چانپیں ، اچار گوشت، کڑاہی ، کلیجی اور کباب ،،، قربانی کےبعد مزےدار ڈشز تیار،، گھروں میں محفلیں سج گئیں ،،کوئی بنا مہمان تو کوئی بن گیا میزبان،،، پکوانوں کی مہک نے بھوک بڑھائی توہر کوئی اپنے پسندیدہ کھانوں پر ہاتھ صاف کرنے لگا۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قربانی ،ایثار اور خوشیاں بانٹنے کا تہوار،، ملک بھر میں عید الاضحیٰ مذہبی عقیدت و احترام کے ساتھ منائی جارہی ہے،نمازعید کے بعد سنت ابراہیمی کی ادائیگی ،، مستحق افراد اور عزیزواقارب میں گوشت کی تقسیم،،کراچی ،لاہور اوراسلام آباد سمیت چھوٹے بڑے تمام شہروں میں نماز عید کے اجتماعات ہوئے، کہیں احتیاطی تدابیر پر عملدرآمد اور کہیں نظرانداز ۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
صدرمملکت ڈاکٹر عارف علوی گھر میں نماز کی ادائیگی کےبعد ایوان صدر میں عملے سے عید ملے،،گورنر اور وزیر اعلیٰ پنجاب نے گورنر ہاؤس لاہور میں عید کی نماز اداکی ،، اپوزیشن لیڈرشہباز شریف نے لاہور، وزیرریلوے شیخ رشید نے لیاقت باغ راولپنڈی اور وزیر خارجہ شاہ محمود قریشی نے ملتان میں عید پڑھی،، گورنر سندھ عمران اسماعیل نے گورنرہاؤس سندھ اوروزیراعلیٰ خیبر پختون خوامحمود خان نے گورنرہاؤس پشاور میں نماز عید ادا کی۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیراعظم عمران خان کہتے ہیں ،،آنے والے دنوں میں قوم کےلیے اچھے دن دیکھ رہاہوں،، اداسی اور مایوسی کے بادل چھٹ رہے ہیں،، صدر مملکت ڈاکٹر عارف علوی اور وزیراعظم عمران خان کی قوم کو عید الاضحیٰ کی مبارک باد،، عوام سے عید سادگی سے منانے کی اپیل۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
منی لانڈرنگ کرنےوالے نیب قانون میں ترمیم چاہتے ہیں،،وزیر ریلوے شیخ رشید کہتے ہیں عمران خان کہیں نہیں جارہے، اپوزیشن دو چار مہینےشور شرابا کرے گی،ملک کی معیشت امتحان سے گزررہی ہے،،چینی اور آٹا میں عوام کو سبسڈی دی جائےگی۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پوری پاکستانی قوم کشمیریوں کے ساتھ ہے، انشاء اللہ کشمیر بہت جلد آزاد ہوگا،، وزیرخارجہ شاہ محمود قریشی کہتے ہیں ، تین اگست کو ایل او سی کا دورہ کروں گا،،یوم استحصال پر وزیراعظم عمران خان آزادکشمیر قانون ساز اسمبلی سے خطاب کریں گے، صدرمملکت اسلام آباد میں ریلی کی قیادت کریں گے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عید پر بارش اور ٹھنڈی ہواؤں نے موسم بدل دیا ،، اسلام آباد ،لاہور ،گوجرانوالہ اور سرگودھا سمیت مختلف شہروں میں موسلادھار بارش سے موسم سہانا،، ملکہ کوہسار مری میں بھی بادل برس پڑے،،لسبیلہ اوتھل میں موسلادھار بارش سے ندی نالوں میں طغیانی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عوام کو مہنگے پیٹرول کی عیدی،، پیٹرول تقریبا چار روپے فی لیٹر مہنگا، قیمت ایک سو چار روپے کے قریب پہنچ گئی، ہائی اسپیڈ ڈیزل پانچ روپے مہنگا ہونے سے ایک سو چھ روپے چھیالیس پیسے فی لیٹر کا ہو گیا، لائٹ ڈیزل چھ روپے باسٹھ پیسے، مٹی کا تیل پانچ روپے ستانوے پیسے فی لیٹر مہنگا،،پیٹرول مہنگا ہونے پر عوام حکومت پر برس پڑے، قیمتوں میں کمی کامطالبہ۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نااہل، نالائق اور کرپٹ حکومت نے عید کی خوشیاں چھین لیں، اپوزیشن لیڈر شہباز شریف کہتے ہیں، بے حس حکومت کو عوام کی تکالیف کا کوئی احساس نہیں، عمران نیازی کی حکومت نے عوام اور غریب دشمنی کا مظاہرہ کیا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ملک بھر میں چوبیس گھنٹے کے دوران آٹھ سو اکتالیس کیسز رپورٹ،مجموعی تعداددو لاکھ اناسی ہزار ایک سوچھیالیس ہوگئی،،ایک روز میں انیس اموات،تعدادپانچ ہزارنوسوستر ہوگئی،،ملک میں کورونا کےایکٹو کیسز پچیس ہزار ایک سو انچاس رہ گئے۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی میں جبری کھالیں جمع کرنے پر کارروائی ہو گی، ترجمان رینجرز کے مطابق، ضابطہ اخلاق کی پابندی کو یقینی بنایا جائے گا، اسلحہ، ڈنڈے، لاٹھیاں لے کر چلنے کی اجازت نہیں ہو گی، ہوائی فائرنگ پر بھی سخت کارروائی ہو گی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قربانی کےبعد صفائی آپریشن شروع،،وزیراعلیٰ پنجاب عثمان بزدار کا لوکل گورنمنٹ بورڈ کمپلیکس کا دورہ ،،صفائی کی صورتحال کا جائزہ لیا،،معاون خصوصی اطلاعات و بلدیات کےپی کامران بنگش کا پشاور کے مختلف علاقوں کا دورہ،،الائشیں اٹھانے کے کام کا جائزہ لیا۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عید کے موقع پرکورونا کےخلاف فرنٹ لائن پر موجود طبی عملے کو سلام ،،، طبی عملے کی انتھک کوششوں سے پوری قوم نے کوروناکا مقابلہ کیا ، لیکن ، وبا پر مکمل قابو پانے کے لیے ابھی بہت کچھ کرنا ہے،،نیشنل کمانڈاینڈآپریشن سینٹر کی عید پر سماجی فاصلے اور احتیاطی تدابیر پر مکمل عمل کی ہدایت۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مقبوضہ وادی میں قابض فوج کی بربریت ،، کشمیریوں کو عید کی نماز بھی ادا نہ کرنےدی گئی،،مشال ملک کہتی ہیں ،کشمیر میں انسانی حقوق کی سنگین خلاف ورزی ہو رہی ہے،،عید کے موقع پر مقبوضہ کشمیر قبرستان کا منظر پیش کر رہا ہے۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دنیا بھر میں کورونا کو شکست دینے والے افراد کی تعداد ایک کروڑ 11 لاکھ سے زائد، اب تک ایک کروڑ ستترلاکھ سے زائد افراد وائرس سے متاثر، چھ لاکھ تراسی ہزار سے زائد اموات
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھارت میں کورونا کیسز میں ریکارڈ اضافہ،،ایک روز میں ستاون ہزارسے زائد کیسز رپورٹ،،مجموعی تعدادسترہ لاکھ کے قریب پہنچ گئی۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
امریکا میں چینی ایپ ٹک ٹاک پر پابندی پر غور،، امریکی صدر ٹرمپ کہتے ہیں ٹک ٹاک پر پابندی سمیت دیگر آپشنز پر غور کررہے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مٹن کڑاہی، پائے، مٹن پلاؤ، قیمہ اور پہلوانی پھیونیاں ، ورلڈ چیمپئن انعام پہلوان نے عید پر خود ہی کچن سنبھال لیا،، بیگم اور اہلخانہ کے لیے فرمائشی کھانے بنائے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پسندیدہ ڈشز پر ہاتھ صاف کریں ،مگر احتیاط کے ساتھ،،، زیادہ گوشت صحت کےلیے نقصان کا باعث بن سکتا ہے۔،،ماہرین صحت کا گوشت کھانے میں احتیاط برتنے کا مشورہ،، قربانی کا گوشت زیادہ عرصہ فریزکرنا بھی مناسب نہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قومی کرکٹرز کی عوام کو عیدالاضحیٰ کی مبارک باد،،کورونا سے بچاؤ کےلیےایس او پیز پر عمل کرنے کی اپیل ،بچپن کی یادیں بھی تازہ کیں۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
باؤلرز کو ہدایت تھی سابق وزیراعظم نواز شریف کو آہستہ باؤلنگ کرائیں ، لاہور جم خانہ کرکٹ کلب کے سابق کپتان جاوید زمان کا انکشاف ،، عمران خان اور ماجد خان سمیت بڑے بڑے کھلاڑی جاوید زمان کی قیادت میں کھیلے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آئی سی سی ورلڈ کپ سپر لیگ میں آج انگلینڈ اور آئر لینڈ کے درمیان دوسرا ون ڈے ،، دونوں ٹیمیں پاکستانی وقت کے مطابق شام 6 بجے ساؤتھمپٹن میں مد مقابل آئیں گی،،تین میچوں کی سیریز میں انگلینڈ کو ایک صفر کی برتری حاصل
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بٹ کوائن ٹوئٹر فراڈ،امریکا نے ماسٹر مائنڈ سمیت دو ہیکرز کا سراغ لگا لیا ، ہیکنگ میں دو امریکی اور ایک برطانوی ہیکرملوث ،ایف بی آئی نے دو ہیکرز کو تحویل میں لے لیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
امریکی گلوکارہ بیونسے کے البم ” بلیک از کنگ ” کی ریلیز ہوتے ساتھ ہی دھوم ،،، بیونسے کا کہنا ہے کہ ، البم کا مقصد لفظ سیاہ کے عالمی تاثر کو تبدیل کرنا ہے۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یہ بھی پڑھیے
ٹائی ٹینک ایک سو گیارہ برس بعد مزید پانچ زندگیاں لے گیا
پاکستان سمیت دنیا بھر میں آج بچوں سے مشقت کیخلاف عالمی دن منایا جارہا ہے
سعودی عرب کی کل آبادی 3 کروڑ 21 لاکھ سے تجاوز کرگئی