مارچ 29, 2024

ڈیلی سویل۔۔ زمیں زاد کی خبر

Daily Swail-Native News Narrative

اجوکی سرائیکی کافی دی کچی پنسل نویں چِتر پئی چِتریندی ہے||رفعت عباس

اجوکی کافی ایں مونجھ دے رومان وچوں نکل کے وت الواون دا ناں ہے تے اظہر کلیانی اپنیاں رنگدار پنسلیں نال ایں مونجھ دی بے رنگی کوں ترڑے۔

رفعت عباس

۔۔۔۔۔۔۔۔۔۔۔۔۔۔۔۔۔۔۔۔

اجوکی سرائیکی کافی دی کچی پنسل نویں چِتر پئی چِتریندی ہے۔ایہ رنگدار پنسلیں دی نویں راند ہے جیڑھی ایں وسوں دے نویں شاعریں سِتری ہے۔ایں کَلا وچوں رب دا تَل وطنی تصور،عام جݨے دے عشق دی کتھا،تریمت دا نواں آدر تے تصوف وچوں دھرتی جایاں دی سیاست،اوہ نقش ہِن جیڑھے بکھن۔
اظہر کلیانی دی رنگدار پنسلیں دے نقش وچوں جیڑھا دھرتی ڄایا نشابر ہے اوندے ہتھ وچ کل تلوار ہئی نہ آڄ اسلحہ ہے۔اوندی سبھ توں وݙی تڈ مقامی بندے دا نروار/منطق/دلیل ہے۔ایہ نروار جیوت کاری کوں اگونہاں کرݨ ہے۔ایں کرہ ارض تیں دھرتی جایاں نال دروہ تھئے۔انہاں دی دھرتی کھسی گئی ہے،کوہیا گئے،غلام بݨا کے ویچیا ڳئے،قبضہ گیراں دے دب وچ ݙِتا گئے پر خوشی دی ڳالھ ہے جو دھرتی واس آج مونجھ دے پاتال وچوں نکل کے ولدا جیوݨ دا مکالمہ پیا کریندے۔
اجوکی کافی ایں مونجھ دے رومان وچوں نکل کے وت الواون دا ناں ہے تے اظہر کلیانی اپنیاں رنگدار پنسلیں نال ایں مونجھ دی بے رنگی کوں ترڑے۔
رفعت عباس۔ملتان
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کافی
اظہر کلیانی
کچی پنسل کول ہے سئیاں کچی پنسل کول
اساں کوئی تلوار نئیں رکھݨی نئیں رکھݨا پستول
کیں پرکار رکھی ہے جگ تیں ساری دنیا گول
پپل دے کہیں پترے وانگوں ❤️ اپنے کوں تول
عشق سرائیکی گھر دا جایا مٹھڑے مٹھڑے بول
ڈیکھ کہیڑاں در تیں آیاں سینگی نال الول
May be an image of 2 people, beard and people standing

یہ بھی پڑھیے:

رفعت عباس دیاں لکھتاں پڑھو

%d bloggers like this: