ڈیرہ غازی خان کی خبریں

ڈیرہ غازیخان۔

ماہ ولادت آقا دو جہاں حضرت محمد ﷺ کے سلسلہ میں پولیس لائنز میں محفل میلادالنبی ﷺ کا انعقاد کیا گیا۔

تفصیلات کے مطابق پولیس لائنز ڈیرہ غازیخان میں میلاد النبی ﷺ کے سلسلہ میں سیرت کانفرنس کا انعقاد کیا گیا

جس میں پولیس افسران و اہلکاران کی بڑی تعداد نے شرکت کی۔کانفرنس کا آغاز تلاوت کلام پاک سے کیا گیا،

جس کے بعد پولیس افسران نے شان رسالت ﷺ میں نعت خوانی کی۔

نبی آخر الزماں حضرت محمد صلی اللہ علیہ وآلہ وسلم کی محبت ہمارے ایمان کا حصہ ہے،

نبی اکرم ﷺ کی پوری زندگی قرآن کریم کی عملی تفسیر ہے۔ ہم آپ ﷺ کے نقش قدم پر چل کر دنیا و آخرت میں کامیاب ہوسکتے ہیں

کیونکہ ماہ ربیع الاول کا بنیادی پیغام یہی ہے کہ سیرت النبی ﷺ کو ہم نے اپنی زندگیوں میں عملی طور پر نافذ کرنا ہے۔

ہم سب اس مبارک موقع پر عہد کریں کہ ہم ہر قسم کی مذہبی منافرت سے بالاتر ہو نبی اکرم ﷺ کے اسوہ حسنہ اور ان کی تعلیمات کی پیروی کریں گے

اورملک و قوم کی بہتری کے لئے اپنے حصہ کا کردار ادا کرتے رہیں گے۔

سیرت کانفرنس کے اختتام پر ملک و قوم کی سلامتی کے لیے خصوصی دعا کی گئی

اور شرکاء کے لئے کھانے کا خصوصی اہتمام کیا گیا۔

نمائندہ

See author's posts