پاکستان سمیت دنیا بھر سے آج کی خبریں،مختصر مختصر

مسلسل دوسرے روز بارش نے کراچی کو پانی پانی کردیا، سڑکیں تالاب اور گلیاں دریا بن گئیں، انڈر پاسز پانی سے بھر گئے، مختلف علاقوں میں کھڑی گاڑیاں تک ڈوب گئی، کچی آبادیاں اور پوش علاقے سب پانی میں ڈوب گئے، نکاسی کا نظام بری طرح ناکام، گلبرگ اور ناظم آباد میں ندی کا گندا پانی گلیوں میں داخل،گلستان جوہر ، گلشن اقبال ، حیدری میں انڈر پاسز بھر گئے ، حکومتی دعوے پھر پانی میں تیرتے نظر آئے، محکمہ موسمیات کی رات تک بارش کا سلسلہ جاری رہنے کی پیشگوئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں چند گھنٹوں کی بارش نے شہر ڈبو دیا، اورنگی ٹاؤن میں نالے کا پانی گھروں میں داخل، تیس سال سے ووٹ دے رہے ہیں، کوئی ایم این اے آیا نہ ایم پی اے، بلدیاتی نمائندے بھی غائب ہیں، کمر تک گندے پانی میں ڈوبے شہری کی دہائی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی بلدیہ اسپارکو روڈ  پر کرنٹ لگنے سے مزید دو افراد جاں بحق، گزشتہ چوبیس گھنٹوں میں کرنٹ لگنے اور دیگر واقعات میں آٹھ افراد چل بسے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں نکاسی کا نظام بری طرح ناکام، مختلف علاقوں میں کھلے گٹر موت کا کنواں بن گئے، نالوں میں کچرا ہی کچرا، پانی کا گزرنے سے انکار، کئی علاقوں میں تین سے چار فٹ پانی جمع،گجرنالہ بپھرنے سے کئی علاقے پانی میں ڈوب گئے ، فیڈرل بی ایریا کی مسجد میں بھی پانی بھر گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بارش کے موسم میں احتیاط، احتیاط، صرف احتیاط،، شہری انڈر پاسز سے دور رہیں، غیر ضروری طور پر گھر سے نہ نکلیں، سڑکوں پر کھڑے پانی میں نہ چلیں، بجلی کے کھمبوں اور تاروں سے بھی دور رہیں، نقصان سے بچنے کیلئے قربانی کے جانوروں کو بھی کھمبوں سے نہ باندھیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں بارش کے بعد کے الیکٹرک،، کی روش نہ بدلی، تین سو سے زائد فیڈرز متاثر، سرجانی ٹاؤن، نارتھ کراچی، نارتھ ناظم آباد میں بجلی بند، بفرزون، لیاقت آباد، ایف بی ایریا، عزیز آباد کو بجلی کی فراہمی معطل

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی وینس میں تبدیل ، شہری گھٹنوں گھٹنوں پانی میں پھنس گئے ،ریسکیو اہلکارٹائر ٹیوب کی مدد سے شہریوں کو نکالتے رہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان کورونا پر قابو پانے والے ممالک میں شامل ہے، وزیراعظم عمران خان کہتے ہیں، اسمارٹ لاک ڈاؤن کی پالیسی کامیاب رہی، اسپتالوں پر دباؤ کم ہوا، امیر افراد کو مکمل پابندیوں سے فرق نہیں پڑتا، غربت کے شکار ممالک میں کرفیو نہیں لگایا جا سکتا، تین ماہ بعد پاکستان میں کورونا کیسز میں بہت کمی آئی، آگے ابھی مزید چیلنجز ہیں، مزید احتیاط کرنا ہو گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پنجاب میں تمام مارکیٹیں آج رات بارہ بجے سے بند ہو جائیں گی، مارکیٹیں آئندہ دس روز بند رہیں گی ، پنجاب حکومت کا صوبے میں اسمارٹ لاک ڈاؤن کا فیصلہ، وزیر اطلاعات فیاض الحسن چوہان کہتے ہیں، لاہور میں سخت لاک ڈاؤن کیا جائے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

تاجروں نے عید سے قبل لاک ڈاؤن کا فیصلہ مسترد کر دیا، کہا، عید سے پہلے پابندیاں لگائیں تو زبردستی دکانیں کھول لیں گے، اگلے پانچ روز کاروبار میں کسی قسم کی رکاوٹ برداشت نہیں کریں گے، حکومت فیصلہ واپس لے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

عید تعطیلات تک اسلام آباد کے تفریحی مقامات آج سے بند، مری ایکسپریس وے، مارگلہ، پارکس، ہل اسٹیشن بند رہیں گے، شہری عید پر گھومنے پھرنے کا پلان نہ بنائیں، ڈی سی اسلام آباد کی شہریوں سے اپیل، کہا، اس دفعہ تھوڑی سی تکلیف برداشت کر لیں اور انسانی جانیں بچائیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملک میں کورونا کے ایکٹیو کیسز کی تعداد اٹھائیس ہزار سے کم رہ گئی، چوبیس گھنٹوں میں ایک ہزار ایک سو سے زائد کیسز رپورٹ، اب تک  وائرس سے متاثرہ افراد کی تعداد دو لاکھ چوہتر ہزار سے بڑھ گئی، ایک روز میں مزید بیس افراد زندگی کی بازی ہار گئے، مرنے والوں کی  مجموعی تعداد پانچ ہزار آٹھ سو سے زائد، پنجاب میں گزشتہ روز کوئی شخص جاں بحق نہیں ہوا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا ختم نہیں ہوا، ہمیں وبا کا پھیلاؤ مزید روکنا ہو گا، وفاقی وزیر اسد عمر کہتے ہیں، خیبر پختون خوا میں کورونا کے پھیلاؤ میں کمی آ رہی ہے، خیبر پختون خوا حکومت کے اقدامات کی تعریف، شہریوں سے عید سادگی سے منانے کی اپیل، کہا، تفریحی مقامات پر جانے سے گریز کرنا چاہیے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی کی پسماندہ بستی لیاری کا حال ویسے ہی خراب، کچھ دیر کی بارش  کے بعد علاقے کی سڑکیں ندی نالوں میں تبدیل، گٹر ابلنے سے بدبو اور تعفن زدہ ماحول میں لوگوں کا چلنا پھرنا دشوار ہو گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں بارش میں نکلنا خطرے سے خالی نہیں، بڑی بڑی گاڑیوں نے پانی کے ریلے میں ہار مان لی، دنیا چاند پر پہنچ گئی کراچی میں بارش اور بجلی کا مسئلہ جوں کا توں، کون ہے جو کراچی کے شہریوں کے مسائل حل کرے گا؟ کل تک بارش کی دعا کرنے والوں نے  آج بارش تھمنے کیلئے ہاتھ اٹھا لیے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں بارش کے بعد پیدا ہونے والی صورتحال کی سندھ اسمبلی میں گونج، حکومت اور اپوزیشن ارکان میں تلخ جملوں کا تبادلہ، اپوزیشن رکن نصرت سحر عباسی نے کہا، کس سے سوال کریں، کون جواب دے گا؟ ڈپٹی اسپیکر ریحانہ لغاری نے نصرت سحر عباسی کا مائیک بند کروا دیا، کہا، غیر متعلقہ سوالات مت پوچھیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پیپلز پارٹی کراچی سے بدلا لے رہی ہے، اہلِ کراچی سے وعدہ ہے اب خاموش نہیں بیٹھوں گا، وفاقی وزیر علی زیدی کا بیان، کہا، معاملے کو وزیراعظم کے سامنے رکھوں گا، آئین کی پیروی کرتے ہوئے صوبوں کو آزادانہ کام کی اجازت دی، جب صوبائی حکومت شہریوں کے مفاد کے خلاف کام کریں تو کیا کریں؟

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بجلی ہے نہ پانی، ذرا سی بارش پر پورا شہر تباہ ہو گیا، چئیرمین پاک سرزمین پارٹی مصطفیٰ کمال کہتے ہیں، کراچی کے عوام مایوس ہیں، سمجھ نہیں آرہا کہ ہمارے مسائل کون حل کرے گا؟ اختیارات پاس نہ ہونے سے متعلق غلط بیانی سے کام لیا جا رہا ہے، تحریک انصاف نے کراچی کو آئی سی یو میں منتقل کر دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

فضل الرحمان کے بھائی کی تقرری، وفاق نے سندھ حکومت سے خدمات واپس لے لیں، اسٹیبلشمنٹ ڈویژن نے خدمات واپس لینے سے متعلق نوٹی فکیشن جاری کر دیا، مولانا فضل الرحمان کے بھائی ضیا الرحمان کو خیبر پختون خوا حکومت کو رپورٹ کرنے کی ہدایت، ضیاالرحمان کو کراچی میں ڈپٹی کمشنر سنٹرل تعینات کیا گیا تھا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیر خارجہ شاہ محمود قریشی کی زیر صدارت پارلیمانی کمیٹی کا اجلاس ، نیب قوانین میں ترامیم سےمتعلق مشاورت ، اسد عمر ، حماد اظہر ، ایاز صادق بھی اجلاس میں موجود، اپوزیشن رہنماؤں میں  راجہ پرویز اشرف ، نوید قمر اور جاوید عباسی کی شرکت

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان میں سونے کی قیمتوں میں اضافے کے تمام ریکارڈ ٹوٹ گئے، فی تولہ سونا ساڑھے تین ہزار روپے مہنگا ، قیمت ایک لاکھ چوبیس ہزار تین سو روپے ہوگئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پولیس پر حملے سمیت چودہ مقدمات میں ملزم عزیر بلوچ اور امین بلیدی پر فرد جرم عائد، ہنگامہ آرائی، جلاؤ گھیراؤ، اور پولیس پر حملے کے مقدمہ  میں فرد جرم عائد، دونوں ملزمان نے صحت جرم سے انکار کر دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

راولپنڈی میں نو افراد کے قتل میں ملوث چار مزید ملزم گرفتار، مرکزی ملزم نے جرم کا اعتراف کر لیا، دو روز پہلے میال گاؤں میں ملزمان نے  گھر میں گھس کر بچوں اور خواتین کو قتل کیا تھا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیر اعظم عمران خان کا شوگر کمیشن رپورٹ کی بنیاد پر ذمہ داروں کے خلاف کارروائی کا حکم، وفاقی حکومت کی، ایف بی آر، نیب، ایس ای سی پی اور ایف آئی اے کو تحقیقات کی ہدایت، گورنر اسٹیٹ بینک، مسابقتی کمیشن اور تین صوبوں کو بھی خط لکھ دئیے گئے، نوے روز میں عملدرآمد رپورٹ پیش کرنے کی ہدایت

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا بھر میں کورونا کے مریض تیزی سے صحت یاب، کورونا کو شکست دینے والے افراد کی تعداد ایک کروڑ سے بڑھ گئی، اب تک ایک کروڑ چونسٹھ لاکھ سے زائد افراد وائرس سے متاثر، ساڑھے چھ لاکھ سے زائد اموات

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

عیدِ قرباں میں گنتی کے روز باقی، مویشی منڈیوں میں رش بڑھ گیا،  بکرے ، بھیڑ ، بیل  اور اونٹ کی خریداری کیلئے بھاؤ تاؤ جاری ، عوام مویشی منڈیوں میں ایس او پیز کا خصوصی خیال ضرور رکھیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

رنگ سفید، قیمت چار سے پانچ لاکھ روپے، پشاور کی مویشی منڈی میں بلوچستان کے اونٹوں کی دھوم، شہریوں کی اونٹوں کے ساتھ سلیفیاں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مناسک حج کا آغاز بدھ سے ہو گا، خانہ کعبہ میں کورونا کا پھیلاو روکنے کیلئے اقدامات، سماجی فاصلہ برقرار رکھنے کیلئے مختلف رنگوں کی پٹیاں  لگا دی گئیں، حاجیوں کی مختلف گروپوں میں تقسیم، ہر گروپ مخصوص رنگ والی علامت کے دائرے ہی میں رہتے ہوئے طواف کرے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاک فوج کے فخر، گلگت بلتستان کے محافظ کیپٹن محمد سرور کا آج بہترواں یوم شہادت، کیپٹن سرور نے اڑی کے محاذ پر دشمن کے دانت کھٹے کیے، کئی گولیاں لگنے کے باوجود ڈٹے رہے، دشمن فوج کو مورچہ چھوڑ کر بھاگنا پڑا، کیپٹن سرور شہید پہلا نشان حیدر پانے والے جانباز

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مقبوضہ جموں و کشمیر میں قابض فورسز کی سفاکیت، نام نہاد آپریشن کی آڑ میں آٹھ نوجوانوں کو حراست میں لے لیا، عیدالاضحیٰ کے اجتماعات پر بھی پابندی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکہ چین کے درمیان بڑھتی کشیدگی، چین کے شہر چینگدو کے امریکی قونصل خانے کو خالی کر دیا گیا، قونصل خانے سے امریکی پرچم اتار لیا گیا، چینی انتظامیہ نے قونصل خانے کا نظام سنبھال لیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مانچسٹر میں بارش انگلینڈ کی جیت کی راہ میں حائل، بارش کے باعث چوتھے روز کا کھیل شروع نہ ہو سکا، انگلینڈ نے ویسٹ انڈیز کو جیت کیلئے تین سو ننانوے رنز کا ہدف دیا، ویسٹ انڈیز کے دس رنز پر دو کھلاڑی پویلین لوٹ گئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مانچسٹر یونائیٹڈ کا لیسٹر سٹی کو ڈبل دھکا، لیسٹر سٹی کو دو صفر سے ہرا کر پریمئیر لیگ میں تیسری پوزیشن حاصل کر لی، چیمپئنز لیگ میں بھی رسائی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ہیپی برتھ ڈے مایا علی، مایا علی نے من مائل، دیارِ دل سمیت کئی ڈراموں اور فلموں میں یادگار کردار ادا کیے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سائیکو کرائم تھرلر فلم ’ان ہنجڈ‘ کی ریلیز پھر ففٹی ففٹی، فلم کو چار دن بعد ریلیز ہونا ہے، کورونا کی وجہ سے ایک بار پھر فلم کی ریلیز آگے جانے کا امکان

ویب ڈیسک

See author's posts