پاکستان سمیت دنیا بھر سے آج کی خبریں،مختصر مختصر

کراچی میں آٹا چھ روپے فی کلو مہنگا ، ڈھائی نمبر آٹے کے دس کلو کا تھیلا پانچ سو پینتالیس روپے  ،، چکی کے آٹے کا دس کلو تھیلا چھ سو بیس روپے کا ہوگیا، ڈھائی نمبر آٹا پچپن روپے ، چکی کا آٹا باسٹھ روپے فی کلو بکنے لگا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

تحریک انصاف آٹے کا نیا بحران پیدا کرنے جا رہی ہے، ترجمان سندھ حکومت مرتضیٰ وہاب کہتے ہیں،پنجاب اور خیبرپختونخوا میں آٹے کی ذخیرہ اندوزی شروع ہوگئی ، قمر زمان کائرہ کہتے ہیں، وزیراعظم کے دائیں بائیں مافیاز بیٹھے ہیں،چینی اور پٹرول کے بعد ملک میں گندم کا بحران سر اٹھا رہا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مشیر خزانہ عبدالحفیظ شیخ کی زیر صدارت  اقتصادی رابطہ کمیٹی کا اجلاس، ملک میں گندم اور آٹے کی دستیابی پر بریفنگ ، درآمد کی صورت میں گندم کی قیمت پر بھی تبادلہ خیال ، ای سی سی کی گندم کی پروکیورمنٹ جلد از جلد مکمل کرنے کی ہدایت

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی والوں کا امتحان ختم نہ ہوا، شہر کے مختلف علاقوں میں بجلی کی غیر اعلانیہ لوڈ شیڈنگ جاری ، گلستان جوہر ،پہلوان گوٹھ، بھٹائی آباد، ملیر اور شاہ فیصل کالونی میں بجلی غائب، ملیر کینٹ، کریم آباد، لیاقت آباد اور گلبہار بھی متاثر، شدید گرمی سے شہری بے حال

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سی ای او کے الیکٹرک مونس علوی کا کراچی میں غیر اعلانیہ لوڈ شیڈنگ کا اعتراف ، کہا، شہر میں معمول سے زیادہ لوڈ شیڈنگ ہورہی ہے، کے الیکٹرک کے پاس اٹھارہ سو فیڈرز ہیں ، شہر میں بجلی کی طلب پینتیس سو میگاواٹ ہے ، کے الیکٹرک بتیس سو میگاواٹ بجلی بنا سکتی ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لاہور سمیت پنجاب کےمختلف علاقوں میں بادل برس پڑے ، لاہور میں سو سے زائد فیڈرز ٹرپ ہونے سے کئی علاقوں میں بجلی غائب،راولپنڈی ،  گوجرانوالہ ، سیالکوٹ سمیت کئی شہروں میں بارش  ، موسم خوشگوار ، اسلام آباد میں سورج اور بادلوں کی آنکھ مچولی، خیبرپختونخوا ، کشمیر اور گلگت بلتستان میں بھی بارش کا امکان

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نوے کی دہائی کے غلط فیصلوں سے معیشت کو نقصان پہنچا، وزیراعظم عمران خان کہتے ہیں، ماضی میں دریاؤں سے بجلی بنانے کے بجائے تیل سے بجلی بنانے کو ترجیح دی گئی، دیامر بھاشا تیسرا بڑا ڈیم ہوگا ، منصوبے سے علاقے کے لوگوں کومفت بجلی ملے گی، وزیراعظم کا یامربھاشا ڈیم کا دورہ ، منصوبے پر بریفنگ ، آرمی چیف جنرل قمرجاوید باجوہ بھی ہمراہ تھے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دیا میر بھاشا ڈیم سے سستی بجلی ملے گی تو سیلاب سے بچاؤ میں بھی مددگار ہوگا،ڈیم سے بجلی پیدا کرنے کی صلاحیت چار ہزار پانچ سومیگاواٹ ہے، اسی لاکھ ایکٹر فٹ سے زائد پانی ذخیرہ کرنے کی بھی گنجائش ، چیئرمین سی پیک اتھارٹی عاصم سلیم باجوہ کہتے ہیں،منصوبےسے سولہ ہزار نوکریاں پیدا ہوں گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملک میں کورونا نے مزید سڑسٹھ  افراد کی جان لے لی، اموات کی تعداد  پانچ ہزار  تین سو سے بڑھ گئی، چوبیس گھنٹے میں مزید  دو ہزار  ایک سو  سے زائد کیسز رپورٹ ،مہلک وائرس سے متاثرہ مریضوں کی تعداد دو لاکھ پچپن ہزار سے  بڑھ گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سندھ میں کورونا سے اموات نو سو کے قریب پہنچ گئیں، ایک لاکھ آٹھ ہزار سے زائد کورونا کے مریض

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سندھ حکومت نے عید الاضحیٰ پر گلی محلوں میں قربانی پر پابندی لگادی ، یوسیز کی سطح پر قربانی کیلئے مخصوص مقامات بنائے جائیں گے، اندرون شہر مویشی منڈیاں  لگانے کی اجازت نہیں ہوگی، سندھ میں کورونا ہاٹ اسپاٹس میں زیادہ ٹیسٹ کرنے کا فیصلہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نیب نے شہباز شریف کے خلاف بیس سال سے زیر التوا انکوائری بند کردی ، بارہ پلاٹوں کی الاٹمنٹ انکوائری ناکافی شواہد پر بند ، انویسٹی گیشن ٹیم کے مطابق ، انکوائری میں نامزد متعدد افراد وفات پا چکے ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ٹھٹھہ واٹر سپلائی ریفرنس میں آصف زرداری کی عدالت پیشی سے معذرت، درخواست میں کہا ، کورونا اور بیماریوں کی وجہ سے پیش نہیں ہوسکتا، احتساب عدالت اسلام آباد کا نیب کو ویڈیو لنک کے ذریعے فرد جرم عائد کرنے کا حکم

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وفاقی وزیر علی زیدی کی پھر پیپلزپارٹی پر تنقید، کہا، بی بی شہید کا غیر تصدیق شدہ خفیہ تحریری بیان ان کی وصیت کے طور پرپیش کیاگیا،پیپلزپارٹی پر قبضہ کرکے قوم کو بارہ سال بے وقوف بنایا گیا، سب کو بے نقاب کرنے کا وقت آگیا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایک دن میں کورونا سے زیادہ اموات کے لحاظ سے پاکستان سے پندرہ ملک آگے، نئے کیسز میں پاکستان کا  تیرواں نمبر، ایکٹو کیسز میں پاکستان سے نو ممالک آگے ،مجموعی کیسز کے لحاظ سے پاکستان  کا  بارہواں نمبر

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان سے ابوظہبی کیلئے اتحاد ائیر ویز کی پروازیں کل سے شروع ہوں گی، ائیر لائن کراچی اسلام آباد اور لاہور سے ہفتے میں  بارہ پروازیں آپریٹ کرے گی ، مسافروں کو کورونا  ٹیسٹ کرانا لازمی ہو گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی سے بھارتی خفیہ ایجنسی ’’را‘‘ کا سلیپر سیل گرفتار ، ایف آئی اے کے مطابق، ملزم ظفر کا تعلق ایم کیوایم لندن سے ہے ، بم دھماکوں اور ٹارگٹ کلنگ میں ملوث ہے ، بھارت میں چودہ  ماہ دہشت گردی کی تربیت لے چکا، ملزم ظفر فائر بریگیڈ میں سرکاری ملازمت بھی کرتا تھا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

خوشاب میں تحریک انصاف کے ایم پی اے غلام رسول  کےگھر ڈکیتی، چار ڈاکوؤں نے گن پوائنٹ پر ایم پی اے اور اہل خانہ کو یرغمال بنایا ، لاکھوں روپے اور زیورات لوٹ کر فرار ہو گئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پشاور کے میگا پراجیکٹ بی آر ٹی کے گودام سے تین  لاکھ روپے کا سامان چوری، سامان رات کو چوکیدارکی موجودگی کے باوجود غائب ہوا، مقدمہ درج

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیراعلیٰ خیبر پختونخوا محمود خان کہتے ہیں،پیپلزپارٹی نے سندھ کا بیڑہ غرق کردیا، جیسے یہ چور ڈاکو ہیں ایسا کوئی بھی نہیں، پیپلزپارٹی تھر کی صورتحال دیکھے اور شرم کرے، وزیراعلیٰ خیبرپختونخوا نے جلوزئی اکنامک زون کاافتتاح کردیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیراعلیٰ پنجاب عثمان بزدار کا ڈیرہ غازی خان کے قبائلی علاقے کا دورہ، شہریوں میں گھل مل گئے،بلوچی زبان میں خطاب کیا، رابطہ سڑکوں کی تعمیر کے پراجیکٹ جلد مکمل کرنے کی ہدایت

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کے الیکٹرک جعلی بلوں کے نام پر لوگوں کو لوٹ رہی ہے، وفاقی وزیر امین الحق کی ہم نیوز کے پروگرام ’’صبح سے آگے ‘‘ میں گفتگو  ، کہا ، ایم کیو ایم کا احتجاج کے الیکٹرک کے خلاف ہے، مجھے کابینہ کا رکن بننے کا شوق نہیں، اپنے لوگوں کا احساس ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جماعت اسلامی کا کراچی میں لوڈشیڈنگ اور اووربلنگ کیخلاف دھرنوں کا اعلان ، حافظ نعیم الرحمان نے کہا ، شہر کے مختلف چوراہوں پر دھرنے دیے جائیں گے، تین دن کی مہلت دی تھی جو ختم ہوگئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اوگرا نے جولائی کیلئے آر ایل این جی کی قیمتیں بڑھا دیں، سوئی ناردرن کیلئے اعشاریہ تین چار ، سوئی سدرن کیلئے قیمت میں اعشاریہ چار صفر ڈالر فی یونٹ اضافہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سونے کی فی تولہ قیمت مزید چار سو روپے بڑھ گئی، ایک تولہ سونا ایک لاکھ نو ہزار تین سو روپے کا ہوگیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لوئر چترال میں سیلابی ریلے سے تباہی ، رابطہ سڑکیں ، پل ، گھر ، مویشی خانے اور مسجد متاثر ، ریسکیو ٹیم نے آمدورفت کیلئے عارضی پل بنادیا ،مختلف علاقوں میں میڈیکل کیمپ بھی قائم ، علاقہ مکینوں کی محفوظ مقامات پر منتقلی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نیویارک میں پی آئی اے کے روز ویلٹ ہوٹل کی نجکاری پر اسلام آباد ہائیکورٹ میں سماعت، ڈپٹی اٹارنی جنرل نے کہا، نجکاری نہیں کر رہے ، جوائنٹ وینچر کے تحت امریکی کمپنی کو ہوٹل دیا جارہاہے، عدالت نے کہا، غیر ملکی کروڑوں روپے کا نقصان کرکے چلے جاتے ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وفاقی وزیر شفقت محمود کی زیر صدارت اجلاس ، قبائلی علاقوں میں انٹرنیٹ کی کم دستیابی پر مشاورت، شفقت محمود نے کہا،موجودہ دور میں تعلیم اور انٹرنیٹ لازم و ملزوم ہیں، آن لائن لرننگ سےمتعلق مسائل جلد حل کرنے کی ہدایت

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

معاون خصوصی صحت ظفر مرزا کہتے ہیں، بیس جولائی سے انسداد پولیو مہم شروع ہورہی ہے، آٹھ لاکھ بچوں کو انسداد پولیو قطرے پلائے جائیں گے، والدین سے تعاون کی اپیل

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی کے نامور آرتھوپیڈک سرجن ڈاکٹر یونس سومرو کورونا  کے باعث انتقال کرگئے ، ملتان کےنامور سرجن ، نشتر میڈیکل یونیورسٹی کے وائس چانسلر مصطفیٰ کمال پاشا بھی چل بسے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کیبل آپریٹرز  کا کراچی میں ہڑتال ختم کرنے کا اعلان، کمشنر کراچی نے مسائل حل کرنے کی یقین دہانی کرادی ، چیئرمین کیبل آپریٹرز خالد آرائیں کہتے ہیں،کے الیکٹرک اور کیبل آپریٹرز کے درمیان ایس او پیز طے کیے جائیں گے، کیبل آپریٹرز ایس او پیز کے تحت کام کریں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا بھر میں کورونا کے ایک کروڑ چونتیس لاکھ سے زائد کیسز، اب تک پانچ لاکھ  اکاسی ہزار سے زائد افراد زندگی کی بازی ہار گئے، اٹھتہر لاکھ باون ہزار سے زائد مریض صحت یاب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا ویکسین آزمائش کے آخری مرحلے میں ، امریکہ کی بایوٹیک کمپنی موڈرنا کی تیار کردہ ویکسین نے تمام رضاکاروں میں مدافعتی نظام کو متحرک کر دیا، ویکسین کی تیسری اور وسیع پیمانے کی آزمائش ستائیس جولائی کو شروع کی جائے گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ترکی میں ناکام فوجی بغاوت کے چار سال مکمل ، واقعے میں ڈھائی سو افراد ہلاک ، دو ہزار سے زائد زخمی ہوئے، ترکی کے یوم جمہوریت پر وزیر اعظم عمران خان کا ترک صدر کو پیغام ، کہا ، پاکستان کے عوام ترک حکومت اور عوام کے ساتھ کھڑے ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مصر میں آئل پائپ لائن میں آگ بھڑک اٹھی ، سترہ  افراد زخمی ، کئی گاڑیاں بھی جل گئیں، پائپ لائن کو بند کرکے آگ پر قابو پایا گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بنگلہ دیش میں سیلاب سے تباہی ، دس لاکھ سے زائد متاثرین نقل مکانی پر مجبور، انڈونیشیا میں بھی سیلاب سے سولہ افراد ہلاک، کئی لاپتہ ہوگئے، صوبہ سولویسی میں شدید بارشوں سے تین دریاؤں کا بند ٹوٹ گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

آندھی ہو یا طوفان کام نہیں رکنا چاہیے، چین میں سیلاب سے نظام زندگی درہم برہم ہونے کے باوجود ڈیلوری بوائز نے انوکھا طریقہ اپنا لیا، سیلاب میں اسکیٹنگ کرتے چیزیں ڈیلور کرنے لگے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اگلی صدی تک دنیا کی آبادی اقوام متحدہ کے اندوزوں سے دو ارب کم رہے گی، برطانوی جریدے دی لائنسٹ  میں تحقیق شائع ، آبادی کی کمی سے عالمی سیاسی طاقت کا نقشہ بھی بدل جائےگا، جاپان، اٹلی، تھائی لینڈ، پرتگال جنوبی کوریا اور پولینڈ سمیت بیس سے زائد ممالک کی آبادی نصف رہ جائے گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دُم دار ستارہ زمین کے انتہائی قریب ، پاکستان  میں تئیس جولائی تک دیکھا جا سکے گا ، ستارے کو دیکھنے کیلئے رات آٹھ  بجے کاوقت موزوں ، ستارہ دوبارہ سات ہزار سال  بعد  زمین  کے قریب  آئے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا وائرس کے اثرات ساری زندگی جاری رہ سکتے ہیں ، طبی ماہرین نے کے مطابق ، کورونا سے صحت یاب افراد کو شدید تھکاوٹ ، جسم میں درد اور  سانس لینے میں مشکل پیش آ سکتی ہے، پچاس فیصد مریضوں کا دل بھی متاثر ہوتا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اب روبوٹ کورونا سے بچائیں گے، دبئی کے اسپتالوں میں کورونا کُش اسپرے کرنے کیلئے روبوٹس کا استعمال، روس  کے سرکاری دفتر میں بھی انسان نما روبوٹ ذمہ داریاں انجام دینے لگا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

برطانوی شہر برسٹل میں غلاموں کے تاجر کے مجسمے کی جگہ سیاہ فام خاتون کا مجسمہ نصب، جین رئیڈ نامی خاتون نے غلاموں کے تاجر کا مجسمہ گرانے میں حصہ لیا تھا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

برطانیہ کا فائیو جی نیٹ ورک سے چینی کمپنی ہواوے کوالگ کرنے کا فیصلہ ، بورس جانسن کے میڈیا سیکریٹری نے کہا، دوہزار ستائیس تک ہواوے کے آلات کو فائیو جی نیٹ ورک سے ہٹانا ہوگا،چین کا برطانوی فیصلے پر تشویش کا اظہار

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایمازون حکام اور ملازمین میں ٹھن گئی ، ملازمین  کا ہاتھ دھونےاور جگہ صاف کرنے کیلئے اضافی وقت دینے کا مطالبہ ، عدالت جانے کافیصلہ کرلیا ،ایمازون میں کام کے اوقات میں کارکردگی کی کمی پرپوائنٹس کاٹے جاتے ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ماسک نہ پہنا تو پش اپ لگانے ہوں گے، انڈونیشیا میں حکام نے ماسک نہ پہننے والوں سے سزا کے طور پر سڑک پر ہی پش اپس لگوادیے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چلی میں کورونا کے مریضوں کی تلاش کیلئے کتوں کی مدد لینے کا فیصلہ ، کتے سونگھ کر کورونا کے مریضوں کی شناخت کر سکیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

آسٹریلیا کے سمندر میں اٹکھیلیاں کرتی ویلز ساحل کے قریب آگئیں، ڈرون کیمرے کی مدد سے منظرقید کر لیا گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

رانگ نمبر نے امریکی شہری کو امیر بنا دیا، غلطی سے ملنے والے ٹکٹ پر بیس لاکھ ڈالر یعنی تینتیس کروڑ روپے کی لاٹری نکل آئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چین میں بس ڈرائیور نے اکیس افراد کی جان لے لی ، اپنی زندگی سے تنگ ملزم نے مسافروں سے بھری بس جان بوجھ کر جھیل میں گرا دی، جاں بحق افراد میں پانچ طلبا بھی شامل

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

گوجوانوالہ میں بھولے ، جھلے اور سونو کی دھوم ، پانچ پانچ من وزنی بکروں کی قیمتیں چھ سے دس لاکھ کے درمیان ، بیوپاری اور خریداروں میں بھاؤ تاؤ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کتے کو بچانے کیلئے مالک نے اپنی جان خطرے میں ڈال دی ، فائر فائٹرز نے مشکل سے دونوں کی جان بچائی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جانورکی مالک سے محبت ہو تو ایسی ، چین میں سینکڑوں میل دور مالک نے اُونٹ کو بیچ دیا، اُونٹ  سات روز سفر کے  بعد دوبارہ پرانے مالک کے پاس لوٹ آیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ہولڈر بالنگ رینکنگ میں نمبر ون کمنز کیلئے خطرہ بن گئے، انگلینڈ کے خلاف پہلے ٹیسٹ میں سات وکٹوں کے بعد کمنز سے صرف بیالیس پوائنٹس پیچھے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کرکٹ آسٹریلیا کا بگ بیش لیگ کے دسویں ایڈیشن کا اعلان ، مردوں کی لیگ تین دسمبر سے چھ  فروری تک کھیلی جائے گی، خواتین کے مقابلے سترہ  اکتوبر سے اٹھائیس  نومبر تک شیڈول

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مانچسٹر یونائیٹڈ کےرش فورڈ کو ہرصورت اپنے کلب کا حصہ بنانا ہے، پیرس سینٹ جرمین نے بیس ارب روپے خرچ کرنے کا فیصلہ کر لیا

ویب ڈیسک

See author's posts