اداکارہ غنا علی نے اپنے شوہر کی ذرائع آمدنی بتا دی

لاہور

ٹی وی اداکارہ غنا علی نے کہا ہے کہ میرے شوہر کے ارب پتی ہونے کی خبروں میں کوئی صداقت نہیں وہ ایک عام نوکری کرتے ہیں۔

اداکارہ غنا علی نے اپنے ایک بیان میں کہا کہ میرے شوہر کے ارب پتی ہونے کی خبریں محض افواہ ہیں۔

میرے شوہر نہ تو اے ٹی ایم ہیں اور نہ ہی کوئی ارب پتی۔ وہ محض ایک نوکری پیشہ فرد ہیں۔

انہوں نے کہا کہ میرے شوہر سے متعلق افواہیں پھیلا کر ہمارے ذہنی سکون پر اثر انداز ہونے کی کوشش کی جا رہی ہے۔

الحمد اللہ ہم ایک خوشگوار ازدواجی زندگی گزار رہے ہیں۔

غنا علی نے کہا کہ کسی کو وضاحت دینے سے کچھ نہیں ہونے والا لہذا آپ بھی اپنے کام سے کام رکھیں۔

ایک ایسی صورتحال میں تو ضرور یہ اپنے کام سے کام رکھنے والی پالیسی اپنائیں

جب آپ پوری کہانی نہیں جانتے ہوں۔

خیال رہے کہ غنا علی اب تک کے پاکستان کے کئی ڈراموں میں اپنی اداکاری کے جوہر دکھا چکی ہیں

جن میں سُن یارا، کس دن میرا ویاہ ہووے گا سیزن 4، سایہ دیوار بھی نہیں، ہانیہ، چھوٹی چھوٹی باتیں اور سراب سمیت دیگر ڈرامے شامل ہیں۔

اس کے علاوہ غنا علی پاکستان کی کچھ مشہور فلموں میں بھی کام کرچکی ہیں

جن میں رنگریزہ، مان جاؤ نا، اور کاف کنگنا شامل ہیں۔

حال ہی میں غنا علی پر تنقید کرنے والوں میں سے ایک صارف نے لکھا تھا کہ

’دیکھو تو اس نے اے ٹی ایم سے شادی کی ہے۔‘

نمائندہ

See author's posts