فیس بک پر طالب علموں کیلئے زبردست نیا فیچر متعارف
سوشل میڈیا پر سماجی رابطے کے سب سے بڑی ویب سائٹ فیس بک نے
یونیورسٹیز کے طالب علموں کیلئے اپنی ایپ پر زبردست فیچر متعارف کروادیا ہے۔
نیویارک:
تفصیلات کے مطابق فیس بک انتظامیہ نے طالب علموں کی آسانی اور انہیں اپنے کلاس کے دیگر طلبہ سے رابطے کیلئے انتہائی اہم فیچر ’کیمپس‘ متعارف کروادیا ہے۔
طلب علموں کو اس نئے فیچر میں ایک نئی پروفائل بنانی ہوگی،
اس نئی پروفائل میں نام، پروفائل پکچر اور دیگر معلومات ان کی اصل فیس بک پروفائل سے امپورٹ کی جائیں گی
تاہم وہ ان معلومات کو ایڈٹ کرکے اپنی کلاس، مضامین اور دیگر تفصیلات کو بھی اس میں شامل کرسکتے ہیں۔
اس طرح نئے فیچر میں جن طالب علموں کی کلاس اور مضامین ایک جیسے ہوں گے وہ باہمی طور پر ایک دوسرے سے رابطے میں رہ سکیں گے۔
رپورٹ کے مطابق کیمپس فیچر کے تحت اپنی پروفائل بنانے والے طالب علموں کیلئے نیوزفیڈ بھی الگ سے ہو گی
،
جس پر ان کے تعلیمی ادارے کے متعلق ہی پوسٹس ظاہر ہوں گی جو اس ادارے کی انتظامیہ اور طالب علموں کی طرف سے کی جائیں گی۔
رپورٹ مطابق نوجوان نسل فیس بک کو چھوڑ کر ٹک ٹاک، انسٹاگرام اور دیگر سوشل پلیٹ فارمز کی طرف متوجہ ہو رہی ہے،
چنانچہ فیس بک انتظامیہ کی جانب سے نوجوانوں کو واپس اپنی طرف راغب کرنے کے لیے یہ فیچر متعارف کرایا گیا ہے۔
یہ فیچر فی الوقت امریکہ کے 30کالجز و یونیورسٹیوں کے لیے شروع کیا گیا ہے، جن میں براﺅن، ڈوک، جارجیا سٹیٹ، جانز ہوپکنز،
یونیورسٹی آف پنسلوانیا اور دیگر0کالجز و یونیورسٹیوں شامل ہیں، اس بارے واضح رہے کہ
انتظامیہ کی جانب سے تاہم ابھی تک اس فیچر میں ہارورڈ یونیورسٹی کو شامل نہیں کیا گیا جہاں سے فیس بک نے جنم لیا تھا۔
یہ بھی پڑھیے
ٹائی ٹینک ایک سو گیارہ برس بعد مزید پانچ زندگیاں لے گیا
پاکستان سمیت دنیا بھر میں آج بچوں سے مشقت کیخلاف عالمی دن منایا جارہا ہے
خیبر پختونخوا: نو مئی کے واقعات میں ملوث 18 اساتذہ معطل کردئے گئے