ذلفی
۔۔۔۔۔۔۔۔۔۔۔۔۔۔.
بغیر کہیں لگی لپٹی دے اپݨے گُمان دی گالھ کریندے ہیں۔
1. عمران خان دا رویہ تے فرسٹریشن ظاہر کریندے جو اوندے ہتھ کُجھ نئیں پیا آندا۔۔
2.پٹرول دی بجلی دی قیمت کوں فریز کر ڈیون دا مطبل حے جو خان کوں یقین ہا میڈی حکومت نہ رہسی تے ویندیں ویندیں اے بوٹ اگلی حکومت دی گچی اچ پائی ونجاں۔۔! ایں سیاسی موو کوں نہ ملک دی معیشت افورڈ کر سگدی حے تے نہ ہی اصل مقتدر قوتاں۔۔! سب کولو پہلے تے اہم عسکری ضرورت تے بجٹ ہوندے۔۔! ملک دے گڑدشی قرضے تے آئی ایم ایف ایں اریشنل چسکے کوں سہہ نہ سگسن۔۔
3.ویندیں ویندیں جنوبی پنجاب صوبے دی گالھ کرݨ تے اوکوں اسمبلی اچ گھن آوݨ دا وعدہ کرݨ وی ظاہر کریندے جو اے پی ٹی آئی دا ہیک اینجھا سیاسی دا ہے جیڑھا پری الیکشن دی تیاری حے تاکہ او سرائیکی وسیب اچ کمپین کرݨ جوگے تاں ہوون۔
4.پی ٹی آئی اچ روز روز ہیک نویں گروپ دی سامݨے آوݨ تے علیم خان دا ترین گروپ اچ شامل تھیون تے انہاں دا عثمان بزدار کوں ہٹاوݨ دا واضح موقف تے عمران خان دا بزدار کوں کم جاری رکھݨ دا اعلان۔۔اے سب کجھ ظاہر کریندے جو گالھ بݨدی نئیں پائی تے عمران اپنے بچے کُھچے پتے ضائع نئیں کرݨ چاہندا۔۔
5. ق لیگ دا اے بیان جو سیاست اچ پہل کرݨ آلا کے ویندے ول فضل الرحمن کوں ملݨ، زرداری نال رابطہ کرن تے اپنے سیاسی رول کوں قائم رکھن سانگے جڈیں کڈیں اُبھالے ہتھ پیر مارݨ۔۔
6. پیر پگارے دا ملݨ کولو صاف انکار کر ڈیون ۔
7. باہرلی دنیا دی موجودہ صورتحال تے عمران دیاں بھڑکاں وی ڈیپ سٹیٹ دے مفادات دے سخت خلاف ہن جیندی وجہ کولو اے مزید آئسولیشن اچ ویسی۔۔!
آخری گالھ اے حے جو اسٹیبلشمنٹ جیندی بار بار مثالاں ڈتیاں ویندن جو او سب کجھ کر سگدی حے او اتنی سیاݨی ہووے ہا تاں بار بار ہیک اینجھا تجربہ نہ کرے ہا جیرھا اوندی اپݨی گچی اچ پائے ویندے جیندا وزن نئیں دھو سگدی۔۔انہیں غلطیاں دی وجہ کولو او وی بیک فٹ تیں گئی حے ہݨ سب کجھ اوندے اختیار اچ کائینی ۔۔! ویسے وی سیاست ڈائیلاگ دی کلا جانݨ تے کجھ ڈے تے کجھ گھن کوں ورتݨ دا ناں حے عمران نیازی ایں وصف کولو بالکل کورا حے۔۔اے تاں ساری زندگی گھنݨ آلا ہتھ رہ گئے ایں اج تک کہیں کوں کجھ ڈتا وی کائینی نہ ہی اے کہیں کوں کجھ ڈیون جوگا رہ گیا ہائی۔۔! اے زیادہ تر دوستیں دی مہربانیں نال چساں چیندا رہ گئے!
یہ بھی پڑھیے
”سیفل نامہ“ مولوی لطف علی تے محبوب مٹھل مجاہد جتوئی||سعید خاور
”ساڈے دل دریا، ساڈی اکھ صحرا“(وسیب یاترا :21)||سعید خاور
”دریا او دریا، پاݨی تیݙے ݙونگھے“(وسیب یاترا :20)||سعید خاور