پاکستان سمیت دنیا بھر سے آج کی خبریں،مختصر مختصر

کراچی میں کل سے غیر اعلانیہ لوڈ شیڈنگ ختم، گورنر سندھ اور اسد عمر کا اعلان، اسد عمر نے کہا، کے الیکٹرک کو ٹیک اوور کرنا پڑا تو کریں گے، قانون کی پوری طاقت استعمال کریں گے تاکہ عوام سے نااںصافی نہ ہو، کے الیکٹرک پرائیوٹائز ہوا ہے، کراچی نہیں، شہر میں آئندہ سال اٹھارہ فیصد بجلی کا اضافہ ہو گا، عمران اسماعیل نے کہا، اوور بلنگ نکلی تو سی ای او کے الیکٹرک ری فنڈ کریں گے، شارٹ فال پر صرف ایک گھنٹہ لوڈشیڈنگ ہونی چاہیے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی کے صنعتکاروں کے اسد عمر کے سامنے شکایات کے انبار، گورنر ہاؤس میں ہونے والی ملاقات میں کہا، بجلی مل رہی ہے نہ گیس، صنعتیں کیسے چلائیں؟ اسد عمر کی معاملات حل کرنے کی یقین دہانی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لوڈشیڈنگ کے ستائے کراچی کے شہریوں کو چار سو چالیس وولٹ کا جھٹکا، کے الیکٹرک کو نجی پاور پلانٹس سے بجلی کی فراہمی معطل، سسٹم میں تین سو میگا واٹ بجلی کی کمی، شہر میں لوڈشیڈنگ کا دورانیہ پندرہ گھنٹے تک جانے کا خدشہ، بلدیہ، سعید آباد، اورنگی ٹاؤن، نارتھ کراچی، نیو کراچی، سرجانی کے علاقے متاثر

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کرپشن کے الزامات پر مشیر اطلاعات خیبر پختون خوا اجمل وزیر کو عہدے سے ہٹا دیا گیا، اجمل وزیر کی کمیشن لینے کی مبینہ آڈیو سامنے آئی، مشیر اطلاعات کی ذمہ داری کامران بنگش کو سونپ دی گئی، تحقیقات کیلئے کمیٹی قائم، کامران بنگش کہتے ہیں، وزیراعظم عمران خان کو بھی آڈیو سے متعلق آگاہ کیا، اجمل وزیر انکوائری میں بے گناہ ثابت ہوئے تو دوبارہ ٹیم کا حصہ ہوں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

علی زیدی نے عزیر بلوچ کے ساتھی حبیب جان کی انکشافات سے بھرپور ویڈیو جاری کر دی، پیپلزپارٹی پر سنگین الزامات، حبیب جان نے ویڈیو میں کہا، آصف زرداری لیاری سے مظفر ٹپی کو الیکشن لڑوانا چاہتے تھے، جو لڑائی کی بنیاد بنی، لیاری آپریشن کے بعد عزیر بلوچ دوبارہ پیپلز پارٹی میں شامل ہو گیا، عزیر بلوچ کو منانے کیلئے پیپلز پارٹی نے پانچ کروڑ روپے دئیے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جرم اور سیاست ساتھ ساتھ چلتے رہے، مافیا ڈان آصف زرداری اور ان کے ساتھی عبدالقادر پٹیل ایک بار پھر بے نقاب ہو گئے، وفاقی وزیر علی زیدی کی ہم نیوز سے گفتگو، کہا، پیپلز پارٹی کے بارے میں دنیا کو سب پتہ چل گیا، حبیب جان پیپلز پارٹی اور عزیر بلوچ کے ساتھی تھے، یہ سلسلہ اب رکے گا نہیں، پٹیشن تیار کر رہا ہوں، عدلیہ کو نوٹس لینا چاہیے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

حبیب جان بلوچ کی ویڈیو عمران ڈائجسٹ کے علاوہ کچھ نہیں، رہنما پیپلز پارٹی عبدالقادر پٹیل کا ردعمل، ہم نیوز سے گفتگو میں کہا، حبیب بلوچ پیپلز پارٹی کے پرانے رکن رہے ہیں، ہو سکتا ہے علی زیدی کے گھر پھر کوئی لفافہ دے کر گیا ہو

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملک میں کورونا کیسز کی تعداد دو لاکھ چھیالیس ہزار سے بڑھ گئی، ایک روز میں مزید پینسٹھ افراد زندگی کی بازی ہار گئے، اب تک مرنے والوں کی تعداد پانچ ہزار ایک سو سے زائد

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جون میں کورونا کا زور، جولائی میں کمزور، پاکستان میں جون کے پہلے دس روز میں اڑتالیس ہزار کے قریب کیس سامنے آئے، آٹھ سو تیرہ مریض چل بسے، جولائی کے پہلے دس روز میں کیسز کی تعداد تینتیس ہزار کے قریب رہی، سات سو اٹھائیس مریضوں نے دم توڑا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مقبوضہ کشمیر میں بھی بوسنیا کی طرح قتلِ عام کا خدشہ ہے، وزیراعظم عمران خان کا سربرینکا میں ہونے والے قتلِ عام کی پچیسیویں برسی پر پیغام، کہا، صدمہ ہے عالمی برادری نے کس طرح قتل عام کی اجازت دی، آٹھ لاکھ بھارتی قابض فوج نے اسی لاکھ کشمیریوں کو یرغمال بنایا ہوا ہے، ایسے واقعات کو دوبارہ رونما ہونے کی اجازت نہیں دینی چاہیے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مقبوضہ وادی میں بھارتی فورسز کی سفاکیت، قابض فوج نے ضلع کپواڑا میں دو کشمیری جوانوں کو شہید کر دیا، دونوں نوجوانوں کو نام نہاد آپریشن کی آڑ میں فائرنگ کا نشانہ بنایا گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں ایک کلو دودھ ایک سو بیس روپے کا ملے گا، ڈیری اینڈ کیٹل فارمرز ایسوسی ایشن کا اعلان، کراچی میں دودھ کا سرکاری نرخ چورانوے روپے مقرر ہے، شہر میں سو،، سے ایک سو دس روپے فی کلو میں دودھ فروخت ہو رہا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

موجودہ حکومت مافیاز اور مافیاز حکومت کی مدد سے چل رہے ہیں، اپوزیشن لیڈر شہباز شریف کا پیٹرول بحران انکوائری کمیٹی کی تحقیقات متعین مدت میں مکمل نہ ہونے پر تشویش کا اظہار، کہا، ملک میں حکومتی عمل داری نام کی کوئی چیز موجود نہیں، مافیاز کو عوام کو لوٹنے کا لائسنس دے دیا گیا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سندھ اور پنجاب کے تمام سی این جی اسٹیشنز بند کر دیئے گئے، چیئرمین سی این جی ایسوسی ایشن غیاث پراچہ کا دعویٰ، کہا، کے الیکٹرک،، کو ایل این جی دینے کیلئے اسٹیشنز کو زبردستی بند کرایا گیا، لاکھوں افراد بے روزگار ہوئے، بندش کا فیصلہ مسترد کرتے ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نیب راولپنڈی نے نور الحق قادری کیخلاف تحقیقات کا دائرہ وسیع کر دیا، ذرائع کے مطابق، حج کی اشتہاری مہم میں مبینہ بے ضابطگیوں کی بھی مکمل چھان بین کا فیصلہ، گزشتہ دو سال کی اشتہاری مہم کا مکمل ریکارڈ حاصل کیا جائے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسلام آباد چڑیا گھر کے واحد ہاتھی کاون اور جانوروں کی محفوظ مقام پر عدم منتقلی پر اسلام آباد ہائیکورٹ کا برہمی کا اظہار، چیف جسٹس اطہر من اللہ نے ریمارکس دیئے، کاون سمیت تمام جانور بہت سختیاں جھیل چکے، وزیراعظم نے بھی کہا کہ لوگوں کو پتہ ہی نہیں نیشنل پارک کیا ہوتا ہے، جانوروں کے حقوق سے متعلق قوانین موجود ہیں ان پر عمل ہی نہیں ہو رہا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

قومی ایئر لائن کے پاس ساڑھے چار سو پائلٹس ہیں، سول ایوی ایشن اتھارٹی نے رپورٹ سپریم کورٹ میں جمع کرا دی، کہا، ایک ہزار نو چونتیس پائلٹس کو لائسنس دیا گیا، دو سو باسٹھ پائلٹس کے مشتبہ لائسنس کی نشاندہی ہوئی، چونتیس افراد کو معطل کیا گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایک روز میں کورونا سے زیادہ اموات کے لحاظ سے پاکستان سے بارہ ملک آگے، نئے کیسز میں پاکستان کا چودہواں نمبر، ایکٹو کیسز میں پاکستان سے سات ممالک آگے، مجموعی کیسز کے لحاظ سے پاکستان کا بارہواں نمبر

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا کا پھیلاؤ روکنا ہم سب کے اجتماعی اختیار میں ہے، وفاقی وزیر اسد عمر کہتے ہیں، حفاظتی تدابیر پر عمل کریں گے تو صحت کی حفاظت ہو گی اور روزگار بھی چلتا رہے گا، امریکہ، برازیل اور بھارت میں جو ہو رہا ہے خدانخواستہ ہمارے یہاں بھی ہو سکتا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وفاقی حکومت کا فیصل آباد میں دو سو ایکڑ پر ہیلتھ سٹی بنانے کا منصوبہ، وفاقی وزیر فواد چودھری کہتے ہیں، کراچی، لاہور اور اسلام آباد میں اکنامک زون بنائے جائیں گے، ٹیکنالوجی انڈسٹری اور بزنس کو خصوصی مراعات حاصل ہوں گی، دس سال میں پاکستان کو ٹیکنالوجی سپر پاور بنانا منزل ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اورنج لائن میٹرو ٹرین جلد از جلد چلانے کی کوشش کریں گے، وزیراعلیٰ پنجاب عثمان بزدار کا اعلان، منصوبے کی تیاریوں کا جائزہ، کہا، کورونا کی وجہ سے پیدا رکاوٹیں دور ہوتے ہی سروس کا آغاز ہو گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چیریٹی ایکٹ دو ہزار اٹھارہ کے تحت پنجاب چیریٹی کمیشن قائم، کمیشن سے صدقات اور عطیات جمع کرنے کے نظام کی نگرانی کی جائے گی، صوبے بھر میں خیراتی تنظیموں اور اداروں کیلئے پندرہ اگست سے پہلے کمیشن سے رجسٹریشن کرانا لازم ہو گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملک کے مختلف علاقوں میں ایک بار پھر ٹڈی دل کی یلغار، ہالہ اور تھرپارکر میں گھاس، کپاس، گنے کی فصلوں کو نقصان، کیلے اور آم کے باغات بھی متاثر، ٹڈی دل سے نمٹنے کیلئے آپریشن جاری، چوبیس گھنٹوں میں ڈھائی لاکھ ایکڑ پر اسپرے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا میں کورونا کے ایک کروڑ چھبیس لاکھ سے زائد مریض، پانچ لاکھ باسٹھ ہزار سے زائد افراد اب تک زندگی کی بازی ہار گئے، چوہتر لاکھ کے قریب مریض صحت یاب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایک ہی روز میں دو لاکھ سینتیس ہزار کیسز، دنیا بھر میں کورونا کے نئے کیسز کا ریکارڈ اگلے روز ہی ٹوٹ گیا، نو جولائی کو دو لاکھ بیس ہزار سے زائد کیسز ریکارڈ ہوئے تھے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں کلفٹن بلاول چورنگی کے قریب کرنٹ لگنے سے ایک اور بچی جاں بحق، شہر میں حالیہ دنوں میں کرنٹ لگنے سے اب تک دس افراد جاں بحق ہو چکے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

رحیم یار خان میں وائلڈ لائف کی کارروائی، پانچ نایاب ہرن برآمد، تین ملزمان گرفتار، ہرن وائلڈ لائف پارک منتقل

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ترکی میں تاریخی آیا صوفیا کی میوزیم کی حیثیت ختم، ترک عدالت نے مسجد کو میوزیم میں بدلنے کا فیصلہ کالعدم قرار دے دیا، ترک صدر کا چوبیس جولائی کو مسجد میں نماز جمعہ ادا کرنے کا اعلان

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا کے سامنے بڑی بڑی کمپنیاں بے بس، ایمریٹس ائیر لائن کا مزید نو ہزار ملازمین فارغ کرنے کا فیصلہ، ایئرلائن پہلے ہی اپنے عملے کا دسواں حصہ ملازمت سے فارغ کر چکی ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پی سی بی مسلسل زیادتی کر رہا ہے، کرکٹ بورڈ کی طرف سے سزا ختم کرنے سے انکار کے بعد سلیم ملک کا مؤقف، کہا، احسان مانی ان کے خلاف کارروائیاں کرنے والوں کا نوٹس لیں، پی سی بی میں کالی بھیڑیں بیٹھی ہیں جو معاملے کو خراب کررہی ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکا اور بھارت میں ایک ہی روز کے کورونا کیسز کا نیا ریکارڈ، امریکا میں چوبیس گھنٹوں میں اکہتر ہزار سے زائد کیسز رپورٹ، بھارت میں ستائیس ہزار سے زائد کیسز سامنے آئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

عالمی ادارہ صحت کے سربراہ کورونا کے خلاف ناکافی اقدامات سے ناخوش، کہا، موجودہ صورتحال میں ممکن نہیں کورونا وائرس کا خاتمہ کر سکیں، لاک ڈاون کے بعد کورونا سے بچاؤ کیلئے احتیاطی تدابیر لازمی اختیار کرنا ہوں گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جنسی زیادتی کے الزامات کا سامنا کرنے والے فرانسیسی وزیرداخلہ کے خلاف احتجاج، مظاہرین نے وزیر داخلہ سے استعفیٰ کا مطالبہ کر دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ماسک پہننے کا کیوں کہا؟ شاپنگ کے دوران امریکی خاتون آگ بگولہ، ہاتھ میں پکڑے جوتوں کے ڈبے سیلز گرلز پر پھینک کر دکان سے باہر نکل گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لالیگا میں ریال میڈرڈ کی ایک اور کامیابی، حریف کلب ایلوس کو دو صفر سے ہرا دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ساؤتھمپٹن ٹیسٹ میں انگلینڈ کی دوسری اننگز میں بلے بازی، انگلش اوپنرز کا اننگ کا پر اعتماد آغاز، ویسٹ انڈیز پہلی اننگز میں تین سو اٹھارہ رنز بنا سکا تھا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ہالی ووڈ اداکارہ ’نایا ریویرا‘ دو روز بعد بھی لاپتہ، سونر ٹیکنالوجی کی مدد سے کیلیفورنیا کی جھیل سے اداکارہ کی تلاش

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکہ میں صدارتی انتخابات، فیس بک کا سیاسی اشتہارات پر پابندی پر غور، بلوم برگ کے مطابق، سیاسی اشتہارات پر پابندی حتمی فیصلہ نہیں ہوا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سونے کے بعد ہیروں کے ماسک کی انٹری، بھارتی ریاست گجرات میں ہیروں سے جڑے ماسک بننے لگے، قیمت 9لاکھ روپے کے قریب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ناسا کا چاند اور مریخ کو انسانی جراثیم سے پاک کرنے کا منصوبہ، ناسا دو ہزار چوبیس میں چاند اور دو ہزار تیس میں مریخ پر مشن بھیجے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا بھر میں آبادی کا دن آج منایا جا رہا ہے، دنیا کی کل آبادی سات ارب اسی کروڑ سے زائد نفوس پر مشتمل، پاکستان کا بائیس کروڑ کے ساتھ زیادہ آبادی والے ممالک میں پانچواں نمبر

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بلی بھی ووٹ ڈالنے کیلئے اہل، اٹلانٹا میں بارہ سال پہلے مرنے والی بلی کا ووٹر فارم گھر آ گیا، انتظامیہ کی نااہلی پر سب حیران

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

تیز گھومتے رنگ برنگے لٹو ماضی کی یاد، راولپنڈی کے لاٹو محلے میں اکلوتی دکان قدیم روایتی کھیل کی یاد تازہ کرتی ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سمندر کی سیر کرتے باپ بیٹے کو ملی ایک نئی دوست، ڈولفن نے نئی دوستی کیلئے سمندر میں خوب موج مستی کی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لازوال گیتوں کے خالق، بے مثل شاعر قتیل شفائی کو دنیا سے گزرے انیس برس بیت گئے، قتیل شفائی نے ڈھائی ہزار سے زائد فلمی گانے تحریر کیے، لفظوں کے جادوگر کی شاعری اردو ادب کا قیمتی سرمایہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اداکار بابر علی کی بچوں کے ساتھ دلچسپ ویڈیو، بابر علی نے انسٹا گرام پر شاعری پوسٹ کرنے کیلئے ویڈیو بنائی، بچوں نے خوب تنگ کیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ہالی ووڈ کی سپر اسٹار جوڑی انجلینا جولی اور بریڈپٹ پھر ساتھ ساتھ، بریڈ پٹ دو ہفتوں میں دوسری بارانجلینا جولی کے گھر نظر آئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جاسوس کی جاسوسی چلی نہ جنگجو شہزادی کا وار، سائیکو قاتل بھی بے بس، امریکا میں کورونا کے زور، فلمز باقی دنیا میں ریلیز کرنے پر غور، ٹینٹ، مولان اور ان ہنجڈ کی امریکا کے علاوہ دنیا بھر میں ریلیز کا امکان

ویب ڈیسک

See author's posts