سرائیکی ناول”وساخ” دی ملتان اچ گھنڈ کھلائی تقریب|| جاوید اقبال عنبر

جگ مشہور صحافی اتے دانشور سائیں نذیر لغاری صاحب دے سرائیکی ناول "وساخ” دی ملتان اچ گھنڈ کھلائی تقریب دا انعقاد ملتان ٹی ہاؤس اچ کیتا گیا جیندے اچ سرائیکی وسیب، سندھ، شہر اقتدار اتے لاہور توں مشہور ادبی ،صحافی، دانشور اتے سماجی شخصیات شرکت کیتی ۔ میں شکر گزار ہاں تمام معزز مہماناں تے سنگتیاں دا جنہاں تقریب اچ شرکت کرتے اینکوں پر رونق اتے یادگار بنایا، تقریب دے مہمان خصوصی وساخ دے مصنف، سینئر صحافی ایڈیٹر انچیف بول نیوز سائیں نذیر لغاری ہن جڈاں جو وائس چانسلر بہاءالدین زکریا یونیورسٹی ملتان سائیں پروفیسر ڈاکٹر منصور اکبر کنڈی پہلی نشست اتے معروف لکھاری، نقاد، محقق سائیں پروفیسر رفعت عباس ڈوجھی نشست دی صدارت کیتی۔ پروگرام دا آغاز سائیں صابر عطا تھہیم تلاوت کلام پاک توں کیتا جڈاں جو فہیم ساجد نعت اتے جاوید شانی صوفیانہ کلام پیش کیتا ۔ تقریب دے میزبان ، آرگنائزر تے بیورو ہیڈ بول نیوز ملتان جاوید اقبال عنبر مہماناں کوں خیرمقدم کیتا اتے انہاں کوں اسٹیج تے آپنی نشستاں تے آنون دی دعوت ڈتی ،

 مہمانان کوں خوش آمدید آکھن دے بعد جاوید اقبال عنبر نقابت نیشنل پریس کلب اسلام آباد دی نائب صدر اتے معروف اینکر پرسن سین ڈاکٹر سعدیہ کمال دے حوالے کرڈتی جنہاں آپنی جانداز آواز اتے خوبصورت لفظاں نال سامعین کوں پروگرام نال جوڑی رکھیا انہاں وساخ تے آپنی گالھ مہاڑ دے نال نال اسٹیج کوں سنہڑپ نال سنبھالیا اتے ایں تقریب کوں ہمیشہ کیتا یادگار بنا ڈتا۔

وساخ تے گالھ مہاڑ دا در نینگر اتے سنجاپو لکھاری سائیں محمود مہے المعروف مودی خان کھولیا،انہاں دی گالھ مہاڑ محفل اچ جان بھر ڈتی۔

بہاء الدین زکریا یونیورسٹی ملتان دے وائس چانسلر پروفیسر ڈاکٹر منصور اکبر کنڈی، ناول دے مصنف سائیں نذیر لغاری، تقریب دے صدر سائیں رفعت عباس، سائیں پروفیسر ڈاکٹر جاوید حسن چانڈیو ( اسلامیہ یونیورسٹی بہاول پور) پاکستان سرائیکی پارٹی دی چیئرپرسن اتے سرائیکی پارٹی دے بانی سائیں بیرسٹر تاج محمد خان لنگاہ دی صاحبزادی سین ڈاکٹر نخبہ لنگاہ، شعبہ سرائیکی بہاءالدین زکریا یونیورسٹی ملتان دے ڈائریکٹر سائیں ڈاکٹر قاضی عابد ،، مہاندرے لکھاری ،محقق، نقاد ساڈے چاچا سائیں عبدالباسط بھٹی، زکریا یونیورسٹی شعبہ سرائیکی دے استاد ڈاکٹر خالد اقبال ،لیہ توں سائیں مزار خان لاشاری ، سرائیکی تریمت تحریک کراچی دی رہبر سین ادی عابدہ بتول، ساڈی بھین سین ادی نسرین گل نیناں ناول وساخ تے گالھ مہاڑ کیتی آکھیا جو وساخ تاریخی ناول ہے جئیں لوکاں کوں جگائے ، مصنف سائیں نذیر لغاری وسیب دے اندھیاں کوں روشنی، گونگیاں کوں زبان اتے بوڑیاں کوں کن بخشن اے ناول ایں صدی دا شاہکار ناول ہے جیندے ذریعے قاری نویں دنیا ڈیکھ سگدے اتے ہک نویں دنیا قائم کرسگدے۔

تقریب اچ مہاندرے شاعر سائیں امان اللہ ارشد اتے سائیں غیور بخاری آپنا کلام پیش کیتا اتے خوب داد وصول کیتی ۔

تقریب اچ اسسٹنٹ کمشنر صدر ملتان سائیں محمد عدنان بدر، شعبہ اردو بہاءالدین زکریا یونیورسٹی ملتان دے چیئرمین سائیں پروفیسر ڈاکٹر ممتاز کلیانی، اسٹیشن ڈائریکٹر ریڈیو پاکستان ملتان سائیں آصف خان کھیتران ، مہاندرے دانشور سائیں ارشاد امین،سینئر صحافی سائیں شوکت اشفاق ، سائیں ہارون خان جمالی جی ایم پی ٹی وی ،سائیں امجد کلیار، وال برو پینٹس دے سی ای او، یار دلدار سائیں اسلم خان گرمانی ، سائیں امجد فاروق ڈاہا ، بلوچ اتحاد کونسل دے چیئرمین عرفان خان رند، سائیں ارشد خان رند،سائیں خضر حیات خان بلوچ ایڈووکیٹ، ساڈے پرانے سنگتی سائیں گل محمد سمرا گلو بھائی، سائیں شیخ سانول، سینئر منیجر دوآبہ فاونڈیشن سائیں جاوید اقبال تمیم، معروف سماجی شخصیت سائیں ملک ریاض احمد حسن تھہیم، سائیں اسلم جاوید ، سائیں احمد کامران مگسی ، سائیں اختر عالم قریشی، سائیں اسحاق قریشی، سائیں ملک ارسلان محبوب تھہیم ، سائیں شکیل احمد بلوچ، سائیں مظفر شاہ بخاری، سائیں ریاض بھٹی، سائیں انجم خان پتافی، سائیں میاں خورشید احمد مرکنڈ، سائیں ملک جاوید چنڑ، سائیں احمد نواز سومرو، پیپلز پارٹی شعبہ خواتین ملتان دی صدر سین سحرش خان ،سائیں ماذن یوسف ، سائیں نوید احمد، سائیں شکیل جاوید ، سائیں راو اشرف ، سائیں راو زاہد ، سائیں مرزا مبشر ، سائیں خضر حبیب ، سائیں یاسر سیہڑ، سائیں عبدالرزاق بلوچ،سائیں راشد خان ، سائیں ملک رشید ، سائیں ممتاز حیدر ڈاہر،کراچی توں سرائیکی عوامی سنگت دے رہنما سائیں شیخ اسلم، سائیں عبدالخالق اچھا،سائیں محمود نظامی ،سائیں زاہد عنبر خان، سائیں رشید خان لاشاری، سائیں شریف خان لاشاری، سائیں منصور خان سنجرانی سائیں شیخ اکمل، سائیں خلیل خان سنجرانی ، سائیں غلام مصطفی، سائیں حسن خان، سائیں محسن قریشی، سائیں اعجاز حسین ، سائیں رئیس امجد ، سائیں فاروق بھٹی تے سائیں ثقلین رضا اتے اقبال بلوچ سمیت ڈھیر سارے سنگتیاں شرکت کیتی ۔

چھیکڑ اچ میزبان جاوید اقبال عنبر تمام مہماناں اتے شرکاء دا شکریہ ادا کیتا ایں موقع تے مہماناں کوں سرائیکی اجرک اتے گلدستے پیش وی پیش کیتے گے۔

میں ہک واری ول تمام مہماناں، دوستاں اتے بانہہ بیلیاں دا انتہائی مشکور ہاں جو انہاں پروگرام کوں سجاون، سوہنا اتے یادگار بناون اچ میڈی حوصلہ افزائی کیتی میں ہمیش تھورائت رہساں اللہ پاک سب کوں تادیر سلامت آتے ہسدا وسدا رکھے ۔

کہیں دا ناں لکھن بھل گیا ہواں تاں معذرت قبول کریسو۔