پاکستان سمیت دنیا بھر سے آج کی خبریں،مختصر مختصر

وزیراعظم عمران خان کا لاہور میں مصروف دن، وزیراعلیٰ پنجاب عثمان بزدار اور ارکان صوبائی اسمبلی وزیراعظم سے ملے، سیاسی صورتحال اور پنجاب حکومت کی کارکردگی سے متعلق تبادلہ خیال، عثمان بزدار کی آٹے اور گندم کی صورتحال پر بریفنگ، وزیراعظم کا عوامی ریلیف کیلئے صوبائی حکومت کے اقدامات پر اظہار اطمینان، ارکان اسمبلی کو بلدیاتی انتخابات کی تیاریوں کی ہدایات

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مسلم لیگ ن کا پنجاب بچاؤ تحریک شروع کرنے کا عندیہ، احسن اقبال نے کہا، پنجاب کی تباہی دیکھ کر خاموش تماشائی نہیں بنا جا سکتا، سب سے بڑے صوبے میں بدانتظامی سے لوگوں کو مشکلات کا سامنا ہے، پنجاب بچانے کیلئے آگے آنا پڑے گا، موجودہ حکمرانوں کا طرزِ حکمرانی تباہ کن ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کرپٹ اپوزیشن کی چیخ و پکار لوٹے مال کو بچانے کیلئے ہے، وفاقی وزیر اطلاعات شبلی فراز کہتے ہیں، قوم کا خون چوسنے والوں کے شور شرابے پر کان نہیں دھریں گے، اپوزیشن کی اٹھک بیٹھک سے پی ٹی آئی حکومت کو کوئی فرق نہیں پڑے گا، فیاض الحسن چوہان نے کہا، آج ذاتی ملازمین حکومت کیلئے کروڑوں کی کرپشن نہیں کر رہے، نارووال کے ارسطو کو تنقید کا موقع نہ ملنے کا دکھ ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی کے کئی علاقوں میں کل کی بارش کا پانی موجود، کئی علاقوں سے  پانی نکال لیا گیا، کاروباری مرکز اولڈ سٹی ایریا میں پانی تاحال سڑکوں سے نکالا نہ جا سکا، پنجاب چورنگی انڈر پاس میں پانی جمع ہو گیا، کرنٹ لگنے سے دو افراد جاں بحق، بجلی کا ترسیلی نظام متاثر، سولجر بازار، گارڈن اور لیاری کے کئی گھنٹوں سے بجلی کی فراہمی معطل، آج شام بھی بارش کی پیش گوئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

قائداعظم کی جائے پیدائش بھی برساتی پانی میں ڈوب گئی، وزیر مینشن کے اطراف پانی جمع، بارش کے بعد کھیلوں کے میدان بھی پانی سے بھر گئے، عید گاہوں اور میدانوں میں کئی کئی فٹ پانی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کچرا نہیں اٹھا سکتے تو پیپلزپارٹی کو حکومت کرنے کا کوئی حق نہیں،  وفاقی وزیر علی زیدی کہتے ہیں، کراچی کو ٹھیک کر کے دکھائیں گے، گزشتہ سال نالے صاف کرانے کی وجہ سے کراچی ڈوبا نہیں تھا، آدھا گھنٹہ بارش ہونے سے پورا کراچی ڈوب گیا، خرم شیر زمان بولے، ناقص کارکردگی کی ذمہ دار سندھ حکومت ہے، کراچی پیپلزپارٹی کی کرپشن کی وجہ سے ڈوب جاتا ہے، میئر کراچی جواب دیں ایک ارب روپیہ کہاں گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسلام آباد میں تاجر مطالبات کے حق میں سڑکوں پر آ گئے، کشمیر ہائی وے بلاک کر دی، پولیس کی بھاری نفری تعینات، آنسو گیس کے شیل، بکتر بند گاڑیاں بھی پہنچ گئیں، تاجروں کا کاروبار کے اوقات کار بڑھانے کا مطالبہ، انتظامیہ نے فیض آباد پل بھی مکمل بند کر دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لاہور میں چکی مالکان نے بھی آٹا مہنگا کر دیا، چکیوں پر فی کلو آٹا پانچ روپے مہنگا، ستر روپے فی کلو میں فروخت ہونے لگا، فلور ملز مالکان نے بھی آٹا مہنگا کیا تھا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

حکومت کا ذخیرہ اندوزوں کیخلاف ایکشن، پاکپتن میں محکمہ فوڈ کا چھاپہ، گودام میں ذخیرہ پانچ سو ساٹھ من گندم برآمد کر لی، سندھ حکومت کا گندم کی بین الصوبائی تسیل پر مزید سختی کا فیصلہ، کمشنر لاڑکانہ اور سکھر کو سخت اقدامات اٹھانے کی ہدایات

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملک میں دو لاکھ اکسٹھ ہزار سے زائد کورونا کیسز، چوبیس گھنٹوں میں مزید سینتالیس افراد زندگی کی بازی ہار گئے، اب تک مرنے والوں کی تعداد پانچ ہزار پانچ سو سے بڑھ گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

حکومتی اقدامات کے باعث کورونا کیسزمیں واضح کمی ہوئی، وزیراعظم عمران خان کہتے ہیں، عوام کو ایس او پیز پرعملدرآمد اور حکومت کا ساتھ دیتے رہنا ہو گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وفاقی وزیر اسد عمر کی زیرصدارت کراچی میں نیشنل کمانڈ اینڈ آپریشن سینٹر کا اجلاس، عیدالاضحیٰ اور مویشی منڈیوں کی ایس او پیز پر مشاورت، اسد عمر بولے، کورونا کیسز پر کنٹرول تمام صوبوں کی مشترکہ کاوشوں سے ہو گا، وزیراعلیٰ سندھ مراد علی شاہ نے کہا، جانور صرف مقرر کی گئی جگہ  پر ہی فروخت ہو سکتے ہیں، ہاٹ اسپاٹس ایریاز میں اسمارٹ لاک ڈاؤن کر رہے ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

میر پور آزاد کشمیر میں گرنے والے شادی ہال کے ملبے تلے دبے افراد کو نکالنے لیے ریسکیو آپریشن دوسرے دن بھی جاری، اب تک دو افراد کی لاشیں  نکال لی گئیں، بیس افراد کو ریسکیو کر لیا گیا، امدادی کاموں میں انتظامیہ اور پاک آرمی کے جوان مصروف

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پشاور کے علاقے ریتی بازار میں زمین دھنس گئی، قریبی عمارتوں میں  دراڑیں  پڑنے لگیں، پانچ دکانوں کو نقصان پہنچا، مزید نقصان کا خدشہ، علاقہ مکینوں کا انتظامیہ سے نوٹس لینے کا مطالبہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

خیبر پختون خوا میں کورونا کے باعث معطل انسداد پولیو چار ماہ بعد بحال، وزیر صحت تیمور سلیم جھگڑا نے کہا، بیس جولائی سے جنوبی وزیرستان میں پانچ روزہ مہم کا آغاز ہو گا، اٹھہتر ہزار بچوں کو پولیو سے بچاؤ کے قطرے پلائے جائیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سندھ حکومت کا پیٹرول پمپس کو چوبیس گھنٹے کھلے رکھنے کی اجازت دینے کا فیصلہ، وزیر اطلاعات ناصر حسین شاہ کہتے ہیں، فیصلہ مون سون کی صورتحال میں عوامی مشکلات کے پیش نظر کیا گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملک میں کورونا کے مریض تیزی سے صحت یاب ہونے لگے، چوبیس  گھنٹوں میں ریکارڈ چودہ ہزار سات سو سے زائد مریضوں نے کورونا کو شکست دے دی، اب تک صحت یاب ہونے والے افراد کی تعداد دو لاکھ کے قریب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بیرون ملک پھنسے پاکستانیوں کو واپس لانے کا وعدہ پورا کر دیا، وزیراعظم عمران خان کہتے ہیں، سفری مشکلات کے باوجود بیرون ملک پھنسے پاکستانیوں کو واپس لائے، اب تک دو لاکھ پچاس ہزار بیرون ملک پھنسے پاکستانیوں کو وطن واپس لایا جا چکا ہے، حکومت اوورسیز پاکستانیوں کی ہر ممکن مدد جاری رکھے گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مہنگائی میں پسے عوام پر ایک اور بوجھ کی تیاری، حکومت نے ادویہ ساز کمپنیوں کو قیمتوں میں سات سے دس فیصد اضافہ کرنے کی اجازت دے دی، ادویات کی قیمتوں میں اضافہ کنزیومر پرائس انڈیکس کے تحت کیا گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملک بھرمیں پیٹرول بحران دوبارہ سر اٹھانے لگا، آئل ٹینکرز ایسوسی ایشن کی ہڑتال تیسرے روز بھی جاری، ہوائی اڈوں، پیٹرول پمپس، آئل ریفائنریز سمیت ملک بھر میں تیل کی ترسیل مکمل طور پر بند، سیکرٹری پیٹرولیم نے آئل ٹینکرز ایسوسی ایشن کے وفد کو مذاکرات کیلئے بلا لیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مقبوضہ کشمیر میں بھارتی ریاستی دہشت گردی، بھارتی فوجیوں نے ضلع  شوپیاں میں مزید تین کشمیری نوجوانوں کو شہید کر دیا، چوبیس گھنٹوں میں شہید ہونے والے کشمیریوں کی تعداد چھ ہو گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بھارتی مسلمانوں پر مودی سرکار کے مظالم کا پردہ چاک، نئی دہلی میں ہوئے فسادات پر دہلی اقلیتی کمیشن کی رپورٹ میں کہا گیا، فسادات منظم منصوبہ بندی کے تحت ہوئے، پولیس بھی انتہا پسندوں کی مدد کرتی رہی، مسلمانوں کے گھروں، دکانوں اور گاڑیوں کو نشانہ بنایا گیا، دہلی فسادات میں ترپن افراد جان سے گئے تھے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان میں سرمایہ کاری کیلئے سازگار ماحول، جون میں غیر ملکی سرمایہ کاری میں پینتالیس فیصد اضافہ ہوا، اسٹیٹ بینک کے مطابق، گزشتہ ماہ انتیس ارب روپے کی غیر ملکی سرمایہ کاری کی گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایکنک نے سکھر حیدرآباد موٹروے کی منظوری دے دی، چیئرمین سی پیک اتھارٹی عاصم سلیم باجوہ کہتے ہیں، سکھر حیدر آباد موٹروے تعمیراتی   شعبے کیلئے اہم کردار ادا کرے گی، منصوبہ اندرون سندھ سماجی اور معاشی ترقی میں بھی انقلاب لائے گا، پشاور کراچی مشرقی روٹ کو بھی ایسٹ بلوچستان سے لنک کیا جائے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بی آر ٹی روٹ استعمال کرنے کی صورت میں جرمانہ ہو گا، پیدل چلنے کی صورت پانچ سو روپے جرمانہ، موٹرسائیکل یا گاڑی چلانے والوں کو بھی  پانچ سو جرمانہ ادا کرنا پڑے گا، رکشہ، موٹر کار اور جیپ چلانے کی صورت میں پانچ ہزار روپے جرمانہ ہو گا، بی آر ٹی منصوبہ کا روٹ صرف بی آر ٹی بسوں کیلئے استعمال ہو گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا بھر میں کورونا سے اموات کی تعداد چھ لاکھ سے بڑھ گئی، ایک کروڑ بیالیس لاکھ سے زائد افراد وائرس سے متاثر ہوئے، پچاسی لاکھ کے قریب افراد صحت یاب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایک روز میں کورونا سے زیادہ اموات کے لحاظ سے پاکستان سے سولہ ممالک آگے، نئے کیسز میں پاکستان کا سولہواں نمبر، ایکٹو کیسز میں پاکستان سے گیارہ ممالک آگے، مجموعی کیسز کے لحاظ سے پاکستان کا بارہواں   نمبر

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کاون ہاتھی کو کمبوڈیا منتقل کرنے کا فیصلہ، وفاقی حکومت نے اسلام آباد ہائیکورٹ کو فیصلے سے آگاہ کر دیا، ہاتھی کو منتقل کرنے کے انتظامات مکمل کیے جا رہے ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان رینجرز کا سینٹرل جیل کراچی، حیدر آباد اور سکھر میں آپریشن، جیلوں سے تلاشی کے دوران مختلف ممنوعہ اشیا برآمد، آپریشن میں رینجرز کے مختلف ونگز نے حصہ لیا، بیرکس اور سیلز کی تلاشی میں بم ڈسپوزل اسکواڈ کی مدد لی گئی، جیلوں سے ٹیلی ویژن، بریکٹ فین، فریج، ایئر کولر اور قینچیاں برآمد

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مردان میں آثار قدیمہ کو نقصان پہنچانے کے الزام میں چار ملزمان گرفتار، پولیس کے مطابق، ملزمان نے تخت بائی میں غیرقانونی کھدائی کی، آثار قدیمہ تقریبا ڈیڑھ ہزار سال پرانا ہے لمبائی آٹھ فٹ ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بھولا ٹینشن نے لاہور پولیس کو ٹینشن ڈال دی، فائرنگ کرتے تصاویر سوشل میڈیا پر اپ لوڈ کر دیں، لاہور پولیس کو ٹینشن کی تلاش

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لاہور کی عدالت نے کالعدم تنظیم کے دو دہشت گردوں کو پندرہ سال قید کی سزا سنا دی، انسداد دہشت گردی نے فیصلہ کیا، ملزموں پر دہشت گردی کیلئے فنڈز اکٹھے کرنے کے مقدمات ہوئے تھے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

فنڈز روکے جانے پر پنجاب ایجوکیشن فاؤنڈیشن کے متاثرین کا لاہور میں وزیراعظم عمران خان کی رہائش زمان پارک کے باہر احتجاج، مظاہرین کا عید سے پہلے تنخواہیں ادا کرنے کا مطالبہ، پولیس نے متعدد مظاہرین کو گرفتار کر لیا، زمان پارک کے داخلی اور خارجی راستوں پر بیریئرز لگا دیئے گئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملک میں پینتیس لاکھ سے زائد رقبے پر ٹڈی دل کے خاتمے کیلئے اسپرے، دس اضلاع میں ایک ہزار سے زائد ٹیمیں مہم میں شریک، محکمہ زراعت اور پاکستان آرمی کی مشترکہ ٹیمیں کنٹرول آپریشن کر رہی ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

طوفانی بارشوں سے ممبئی ڈوب گیا، سڑکوں پر کئی فٹ پانی جمع، بسیں اور گاڑیاں ڈوبی رہیں، ممبئی میں کئی رہائشی گھر زمین بوس ہونے سے آٹھ افراد ہلاک، بھارتی ریاست آسام میں سیلاب سے ہلاکتوں کی تعداد سو،، سے تجاوز کر گئی، چھتیس لاکھ سے زائد افراد متاثر، ندیوں کے بند ٹوٹ جانے سے نشیبی علاقے ڈوب گئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چین میں تیس سال کے بدترین سیلاب سے تباہی، شہروں کے شہر ڈوب گئے، سیلابی ریلوں میں سیکڑوں عمارتیں، سڑکیں اور پل بہہ گئے، لاکھوں ایکڑ  رقبے پر کھڑی فصلیں تباہ، ایک سو چالیس سے زائد افراد ہلاک، متعدد لاپتہ ہو گئے، اٹھائیس ہزار افراد بے گھر، چار کروڑ کے قریب متاثر

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مستقبل میں موسم انسانوں کی برداشت سے زیادہ گرم ہو سکتے ہیں، ماہرین نے خبردار کر دیا، موجودہ وقت میں عالم انسانیت کو درپیش سب سے بڑا چیلنج موسمیاتی تبدیلی ہے، ماہرین کے مطابق، اکیسویں صدی کے اختتام تک عالمی درجہ حرارت میں خطرناک حد تک اضافہ ہو جائے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکہ میں ماسک پہننے پر اختلافات شدت اختیار کر گئے، امریکی صدر ٹرمپ نے شہریوں کو ماسک پہننے کا حکم دینے سے انکار کر دیا، کہا، اس رائے سے اتفاق نہیں کرتا کہ ہر کوئی ماسک پہنے، ڈاکٹرانتھونی فاؤچی کا امریکی شہریوں کو ماسک پہننے کا مشورہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ماسک لگانے سے سانس کی تکلیف نہیں ہوتی، برطانوی این ایچ ایس کے ڈاکٹروں نے فیس ماسک سے آکسیجن کی کمی ہونے کے دعووں کو بے بنیاد قرار دے دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسپین کے شہر میڈرڈ میں نسلی امتیاز کے خلاف ہزاروں افراد سڑکوں پر، مظاہرین نے کرسٹوفر کولمبس اسکوائر پر ٹریفک کو بند کیا، مجسمے پر نسلی امتیاز کے خلاف نعروں سے مزین بینرز بھی لگائے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکہ میں سترہ سال بعد دوسری سزائے موت پر عمل درآمد، ایک ہفتے کے دوران دوسرے قاتل کو انجام تک پہنچایا گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اولڈ ٹریفورڈ ٹیسٹ میں بارش کا زور، تیسرے روز کا کھیل شروع نہ ہو سکا، میزبان انگلش ٹیم نے ویسٹ انڈیز کو رنز کے بوجھ تلے دبا دیا، پہلی اننگز چار سو انہتر رنز پر ڈیکلئیر کی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

قومی ٹیم کی انگلینڈ کے خلاف ٹیسٹ سیریز کی تیاریاں، ڈربی میں گرین شرٹس کا چار روزہ انٹرا، اسکواڈ میچ، پہلے روز باؤلرز کا پلڑا بھاری، وائٹس  نے آٹھ وکٹوں پر دو سو اکتیس رنز بنا لیے، گرین کی جانب سے محمد عباس اور نسیم شاہ نے تین تین کھلاڑیوں کو پویلین کی راہ دکھائی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 بھارت کے ارب پتی تاجر مکیش امبانی کی دولت میں کمی، دو اعشاریہ پانچ ارب ڈالرز کے نقصان کے بعد ارب پتی افراد کی فہرست میں بھی تنزلی، چار  درجے نیچے آنے کے بعد دسویں نمبر پر پہنچ گئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

گہرے سمندروں کی پراسرار دنیا، گہرائیوں میں پائی جانے والی سیاہ مچھلی  کے نظر نہ آنے کا راز سائنسدانوں نے جان لیا، مچھلی کے سیا ہونے کی وجہ کھال کا روشنی جذب کرنا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملکہ برطانیہ کی پوتی شہزادی بیٹرس اور بزنس ٹائیکون ماپیلی موزی نے شادی کر لی، شادی انتہائی سادگی سے ونڈسر میں ہوئی، ملکہ اور خاندان کے چند افراد نے شرکت کی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

قومی کرکٹر کائنات امتیاز کی منگنی ہو گئی، کورونا کے باعث تقریب انتہائی سادگی سے منعقد کی گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکہ میں بھی بوبونک طاعون کا مریض سامنے آ گیا، ریاست کولوراڈو کے شہری کو وائرس گلہری سے منتقل ہوا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا وائرس کیکٹس کی طرح خطرناک، فلسطینی آرٹسٹ احمد یاسین نے کورونا میں کیکٹس سے منفرد فیس ماسک بنا ڈالے، کیکٹس کے کانٹوں سے صورتحال کی سنگینی کا پیغام دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نیمار کی پی ایس جی کی دوستانہ میچ میں گولہ باری، حریف اور کمزور ٹیم کے خلاف سات گول اسکور کر دئیے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کوئی گاڑی سے ٹکرایا تو کوئی بھاگ نہ پایا، کراچی میں قربانی کے بیل نے سب کی دوڑیں لگوا دیں، بیل شادمان ٹاؤن میں رسا تڑا کر بھاگا تو ناگن پل پر چڑھ گیا، سڑک پر ٹریفک جام رہی، تین گھنٹے بعد بیل کو قابو کیا جا سکا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جب بھی موسیقی کی بات ہو گی، شہنشاہِ غزل مہدی حسن یاد آئیں گے، مہدی حسن خاں کا 93واں یوم پیدائش، مہدی حسن نے پچیس ہزار سے زائد گیت گائے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وِن ڈیزل چین میں ایکشن دکھانے کیلئے تیار، ہالی وڈ کی ’بلڈ شاٹ‘ کی چین کے سینما گھروں میں ریلیز میں صرف ایک ہفتہ باقی

ویب ڈیسک

See author's posts