اسلام آباد:
وزیراعظم عمران خان نے کہا کہ کورونا وبا کے خاتمے تک مقروض ملکوں کو قرضوں کی ادائیگی میں رعایت دی جائے۔
اقوام متحدہ کے زیراہتمام تجارت وترقی سے متعلق کانفرنس کے چوتھے سیشن سے ورچوئل خطاب کرتے ہوئے وزیراعظم عمران خان نےکہا کہ
ک ورونا بلاتفریق امیر اور غریب سب کو متاثر کررہا ہے، ہمیں لوگوں کو وبا اور بھوک سے ہلاکت سےبچانا ہے۔
وزیراعظم نے کہا کہ کورونا سے بچاؤ کی ویکسین ترقی یافتہ ممالک میں لگائی جارہی ہے،
وباکے تدارک کے لیے سہولیات میں اضافہ کیا جائے اور ترقی پذیر ملکوں کو بلا تعطل ویکسین فراہم کی جائے، عالمی سطح پر ویکسین کی دستیابی میں ابھی وقت درکار ہے۔
عمران خان کا کہنا تھا کہ دنیا کو اس وقت صحت عامہ اور معاشی حوالے سے غیر معمولی بحران کا سامنا ہے،
کورونا سے پسماندہ ممالک اور ان کے عوام سب سے زیادہ متاثر ہوئے جب کہ وباء کی صورتحال میں لاکھوں افراد خط غربت سےنیچے زندگی گزارنے پر مجبور ہوگئے۔
انہوں نے مزید کہا کہ وبا کے خاتمے تک مقروض ملکوں کو قرضوں کی ادائیگی میں رعایت دی جائے۔
یہ بھی پڑھیے
نام ور سرائیکی شاعر مشتاق سبقت انتقال کر گئے
نیشنل پریس کلب کے انتخابات، جرنلسٹ پینل نے میدان مارلیا، اظہر جتوئی صدر منتخب
ملتان یونین آف جرنلسٹس کے سالانہ انتخابات میں "پروفیشنل جرنلسٹس گروپ” نے میدان مار لیا،