یوم آزادی ۔سرائیکی قوم اور سرائیکی قوم پرستیں دے ناں ہک پیغام||اکبر ملکانی

اکبر ملکانی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

1.جیر ھی بدبخت قوم دا ایں سونڑہیں ملک پاکستان وچ عشر عشیر دا حصہ وی نا ھووے۔ول اوھا قوم آج جشن پاکستان منیندی پئی ھووے۔اوں بے ہودہ پاگل قوم کوں میڈی طرفوں جشن اے ازادی 14 اگست مبارخ ھووے۔

2۔انہیں سرائیکی جماعتیں سرائیکی اگوانڑیں کنوں میکوں کوئی ایہا گال پچھ ڈیوے۔تساں جو سوشل میڈیا تیں جشن اے ازادی مبارخ دے دریھ سارے وڈے چھوٹے اشتہار پوسٹاں لائین۔نال ایمان دے ڈسو تساں آزاد ھوئے۔

3۔کیا ایں پاکستان اور 14 اگست نیں توھاکوں بطور سرائیکی قوم سرکاری طور تیں تسلیم کیتے۔توھاکوں سنجانڑ شناخت ڈتی اے۔

4۔قوماں ہمیشہ سنجانڑ۔شناخت نال سنجانڑیاں ویندین۔جے تک ساڈی سنجانڑ۔شناخت نہ ھوسی۔او تک ساکوں دنیا دی کوئی طاقت وی قوم تسلیم کرنڑواسطے تیار نہ تھیسی۔

5۔تساں کینجھے سرائیکی او۔کینجھے سرائیکی قوم پرست رہنما او۔سرکار اور ساریاں وفاقی پارٹیاں ایں ویلھے تک توھاکوں جنوبی پنجاب دا ناں ڈیندن۔توھاکوں زرے تلی وی کاوڑ نئیں لگدی۔مطالبیں نال توھاکوں کہیں سنجانڑ نئیں ڈیونڑیں۔کوئی شئے توھاکوں اگر ملنڑیں اے تیں صرف مزاحمت نال ملنڑیں اے۔مطالبات نال نئیں ملڑیں۔مزاحمت کوں نشان بنڑاو

6۔ جنوبی پنجاب ساکوں اکھنڑ غلیظ گالی اے۔مندا اے۔ہر کہیں کوں ساکوں اے وی چنگیں طرحاں تیں پتہ اے۔نہ اساں جنوبی ہیں نہ پنجابی ہیں۔وت ساکوں کت واسطے جنوبی پنجاب آکھیا ویںدے۔ظاہر اے جڈاں ساڈی شناخت کوں وگاڑیا ویسی۔اساں ول چھتے تیں تھیسوں۔اساں سمجھدوں ساکوں جانڑ بجھ کیں چھتا کیتا ویندے۔پاکستان وی ساڈا دفاع نئیں کریندا۔پاکستان وی ساڈی وارو نئیں تھیندا۔پاکستان اپڑیں پالتو کتیں۔گماشتیں کوں اے کیوں نئیں اہدا۔میڈے سینے تیں رہنڑ الیاں۔سمھنڑ الیاں۔بہنڑ الیںاں ساریاں قوماں برابر ان ۔انہیں دی شناخت دے حقوق ساریں دے برابر دے ہن۔جڈاں کہیں قوم دے نال مترائی ما آلا سلوک تھیسی۔ظاہر اے آوندا جرم دار اساں پاکستان تیں قابض لوکیں کوں اداروں کوں سمجھسوں۔ظاہر اے ایں بد نیتی۔زیادتی دی دھاں اساں دھاں۔ فریاد اپڑیں پیارے پاکستان کوں ای ڈیونڑیں اے۔جھیڑا وی اساں اپڑیں پیارے پاکستان نال لانونڑے۔

7۔اساں سرائیکی قوم اور سرائیکی قوم دے اگوانڑ اگر اپڑاں محاسبہ کروں۔اپڑیں گریبان وچ جھاتی پانووں۔رلے بہے کیں سوچوں اساں اپڑیں قوم کوں کیرھے پاسے گھدی ویندوں۔سرائیکی دی ہک مثال مشہور اے۔انہیں اکھیئے اساں توھاکوں نیندے نسے۔اساں اکھیئے اساں لہندے چڑھدے جلسوں۔بے شرم اساں ہیں یا بے شرم او ہن۔

دنیا دی کوئی قوم ڈسو سوائے ساڈے جیرھی بغیر شناخت سنجانڑ دے کتھائیں جشن اے ازادی منیندی ھووے۔اللہ نبی دا واسطہ ھوے اپڑیں اپڑیں زاتی مفادات دی قربانی ڈیونڑ سکھو۔نہ تاں صفحہ اے ہستی تو وی مٹ ویسو۔توھاڈے ناں گھننڑ آلا وی کوئی نہ ھوسی۔بیاں وی ڈھیر زباناں ان جیرھیاں مر مٹ گئیں۔جنہیں دا کوئی اتہ پتہ وی کئینی۔اگر اساں سرائیکی کٹھے تھی تیں ہک پیر تیں کھڑ ویندے۔بقول میں اکبر خاں ملکانڑیں دے ۔جے تک ساڈی سنجانڑ۔جغرافیعے دا مسئلہ حل نہ تھیسی او تک اساں سرائیکی جشن اے ازادی 14 اگست نہ منیسوں۔میں ڈیکھاں اے کیویں ساکوں جنوبی پنجاب اہدن یا سرائیکستان نئیں بنڑیندے۔

8۔غلطیاں تیں ساریاں سازیاں اپڑیں ان۔جنوبی پنجاب کوں تسلیم کریندیں ھوئیں سبھ کنوں پہلے پاکستان دیاں جھنڈیاں ۔جھنڈے ساڈے وسیب وچ لگدن۔اخر کیوں۔کیڈیں ویندے توھاڈا او سرائیکستان دا مطالبہ۔شناخت دا مطالبہ۔جغرافیعے دا مطالبہ یا بس اے توھاڈیاں چھڑیاں گالہییں ھوندین۔جے اے ساریاں توھاڈیاں اگر چھڑیاں گالہییں ان یا شوقیہ قوم پرستی دی سیاست اے تیں وت سرائیکی قوم کوں خواہ مخواہ نیلی بتی دے پچھو لانونڑ دا فایدہ۔اگر ایہا ساڈی ڈو نمبری۔۔۔۔۔ قوم اور تاریخ ساکوں کڈاہیں وی معاف نہ کریسی۔قوم اور تاریخ دے اساں آپ۔ بہوں۔ وڈے مجرم ھوسوں۔

9۔ہک نہ ہک ڈیہنہ قوم دا سوال ضرور ابھرسی۔قوم دے ہتھ ساڈی گلوینڑ تک پہنچن۔اوں کنوں پہلے بہتر اے۔14 اگست آلے سوشل میڈیا تیں جیرھے جشن اے ازادی دے اشتہار چلیندے ریہوں۔اوندی ساکوں قوم کنوں معافی منگڑیں چاہیدی اے ۔معزرت کرنڑیں چاہیدی اے۔تاکہ توھاڈی ایں غلطی دی متاں معافی تلافی تھی پووے۔

10۔اخری وضاحت جیرھی میں ضروری سمجھداں۔نہ میڈی جماعت جشن اے ازادی دے خلاف اے۔نہ 14 اگست دے خلاف اے۔

لیکن میڈی۔ جماعت، پاکستان۔پاکستان دی اشرافیہ۔حکومت اے پاکستان۔افواج اے پاکستان۔قومی اداریں نال ہکو دا ہکو مطالبہ اے۔نہ میں جنوبی اں۔نہ پنجابی اں۔میں صرف سرائیکی اں۔میکوں تسلیم کرو۔میڈی شناخت کوں تسلیم کر کیں ساکوں وی جشن اے ازادی وچ شامل کرو۔اساں وی توھاڈے کٹھے 14 اگست رل کیں مناوں۔ساڈے نال وانجھ نہ کرو۔مترائی ما آلا سلوک نہ کرو ۔اساں پکے ٹھکے پاکستانی ہیں۔پاکستان دی ادھل وچ رہنڑ الی سبھ کنوں وڈی قوم سرائیکی ہیں۔پاکستاں بنڑانونڑ وچ اساں سرائیکی قوم دیاں ڈھیر قربانیاں ان ۔جے تک ساڈے قومی مسئلیں کوں تساں غور نال نہ سنڑسو۔ساڈے نال ایہا ائیں۔بائیں۔شائیں الی پالیسی رکھی رہسو۔۔ظاہر اے آوندا رد اے عمل تاں ضرور اوسی ۔جیندا قانونی ائینی حق وی اساں محفوظ رکھدے ہیں۔

توھاڈا اپڑاں۔محمد اکبر خاں ذات ملکانڑیں۔قوم سرائیکی۔چیرمین پاکستان عوامی سرائیکی پارٹی ۔
سرائیکستان ھاوس دیرہ غازیخاں۔

dailyswail

See author's posts