پاکستان سمیت دنیا بھر سے آج کی خبریں،مختصر مختصر

کابینہ نے پی ٹی وی کی فیس میں اضافے کا معاملہ مؤخر کردیا ،وفاقی وزرا  فیصل واوڈا، مراد سعید اور فواد چودھری نے اعتراض اٹھایا ، کہا ، عوام کو اعتماد میں لیے جانے تک فیصلے پر عملدرآمد روکا جائے، وفاقی وزرا کا میڈیا ٹیم کی کارکردگی پر بھی اعتراض ، کہا، میڈیا ٹیم حکومتی بیانیہ بہتر اندازمیں پیش نہیں کر پا رہی، کابینہ میں ہمارے ساتھ غلط بیانی کی جارہی ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لگتا ہے این ڈی ایم اے کو ہی ختم کرنا پڑے گا، کیا این ڈی ایم اے کو ختم کرنے کیلئے وزیر اعظم کو سفارش کر دیں؟ کورونا ازخود نوٹس کیس میں چیف جسٹس گلزار احمد برہم ، کہا، کسی کو ایک پیسہ نہیں کھانے دیں گے، این ڈی ایم اے کو معلوم ہی نہیں عدالت کے ساتھ کیسے چلنا ہے، چیئرمین این ڈی ایم اے وضاحت کرنے میں ناکام رہے، کیوں نہ چیئرمین این ڈی ایم اے کو توہین عدالت کا نوٹس جاری کر دیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جعلی ادویات بنانے اور فروخت کرنے والوں کو سزائے موت ہونی چاہیے، چیف جسٹس گلزار احمد کے ریمارکس، کہا ، ڈریپ کی ناک کے نیچے جعلی ادویات مل رہی ہیں، ڈریپ نے نان رجسٹرڈ ادویات کی در آمد کی اجازت کیسے دی؟ جسٹس اعجازالاحسن نےکہا ، چیئرمین ڈریپ اپنا کام کر ہی نہیں رہے،سپریم کورٹ نے ڈریپ کی رپورٹ کوغیر تسلی  بخش قرار دے دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سپریم کورٹ کا جعلی لائسنس ہولڈر پائلٹس کےخلاف کارروائی فوری مکمل کرنے کا حکم ، جعلی لائسنس جاری کرنے والے افسران کےخلاف  فوجداری مقدمات درج کرانے کا حکم ، دو ہفتے میں کارروائی پر مبنی رپورٹ طلب ، ، سپریم کورٹ کی اجازت کے بغیر پی آئی اے کے اثاثے بیچنے پر پابندی ، سپریم کورٹ ،، ڈی جی سول ایوی ایشن پر برہم، کہا، آپ نے لوگوں کی زندگیاں داؤ پر لگا دیں، آپ استعفی دے رہے ہیں یا ہم کارروائی کریں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملک بھر میں تیز بارش اور طوفان سے تباہی ، مختلف حادثات میں سترہ افراد  جاں بحق ، تاندلیانوالہ میں مکان کی چھت گر گئی ، ایک ہی گھر کے سات افراد لقمہ اجل بنے، فیصل آباد میں  چھت گرنے سے دوبچوں سمیت تین افراد جاں بحق، وہاڑی اور چنیوٹ میں کرنٹ لگنے سے تین افراد چل بسے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کہیں بادل ، کہیں بارش اور کہیں ٹھنڈی ہوائیں ، اسلام آباد میں موسلا دھار بارس سے موسم  سہانا ، لاہور سمیت پنجاب کے کئی شہروں میں جل تھل ایک ، نشیبی  علاقے زیر آب  ، کراچی میں صبح سویرے ہلکی  بارش ،بالائی سندھ میں گرد آلود ہواؤں کے ساتھ بارش کی پیش گوئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں بجلی کا شارٹ فال ساڑھے پانچ سو میگاواٹ  ، کے الیکٹرک کو نجی پاور پلانٹس سے بجلی کی فراہمی نصف ہو گئی ، لوڈشیڈنگ سے مستثنیٰ  علاقوں میں ایک بار پھر چھ سے دس گھنٹے کی لوڈشیڈنگ ، لائن لاسز والے علاقوں میں بجلی بندش کا دورانیہ بارہ  گھنٹے تک پہنچ گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

تربت کے  بازار میں دھماکہ، ایک شخص جاں بحق ،سات زخمی ہوگئے ، دھماکے کے بعد قریب کھڑی گاڑی میں آگ  لگ گئی، بارودی مواد موٹر سائیکل میں نصب تھا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

آٹے کی قیمت پھر آؤٹ آف کنٹرول ، کراچی میں ایک ہفتے کے دوران آٹا نو روپے فی کلو مہنگا ، راولپنڈی میں ایک ماہ کے دوران آٹے کی قیمت آٹھ روپے بڑھی ، بیس کلو آٹے کا تھیلا بارہ سو روپے میں بکنے لگا ، پشاور میں آٹا دس روپے فی کلو مہنگا ہوگیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

خیبرپختونخوا حکومت کی آٹے کی مقررہ قیمت پر فراہمی کی ہدایت ، مشیر اطلاعات کامران بنگش کہتے ہیں ، بیس کلو آٹا آٹھ سو ساٹھ روپے میں فراہم کیا جائے گا ، کابینہ کا تعمیراتی شعبے کیلئے چار ارب روپے کا ریلیف پیکج دینے کا فیصلہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مسلم لیگ ن نے خواجہ برادران کیس کے فیصلے کو،، تاریخ ساز قرار دے دیا۔ خواجہ آصف کہتے ہیں،، فیصلے سے لگتا ہے،، آنے والے وقت میں انصاف کا بول بالا ہوگا۔ عدلیہ میں جانے والے اور انصاف کے طلب گار،، اس کیس کا حوالہ دیں گے۔ شاہد خاقان عباسی بولے،، فیصلے نے احتساب کا کھوکھلا پن عوام کے سامنے رکھ دیا۔ ملک میں احتساب کے نام پر تماشا لگا ہوا ہے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اپوزیشن پارٹیاں جعلی سوچ اور نظریے پر عمل پیرا ہیں، وزیراطلاعات پنجاب فیاض الحسن چوہان کہتے ہیں، اپوزیشن کا گٹھ جوڑ صرف جیبیں گرم رکھنے کیلئے ہے ، پنجاب کے وزیراعلیٰ عثمان بزدار ہی رہیں گے، عثمان بزدار کو وزیراعظم عمران خان ، پنجاب کابینہ اور عوام کا مکمل اعتماد حاصل ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اپوزیشن کی فکر چھوڑیں پہلے اپنی جماعت کو ایک اور نیک بنالیں ، عظمیٰ بخاری کا رد عمل ، کہا ،وفاق اور پنجاب کے وزیروں نے اپنی اپنی ڈیڑھ اینٹ کی مسجدیں بنالی ہیں، حکومتی وزیروں میں ریس لگی ہے ”توں چل تے میں اپنا حصہ لے کے آیا“

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پیپلزپارٹی حکومت نے عوام کے مسائل میں اضافہ کردیا،رہنما تحریک انصاف  خرم شیرزمان کہتے ہیں، سندھ کے عوام بارہ سال سے سسک رہےہیں، ایئرکنڈیشن روم میں بیٹھنے والے پریس کانفرنس کرتے ہیں، کوشش ہے عوام کو پیپلزپارٹی کا اصل چہرہ دکھائیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملک میں کورونا کیسز میں بتدریج کمی،اڑسٹھ روز میں کم  ترین کیسز،چوبیس گھنٹوں میں صرف ایک ہزار سے زائد کیسز رپورٹ ، مجموعی کیسز کی تعداد دولاکھ چھیاسٹھ ہزارسے بڑھ گئی، ایک دن میں چالیس افراد دم توڑ گئے، مرنے والوں کی تعداد پانچ ہزار چھ سو سے زیادہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا کا جون میں زور ، جولائی میں کافی کمزور، جون کے پہلے بیس روز میں ایک لاکھ پانچ ہزارسے زائد کیسز سامنے آئے ، جولائی میں ترپن ہزار کے قریب کیسز رپورٹ ، جون میں مثبت کیسز کی شرح اکیس فیصد ، جولائی میں  بارہ  فیصد رہی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسلام آباد میں کورونا کے مثبت کیسز کی شرح میں پچانوے فیصد کمی، معاون خصوصی صحت ظفر مرزا کہتے ہیں، اسلام آباد انتظامیہ نے کورونا کنٹرول   کرکے  حیران کر دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں کورونا کیسز تراسی ہزار کے قریب ، تین سو چونتیس نئے کیسز رپورٹ ، سندھ میں کورونا سے اموات دو  ہزار سےبڑھ گئیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

آبادی کے حساب سے سندھ نے پنجاب سے دگنا کورونا ٹیسٹ کیے ، ترجمان سندھ حکومت مرتضیٰ وہاب کہتے ہیں،ملک میں نااہلی کا وائرس قوم کو نقصان پہنچا رہا ہے،عمران خان جب بھی نوٹس لیتے ہیں عوام کی چیخیں نکل جاتی ہیں ، جو سوال کرتا ہے ان کے خلاف نیب انکوائری شروع ہوجاتی ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

فیصلے کابینہ میں نہیں ہوتے، فیصلے صرف وزیراعظم عمران خان کرتے ہیں، معاون خصوصی زلفی بخاری کی ہم نیوز کے پروگرام بڑی بات میں گفتگو، کہا، معاونین خصوصی کابینہ کے رکن نہیں، اجلاسوں میں خصوصی دعوت پر شرکت کرتے ہیں، کابینہ میں کسی کو دعوت دینے کی صوابدید وزیراعظم کی ہے، وزیراعظم عمران خان ڈونلڈ ٹرمپ کو بھی کابینہ اجلاس میں بٹھا سکتے ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سعودی عرب میں عید الاضحیٰ اکتیس جولائی کو ہوگی، حج کا رکنِ اعظم،، وقوفِ عرفہ جمعرات تیس جولائی کو ادا کیا جائے گا، نجی ملازمین انتیس جولائی سے دو اگست تک چار چھٹیاں کریں گے، سرکاری ملازمین کو تئیس جولائی سے آٹھ اگست تک دو ہفتے کیلئے چھٹیاں ہوں گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان میں چاند آج نظرآجائے گا، وفاقی وزیر فواد چودھری اپنے اعلان  پر قائم ، ذی الحج کے چاند کی پیدائش رات دس بج کرتینتیس منٹ پرہوچکی، چاند دیکھنے کیلئے رویت ہلال کمیٹی کا اجلاس آج ہوگا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایک سو چھیانوے مجرموں کی رہائی کا پشاور ہائی کورٹ کا حکم معطل، سپریم کورٹ نے مقدمات کی تفصیلات طلب کرلیں، جسٹس قاضی امین نے ریمارکس دیئے کہ فوجی عدالتوں سے ٹرائل کے بعد مجرموں کو سزا ہوئی، ہر کیس کے اپنے شواہد اور حقائق ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

خیبرپختونخوا کے سابق وزیر معدنیات ضیاءاللہ آفریدی کرپشن کیسز میں باعزت بری ، پشاور احتساب عدالت نے غیر قانونی بھرتیوں اور تنگی کرومائٹ کیسز کا فیصلہ سنا دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سابق مشیر پیٹرولیم ڈاکٹر عاصم حسین کو ایک ماہ کیلئے بیرون ملک جانے کی اجازت  ، احتساب عدالت نے علاج کیلئے ملک سے باہر جانے کی اجازت دی ، پچیس اگست تک وطن واپس آنے کی ہدایت

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں حوالہ ہنڈی کا دوسرا خفیہ بین الاقوامی نیٹ ورک پکڑا گیا ، ایف آئی اے انسداد دہشت گردی ونگ کی کارروائی ، ملک دشمن عناصر کو فنڈز پہنچانے والی کمپنی کا مینجر گرفتار

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی کے علاقے فقیر کالونی میں رینجرز کی کارروائی ، مغوی نوجوان کو بازیاب کرالیا، مغوی کے والدین نے واقعہ کی ایف آئی آر ذیشان نامی دوست کے خلاف درج کرائی تھی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ڈیفنس کراچی میں کار سوار نے معمولی تنازع پر موٹر سائیکل سوار کو تشدد کا نشانہ بنا د یا ، موٹرسائیکل سوار شدید زخمی  ، شہریوں نے  کار سوار کو پولیس کےحوالے کردیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسلام آباد میں شہری نے ڈکیتی کی واردات ناکام بنادی ، ڈاکو شہری سے نقدی اور موبائل فون چھین کر فرار ہونے لگے ، بہادر شہری نے چلتی موٹر سائیکل کے پیچھے بھاگ کر ڈاکوؤں کو دبوچ لیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پنجاب کے چار شہروں کے مختلف علاقوں میں اسمارٹ لاک ڈاؤن نافذ، راولپنڈی ، سیالکوٹ ، گجرات اور گوجرانوالہ کےعلاقے شامل ، پشاور کے دو علاقوں میں بھی اسمارٹ لاک ڈاون  کا فیصلہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایک دن میں کورونا سے زیادہ اموات کے لحاظ سے پاکستان سےسولہ ممالک آگے، نئے کیسز میں پاکستان کا چوبیسواں  نمبر، ایکٹیو کیسز میں پاکستان سےبارہ ممالک آگے ،مجموعی کیسز کے لحاظ سے پاکستان  کابارہواں نمبر

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان میں سوشل میڈیا ایپ ’’بیگو‘‘ پر پابندی عائد ، پی ٹی اے کی ’’ٹک ٹاک‘‘ کو بھی آخری وارننگ ، کہا ، غیر اخلاقی اور فحش مواد سے نوجوانوں پر برے اثرات مرتب ہو رہے ہیں ، کمپنیوں کو پاکستان کی اخلاقی قدروں کا خیال رکھنا ہوگا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا کے سائے ، کرکٹ پر چھائے ، ٹی ٹوئنٹی ورلڈکپ ایک سال کیلئے ملتوی، ایونٹ رواں سال اکتوبر میں آسٹریلیا میں شیڈول تھا، مقابلوں کا انعقاد اکتوبر دو ہزار اکیس میں ہو گا، میزبان کا اعلان بعد میں کیا جائے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

انگلینڈ کی ٹیسٹ سیریز کی ٹرافی اٹھانے کی امیدیں برقرار،  ویسٹ انڈیز کے خلاف دوسرا ٹیسٹ جیت کر شاندار کم بیک، تین میچوں کی سیریز ایک ایک سے برابر، براڈ اور ووکس کی تباہ کن بالنگ کے سامنے  ویسٹ انڈیز کی ٹیم بے بس، پوری ٹیم  تین سو بارہ رنز کے ہدف کے تعاقب میں ایک سو اٹھانوے رنز پر ہمت ہار گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسٹوکس پھر انگلینڈ کیلئے ہیرو، دوسرے ٹیسٹ میں پہلے سنچری پھر ففٹی بنائی ،میچ میں تین وکٹیں بھی گرائیں ، مین آف دی میچ کا بھی اعزاز اسٹوکس کے نام

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کرکٹر محمد عامر کا پہلا کورونا ٹیسٹ منفی آ گیا،دوسرا ٹیسٹ کل ہوگا، دو ٹیسٹ منفی آنے کے بعد کرکٹر کو انگلینڈ کے خلاف اسکواڈ میں شمولیت کیلئے بھیجا جائے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

خیبر پختونخوا نے نویں  جماعت سے انٹر  تک پروموشن کا طریقہ  بنا لیا، دسویں اور بارہوہیں جماعت کے طلبہ کو نویں اورگیارہویں  جماعت  کے نمبروں  پر پاس کیا جائے گا، دسویں اور بارہویں جماعت کے بچوں کو تین فیصد اضافی نمبر ملیں گے، نویں اور گیارہویں  کے امتحان میں فیل امیدوار کو پاسنگ نمبر دئیے جائیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پنجاب کے گیارہ سو ستائیس اسکولوں میں سربراہان کی تعیناتی کا فیصلہ ، تین سو پچاس اپ گریڈ اسکولوں میں بھی سربراہ تعینات ہوں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں سماجی کارکن سسٹررُتھ لوئس کورونا وائرس کے باعث  انتقال کرگئیں، رتھ لوئوس گزشتہ پچاس سال سے دار السکون سے وابستہ تھیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکی صدرڈونلڈ ٹرمپ نے خود کو سب کا پسندیدہ صدر قرار دے دیا، ٹرمپ نے ماسک پہنے تصویر شئیر کی ،کہا،  ہم سب نظر نہ آنے والے چینی وائرس کے خلاف متحد ہیں، ان سے زیادہ کوئی بھی محب وطن نہیں ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا بھر میں ایک کروڑ اڑتالیس لاکھ سے زائد کورونا کیسز،چھ لاکھ تیرہ ہزار سے زائد افراد چل بسے ، نواسی لاکھ تیس ہزار  سے زائد افراد صحت یاب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسلام آباد کے اندر جانوروں کی خریدو فروخت پر پابندی ، ضلعی انتظامیہ نے  غیر قانونی مویشی منڈیوں کے خلاف دفعہ ایک سو چوالیس نافذ کردی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

انگلینڈ کا بلیک برن ٹاؤن کورونا کاگڑھ بن گیا ، کورونا کیسز میں لیسٹر کو پیچھے چھوڑ دیا  ، سات دن میں ہر اٹھہتر ہزار افراد متاثر ہوئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکا میں کورونا کے بڑھتے کیسز ، لاس اینجلس اور ٹیکساس میں ڈرائیو تھرو کورونا ٹیسٹنگ کیلئے گاڑیوں کی لمبی قطاریں لگ گئیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

انڈیا کی سب سے بڑی ایئر لائن انڈیگو کا چوبیس سو ملازمین کو فارغ  کرنے کا فیصلہ، گزشتہ ماہ ائیرلائن  نے کورونا بحران کے پیش نظر بیالیس کروڑ ڈالر کے اخراجات کم کرنے کا اعلان کیا تھا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

روس کے علاقے سائبیریا کے جنگلات میں لگی آگ بے قابو، چھیالیس لاکھ ہیکٹر کا رقبہ جل گیا، گرم اور تیز ہواؤں سے آگ بجھانے میں مشکلات، ہزاروں فائر فائٹرز کوششوں میں مصروف

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نوجوان ماحولیاتی کارکن گریٹا تھون برگ کا کورونا سے نمٹنے کیلئے ایمازون کو ایک لاکھ یورو کا عطیہ ،گریٹا نے انسانیت کیلئے کام کرنے پر ملنے والی انعامی رقم سے پہلا چندہ ایمازون کو دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اٹلی میں کافی کے بیجوں میں کوکین سپلائی کرنے کی کوشش ناکام ،پولیس نے ایک سو تیس گرام سے زائد کوکین برآمد کرلی، ملزم گرفتار

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مصر میں پیسٹری بنانے والے کی جعلی سازی، مشہور مقامی ڈش میں گدھے کا گوشت شامل کرنے پرعدالت نے جیل  بھیج دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جنوبی کوریا کا پہلا ملٹری سیارہ خلا میں پہنچ گیا، مصنوعی سیارہ اسپیس ایکس کے فالکن نائن راکٹ کے ذریعے خلا میں بھیجا گیا، راکٹ نے فلوریڈا کے کینیڈی اسپیس سنٹر سے اڑان بھری

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایک بانس کی کشتی ، ایک بانس کا چپو ، گہرے پانی میں بانس پر توازن کا زبردست مظاہرہ، چین میں دو ہزار سال پرانا فن ابھی مرا نہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ہمت ہو جوان تو کوئی  کام مشکل نہیں ، تہتر سالہ خاتون کی جم میں ورزش کرتی ویڈیو نے سب کو حیران کر دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چڑیا گھر اور ریزورٹ ساتھ  ساتھ ، بیلجیئم کے انوکھے ہوٹل میں مہمان رہیں گے جانوروں  کے ساتھ ، کمروں سے  جانوروں  کو دیکھا جا سکے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

آسٹریلیا میں خاتون حادثے سے بال بال بچ گئیں، پیٹرول پمپ پر گاڑی فیول پائپ سمیت چل پڑی، فیول یونٹ اکھڑنے پر پائپ خاتون کے سر کے قریب لگا، لیکن خاتون محفوظ رہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

آسڑیلیا کے سمندر میں شارک کی اٹھکیلیاں، خوشگوار مناظر کشتی کے مسافروں نے کیمرے کی آنکھ میں قید کر لیے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کیا چال ہے کیا ڈھال ، گوجرانوالہ کے ڈان کی کیا ہی بات ، پاؤں میں گھنگرو، گردن میں تیس تولے خالص چاندی کے زیور اور قدوقامت بھی لاجواب ، آٹھ فٹ اونچا  چالیس  من وزنی ڈان کی قیمت پورے بیس لاکھ روپے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اطالوی  لیگ  میں  یووینٹس  چیمپئن  بننے کے  مزید قریب،،  لازیو کو دو ایک سے ہرا دیا،، پوائنٹس ٹیبل پر اسی پوائنٹس کے ساتھ سرفہرست

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

میرا کی عمر تینتالیس سال ، تجربہ پچیس سال ، کورونا کے باعث فلموں ڈراموں میں کام  نہیں  مل رہا ،  اداکارہ نے امداد کیلئے آرٹس کونسل لاہور میں  درخواست جمع کرادی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

تھور کی ایکسٹریکشن  نیٹ فلکس کی نمبر ون مووی ،، فلم کو اب تک نیٹ فلکس پر دس  کروڑ بار دیکھ لیا گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ویب ڈیسک

See author's posts