ایڈورڈ سعید کا اپنی موت سے پہلے حماس بارے آخری خیال||عامر حسینی

"چونکہ مروجہ تصورات جن کی رو سے پی ایل او کو خاطر میں نہیں لایا جاتا ، کا دیوالیہ پن عیاں ہوچکا ہے۔ اس لیے میں پراعتماد لہجے سے یہ بات کہے بغیر نہیں رہ سکتا کہ ایک دن آئے گا جب فلسطینی سیاسی طور پہ پہل کریں گے اور سارے خطے کو ترقی کی شاہراہ پہ ڈال دیں گے۔ آگر انجام کار اس قسم کی کوئی صورت حال پیدا ہوئی تو وہ کئی لحاظ سے مصری اور اسرائیلی امن معاہدے کا مثبت نتیجہ ہوگی- لیکن ہمیں یہ بھی نہیں بھولنا چاہئیے کہ فلسطین تشدد اور خون سے لبریز ہوچکا ہے اور ہمیں حقیقت پسندانہ انداز سے اس بات کی توقع رکھنی چاہئیے کہ ایک مختصر عرصے کے لیے آئیندہ بھی وہاں ہنگامے ہوتے رہیں گے اور کافی انسانی خون بہتا رہے گا- بدقسمتی سے مسئلہ فلسطین اپنی جانی پہچانی صورتوں میں بار بار سامنے آتا رہے گا-لیکن ہمیں امید رکھنی چاہئیے کہ فلسطین کے عوام۔۔۔۔۔ جن میں یہودی اور عرب دونوں شامل ہیں اور جن کے ماضی و مستقبل نے انھیں آپس میں جکڑ رکھا ہے کہ وہ ایک دوسرے سے پیچھا نہیں چھڑا سکتے ۔۔۔۔ بھی ایک بار پھر اپنا احیا کریں گے ۔ ابھی تک کسی قابل ذکر حد تک ان کا آمنا سامنا نہیں ہوا لیکن مجھے علم ہے کہ یہ آمنا سامنا ہوگا اور ضرور ہوگا اور جب یہ آمنا سامنا ہوگا تو دونوں کا بھلا ہوگا”

ایڈورڈ سعید نے اسی کے آغاز میں یہ بھی کہا تھا:

دو باتيں یقینی ہیں: اسرائیل کے یہودی بھی رہیں گے اور فلسطینی بھی ۔ اعتماد و یقین سے اس سے زیادہ کچھ کہنا نری حماقت ہوگی اور خوامخواہ اپنے آپ کو خطرے میں پھنسانا ہوگآ۔۔۔۔۔۔۔۔۔۔

ایڈورڈ سعید اپنی اس کتاب میں ایک جگہ لکھتا ہے: بموں اور رائفل کے کندوں سے اسرائیل اور فلسطین کے درمیاں امن قائم نہیں ہوگا

صہیونی بنیاد پرست اور اسلامی بنیاد پرست دونوں کے دونوں اسرائیلی اور فلسطینی عوام کے درمیان مسئلے کے باعزت اور پرامن حل میں سب سے بڑی روکاوٹ ہیں