مارچ 29, 2024

ڈیلی سویل۔۔ زمیں زاد کی خبر

Daily Swail-Native News Narrative

ادا اخلاق مزاری سئیں دی جہد مسلسل، تحریک تے سوجھل ݙات توں اسیس پا میں سوّاں ڈھیر بھیݨیں، ڈھڳ سارے بھرا اڄ سرائیکی تحریکی پندھ دے پاندھی ءن.ہک سیاسی کارکن ہووݨ پاروں میݙی ذاتی رائے ھِے جو سرائیکی قوم دے حق، حقوق دی اڄوکی تحریک ءچ سیاسی مہاندرے توں ودھیک حصہ ساݙے مہاندرے لکھاریں، ادیبیبں، دانشوریں تے شاعریں دا اے.

نسرین گُل(ادی نیناں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اخلاق مزاری کوں شاعری، ادب تے سیاست دا دی الف ب دا کیا پتہ..?( انجمن سرائیکی دانشواران)
سیاسی اختلاف آپݨیں جاہ…. پراے مدعا انجمن لہور آلی دا تاں تھی سڳدے، پَر کہیں انجمن سرائیکی دانشوران دا تھی ای نی سڳدا. پتہ نی کینجھاں کینجھاں انجمناں آسمانوں لہہ بھوئیں تے آ دڄالی روپ وٹا سچ کوں کوڑ اتے کھوٹ کوں کھرا آکھݨ لڳ پئن، رب سوہݨا پیلھے توں گوتیں وات سرائیکی قوم کوں انہاں دے شر توں پناہ ݙیوے، آمین
میں کوری، چِٹی ان پڑھ دی کیا مجال، کیا اوقات جو وسوّں دے ماݨ، سرائیکی قوم دے ݙکھاں، سولہاں اتے درداں دے سنہیڑو، عہد ساز انقلابی شاعر اَتے ایں توں وی ودھ عظیم انسان ادا اخلاق مزاری سئیں دے ادب اُتے تبصرہ یا تجزیہ پیش کراں. اُنہاں دی شاعری تے کجھ وی ٻولݨ تاں ٻہوں پَرے دی ڳالھ، صرف تھوڑا ٻہوں سمجھ گھنݨ ای حیاتی دا انت پاوݨ اے.
میں سرائیکی تحریک دی ہک عام جئیں سیاسی کارکن اَتے خواجہ غلام فرید سئیں دے بعد عہد ساز دانشوریں ادا نذیر لغاری، ادا عاشق بزدار، ادا رفعت عباس، ادا شاہد جتوئی، ادا سعید خاور، ادا عزیز شاہد، ادا مخمور قلندری، ادا اشولال، بہشتی ادا صوفی تاج محمد سئیں، بہشتی ادا سعید اختر سئیں، جیوݨ جوڳی ادی سعدیہ کمال، ادا جاوید چانڈیو، ادا ارشاد امین، ادا راݨا ابرار، ادا جہانگیر مخلص، ادا باسط بھٹی اَتے سیاسی مہاندرے ادا مشتاق فریدی، رہبر تریمت تحریک ادی عابدہ بتول سیݨ دے نال نال جیوݨ جوڳے بھرا ادا اخلاق مزاری سئیں دی پرستار تے پیروکار آں.
ادب دی کوئی وی سُدھ ٻدھ نہ ہووݨ پاروں بس اتنا ڄاݨدی آں، جݙاں وی وسیب واسیں دے ݙکھ، درد، الم ݙیکھ مونجھی تھی ادھ موئی تھیندی آں تاں ادا اخلاق مزاری سئیں دی شاعری ءچ پناہ گھن جیوݨ دے ترلے کریندی آں، اُنہاں دیاں لکھتاں پھرول، پڑھ تے حیاتی کوں جیوݨ دے ٻاݨ مریندی آں.
ادا اخلاق مزاری سئیں دی جہد مسلسل، تحریک تے سوجھل ݙات توں اسیس پا میں سوّاں ڈھیر بھیݨیں، ڈھڳ سارے بھرا اڄ سرائیکی تحریکی پندھ دے پاندھی ءن.ہک سیاسی کارکن ہووݨ پاروں میݙی ذاتی رائے ھِے جو سرائیکی قوم دے حق، حقوق دی اڄوکی تحریک ءچ سیاسی مہاندرے توں ودھیک حصہ ساݙے مہاندرے لکھاریں، ادیبیبں، دانشوریں تے شاعریں دا اے.
ہک سیاسی کارکن ت نیاݨی ہووݨ پاروں میں ادا اخلاق مزاری توں وی ارداس کریساں جو اڄوکی سیاست دلیل دے دائرے توں نکل جہالت دی پوڑی دے آخری ٹپے اُتے پُنی کھڑی اے،جیندے شر تے انتہا دی ہک جھلک حرمین شرفین تھیوݨ آلی بے حرمتی کوں سمورا جڳ ݙیہدا پئے. تساں ہزاراں، لکھاں، کروڑاں وسیب واسیں دی زبان ت ترجمان ہیوے، تہاݙی ذاتی رائے نال میݙا یا کہیں دا وی اختلاف تھی سڳدے، پر وسیب کیتے تہاݙیں ادبی خدمات توں انکار سجھ کوں شیشہ ݙکھالݨ اے.
سیاݨے دا آکھاݨ اے جو لکھ مرے لکھ پال نہ مرے، جیوݨ جوڳا ادا اخلاق مزاری سئیں اساں بے وڑیں، بُکھیں، تَسیں وسوّں واسیں دا لکھ پال اے، ساݙا ماݨ اے، ساݙا فخر اے، جئیں دی شاعری ساکوں جیوݨ دا ݙس ݙیندی اے، جیندے دلوں، مونہوں نکھتا ہک ہک اکھر سرائیکی قوم دے حقوق سانگے ٻاݨ مارݨ دا درس ݙیندے.
مولا وسوّں دی وسندی ساݙے بھرا کوں ہمیش سوکھا تے سلامت رکھے، آمین

نسرین گُل (ادی نیناں) دیاں بیاں لکھتاں پڑھو

%d bloggers like this: