میلہ مہرے آلے دا||اکبر ملکانی

اکبر ملکانی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

آج دا ڈیہنہ گارڈن ٹاؤن وچ ڈاڈھا چنگاں گزریئے۔ڈیہنہ چنگاں جو ھا۔عید میلاد النبی دی چھٹی ھئی۔خشی اوں ویلھے ڈاڈھی خراب تھئی اے۔جڈاں ملتان بار بار کوشش دے باوجود گھر دے کہیں بندے نال ڈوترائے گھنٹے رابطہ نئیں تھی سگیا۔پریشانی ضرورت توں زیادہ ودھ گئی اے۔اللہ خیر کرے رابطہ کیوں نئیں پیا تھی سگدا۔گھر وچ چار نمبر چلدن۔چارے دے چارے بند ہن۔ظاہر اے پریشانی وی ودھدی گئی اے۔
اوں ویلھے تسلی تھئی اے۔جڈاں ملتان دے بنہیں دوستیں دے نمبر وی بند ہن۔پتہ کرنڑ نال پتہ لگے۔عید میلاد النبی دی وجہ نال سارے ملتان دے نمبر بند ان۔اوندے بعد ساہ وچ ساہ ول ائے۔
شام کوں پروفیسر سبطین خاں گوپانگ دا ٹیلیفون ائے۔سردار رؤف خاں لنڈ میڈے نال اے۔اساں عمار یاسر خاں میرانی ایس ایچ او تھانہ قریشی دے نال موجود ہیں۔کھانا اتھائیں کھادی بیٹھوں۔ستار خاں پٹھان دی اماں سینڑ دی تعزیت واسطے بنگل الی گئے ھاسے۔ ہنڑ آدھے گھنٹے تک سرائیکستان ھاوس جناب کنیں پجدے پیوں۔
میڈے نال حاجی اللہ بخش خاں لشاری۔سرائیکی دانشور لکھاری ڈاکٹر احسان خاں۔ چنگوانی موجود ہن۔سئیں ھونریں دے انونڑ کوں جی آئیں کوں اکھیئے۔
سردار رؤف خاں لنڈ ماہر اے واقعیات اے۔وقت دے دھارے کوں سمجھنڑ آلا انسان اے۔جیویں دوست نواز اے۔ انویں مزاج شناس اے۔زیرک ذہین دوست اے۔بندیں کوں جوڑنڑ دا ڈاڈھا اندے۔موئیں کوں جولیندے۔روندیں کوں رہنیندے۔
آج وی اپڑیں وسیب دے ترائے دانشور۔لکھاری کٹھے ہن۔ہک پروفیسر ھا۔بیا وکیل دانشور ھا۔بیا لکھاری۔محقق ھا۔ول ترائے گھنٹے دی بھرپور نشست ھئی۔ہر موضوع تیں ڈاڈے آدم کنیں گھن عاشق بزدار تک گفتگو تھئی اے۔خواجہ فرید سرائیکی میلہ مہرے الا۔استاد نزیر فیض میلہ تیں وی بھرپور ڈس کس تھئی اے۔ سرائیکی یاترا ملتان کنوں گھن ملتان تک سفر نامہ وی ڈس کس تھئے۔اصف خاں دے لانگ مارچ تیں پروفیسر سبطین خاں گوپانگ نیں ترتیب نال روشنی پاتی اے۔روف خاں لنڈ تیں ڈاکٹر احسان چنگوانی نیں لکھاں سال انسا ن دے ارتقائی عمل تیں سیر حاصل گفتگو کیتی۔سرائیکی تہزیب کوہ ہمالیہ دے پہاڑیں کنوں گھن کیں وادی اے سون تیں موہنجوداڑو۔ہڑپہ تیں مہر گڑھ دے ہزاراں سالھاں دی سرائیکی تہزیب تیں گفتگو تھئی۔تیں زمین دا اے پہلا ٹکڑا ھا۔جیرھا کائنات اے قدرت وچ نمودار تھئے۔تیں اتھائیں ہی ڈاڈا ادم جنت توں ہی خطہ اے زمین تیں اتریا۔اے دعویٰ ڈاکٹر احسان چنگوانی اپڑیں گفتگو وچ تواتر نال کریندا ریہا۔
ٹائم کافی گزر گیا ھا۔ڈاکٹر احسان نال ول ہک رات کٹھے گزارنڑ وعدے تیں اے ایں گفتگو کوں اتھائیں کٹھا کیتا۔

ڈاکٹر احسان نیں پروفیسر سبطین خاں گوپانگ کوں عاشق خاں بزدار نال گلہ نوٹ کروایا۔میں پورا اشتہار پڑھیئے۔اشتہار وچ میڈا کتھائیں وی ناں کئینی۔سردار رؤف خاں لنڈ نیں اکھیئے۔جینکوں کل گھر ا کیں اکبر خاں اپڑاں کارڈ ڈے گئے۔اوندا ناں میکوں اشتہار وچ گول ڈے ھ۔یا آؤندے پتر سجاد خاں ناں گول ڈے ھ۔جیرھا پچھلے میلے تیں تقریر وی کر ائے۔اوھا اکبر خاں گال مسئلے دا حل اے۔اوہمیشہ ہرجاہ تیں اہدے عاشق خاں دا ماریا بے خطا اے۔عاشق خاں تیں کوئی گلہ نئیں بنڑدا ۔اوو اوو۔نہ آوو نہ اوو۔ڈاکٹر صاحب کوں میں اکبر ملکانڑیں اکھیئے عاشق خاں دا اے ذاتی میلہ ھوندے کوئی ونجے تیں بھانویں نہ ونجے۔مہرے آلے دے میلے تیں تحریک دا کم ایں گالھوں جمود دا شکار ریہے۔اتھاں تحریک ٹورنڑ دی آج تئیں کوئی گال وی نئیں کیتی گئی۔تھئی گال پریں تک ونج پندی اے۔دعا منگو اللہ کرے ساڈی آج دی پوسٹ دی عاشق خاں کو وا وی نہ لگے۔ اللہ کرے آج دی میڈی اے پوسٹ سردار رؤف خاں تیں پروفیسر سبطین خاں وی نہ پڑھ سگن۔کیوں جو ایہے جیہاں مونہوں نکتھیاں سچیاں گالہیں برداشت کرنڑ عاشق دے وس وچ کئینی۔جان کی امان پاؤں تیں۔

توھاڈا اپڑاں۔محمد اکبر خاں ذات ملکانڑیں۔قوم سرائیکی۔چیرمین پاکستان عوامی سرائیکی پارٹی ۔
سرائیکستان ھاوس دیرہ غازیخاں۔

dailyswail

See author's posts