پاکستان سمیت دنیا بھر سے آج کی خبریں،مختصر مختصر

کراچی میں گرمی کے بعد بادلوں کی انٹری، کئی علاقوں میں بارش سے موسم خوشگوار، آئی آئی چندریگر روڈ، پی آئی ڈی سی اور ٹاور کے اطراف بارش، شاہراہ فیصل، حسن اسکوائر، صدر، عزیز آباد میں بھی بادل برسے، محکمہ موسمیات کے مطابق، شام تک کراچی میں کہیں ہلکی، کہیں تیز بارش کا امکان، مون سون کا سلسلہ کل شام تک جاری رہنے کی پیش گوئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مون سون اپنا رنگ جمانے لگا، ملک بھر میں بادلوں نے ڈیرے ڈال لیے، اسلام آباد میں موسلا دھار بارش نے سب کچھ دھو ڈالا، لاہور کے کئی علاقوں میں بھی بادل برسے، مری میں بارش سے ملکہ کوہسار کا حسن مزید نکھر گیا، کوئٹہ، بالائی پنجاب، زیریں سندھ، خیبر پختون خوا میں بارش کی پیشگوئی، آزاد کشمیر اور گلگت بلتستان میں بھی گرج چمک کے ساتھ بارش کا امکان

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی ميں گرمی کا اڑتیس برس پرانا ریکارڈ ٹوٹ گیا، جولائی انیس سو بیاسی میں کراچی کا درجہ حرارت چالیس ڈگری ریکارڈ کیا گیا، آج شہر قائد کا پارہ اکتالیس ڈگری تک پہنچ گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایک سو انچاس ملز گندم کی چوری میں ملوث پائی گئیں، معاون خصوصی شہزاد اکبر کہتے ہیں، ملزمان سے ایک سو نوے ملین روپے کی ریکوری کی گئی، کسی حکومتی بندے کے بغیر ملز ایسا نہیں کر سکتیں، ساٹھ سے ستر سرکاری افراد براہ راست ملز کے ساتھ ملوث ہیں، عوام کو مہنگی کی بجائے سستے اسٹور سے چینی خریدنے کا مشورہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وفاقی وزیر خوراک کے اپنی ہی حکومت سے سوالات، سید فخر امام نے قومی اسمبلی میں کہا، عجوبہ ہے کہ پہلی مرتبہ اتنی گندم آئی مگر گئی کہاں؟ ساٹھ لاکھ ٹن گندم خریدی گئی مگر گئی کہاں؟ ملک میں پندرہ لاکھ ٹن کمی تھی سات لاکھ ٹن گندم درآمد کر رہے ہیں، اسپیکر اسد قیصر کی رپورٹ ایوان میں پیش کرنے کی ہدایت

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مسلم لیگ ن کا وزیراعظم اور وزیر ہوا بازی سے استعفیٰ کا مطالبہ، رانا ثنا اللہ نے کہا، تکبر اور انتقام کی سوچ سے ملک پر حکمرانی کی جا رہی ہے، اپوزیشن لیڈر کو گرفتار کرنے کا پروگرام بنایا گیا، مافیا کو کوئی روکنے والا نہیں، آٹے کا بحران سر پر منڈلا رہا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان نے بھارت کو کلبھوشن تک قونصلر رسائی کی تیسری بار پیشکش کر دی، دفتر خارجہ کے مطابق، بھارت کی جانب سے پاکستانی پیشکش کے جواب کا انتظار ہے، پاکستان اس سے پہلے دو بار بھارت کو کلبھوشن یادیو تک قونصلر رسائی دے چکا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کل بھارتی سفارتکار کلبھوشن کی کوئی بات سنے بغیر چلے گئے، وزیر خارجہ شاہ محمود قریشی کہتے ہیں، بھارت کی بدنیتی کھل کر سامنے آ گئی، یہ رسائی نہیں چاہتے تھے، انہیں شیشے پراعتراض تھا، وہ بھی ہٹا دیا، سیکیورٹی کے پیش نظر بالکل تنہا نہیں چھوڑ سکتے تھے، پتہ نہیں کیا کر لیتے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بلاول بھٹو زرداری نے کلبھوشن سے متعلق آرڈیننس ٹویٹر پر شیئر کر دیا، کہا، کون سا خفیہ آرڈیننس ہے جو پارلیمان کو اعتماد میں لیے بغیر لایا گیا؟ سلیکٹڈ حکومت کا خفیہ آرڈیننس ناقابل برداشت ہے، وزیراعظم کو گھر جانا چاہیے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان میں دو لاکھ ساٹھ ہزار کے قریب کورونا کیسز، چوبیس گھنٹوں کے دوران مزید انچاس مریض چل بسے، اموات کی مجموعی تعداد پانچ ہزار چار سو پچھتر ہو گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیراعظم عمران خان کی ایک بار پھر عیدالاضحیٰ سادگی سے منانے کی اپیل، کہا، پاکستان میں کورونا کیسز اور اموات کی شرح کم ہے، کمی کی وجہ اسمارٹ لاک ڈاؤن اور ایس او پیز پر عملدرآمد ہے، عیدالفطر کی طرح احتیاطی تدابیر کی خلاف ورزی مت کریں، وزیراعظم کی ایس او پیز پر سختی سے نفاذ کی ہدایت

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں لوڈ شیڈنگ کا امتحان مزید طویل، بجلی کا شارٹ فال پانچ سو میگا واٹ، کئی علاقوں میں لوڈ شیڈنگ کا دورانیہ بارہ گھنٹے تک پہنچ گیا، نارتھ کراچی، نیوکراچی، سرجانی ٹاؤن اور لیاقت آباد میں لوڈ شیڈنگ، اسکیم تینتیس ، بلدیہ اورنگی ٹاؤن اور لیاری بھی متاثر

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی الیکٹرک کو معاہدے سے زیادہ گیس فراہم کی جا رہی ہے، وزیر توانائی عمر ایوب کہتے ہیں، کراچی میں بجلی کی طلب چونتیس سو میگا واٹ ہے، سندھ میں بیس فیصد فیڈرز ہائی لاسز ایریاز میں ہیں جہاں لوگ کنڈا لگا کر بجلی استعمال کرتے ہیں، اگلے سال کے الیکٹرک کا ایل این جی پلانٹ آنے سے بجلی کی پیداوار بہتر ہو جائے گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مائنس ون خواہشوں پر نہیں ہوتا، معاون خصوصی شہزاد اکبر کہتے ہیں، مائنس ون کی خواہش پنجاب میں پوری ہو سکتی ہے نہ مرکز میں، وزیر اطلاعات پنجاب فیاض الحسن چوہان نے کہا، عثمان بزدار کہیں نہیں جا رہے، پانچ سال تک وزیر اعلیٰ رہیں گے، غیر متحد اپوزیشن الزام تراشی کرتی رہے گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اپوزیشن حکومت کے خلاف کوئی غیر قانونی کام نہیں کرے گی، ترجمان مسلم لیگ ن مریم اورنگزیب کہتی ہیں، اے پی سی پر شہباز شریف اور مولانا فضل الرحمان قریبی رابطے میں ہیں، جلد لائحہ عمل کا اعلان کیا جائے گا، پی ٹی آئی کی طرح ڈی چوک پر کنیٹنر نہیں لائیں گے، لیکن حکومت کا ایک دن بھی چلنا نقصان دہ ہو گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان میں پیٹرول کی قیمت خرید اور ٹیکس برابر، وفاقی وزیر عمر ایوب کہتے ہیںم پٹرول کی قیمت خرید اڑتالیس روپے چون پیسے ہے، حکومت پیٹرول پر سینتالیس روپے چھیاسی پیسے ٹیکس لے رہی ہے، ڈیزل پر اکاون روپے اکتالیس پیسے فی لیٹر ٹیکس وصول کیا جاتا ہے، خطے میں تیل کی سب سے کم قیمت پاکستان میں ہے، ٹیکس وصول نہیں کریں گے تو سینیٹ کی لائٹس اور تنخواہ کا خرچہ کون دے گا؟

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پیٹرول ملے گا یا نہیں؟ آئل ٹینکرز ایسوسی ایشن کی ہڑتال پر متضاد دعوے، پیٹرولیم ڈویژن کا آئل ٹینکرز ایسوسی ایشن سے معاملات طے پا جانے کا دعویٰ، آئل ٹینکرز ایسوسی ایشن کا انکار، کہا، تحریری طور پر مطالبات تسلیم ہونے تک ہڑتال ختم نہیں ہو گی، ہوائی اڈوں، پیٹرول پمپس، آئل ریفائنریز سمیت ملک بھر میں تیل کی ترسیل مکمل طور پر بند

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

میرپور آزاد کشمیر کے علاقے چكسوارى ميں شادی ہال زمین بوس، تیس سے زیادہ افراد کے ملبے تلے دب جانے کا خدشہ، پندرہ زخمیوں کو نکال لیا گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سمندر کے راستے یورپ جاتے ہوئے گجرات کے پانچ افراد ڈوب کر جاں بحق، شناخت سید علی شاہ، رحمان اشرف اور محسن کے نام سے ہوئی، دو افراد کا تعلق لالہ موسیٰ سے ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں ہاکس بے کے قریب دو افراد سمندر میں ڈوب گئے، ایدھی رضا کاروں نے ڈوبنے والے ایک شخص کو بچا لیا، دوسرے کی تلاش جاری

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نواز شریف ریاست کے مفرور ہیں، شہزاد اکبر کہتے ہیں، نواز شریف کا فیصلہ اسلام آباد ہائیکورٹ نے کرنا ہے، ری ٹرائل ہو بھی گیا تو نواز شریف احتساب عدالت میں کھڑے نظر آئیں گے، اٹھارویں ترمیم کے بعد عزیر بلوچ کا معاملہ صوبائی ہے، سندھ حکومت کو ایک سو اٹھاون افراد کے قتل کا حساب لینا چاہیے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

آصف زرادری گھر میں ہوں یا اسپتال میں، ویڈیو لنک انتظامات مکمل کیے جائیں، احتساب عدالت اسلام آباد نے ٹھٹھہ واٹر سپلائی ریفرنس میں چار اگست کو فرد جرم کیلئے کراچی کی احتساب عدالت کو خط لکھ دیا، شناخت کیلئے عدالتی نمائندہ مقرر کرنے کی ہدایت

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مسلم لیگ ن کے رہنما خواجہ آصف نیب لاہور میں پیش، سیالکوٹ کینٹ ہاؤسنگ اسینڈل سے متعلق ڈیڑھ گھنٹے تک پوچھ گچھ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا بھر میں ایک کروڑ انتالیس لاکھ سے زائد کورونا کیسز، مجموعی اموات پانچ لاکھ ترانوے ہزار سے زائد ہو گئیں، تراسی لاکھ سے زائد افراد صحتیاب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا بھر میں ایک روز میں ریکارڈ دو لاکھ اڑتالیس ہزار کورونا کیسز رجسٹرڈ، امریکا میں چوبیس گھنٹوں میں ریکارڈ تہتر ہزار سے زائد کیسز سامنے آئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیرخارجہ شاہ محمود قریشی کورونا سے صحت یاب، دوبارہ ذمہ داریاں سبنھال لیں، ڈاکٹرز اور ہیلتھ ورکرز کو خراج تحسین پیش

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سینیٹ میں اپوزیشن اور حکومتی ارکان آمنے سامنے، قائد ایوان شہزاد وسیم کی تقریر کے دوران پیپلز پارٹی کے مولا بخش چانڈیو کھڑے ہو گئے، شہزاد وسیم نے کہا، بیٹھنا ہے تو خاموشی سے بیٹھیں ورنہ ایوان سے چلے جائیں، اپوزیشن کا شہزاد وسیم کے رویئے پر واک آؤٹ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پنجاب اسمبلی کے اجلاس میں شور شرابا، اپوزیشن احتجاجاً ایوان سے واک آؤٹ کر گئی، صوبائی وزیر قانون راجہ بشارت نے کہا، جو جس زبان میں ہماری قیادت کے خلاف بات کرے گا اسے اسی زبان میں جواب دیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وفاقی حکومت کا بچوں کی گھریلو ملازمت پر پابندی کا فیصلہ، وفاقی وزیر شیریں مزاری نے سینیٹ میں کہا، بچوں کے ساتھ زیادتی گھر سے شروع ہوتی ہے، بچوں کی گھریلو ملازمت پر پابندی لگا رہے ہیں، کابینہ نے بل کی منظوری دے دی ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایک سال میں سولہ ارب سولہ کروڑ یونٹ بجلی ضائع ہوئی، خراب ٹرانسمیشن لائنز سے متعلق رپورٹ قومی اسمبلی میں پیش، سب سے زیادہ پیسکو نے پانچ ارب یونٹ بجلی ضائع کی، گزشتہ سال مجموعی پیداوار کا چودہ فیصد بجلی ضائع ہوئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

موسم برسات آنے پر راولپنڈی کے نالہ لئی کی صفائی کا کام شروع، بھاری مشینری کی مدد سے نالہ کشادہ کرنے کا کام جاری

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایف آئی اے انسداد دہشت گردی ونگ کی کراچی میں اہم کارروائی، حوالہ ہنڈی کے بین الاقوامی خفیہ نیٹ ورک سے وابستہ مبینہ ملزم یاسین گرفتار، کارروائی بھارتی خفیہ ایجنسی را کے گرفتار ملزمان کی نشاندہی پر کی گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اقوام متحدہ نے کالعدم تحریک طالبان کے کمانڈر نور ولی محسود پر پابندیاں لگا دیں، نور ولی محسود کے اثاثے منجمد، سفری پابندیاں بھی عائد، پاکستان کا فیصلے کا خیر مقدم، ترجمان دفتر خارجہ نے کہا، امید ہے دیگر ممالک بھی فیصلے پر عملدرآمد یقینی بنائیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا کے باعث کراچی کے فٹنس سینٹر بند، ایتھلیٹس اور ٹرینرز سڑک پر آ گئے، لاک ڈاؤن سے قبل جم چلانے والا تن ساز انیس ممتاز پنکچر لگانے لگا، ملک کو انٹرنیشنل میڈلز دلانے والا باڈی بلڈر ارشد جاوید گھر سے دربدر

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایک روز میں ریکارڈ چونتیس ہزار سے زائد کیسز، بھارت دس لاکھ کورونا کیسز والا تیسرا ملک بن گیا، برازیل بیس لاکھ کورونا کیسز والا دوسرا ملک بن گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

عید قرباں قریب لیکن لاہور کی مویشی منڈیوں میں بیوپاری خریداروں کے منتظر، منڈی آنے والے خریدار جانوروں کی قیمت سن کر ہی واپس چلے جاتے ہیں، کئی لوگوں نے عید سے ایک روز پہلے جانور خریدنے کا منصوبہ بنا لیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اٹلی میں طوفانی بارش کے بعد سیلابی ریلے میں درجنوں گاڑیاں بہہ گئیں، بارشوں کے بعد چین کے تیس سے زائد دریاؤں میں پانی کی سطح انتہائی بلند، مختلف حادثات میں ایک سو اکتالیس افراد ہلاک، انڈونیشیا میں لینڈ سلائیڈنگ سے تیس افراد ہلاک، متعدد لاپتہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

واشنگٹن میں زیر تعمیر عمارت میں بڑے پیمانے پر آگ بھڑک اٹھی، آگ کے بے قابو شعلوں نے کئی عمارتوں کو اپنی لپیٹ میں لے لیا، کئی فائر فائٹرز بھی آگ بجھاتے ہوئے زخمی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

تائیوان کی پارلیمنٹ ایک بار پھر میدان جنگ بن گئی، صدر کی طرف سے نامزد امیدواروں کے خلاف اپوزیشن کی ہنگامہ آرائی، اپوزیشن نے صدر پر اقربا پروری کا الزام لگا دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لالیگا کا ٹائٹل ریال میڈرڈ کے نام، اسپینش لیگ میں ریال میڈرڈ نے وِلا ریال کو دو ایک سے زیر کر لیا، کریم بینزما نے دو گول داغے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اطالوی لیگ میں انٹر میلان کا چوکا، حریف کلب کو صفر کے مقابلے چار گول سے پچھاڑ دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

فضائی سفر میں تیزی سے کمی، دنیا بھر کی ائیر لائنز متاثر، برٹش ایئرویز کا تمام بوئنگ سیون فور سیون طیاروں کو ریٹائر کرنے کا اعلان

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پینتیس سال پرانی ویڈیو گیم دو کروڑ روپے میں نیلام، انیس سو پچاسی کے نائنٹینڈو گیم کی ڈبہ بند کاپی امریکی شہری کے پاس محفوظ تھی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اولڈ ٹریفور ٹیسٹ کے دوسرے روز کھیل کا آغاز، ویسٹ انڈیز کیلئے ڈوم سِبلی اور بین اسٹوکس کو آؤٹ کرنا مشکل ہو گیا، دونوں انگلش بلے بازوں کی تہرے ہندسوں کی اننگز

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کرکٹر امام الحق تنقید کرنے والوں پر برس پڑے، کہا، ان پر تنقید پرفارمنس کی وجہ سے نہیں، انضمام الحق کا بھتیجا ہونے کی وجہ سے کی جاتی ہے، ڈومیسٹک کرکٹ میں بہترین کارکردگی سے ٹیم میں جگہ بنائی، انہیں انضمام الحق نے نہیں، مکی آرتھر نے چانس دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

والدین کی لاپروائی نے بچوں کو خطرے میں ڈال دیا، چین میں بچہ بہن کو کھلونا گاڑی میں بٹھا کر ہائی وے پر نکل آیا، خاتون نے گاڑی سے اتر کر دونوں بچوں کو خطرناک حادثے سے بچایا، لاپروائی برتنے پر ماں باپ طلب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پھیلاؤ دو ایکڑ، شاخیں ایک سو چونسٹھ فٹ طویل، ایک درخت پر پھیلا پورا جنگل، برازیل میں دنیا کے سب سے بڑے کاجو کے درخت کو جو دیکھے حیران رہ جائے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نیل آرم اسٹرانگ کا خلائی لباس، ٹاپ گن کا ہیلمٹ، روکی کے گلوز اور گاڈ فادر کا سوٹ سب بکیں گے، امریکی ریاست لاس اینجلس میں چھبیس اگست کو سجے گا منفرد نیلام گھر، ہالی ووڈ کی شہرہ آفاق فلموں میں استعمال اشیا کی نیلامی ہو گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملکہ برطانیہ آج سو برس کے کیپٹن ٹام کو سر کے خطاب سے نوازیں گی، کورونا کے مقابلے کیلئے کیپٹن ٹام نے این ایس ایچ کیلئے تیس ملین پاؤنڈز جمع کیے تھے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کرتب دکھاتے دکھاتے اسٹنٹ مین گیس والے غبارے سے جھول گیا، کرتب دیکھنے والے خوف سے چیخنے لگے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کینگرو کو شہری علاقے میں مٹر گشت مہنگا پڑ گیا، فلوریڈا میں پولیس نے شہری علاقے میں سیر سپاٹے کرتے کینگرو کو پکڑ لیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نامور کامیڈین البیلا کو مداحوں سے بچھڑے سولہ برس بیت گئے، البیلا نے چار دہائیوں تک شائقین کے چہرے پر مسکراہٹیں بکھیریں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایکسٹریکشن اور دی اولڈ گارڈ کا کمال، کورونا میں نیٹ فلکس کے خریداروں میں بھی اضافہ، دنیا بھر میں نیٹ فلکس صارفین کی تعداد بیس کروڑ سے زائد ہو گئی

ویب ڈیسک

See author's posts