شادن لُنڈ : سیمنٹ فیکٹری کے لیے زمینوں پر جبری قبضہ نہیں ہونے دیں گے، اہل علاقہ

ڈیرہ غازی خان : تمن لُنڈ ضلع ڈیرہ غازی خان کے عوام نے زندہ پیر کے مقام پر فوجی سیمنٹ فیکٹری کے لیے مقامی لوگوں سے زمیںیں زبردستی خریدے جانے کے معاملے پر تشویش کا اظہار کیاہے اور معاملے کو ہائیکورٹ میں چیلنج کرنے کا اعلان کردیا ہے۔

تفصلات کے مطابق آ ج شادن لنڈ میں زندہ پیر فوجی سیمنٹ فیکٹری کے مسائل کے حوالے سے شادن لنڈ میں ایک میٹنگ ہوئی جس میں معززین علاقہ متاثرہ لوگ سیاسی کارکنوں نے شرکت کی میٹنگ میں سیمنٹ فیکٹری کے حوالے سے جو مسائل پیدا ہورہے ھیں ان پر تفصیلی گفتگو کی گئی

اس موقع پر لوگوں  نے  الزام عائد کیاکہ  فوجی سیمنٹ فیکٹری والے ہمارے ملکیتی رقبے پر جبری قبضے کررہے ھیں جو غیر قانونی اور مجرمانہ عمل ھے ہم نے ان کے جاری کام کو موقع پر جاکر کئی بار روکا لیکنے ہمارے کام روکنے کے باوجود بھی یہ لوگ دھونس دھمکی سے اپنا کام جاری رکھے ہوئے ھیں اور لوگوں کو حراساں کیا جارہا ھے۔

اہل علاقہ نے کہا ہم ان کے اس مجرمانہ عمل کا ہر طرح سے مقابلہ کرنے کو تیار ھیں ہم اپنے ملکیتی رقبوں کا ہر فورم پر دفاع کریں گے میٹنگ میں یہ بھی فیصلہ ہوا کہ ان کے خلاف قانونی چارہ جوئی  کریں گے اور پرسوں تک ملتان ہائیکورٹ میں ان کے جبری قبضہ کے خلاف ایک مشترکہ رٹ پٹیشن دائر کریں گے اور ان کے اس جبری قبضہ کے خلاف عوامی جدوجہد بھی کریں گے۔

میٹنگ میں سردار ناصر خان لنڈ امان اللہ خان ایڈووکیٹ غلام صدیق خان جموانی سعداللہ خان جاوید اقبال ایڈوکیٹ احسان اللہ خان بلوچ ایڈووکیٹ محمد اسماعیل خان بلوچ ایڈووکیٹ بشراللہ خان مصباح خان حافظ محمد ابراہیم بلال حسن حاجی ذوالفقار بلقانی مختیار حسین بلقانی حافظ محمد اسلم جموانی محمد کاظم رضا لنڈ عطا محمد ممدانی اور دیگر زمیندار موضع ہفت گٹھ موضع زندہ پیرکے عوام نے کثیر تعداد میں شرکت کی۔ ڈیلی سویل نے معاملے پر فوجی سیمنٹ فیکٹری انتظامیہ کا موقف لینے کی کوشش کی تاحال ان کی طرف سے کوئی جواب سامنے نہیں آیا۔