرل یا مافوق الفطرت ہئی جو سٹارلنگ جئیں نمانڑا پکھیاں گھمنڑ تے خود کوں ہکا بہوں وڈے پکھی دے روپ اچ وٹایا.
ایویں جو او اپنڑے جلاد کوں آہدے پئے ہوون "اساں تیڈے کنوں طاقتور ہسے” اس فوٹو نے بائبر صاحب کوں فوٹو گرافی دے عالمی مقابلے اچ انعام جتوایا. مگر اوں کوں دیر بعد تک اندازہ نا تھیا جو او سبھ توں نویکلے تے وکھرے فوٹو بنڑائس. ڈیلی میل نال گالھ مہاڑ اچ او آہدے "میں بس جیہلے تصویر کمپیوٹر تے چیک کیتی تے اندازہ تھیا جو سٹارلنگ پکھی کینجھا روپ تخلیق کیتے میں تصویر بناونڑ اچ اتلا مگن ہامی جو میکوں اندازہ نا تھیا کہ سٹارلنگ پکھیاں رل تے اسمان اچ ہک وڈا پکھی بنڑائے”
اے بائبر صیب دے صبر دا پھل ہئی جنھاں پہلو وی سٹارلنگ پکھی دے ہی عمل دا فوٹو بنڑاونڑ دی کوشش کیتی مگر ناکام تھئے
” میں پہلو ای سٹارلنگ پکھی دے اینجھے فوٹو بناونڑ دی کوشش کیتی مگر اینجھا فوٹو نا بنڑایا جیندی میکوں امیند ہئی” او اگو آہدن” آخر کار اے فوٹو بنڑاونڑ کیتے میں اوں جاہ تے چار جیہاڑے روز ویندا رہ گیاں. میں ہک جاہ چنڑی جتھاں میں سوچیا جو اے پکھی روپ وٹیسن تے پکھیاں کوں فوٹو دے سوہنڑے نظارے اچ آنڑ کیتے پچھلا تے اگلا منظر وی چنڑیا”
بائبر صیب دے ناقابل یقین فوٹو دیکھنڑ کیتے سکرین کوں تلے کرو تے جے تساں خود وی پکھیاں دے شوقین ہو تے اپنڑے بنڑائے فوٹو کمنٹس اچ لاؤ.
فوٹو گرافر مزید آہدے” سٹارلنگ پکھی کوں اے روپ وٹیندے ڈاہ سیکنڈ کنے گھٹ لگے. میکوں اندازہ تھی گیا جو میں ہک وکھرا فوٹو بنڑائے تکنیکی طور تے sharp تے high quality اچ. اے عموماً تھیندے جیہلے شکاری پکھی حملہ کریندن تے سٹارلنگ پکھیاں دا کٹھ ہک وکھرا روپ وٹا گھندے. اے مکمل غیر یقینی تے بے ترتیبی نال وی تھی سگدے. بہوں سارے بندے بئی جاہ تو اے منظر ڈیہڈے کھڑے ہن جنھاں شئت او نا ڈٹھا ہوسی جیہرا میں کیمرے اچ محفوظ کیتے ”
اے ناقابل یقین فوٹو آخر کار فوٹو گرافی دے عالمی مقابلے اچ انعام گھن گئی.
بولی وٹار:حسن مرتضی
بشکریہ سائنس اینڈ انفوبلاگ سپاٹ ڈاٹ کام
یقینا بہوں محنت نال فوٹو بنڑائی گئی اے ۔۔۔۔
ول لکھنڑ آلا وی بہوں اچی سوچ رکھدے ۔۔۔ اے پکھی کٹھے تھی کہ ہک بہوں وڈے ساہ دار بت دی شکل اختیار کر کے اپڑے جلاد کوں سنیہا ڈیندن جو اساں تیڈے کولو ڈھیر طاقتور ہیسے ۔۔
زبردست