جون 13, 2021

ڈیلی سویل۔۔ زمیں زاد کی خبر

Daily Swail-Native News Narrative

میں عید نہ منیساں ||اکبر ملکانی

عیداں ہمیشہ اسلامی تہوار دے ڈیہنہ ھوندن۔انہیں تہواریں دی نفی میں سمیت کوئی مسلمان وی نہیں کر سگدا۔عید نماز وی میں سمیت سارے مسلمان پڑھدن۔

اکبر ملکانی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

عیداں ہمیشہ اسلامی تہوار دے ڈیہنہ ھوندن۔انہیں تہواریں دی نفی میں سمیت کوئی مسلمان وی نہیں کر سگدا۔عید نماز وی میں سمیت سارے مسلمان پڑھدن۔
میں عرصہ 15 سال کنوں ہک فیصلہ کیتا ھا۔ جیرھا میڈا او زاتی فیصلہ ھا۔ایں میڈے فیصلے وچ میڈی پارٹی پاکستان عوامی سرائیکی پارٹی شامل کئیناں ھئی۔ایں فیصلے وچ جیلھے میں پارٹی بنڑائی ھئی۔پارٹی کوں میں فیصلے وچ شامل نہ کیتا ھا۔چونکہ اے مذہبی مسلک دی گال ھئی۔میں اکھیا ھا ایں مسئلے وچ ہر کوئی اپ خود مختیار اے۔
میں طئے کیتا ھا ۔جے تک میڈی شناخت دا مسئلہ حل نہ تھیسی۔اوتک میں کہیں عید دی خشی نہ منیساں۔خشی کنیں مراد نویں کپڑے۔نویں جتی۔اتر۔سینٹ۔تیل پھلیل۔گلکڑیاں پاونڑ مبارخاں ڈیونڑ۔مٹھایاں پیش کرنڑ۔مبارخی دے میسج کرنڑ۔مبارخی دے ٹیلی فون کرنڑ ۔خشی دے کہیں رد اے عمل دا اظہار کرنڑ۔نہ نہ۔بلکل نہ
میں سمجھداں محکوم مِظلوم قوم پنجاب دی غلامی دے طوق وچ عید منانوے اینکوں عید نہیں اکھیا ونج سگیندا۔ غلامی دے وچ کوئی عید عید نہیں ھوندی۔
سرائیکی قوم دا غلامی وچ عید منانونڑ غالبن سرائیکی قومی مسئلے دا نہ سمجھنڑ اے۔
بہر حال ہر سرائیکی اپڑیں مرضی دا اپ مالک اے۔کجھ ساڈا مسیت دا ملاں وی ساڈے اعصاب تیں سوار اے۔جیرھی گال او کریندے۔اساں سرائیکی محکوم مسلمان اوندی گال کوں امنا۔صدقنا سچ سمجھیندوں۔کیوں جو ساڈے قومی مسئلے وچ ملاں دے اپڑیں پیٹ دے پٹڑیں وی شامل ان۔
بہتر اےساڈے واسطے اساں ایں عید دی خشی کوں اگر سرائیکی قومی مسئلے نال جوڑ گھنوں۔کوئی حرج تاں کئینی ۔خشیں کیتے ساری زندگی پئی اے تھئی۔جیندے تیں خشیاں ودے منیسوں۔ایں خشی نہ منانونڑ دا سرائیکی مخالف قو تیں تک ہک اجتماعی پیغام پچانونڑ بہوں ضروری اے۔ ہر مسئلے تیں سرا ئیکی جڑت دا پیغام واضع کلیئر ونجڑاں چاہیدا اے۔
اخری اپیل۔شفقت فر میسو میکوں عید دی مبارک نہ ڈیسو۔نہ بھجیسو۔نہ میسج کریسو۔شکریہ سئیں دا تھورائیت ھوساں۔ولا ول شکریہ

سرائیکستان زندہ باد۔جنوبی پنجاب مردہ باد۔جنوبی پنجاب سیکٹریٹ مردہ باد۔

محمد اکبر خاں زات ملکانڑیں۔قوم سرائیکی
چیرمین پاکستان عوامی سرائیکی پارٹی
ملکانڑیں ھاوس۔مکان نمبر 834 بلاک ای واپڈا ٹاون ملتان۔

اے وی پڑھو:

سرائیکی تحریک دی کہانی۔۔۔اکبر ملکانی

ہک سال پہلے دی ڳالھ۔۔۔اکبر ملکانی

ضلع راجن پور دے سرائیکی قومی سنجانڑ دے تاریخی 5 وڈے ناں۔۔۔اکبر ملکانی

اکبر ملکانی دیاں مزید لکھتاں پڑھو 

 

%d bloggers like this: