احسن واگھا
۔۔۔۔۔۔۔۔۔۔۔۔۔۔۔۔۔
ٻدھ دے بارے وچ
یک مزید نوٹ:
۔۔۔۔۔۔۔۔۔۔۔۔۔۔۔۔۔
ساری ڈیٹیل ایں میڈیئم تیں آ نئیں سڳدی۔
اتیں کجھ مہربان ٻئے دی پوسٹ پڑھدے ئی اتراض کرݨ کیتے ہن۔
اتیں بندے کوں وت ڳول۔پھرول تیں لا ݙیندین۔
ایھا جھیڑے دی رمز ئے,
ایھو جھیڑے دا سوبھ ئے۔
۔۔۔۔۔۔۔۔۔
ودیا۔سوجھ دی ڳالھ جیکر ڈڈھو نا, بلکہ سورسز کنوں پڑھ کیں لکھیجیے تاں جو سورسز آکھین او ݙسݨا پوندے۔
گوتم دے بارے وچ سورسز کجھ ڈھیر اوپٹھ مذکور کریندین جتھو پتہ لڳدے او کئی ہک ماݨھو نہا۔
اے سورسز,
1۔ اوندیاں پالی۔کینن دیاں (سکریپچرل) سٹوریاں وی لکھدین,
2۔ نیداݨا۔کتھا یانی چوݨ۔پچوݨ وی لکھدین,
3۔ اے وی لکھدین جو ٻدھا ہک ناہ, کئی ہئین, اتیں,
4۔ اتیں ویسٹرن سورسز, اے وی صاف لکھدین جو جیرھا ٻدھا مذہب بݨیا کھڑے, شئید ایجھاں کئی ہک ماݨھو ہا ئی کے نھاں۔
جیرھا اصل تیں بھاویں گھڑنتو ٻدھا ہا ۔ ۔ ۔
اوندی ہک سٹوری اے ہے جو:
منڈھ وچ, ہک پوائنٹ تیں او نیٻاݨا (مکتی وغیرہ کیتے تپشیا کرݨ) دے خیال کنوں نراش تھی ڳیا۔
ہک ݙینہہ بھکشو۔رولز تروڑ ݙتونیس اتیں مثلا رڄ کیں کھاوݨا "جنکیٹ ” کھادھوس۔ اے ݙیکھ کیں اوندے پنج سنگتی اوکوں چھوڑ ڳئے۔
پر او سوچ وچار کوں لڳا ودا ریہا اتیں انت ولا ہک واری ٭بودھا۔گایا٭ (دانش وݨ) ہیٹھ ونڄ آسݨ ٻیٹھا۔
بیہار وچ موجود ایں جاہ کوں ٻدھ مت آلے دھرتی دی ٭آدھل۔مرکز۔ایکسل٭ منیندین۔
ایتھو جیرھلے اوٹھیا تاں اوں دعوی کیتا جو:
۔ میکوں نیٻاݨ/انلائٹنمنٹ لبھئیت تھی ڳئی ئے۔
میں ہݨ ٭اراہنت, تتھا گتا, نیٻاݨ, ٻدھا٭ ہاں۔
اوں ݙچک ݙچک کیں ہک اوپٹھ, ہک تضاد دا فیصلہ وی کیتا, اجو توڑیں جو میں ٭تتھا گتا٭ (ہک گزری وہاݨی, اوتیں تیں پڄیا, نا۔موجود) ہاں, میں آپݨا دھرم وی پرچار کریساں۔
اوندا دھرم۔دھما کھ اوپٹھ۔تضادیں آلا ہا,مثلا:
اے جو, نٻاݨا اندرو دھاں ونڄݨ آلی ہک بے۔انت خوشی اے, اے ݙسیج نئیں سڳدی۔ وت وی او
ایندے پرچار کیتے ٹر پیا۔
پرچار وچ کئی خاص شئے نویں کئے ناہی, اووھو عام بھاشن ہا جو لوبھ۔سدھر ݙکھ گھن آندی ئے۔
خاص ڳالھ اے ہائی جو او جنم مکتی یانی نروانا دے دعوے کوں گول, ولھیٹواں کر ڳیا۔
جنم چکر دی لائت سدھی سنویں ناہ کریندا۔
مزید اے جو کھاڄے۔پیڄے تیں پابندی ڈھلی کر ݙتوس۔
اکھیجیے او نارمل, ستھرے جیوݨ دا پرچارک ملاں جھیاں بݨ ڳیا۔
اتیں ٭چکرا ورتی (شاہءجہان) اوندا ڈریم ریہا۔
ایھے تضادات ݙسیندین جو شئید,
ٻدھ قصئیں۔کتھائیں اتیں چوݨیئ پوݨیئے افکار دا وچو اوسریا ہویا ہک اولوں ئے جیکوں اینٹیکوئیٹی گھڑ گھڑ کیں پکا کر ݙتے۔
شئید اے کوئی ہک ماݨھو کے نہا۔
اے وی پڑھو:
احسن واگھا دیاں لکھتاں پڑھو
یہ بھی پڑھیے
وسیب روانگی ،،گورنرسندھ دا سݙا (وسیب یاترا :4)||سعید خاور
لذت بھرے مہکتے ذائقے اور عید ۔۔۔||محمد عامر خاکوانی
شکر اور ناشکری کے درمیان۔۔۔||رؤف کلاسرا