پاکستان سمیت دنیا بھر سے آج کی خبریں،مختصر مختصر

وزیراعظم کے دو معاونین خصوصی عہدوں سے مستعفی ، ظفر مرزا اور تانیہ ایدرس نے استعفی دے دیا ، ظفر مرزا نے کہا ، وزیراعظم عمران خان کی دعوت پر ڈبلیو ایچ او چھوڑ کر پاکستان آیا ، منفی تنقید کے باعث مستعفی ہونا پڑا ، ایسے وقت میں عہدہ چھوڑا جب کورونا کم ہورہاہے، تانیہ ایدرس کہتی ہیں ، اُن کی دوہری شہریت پر تنقید کی گئی،عوامی مفاد کی خاطر عہدے سے استعفیٰ دیا ، وزیراعظم نے دونوں استعفے منظور کرلیے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

قومی اسمبلی میں اپوزیشن کے شور شرابے کے دوران دو بل منظور ، انسداد دہشت گردی ترمیمی بل اور اقوام متحدہ سلامتی کونسل ایکٹ انیس سو اڑتالیس میں ترمیم کا بل منظور،وزیرخارجہ کی تقریر کے دوران اپوزیشن کا بار بار ہنگامہ ، دو مرتبہ اجلاس ملتوی ہوا ،شاہ محمود قریشی نے کہا ، تماشا نہیں چلے گا ، وضاحت میرا حق ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

خواجہ آصف کا وزیرخارجہ پر رنگ بازی کا الزام ، کہا ، شاہ محمود قریشی ایوان میں رنگ بازی کرتے ہیں ، تاثر دیا گیا ہم نیب زدہ ہیں اور قومی مفاد کو نقصان پہنچانا چاہتے ہیں ، تاریخ گواہ ہے ، جنہوں نے غلط قوانین بنائے وہ خود اس کا شکار ہوئے ، حکومت کی صفوں میں مہا کرپٹ لوگ بیٹھے ہیں لیکن انہیں استثنیٰ حاصل ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اپوزیشن والے چاہتے ہیں کہ چوروں کو معاف کردیں ، این آر او پلس نہیں ملے گا ، احتساب ضرور ہوگا ، مراد سعید کا اپوزیشن کو کرارا جواب ، کہا ، ترامیم پیش کرنے والوں پر نیب مقدمات ہیں ، ملک کا پیسہ باہر لے جانے والوں سے نرمی نہیں کی جائے گی ،شوگر مافیا میں آصف علی زرداری کا نام ہے ،حکومتی اراکین نے مراد سعید کو ہار پہنا دیئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

آج نہیں تو کل تحریک انصاف والوں کی بھی باری آئے گی ، راجہ پرویز اشرف کہتے ہیں ، ن لیگ والے بھی کہتے تھے کہ ان کا کوئی اسکینڈل نہیں لیکن اسکینڈل آگئے ، ایف اے ٹی ایف بل چھ ماہ کمیٹی میں پڑا رہا ، مشیر خزانہ کے پاس وقت نہ ہونے کا ملبہ اپوزیشن پر ڈالا جارہاہے، ایک کروڑ نوکریاں دینے والو! ہمیں دو کروڑ گالیاں دو مگر دس ہزار نوکریاں ہی دے دو

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اپوزیشن کو کسی صورت این آر او نہیں ملے گا، عیدکےبعد آل پارٹیز کانفرنس کے غبارے سے ہوا نکل جائے گی، شبلی فراز کہتے ہیں، اپوزیشن اپنے ذاتی مفاد کیلئے نیب قوانین پر سودے بازی کرنا چاہتی ہے، فیاض الحسن چوہان بولے ،شہبازشریف اور بلاول بھٹو ایک دوسرے پر اعتماد کرنے کو تیار نہیں ، فضل الرحمان کو ن لیگ اور پیپلزپارٹی کو استعمال کرنے کا چسکا پڑ گیا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پارلیمنٹ کا مشترکہ اجلاس کل صبح گیارہ بجے طلب ، ذرائع کے مطابق ، سینیٹ سے پاس نہ ہونے والے بلز منظور کرائے جائیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پارک لین ریفرنس میں اہم پیشرفت ، نیشنل بینک کے دو سابق صدور آصف علی زرداری کےخلاف وعدہ معاف گواہ بن گئے، نیب نے دونوں کو قانون کے مطابق گواہی دینے پر معاف کردیا ،نیب نے اکسٹھ گواہان تیارکرلئے ، زین ملک کی چھ کیسز میں نو ارب پانچ کروڑ روپے سے زائد کی پلی بارگین

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی ڈوب گیا، کسی کو احساس نہیں ، سندھ ہائی کورٹ صوبائی حکومت اور بلدیاتی اداروں پربرہم ، جسٹس خادم حسین شیخ نے ریمارکس میں کہا ، لوگوں کے گھر اور سامان سب تباہ ہوگیا، ہر ادارہ ایک دوسرے پر ذمہ داری ڈالتا ہے، عدالت نے ڈائریکٹرکے ایم سی اورمئیرکراچی کوطلب کرلیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دو روز کی بارش نے کراچی کا نقشہ بگاڑ دیا ، شہر کی سڑکیں اور گلی محلے تاحال زیرِ آب ، حیدری مارکیٹ کے اطراف میں پانی جمع ، لیاقت آباد، ناظم آباد کے کئی علاقوں سے بھی پانی نہ نکالا جا سکا، نیپا چورنگی، ضلع غربی کے کئی علاقے بھی پانی موجود

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

زیادہ بارش ہوتی ہے تو زیادہ پانی آتا ہے ، لیکن انتظامات کیوں نہیں کیے جاتے ؟؟ کراچی میں بارش کے بعد پیدا ہونے والی صورتحال پر کراچی کے ایم این ایز کا احتجاج ، تحریک انصاف اور ایم کیو ایم کے ارکان اجلاس سے واک آؤٹ کر گئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی کے حالات کے ذمہ دار تحریک انصاف کے ایم این ایز ہیں ، سندھ کے وزرا نے ذمہ داری وفاق پر ڈال دی ، سعید غنی نے کہا ، وفاقی حکومت نے نالوں کی صفائی کیلئے کچھ نہیں دیا، سندھ حکومت اپنی ذمہ داریاں پوری کررہی ہے، ناصر شاہ بولے ، چند علاقوں میں نکاسی آب کا مسئلہ ہوا ، تنقید کرنےوالے بتائیں ، نالوں میں پتھر کہاں سے آتے ہیں؟

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بی آر ٹی منصوبہ ویران سڑک کی طرح پڑا ہے ،پیپلزپارٹی رہنما عاجر دھامرا ،، شوکت یوسفزئی کے چیلنج پر پشاور پہنچ گئے ، کہا ، بی آر ٹی کو خود اپنی آنکھوں سے دیکھ لیا ، کرپشن کی بات ہو تو سارا ملبہ صوبہ سندھ پر ڈال دیا جاتا ہے ، شوکت یوسفزئی نے بی آر ٹی کی تکمیل کا دعویٰ کیا تھا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

معروف قانون دان احمد اویس ایڈووکیٹ جنرل پنجاب تعینات ، وزارت قانون نے نے نوٹی فکیشن جاری کردیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لبیک اللھم لبیک کی صداؤں میں مناسک حج کی محدود پیمانے پر ادائیگی کا آغاز، غیر ملکیوں سمیت ایک ہزار عازمین فریضہ حج ادا کریں گے،عازمین نے احرام باندھ لیے ، تلبيہ پڑھتے ہوئے مکہ سے منیٰ پہنچ گئے ، رات منیٰ میں قیام کریں گے ، عازمین نو ذی الحج کو نماز فجر کے بعد رکن اعظم کیلئے میدان عرفات روانہ ہوں گے، شیخ عبداللہ المنیع خطبہ حج دیں گے، خطبہ حج اردو سمیت دس زبانوں میں نشر کیا جائے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

غلاف کعبہ کی تبدیلی کی روح پرور تقریب آج ہوگی ، غلاف کعبہ کی تیاری میں چھ سو ستر کلوریشم ، ایک سو بیس کلو سنہری اور سو کلو چاندی کے تار کا استعمال کیا گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کرکٹر عمر اکمل کو ریلیف مل گیا ، پی ایس ایل فکسنگ اسکینڈل میں تین سالہ سزا کی مدت کم کرکے ڈیڑھ سال کردی گئی، عمراکمل فیصلے سے ناخوش، کہا ، سزا مزید کم ہوسکتی ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملک میں کورونا کے ایکٹیو کیسز کی تعداد چھبیس ہزار سے کم رہ گئی، کورونا سے متاثرہ مریضوں کی تعداد دولاکھ چھہتر ہزار سے زیادہ ، اب تک پانچ ہزار آٹھ سو بانوے افراد زندگی کی بازی ہار گئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایک دن میں کورونا سے زیادہ اموات کے لحاظ سے پاکستان سےتئیس ممالک آگے، نئے کیسز میں پاکستان کا چوبیسواں نمبر، ایکٹیو کیسز میں پاکستان سے چوبیس ممالک آگے ،مجموعی کیسز کے لحاظ سے پاکستان کا بارہواں نمبر

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

حکومت پیٹرولیم مصنوعات کی قیمتوں میں ردوبدل کا فیصلہ پندرہ روز بعد کرےگی ، پندرہ اگست تک پیٹرولیم مصنوعات کی قیمتیں موجودہ سطح پر برقرار رہیں گی ، یکم اگست سے پیٹرولیم مصنوعات کی قیمتوں میں پانچ سے آٹھ روپے فی لیٹر کمی ہونا تھی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سنٹرل جیل پشاور میں قیدیوں کو منشیات سپلائی ہونے کا انکشاف،پولیس اہلکار رنگے ہاتھوں پکڑا گیا، قیدیوں کو منشیات سپلائی کرنے والا اہلکار معطل، کانسٹیبل سیف اللہ سے آئس ، ہیروئن اور چرس برآمد

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لاہور میں بادل برس پڑے ، مختلف علاقوں میں بارش سے گرمی کا زور ٹوٹ گیا ، اسلام آباد ، خیبر پختو نخوا ، پنجاب اور کشمیر میں تیزہواؤں اورگرج چمک کے ساتھ بارش کا امکان

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

عیدِ الاضحی میں صرف دو روز باقی رہ گئے، مویشی منڈیوں میں خریداروں کا رش، کسی کو دنبے اور بکرے کی تلاش تو کوئی بیل گائے اور اونٹ خریدنے میں مصروف ، منڈی میں مویشیوں کی قیمتیں بھی ایسی کہ سنتے ہی ہوش اڑ جائیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جانوروں کےاُونچے دام ، انعام پہلوان پریشان ، بیوپاریوں کو چت نہ کرسکے ، بکروں پر دل آیا مگر بیوپاری کو ریٹ نہ بھایا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مقبوضہ جموں و کشمیر میں بھارتی ریاستی دہشت گردی ، قابض فورسز نے نام نہاد آپریشن کی آڑ میں دو کشمیریوں کو شہید کردیا ، مقبوضہ وادی میں پابندیاں برقرار

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

آبنائے ہرمز کے قریب ایران کی سالانہ فوجی مشقیں ، پاسداران انقلاب کے فضائی اور بحری دستے مشقوں میں شامل ، امریکہ نے غیر ذمہ دارانہ عمل قرار دے دیا ، کہا ، آبی راستے کے قریب عسکری مشقیں لاپرواہی کا مظاہرہ ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

طالبان کا افغانستان میں عیدالاضحیٰ پر تین روزہ جنگ بندی کا اعلان، زلمے خلیل زاد نے اعلان کا خیر مقدم کیا، کہا ، امید ہے عید افغان عوام کو پائیدار امن کے قریب لائے گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چین میں تیس سال کا بدترین سیلاب ، لاکھوں افراد بے گھر ہوگئے ،صوبہ ہوبے میں ایمرجنسی نافذ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پروازوں کی صورتحال معمول پر آنے میں چارسال لگ سکتےہیں،انٹرنیشنل ایئر ٹرانسپورٹ ایسوسی ایشن کےمطابق ، ایئر ٹریفک کی بحالی مختلف ملکوں میں سرحدیں کھولنے سے مشروط ہے، ائیر ٹریفک کی کورونا سے پہلے والی صورتحال دو ہزار چوبیس تک بحال نہیں ہوسکتی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ترک حکومت کو سوشل میڈیا پر کنٹرول کا اختیارمل گیا،پارلیمنٹ نے منظوری دے دی ، قانون کے تحت سوشل میڈیا کمپنیز کو مخصوص مواد پر ترک عدالت کے احکامات ماننا ہوں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

براڈ کی دس وکٹیں، مانچسٹر ٹیسٹ اور سیریز انگلینڈ کے نام، آخری ٹیسٹ میچ میں ویسٹ انڈیز کو دو سو انہتر رنز سے شکست، تین سو ننانوے رنز کے تعاقب میں ویسٹ انڈیز ایک سو انتیس رنز پر آل آؤٹ، اسٹیورٹ براڈ آل راؤنڈ کارکردگی پر پلیئر آف دی میچ قرار

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پی سی بی نے انگلینڈ میں کھلاڑیوں کیلئے کِٹس بھیج دیں، شان مسعود نے ہر کھلاڑی کو کمرے میں جا کر تحفہ پہنچایا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اطالوی لیگ میں انٹر میلان کی ایک اور جیت ، نیپولی کو دو صفر سے دھول چٹا دی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

خلائی مخلوق کی تلاش ، ناسا کا روبوٹ مشن جمعرات کو خلا میں روانہ ہوگا ، مشن فلوریڈا سے لانچ کیا جائے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

واچ مین سیریز ،، ایمی ایوارڈز کیلئے چھبیس کیٹگریز میں نامزد ، ایوارڈز کی تقریب بیس ستمبر کو ہوگی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ویب ڈیسک

See author's posts