احسان اعوان
۔۔۔۔۔۔۔۔۔۔۔۔۔۔۔۔۔۔۔۔
“ درویش شاعر۔۔۔۔۔جانباز جتوئ سئیں “
————————————————
اصل ناں : غلام رسول خاں ۔۔۔۔۔۔
قلمی ناں : جانباز جتوئ ۔۔۔۔۔۔۔۔۔
پیو داناں : سردار نصرت علی خاں
ڋاڋے داناں : غلام رسول خاں۔۔۔۔
جمنڑ دی تاریخ :جنوری 1924ء۔۔
جمنڑ دی جاہ : جتوئ، مظفر گڑھ
مستقل رہائش:اُچ شریف تحصیل احمد پور شرقیہ، بہاول پور
تعلیم : مڈل۔۔۔۔۔
• مائ بھاگ بھری ڈے قرآن مجید پڑھیا۔۔۔۔۔۔۔۔
• مولانا حسام الدین اُچوی ڈے گلستان، بوستان پڑھی ۔
اعزازات:
ستارہ سماج ،ستارہ غالب، گولڈ میڈل،خواجہ فرید ایوارڈ( اکیڈمی آف لیٹرز)۔۔۔۔۔۔۔۔۔۔۔
• اسلامیہ یونیورسٹی بہاولپور دے ایم اے سرائیکی دے نصاب وچ آپ داکلام شا مل ہے۔
• جانباز جتوئ دی ادبی خدمات دے اعتراف اچ صدر پاکستان سردار فاروق احمد خاں لغاری 23 مارچ 1994ء وچ جانباز جتوئ سئیں کوں “ صدارتی تمغہ براۓ حسن کارکردگی” عطا کیتا۔
چھپیاں کتاباں :
• ارداساں :-ضلع کونسل مظفر گڑھ۔( 1985)
• تنواراں :۔ سرائیکی ادبی مجلس بہاولپور(1989)
• ہواڑاں :۔خزینہ علم وادب لاہور۔(ستمبر2003)
• سسی :۔سرائیکی ادبی مجلس بہاولپور۔(2005)
جانباز جتوئ تے لکھیاں گیاں کتاباں :
• جانباز جتوئ شخصیت، فن، شاعری۔ فداالاحمدانی
سرائیکی اکادمی رائیٹرز ، ملتان ( 1968)
• جانباز جتوئ حیاتی تے فن، ظفر لاشاری
پاکستان پنجابی ادبی بورڈ لاہور۔(1999)
• جانباز جیندا ناں ہے۔۔حمید اُلفت ملغانی
اکادمی ادبیات اسلام آباد( 2007)
جانباز جتوئ سئیں دے شاگرد: صوفی فیض محمد دلچسپ، منظر اُچوی، ہمراز سیال اُچوی تے بۓ بہوں سارے شعراء آپ دے شاگرد ہن۔
تاریخ وفات: 17 دسمبر 1994ء۔۔۔۔۔۔۔۔۔
درگاہ حضرت مخدوم جہانیاں جہاں گشت اُچشریف دے قبرستان وچ آپ دفن ہِن۔
نمونہ کلام :۔۔۔۔۔۔۔۔
حقیقت میڋی کیا پُچھدو میں ہِک قلاش شاعر ہاں
میں غم کھانداں ،الم پینداںوڋا اوباش شاعرہاں
حوادث نے میکوں جانباز مٹی وچ مِلا چھوڑئیے
جے سچ پُچھدو تاں درداں دی میں زندہ لاش شاعر ہاں
۔۔۔۔۔۔۔۔۔۔۔۔۔۔۔۔۔
محنت کمال کرتے، اپڑاں مغز کھپاتے۔۔۔۔۔۔۔۔۔!
لفظاں دے میں بنڑاۓ چن چوڋیاں دے گھِنسو
جانباز میڋا ناں اے، ان جاڼ ہاں وپاری۔۔۔۔۔۔۔۔۔
ہِیرے ودا وچینداں مُل کَوڋیاں دے گھِنسو۔۔۔۔۔
یہ بھی پڑھیے:
احسان اعوان دیاں لکھتاں پڑھو
یہ بھی پڑھیے
وسیب روانگی ،،گورنرسندھ دا سݙا (وسیب یاترا :4)||سعید خاور
”اوکھڑا حال اوّلڑے دل دا“ (وسیب یاترا :3)||سعید خاور
سِک متراں دی ودھیری ہے (وسیب یاترا :2)||سعید خاور