21اپریل 2020:آج پاکستان اور دنیا بھر میں میں کیا ہوا؟

وفاقی حکومت کا آئی پی پیز سے متعلق تحقیقاتی رپورٹ پبلک کرنے کا فیصلہ، کہتے ہیں، رپورٹ کی بنیاد پر انکوائری کمیشن تشکیل دیا جا رہا ہے، غریب عوام پر بوجھ ڈالنے والوں کو معاف نہیں کریں گے، قانون کے مطابق تمام مراحل پورے کریں گے، رپورٹ میں شامل منصوبے ہمارے دور کے نہیں، شفافیت کو یقینی بنانا ترجیح ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وفاقی کابینہ کی اینٹی ملیریا دوا کلوروکوئین برآمد کرنے کی منظوری، متعدد وفاقی وزرا نے کلوروکوئین کی برآمد کی مخالفت کی، ذرائع کے مطابق، مخالفت کرنے والوں میں شیریں مزاری، شفقت محمود، اسد عمر اور شیخ رشید شامل

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان میں کورونا سے ایک دن میں سولہ اموات، تعدادایک سو بانوے ہو گئی، کیسز نو ہزار سے بڑھ گئے، دو ہزارچھیاسٹھ مریض صحت یاب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا بھر میں کورونا مریضوں کی تعداد پچیس لاکھ کے قریب، ایک لاکھ اکہتر ہزارسے زائد اموات، چھ لاکھ ستاون ہزار سے زائد مریض صحت یاب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی تاجر اتحاد کا کل سے مارکیٹیں کھولنے کا اعلان، گورنر عمران اسماعیل سے ملاقات کے بعد حماد پونا والا نے کہا، وزیراعلیٰ سندھ نے ہمیں صرف لالی پاپ دیا، ایس او پیز گورنر کو فراہم کر دیں، گورنر سندھ نے کہا ہے وزیراعلیٰ کو وفاق سے اجازت دلوا دوں گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیر قانون پنجاب راجہ بشارت سے لاہور کے تاجروں کی ملاقات، لاک ڈاؤن میں نرمی اور دیگر مسائل پر تجاویز پیش، راجہ بشارت نے کہا، صورت حال بہتر ہوتے ہی پابندیوں میں نرمی کی جائے گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیراعظم عمران خان کہتے ہیں، خوراک، مواصلات، طبی اور معاشی مدد کے باوجود دنیا میں لوگ لاک ڈاؤن کیخلاف احتجاج کر رہے ہیں، شاید عالمی برادری کو اب مقبوضہ کشمیر کے لوگوں کی مشکلات کا اندازہ ہو سکے، خوراک، مواصلات اور طبی سہولیات کے بغیر کشمیری آٹھ ماہ سے غیر انسانی لاک ڈاؤن کا شکار ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سندھ میں کورونا وائرس سے مزید پانچ افراد چل بسے، جاں بحق ہونے والوں کی تعداد چھیاسٹھ ہو گئی، وزیراعلیٰ مراد علی شاہ کہتے ہیں، عوام تعاون نہ کرے تو حکومت کچھ نہیں کر سکتی، ترقی یافتہ ممالک بھی مسائل کا شکار ہیں، ہمیں حقائق کا سامنا کرنا چاہیے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مسلم لیگ ن کا قومی اسمبلی کے ویڈیو لنک اجلاس میں شرکت نہ کرنے کا فیصلہ، خواجہ آصف کہتے ہیں پارلیمنٹ کو معطل کرنا غیر آئینی اور مذاق ہے، احسن اقبال بولے، پارلیمنٹ کا لاک ڈاؤن نہیں ہونے دیں گے، وزیراعظم عید سے پہلے اپوزیشن رہنماؤں کو گرفتاردیکھنا چاہتے ہیں، مسلم لیگ ن کا پٹرول کی قیمت پچاس روپے فی لٹر کرنے کا مطالبہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیر ریلوے شیخ رشید کہتے ہیں، شہبازشریف قومی حکومت کا خواب لیکر پاکستان آئے تھے، نیب والوں کو بتانا چاہتا ہوں میرے پاس دو مؤکل ہیں، مذاق میں بات کی لیکن اسے سنجیدہ لے لیا گیا، ملکی صورتحال کے پیش نظر ایک حکمت عملی اپنانا ہو گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وفاقی کابینہ کی تعمیراتی شعبے کو سیلز ٹیکس کی چھوٹ دینے کی منظوری، اوگرا آرڈیننس میں ترامیم کے فیصلے کی بھی توثیق، مسابقتی کمیشن کی تشکیل نو سے متعلق سفارشات منظور، فردوس عاشق اعوان کہتی ہیں، عوامی مفادات کیخلاف پالیسیاں قابل قبول نہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایدھی فاؤنڈیشن کے سربراہ فیصل ایدھی کا کورونا ٹیسٹ مثبت آ گیا، رپورٹ پازیٹو آنے پر فیصل ایدھی قرنطینہ میں چلے گئے، فیصل ایدھی کی فیملی کا بھی کورونا ٹیسٹ کرانے کا فیصلہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا وائرس کے باعث بلوچستان میں لاک ڈاؤن میں پانچ مئی تک توسیع، محکمہ داخلہ نے نوٹیفکیشن جاری کر دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

صدر مملکت ڈاکٹرعارف علوی کہتے ہیں عوام، حکومت اور علما کے ساتھ معاہدے پر مکمل عمل کریں، آزاد کشمیرمیں کورونا وائرس کا مؤثر انداز سے مقابلہ کیا گیا، صدر مملکت کی مظفرآباد آمد، ڈاکٹرز اور طبی عملے کیلئے حفاظتی سامان آزاد کشمیر حکومت کے حوالے کیا، مقبوضہ کشمیر میں بھارتی مظالم کی مذمت بھی کی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

حکومت اور علما میں طے پانے والے معاہدے کے تمام بیس نکات پر عمل درآمد مشکل ہے، چیئرمین اسلامی نظریاتی کونسل قبلہ ایاز کی پروگرام صبح سے آگے میں گفتگو، کہا، عام طور پر معمر افراد زیادہ تعداد میں مساجد میں آتے ہیں جنہیں روکنا بہت مشکل کام ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

خیبر پختون خوا سے کورونا کلیئرنس سرٹیفکیٹ لیکر آنے والے تین افراد کا ٹیسٹ مثبت آیا، وزیراعلیٰ سندھ مرادعلی شاہ کا کورونا کلیئرنس سرٹیفکیٹ آن لائن اور پرفیکٹ بنانے کا مطالبہ، کے پی حکومت نے مریضوں کی تفصیلات مانگ لیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیر صحت کے پی تیمور جھگڑا کہتے ہیں، خیبر پختون خوا میں کورونا سے اموات کی تعداد زیادہ ہے، ہوسکتا ہے کورونا کا پھیلاؤ زیادہ ہوا ہو، صوبے میں ساٹھ ہزار لوگ مشرق وسطیٰ سے آئے، زائرین میں شرح اموات بہت کم ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیرصحت پنجاب یاسمین راشد کہتی ہیں، وزیرخارجہ شاہ محمود قریشی  کو کسی نے غلط بریف کیا، شاہ محمود کو یقین دہانی کرائی تھی خود جاکر نشتراسپتال کی صورتحال دیکھوں گی، نشتراسپتال سے کوئی وینٹی لیٹر دوسرے اسپتال نہیں بھجوایا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سپریم کورٹ نے وزیراعظم کے مشیروں اور معاونین خصوصی کیخلاف دائر درخواست اعتراض لگا کر واپس کر دی، عدالت نے درخواست پر اعتراض کرتے ہوئے کہا، درخواست گزار نے متعلقہ فورم کا استعمال نہیں کیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکا میں کورونا سے مزید انیس سو انتالیس افراد چل بسے، اموات کی تعداد ساڑھے بیالیس ہزارسے بڑھ گئی، ملک میں کورونا کے سات لاکھ بانوے ہزار سے زائد مریض

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نیویارک میں کورونا کے ڈھائی لاکھ سے زائد کیسز، اٹھارہ ہزارنو سو سے زائد اموات، ریاست نیو جرسی میں کیسز اٹھاسی ہزار سے زیادہ ہو گئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لاک ڈاؤن کو فوری ختم نہ کیا جائے، عالمی ادارہ صحت نے ایک بار پھر خبردار کر دیا، سربراہ  ڈبلیو ایچ او کا کہنا ہے، لاک ڈاؤن کی پابندیوں کو جلدی میں ختم کیا گیا تو وبا کے پھیلاؤ میں اضافہ ہو سکتا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملتان میں نشتراسپتال کے ڈاکٹرز نے کورونا کو شکست دے دی، کورونا کا شکار بائیس ڈاکٹرز صحت یاب، طیب اردگان اسپتال سے ڈسچارج ہونے پرپھولوں سے استقبال کیا گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نیب ایگزیکٹوبورڈ کے اجلاس میں دو انکوائریوں کی منظوری، ریور گارڈن ہاؤسنگ سوسائٹی انتظامیہ، سی ڈی اے حکام اور پی ایس او میں میگا کرپشن کی انکوائری ہو گی، چیئرمین نیب کا سابق اٹارنی جنرل جسٹس ریٹائرڈ ملک عبدالقیوم کے خلاف انکوائری بند کرنے کا حکم

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکی آئل مارکیٹ کریش کر گئی، تاریخ میں پہلی بارخام تیل کی قیمت میں ایک سو سات فیصد کمی، قیمت منفی میں چلی گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

خام تیل کی قیمت میں رکارڈ گراوٹ پرامریکی انتظامیہ کا کپمنیوں کی مدد کا فیصلہ، صدرڈونلڈ ٹرمپ کہتے ہیں، حکومت کمپنیوں کو ساڑھے سات کروڑ بیرل تیل ذخیرہ کرنے کی جگہ دے گی، سعودی عرب سے تیل کی درآمدات روکنے پرغور کر رہے ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

رمضان المبارک میں مسجد الحرام اورمسجد نبویؐ میں نماز تراویح ادا کی جائے گی، امام کعبہ عبدالرحمن السدیس کا کہنا ہے، نماز تراویح بیس کے بجائے دس رکعت کی ہو گی، جس میں مساجد کی انتظامیہ اور خادمین شریک ہوں گے، دونوں مقدس مقامات میں نمازیوں کی پابندی برقرار، افطار دستر خوان پر بھی پابندی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پنجاب میں کورونا کے سب سے زیادہ چار ہزار ایک سو پچانوے کیسز ، سندھ میں دو ہزار سات سو چونسٹھ، خیبرپختونخوا میں ایک ہزار دو سو چھہتر مریض، بلوچستان میں چارسو پینسٹھ، گلگت بلتستان میں دو سو اکاسی اور آزاد کشمیر میں پچاس کیسز، اسلام آباد میں کورونا مریضوں کی تعداد ایک سوپچاسی ہو گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسٹاک مارکیٹ میں شدید مندی، ہنڈرڈ انڈیکس ایک ہزار سے زائد پوائنٹس گر گیا، روپے کی قدر میں بہتری، انٹر بینک میں ڈالرایک روپے اناسی پیسے سستا ہونے سے ایک سو اکسٹھ روپے ستر پیسے کا ہو گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستانی سفارت خانے نے امریکہ میں پھنسے پاکستانیوں کی فہرستیں مرتب کرنا شروع کر دیں، فہرستیں حکومت کو پیش کی جائیں گی، اداکارہ میرا نے بھی ویڈیو بیان میں وزیراعظم سے واپسی کیلئے مدد کی درخوست کی تھی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

قابض بھارتی فوج کی مظلوم کشمیریوں کی آواز دبانے کی ایک اور کوشش، مقبوضہ کشمیر میں پولیس نے تصویروں سے کشمیریوں پر بھارتی مظالم کی عکاسی کرنے والی فوٹو جرنلسٹ، مسرت زہرا کے خلاف مقدمہ درج کر لیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چین نے امریکی صدر ٹرمپ کے الزامات مسترد کر دئیے، چینی وزارت خارجہ نے کہا، اس سے پہلے جو وبائیں امریکہ سے پھیلیں، کسی ملک نے اس کا ذمہ دار امریکہ کو نہیں ٹھہرایا تھا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

شمالی کوریا کے رہنما ‘کم جونگ اُن‘ کی صحت انتہائی خراب ہے، امریکی میڈیا کا دعویٰ،، کہا، کم جونگ کا دو اپریل کو دل کا آپریشن ہوا تھا، شمالی کوریا کی طرف کوئی بیان سامنے نہ آیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسپین میں کورونا مریضوں کی تعداد دو لاکھ سے زیادہ، کورونا مزید چار سو تیس جانیں نگل گیا، اموات اکیس ہزار سے بڑھ گئیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اٹلی میں کورونا چوبیس ہزار سے زائد جانیں لے گیا، کورونا کیسز ایک لاکھ اکاسی ہزار سے زائد ہوگئے، انچاس ہزار کے قریب صحت یاب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

برطانیہ میں کورونا سے مزید چار سو انچاس اموات، تعداد ساڑھےسولہ ہزار سے زائد ہو گئی، ایک لاکھ چوبیس ہزار سے زائد کیسز

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

برطانیہ اور اسپین میں کورونا وائرس کیسے پھیلا؟ میڈرڈ کے میئر اور برطانوی حکومتی کے مشیر آمنے سامنے، میئر میڈرڈ نے کہا، مارچ میں لیور پول اور ایٹلیٹیکو میڈرڈ کا میچ وبا کے پھیلاؤ کی بڑی وجہ بنا، جواب میں اینجیلا میک کلین نے کہا، عام حالات میں میچ کرانا کوئی رسک نہیں تھا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

فرانس میں کورونا سے اموات کی تعداد بیس ہزار سے بڑھ گئی، کیسز کی تعداد ایک لاکھ پچپن ہزار سے زیادہ، سینتیس ہزار سے زائد مریض صحت یاب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جرمنی میں کورونا سے ہلاکتوں کی تعداد چار ہزار آٹھ سو سے بڑھ گئی، ایک لاکھ سینتالیس ہزار سے زائد مریض، پچانوے ہزار سے زائد صحت یاب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکی نشریاتی ادارے سی این این  کے اینکر، رچرڈ، کوئیسٹ، بھی، کورونا وائرس کی لپیٹ میں آ گئے، رچرڈ کوئیسٹ نے ٹویٹر پر کورونا ٹیسٹ مثبت آنے کی تصدیق کر دی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لاک ڈاؤن کی خلاف ورزی روکنے کا نیا طریقہ، امریکہ میں اسکیٹ پارک کو مٹی سے بھر دیا گیا، انتظامیہ کا کہنا ہے، لاک ڈاؤن کے باوجود شہری سیروتفریح اور اسکیٹنگ کے لیے پارک کا رخ کررہے تھے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ڈنمارک میں ایک ماہ کے بعد لاک ڈاؤن میں نرمی، بال کٹوانے کا موقع ملنے پر دکانوں پر رش لگ گیا،  اگلے دو ہفتے کے لیے بکنگ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سینٹرل کنٹریکٹ یافتہ قومی کرکٹرز کے آن لائن فٹس ٹیسٹ کا دوسرا مرحلہ، بابر اعظم، فخر زمان اور اظہر علی سمیت گیارہ کھلاڑیوں کے ٹیسٹ، نوے ڈومیسٹک کرکٹرز کے بھی آن لائن ٹیسٹ لیے جا رہے ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسپیشن کلب ولینسیا کا کھلاڑیوں کی تنخواہوں میں کٹوتی کرنے کا فیصلہ، انتظامیہ کے مطابق، صرف کوچنگ اسٹاف اور کھلاڑیوں کی تنخواہوں میں کٹوتی کی جائے گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ٹینس کی دنیا کے سپر اسٹارز ایک دوسرے سے دور نہ رہ سکے، اینڈی مرے، رافیل نڈال اور راجر فیڈرر کی انسٹا گرام پر ویڈیو کانفرس کال، تینوں سپر اسٹارز جلد ٹینس کورٹس دوبارہ آباد ہونے کیلئے پرامید

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سندھ میں لاک ڈاؤن کے باعث سپیروں کے گھروں کے چولہے ٹھنڈے پڑ گئے، کہتے ہیں، گلی محلوں میں تماشا دکھا کر روزی روٹی کما لیتے تھے، سپیروں کی حکومت سے مدد کی اپیل

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملکہ کوہسار مری میں بارش، نظارے اور بھی حسین ہوگئے، محکمہ موسمیات کے مطابق، بارش کا سلسلہ کچھ گھنٹے تک جاری رہے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ماہرہ کا محبت بھرا پیغام ، سوشل میڈیا پر ہدایت کار عاصم رضا کے ساتھ تصویر شئیر کرتے ہوئے لکھا،  یہ وقت ہے، سب کو پتہ چل جائے، عاصم  سب سے زیادہ ان سے محبت کرتے ہیں، عاصم رضا نے جواب دیا، وہ ماہرہ سے، جتنی محبت کرتے ہیں، اسے الفاظ میں، بیان نہیں کیا جا سکتا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکی شہر سینڈیاگو کے لاک ڈاؤن میں اوپرا سنگر کی آواز گونجنے لگی، وکٹوریا کی گھر کی بالکونی سے  لائیو پرفارمنس، کورونا سے پریشان شہریوں کو حوصلے بلند رکھنے کا پیغام دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ترکی میں اسپائیڈر مین لوگوں کی مدد کو پہنچ گیا، اسپائیڈرمین کا روپ دھارے شخص کی گھروں میں بند شہریوں کیلئے شاپنگ، بچوں کو شاندار کرتب بھی دکھائے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

برطانوی ملکہ الزبتھ کی آج چورانویں ویں سالگرہ، الزبتھ الیگزینڈرا میری،  اکیس اپریل انیس سو چھبیس کو برطانوی بادشاہ جارج چہارم کے گھر پیدا ہوئیں، دو جون انیس سو ترپن کو ملکہ برطانیہ کی ذمہ داریاں سنبھالیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

خودی کو کر بلند اتنا کہ ہر تقدیر سے پہلے، خدا بندے سے خود پوچھے بتا تیری رضا کیا ہے، حکیم الامت، شاعر مشرق علامہ محمد اقبال کی 82ویں برسی آج عقیدت اور احترام سے منائی جا رہی ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

غزل اور کلاسیکی گائیکی کی نامور گلوکارہ اقبال بانو کی آج گیارہویں برسی، فیض کا کلام ہو یا، روایتی غزل، مداح آج بھی اقبال بانو کی آواز  سن کر سر دھنتے ہیں

About The Author

ویب ڈیسک

See author's posts