پاکستان سمیت دنیا بھر سے آج کی خبریں،مختصر مختصر

۔۔۔۔۔۔۔۔۔

کراچی کے علاقے ساؤتھ چورنگی میں کھمبے سے کرنٹ لگنے سے دس سالہ بچہ جاں بحق، تین روز میں کرنٹ لگنے سے آٹھ افراد جاں بحق ہوئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

عمر ایوب نے کرنٹ سے حادثات کا ذمہ دار سندھ حکومت کو قرار دے دیا، کہا، کراچی میں بارش کے بعد اموات پانی کھڑا ہونے سے ہوتی ہیں، بارش کے بعد شہر میں پانی جمع ہونے کا ذمہ دار کون ہے؟ سندھ حکومت نے شہر پر توجہ نہیں دی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں بادلوں کی آنکھ مچولی، موسم ابر آلود، آج بھی بوندا باندی کا امکان، مسلسل بارشوں سے گلیوں اور سڑکوں پر پانی جمع، نالوں سے کچرا ابل پڑا، شہریوں کیلئے گھروں سے نکلنا مشکل

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملک بھر کے اسکولوں سمیت تمام تعلیمی ادارے پندرہ ستمبر سے کھولنے کا اعلان، وزیر تعلیم شفقت محمود نے کہا، کورونا حالات بہتر نہ ہوئے تو تعلیمی ادارے نہیں کھلیں گے، اگست کے پہلے اور پھر تیسرے ہفتے فیصلے پر نظر ثانی کریں گے، کورونا سے بچاؤ کیلئے ایس او پیز پر عمل کرنا ہو گا، کلاسز میں طلبہ کی تعداد کم کرنے، کلاسز کو مختلف اوقات میں بلانے سمیت مختلف تجاویز زیر غور

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جولائی کے دوسرے ہفتے سے فنی تعلیم کے امتحانات لینے کی اجازت ہو گی، وزیر تعلیم شفقت محمود نے کہا، مدارس کو بھی امتحانات کی اجازت ہو گی، ادارے عید سے پہلے یا بعد پی ایچ ڈی طلبہ کو محدود تعداد میں بلا سکتے ہیں، ہاسٹلز میں تیس فیصد طلبہ کو رہنے کی اجازت ہو گی، تعلیمی اداروں کو انتظامی دفاتر پہلے کھولنے کی اجازت دی جائے گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

محکمہ اسکول ایجوکیشن پنجاب نے اسکول کھولنے کیلئے ایس او پیز تیار کر لیے، ماسک پہننا اور ٹمپریچر چیک کرنا لازمی ہو گا، اسکول سینیٹائزر فراہم کریں گے اور جراثیم کش اسپرے کرائیں گے، کلاسوں میں بینچوں کے درمیان ایک میٹر کا فاصلہ ہو گا، بچوں کو صرف انگریزی، ریاضی اور سائنس کے مضامین پڑھائے جائیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیر اعظم عمران خان نے قوم سے عید الاضحیٰ سادگی سے منانے کی اپیل کر دی، کہا، عید آ رہی ہے، قوم سے اپیل ہے کہ وہ نہ ہو جو گزشتہ عید پر کیا، اگر لاپروائی کی تو کورونا کیسز پھر بڑھ جائیں گے، اسمارٹ لاک ڈاؤن کی وجہ سے وبا پر قابو پا سکے، ہمیں بھی امید نہیں تھی کہ کیسز اتنی جلد کم ہو جائیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا کے پیش نظرعیدالاضحیٰ پر صرف ایک چھٹی دیئے جانے کا امکان، عید الاضحیٰ اکتیس جولائی بروز جمعہ ہونے کا امکان، دو ہفتہ وار چھٹیاں ملا کر تعداد تین ہو جائے گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

قومی اسمبلی میں کراچی کی لوڈ شیڈنگ کی گونج، وفاقی وزیر اسد عمر کہتے ہیں، پانچ پانچ سال پیپلز پارٹی اور ن لیگ کی حکومت رہی انہوں نے کچھ نہیں کیا، کراچی میں لوڈ شیڈنگ کا معاملہ جلد حل کر لیں گے، حکومت کی اتحادی ایم کیو ایم کا منگل کو پارلیمنٹ کے باہر دھرنے کا اعلان، امین الحق نے کہا، کے الیکٹرک نے ریاست کے اندر ریاست بنا رکھی ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

راجہ پرویز اشرف نے کہا، ہر مسئلے کا ملبہ گزشتہ حکومتوں پر ڈال دیا جاتا ہے، حکومت آج بھی کہہ رہی ہے اگلے دوسال بعد بتائیں گے کہ حل کیا ہو گا، عزیر بلوچ کی جے آئی ٹی سے متعلق بولے، جو جے آئی ٹی یہاں لہرائی اس پر دستخط ہی نہیں تھے، کیا آپ کو اچھا لگے گا کہ کل کوئی ہمیں موٹرسائیکل پر کوئی لفافہ دے جائے اور ہم بغیر تصدیق کے یہاں پڑھنا شروع کر دیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بارشوں میں کے الیکٹرک کا نظام ڈوب گیا، مختلف رہائشی علاقوں میں گزشتہ رات آٹھ بجے سے بجلی کی فراہمی معطل، نارتھ کراچی، خدا کی بستی، اورنگی ٹاؤن، لیاقت آباد، عزیز آباد، ملیر کے علاقوں میں تین سو،،، سے زائد کیبل فالٹس، پانی کی بھی قلت، شہریوں کا علاقے میں رہنا مشکل ہو گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملک بھر میں کورونا کے تین ہزار تین سو انسٹھ نئے کیسز رجسٹرڈ، کورونا کیسز کی مجموعی تعداد دو لاکھ چالیس ہزار آٹھ سو سے بڑھ گئی، مزید اکسٹھ مریض چل بسے، اموات کی تعداد پانچ ہزار کے قریب پہنچ گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیراعظم نے اسلام آباد آئیسولیشن اسپتال اینڈ انفیکشن ٹریٹمنٹ سنٹر کا افتتاح کر دیا، آرمی چیف جنرل قمر جاوید باجوہ بھی ہمراہ تھے، آئیسولیشن اسپتال اینڈ انفیکشن ٹریٹمنٹ سینٹر چالیس دنوں میں مکمل کیا گیا، سنٹر میں ڈھائی سو بیڈز کی سہولت، ریڈیالوجی اور پیتھالوجی لیبارٹری کے علاوہ ایک مردہ خانہ اور آتش خانہ بھی موجود ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

قومی اسمبلی میں مراد سعید کی تقریر کے دوران ہنگامہ، اپوزیشن واک آؤٹ کر گئی، مراد سعید نے کہا، جے آئی ٹی رپورٹ سندھ حکومت کی ہو یا علی زیدی کی، الزامات درست ہیں، عزیر بلوچ کے مطابق بھتہ آصف زرداری اور فریال تالپور کو جاتا تھا، کورم پورا نہ ہونے پر اجلاس ملتوی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وفاقی وزیر مراد سعید کی تقریر کے دوران پیپلز پارٹی کی رکن شازیہ سومرو نے کورم کی نشاندہی کی، اس دوران مراد سعید کو ہیڈ فون بھی دے مارا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پی ٹی آئی کے رکن اسلم خان کے ریمارکس پر پیپلز پارٹی کی خواتین ارکان برہم، اسپیکر ڈائس کے سامنے احتجاج، ڈپٹی اسپیکر نے اسلم خان کو خواتین ارکان سے معذرت کرنے کی ہدایت کی، اسلم خان نے کہا، انہوں نے کسی کو بھی براہ راست نشانہ بنایا نہ کسی کا نام پکارا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سندھ میں کورونا کیسز ایک لاکھ تک پہنچ گئے، پہلے ہزار کیسز اکتالیس روز میں سامنے آئے، دس ہزار کیسز میں بہتر روز کا وقت لگا، کیسز پچھہتر ہزار سے ایک لاکھ تک پہنچنے میں چودہ روز لگے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لاہور ہائیکورٹ کا پیٹرول بحران کی تحقیقات کیلئے اعلیٰ سطح کمیشن بنانے کا حکم، چیف جسٹس قاسم خان نے ریمارکس میں کہا، وفاقی حکومت کی خراب گورننس کی انتہا ہے، بادی النظر میں اس حمام میں سب کے کپڑے اتریں گے، سرکاری ریکارڈ چھپانے کی کوشش ہوئی تو سخت کارروائی ہو گی، اٹارنی جنرل سے کمیشن کیلئے نام طلب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ریلوے کا ٹریک لوگوں کیلئے ڈیتھ ٹریک بن چکا ہے، ریلوے کا نظام ایسا نہیں کہ ٹرین ٹریک پر چل سکے، ریلوے خسارہ ازخود ںوٹس کیس کی سماعت میں چیف جسٹس گلزار احمد کے ریمارکس، کہا، ریلوے کو جس طرح چلایا جا رہا ہے اس انداز میں نہیں چلایا جا سکتا، عدالت ریلوے کے سفر کو مسافروں کیلئے محفوظ بنانے کا حکم

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سونے کی قیمت اور اوپر،، فی تولہ مزید آٹھ سو روپے مہنگا، ایک تولے کی قیمت ایک لاکھ نو ہزار سے بڑھ گئی، اسٹاک مارکیٹ میں مثبت رجحان، ہنڈرڈ انڈیکس چھتیس ہزار کی سطح عبور کر گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا کے نئے کیسز میں پاکستان دنیا بھر میں گیارہویں نمبر پر، مجموعی کیسز میں گیارہ ملک پاکستان سے آگے، نئی اموات میں پاکستان سے تیرہ ملک آگے، مجموعی اموات میں پاکستان کا انیسواں نمبر

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لاہور کے سات علاقوں میں لاک ڈاؤن موخر، علاقے آج رات بارہ بجے سے ایک ہفتے کیلئے سیل کیے جائیں گے، ٹاؤن شپ اے ٹو بلاک، ڈی ایچ اے، ای ایم ای سوسائٹی شامل، واپڈا ٹاؤن، جوہر ٹاؤن سی بلاک اور چونگی امر سدھو شامل، پشاور کے مزید دو علاقوں میں اسمارٹ لاک ڈاؤن نافذ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پی آئی اے کا متحدہ عرب امارات کیلئے فضائی آپریشن بحال، پرواز لاہور سے دبئی روانہ، مسافروں کو کورونا منفی آنے کی رپورٹ بورڈنگ کے وقت پیش کرنا لازمی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی طیارہ حادثے میں انتظامیہ جاں بحق مسافروں کا سامان لواحقین کے سپرد کرے گی، انتظامیہ کے مطابق، لواحقین سامان کی واپسی کیلئے اصل شناختی کارڈ کے ساتھ رابطہ کر سکتے ہیں، عملہ گیارہ سے تیرہ جولائی تک ٹریننگ سینٹر میں دستیاب ہو گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سندھ حکومت کی ہیلتھ ورکرز کیلئے رسک الاؤنس سمری کی منظوری، گریڈ سولہ تک کی ہیلتھ ورکرز کو سترہ ہزار روپے ماہانہ رسک الاؤنس ملے گا، گریڈ سترہ اور اس سے اوپر ملازمین کو ماہانہ پینتیس ہزار روپے ملیں گے، گرینڈ ہیلتھ الائنس نے اضافہ مسترد کر دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملک میں کورونا کیسز کم ہو رہے ہیں، چیئرمین این ڈی ایم اے لیفٹیننٹ جنرل محمد افضل کی بریفنگ، کہا، کورونا پر قابو پانے کیلئے تمام وسائل بروئے کار لا رہے ہیں، ٹڈی کو تلف کرنے کیلئے بھی اقدامات کیے، ٹڈی دل کے خاتمے کیلئے ادویات اور اسپرے کی کمی نہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیراعلیٰ پنجاب عثمان بزدار سے اسپیکر پنجاب اسمبلی کی ملاقات، چودھری پرویز الہیٰ نے کہا، اختلافات کی خواہش رکھنے والوں کے ارمان پورے نہیں ہوں گے، عثمان بزدار بولے، ق لیگ کے ساتھ بہترین ورکنگ ریلیشن شپ ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سندھ میں روٹی کی قیمت کسی صورت نہیں بڑھنی چاہیے، وزیراعلیٰ مراد علی شاہ کی ہدایت، کہا، وفاقی حکومت سندھ کو بھی گندم جاری کرے تا کہ قیمتیں کم ہوں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکہ اور بھارت میں ایک روز میں کیسز کا نیا ریکارڈ بھی بن گیا، امریکہ میں اکسٹھ ہزار، بھارت میں پچیس ہزار سے زائد کورونا کیسز ریکارڈ ہوئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ہاورڈ یونیورسٹی اور ایم آئی ٹی نے غیر ملکی طلبہ کو امریکہ سے نکالنے کا حکم عدالت میں چیلنج کر دیا، ٹرمپ انتظامیہ نے کورونا کے باعث صرف آن لائن پڑھنے والے غیر ملکی طلبہ کو امریکہ چھوڑنے کی ہدایت کی تھی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اوکاڑہ میں پانچ شادیاں کرنے والا چوتھی بیوی سے پٹ گیا، چوتھی بیوی نے بیچ بازار میں خاوند کی دھلائی کر دی، کہا، خاوند نے پانچویں شادی کی، خاتون پہلی تین بیویوں کے نکاح نامے اور طلاق نامے ساتھ لے کر آئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لاہور ہائی کورٹ نے تا حکم ثانی کمشنرز اور ڈپٹی کمشنرز کے عدالتی اختیارات استعمال کرنے کا نوٹیفیکیشن معطل کر دیا، چیف جسٹس قاسم خان نے کہا، حکومت سسٹم کا تماشا نہ بنائے، جس روز کیس پر فیصلہ کروں گا وزیر اعلیٰ سمیت ذمہ داروں کو توہین عدالت کا نوٹس دوں گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سپریم کورٹ نے نو سالہ بچی اغوا کیس میں سرفراز بگٹی کی عبوری ضمانت کی استدعا مسترد کر دی، جسٹس قاضی امین نے کہا، سرفراز بگٹی کو چھ ماہ سے کسی نے گرفتار نہیں کیا، اب کون کرے گا، جسٹس مظہر عالم نے کہا، سرفراز بگٹی با اثر شخص ہیں، کوشش کریں بچی مل جائے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جسٹس قاضی فائز عیسیٰ کی اہلیہ ایف بی آر میں پیش، اسکول میں ملازمت کے دوران آمدن، کراچی میں جائیداد کی خرید و فروخت اور والد سے تحفے میں ملنے والی جائیداد اور زرعی زمین کا ریکارڈ پیش کر دیا، جواب میں کہا، بیرون ملک رقم قانونی طریقے سے بھیجی، برطانیہ میں خریدی گئی جائیداد سے میرے شوہر کا کوئی تعلق نہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چین میں طوفانی بارشوں نے تباہی مچا دی، مشرقی چین میں ڈیم کے تمام نو فلڈ گیٹس پہلی بار کھول دئیے گئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

قطر دنیا میں محفوظ ترین ملک قرار، جرائم کم سکون زیادہ سہولیات بے شمار، تائیوان کا نمبر دوسرا، یو اے ای رہنے والوں کیلئے تیسرا محفوظ ترین ملک قرار، برازیل، افغانستان، جنوبی افریقہ، عراق اور شام غیر محفوظ ترین ممالک میں شامل

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

گھر سے باہر کھاؤ، لوگوں کی مدد کرو، برطانیہ نے ریسٹورنٹ پر کھانا کھانے پر پچاس فیصد رعایت کی پیشکش کر دی، اسکیم سے ریسٹورنٹ انڈسٹڑی کو بحال کیا جائے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا کا انوکھا علاج، یوکلپٹس کے پتوں سے بنے ہار پہنیں اور کورونا بھگائیں، انڈونیشیا کی وزارت زراعت کے دعوے نے سب کو حیران کر دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سب سے بڑے مسافر طیارے ایئر بس تھری ایٹی کو طبی سامان کی منتقلی میں استعمال کیا جائے گا، پرتگال کی ایئر کمپنی نے جہاز سے نشستیں ہٹا کر اسے کارگو جہاز میں بدل دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مادر ملت محترمہ فاطمہ جناح کی ترپن ویں برسی، تحریک آزادی میں بانی پاکستان قائد اعظم کے شانہ بشانہ رہیں، برصغیر کی مسلم خواتین کو بیدار کیا، خدمات کے اعتراف میں قوم نے فاطمہ جناح کو مادر ملت کا لقب دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسپینش لیگ میں بارسلونا کی ایک اور فتح، اسپانیول کو ایک گول سے زیر کر لیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مانچسٹر سٹی کی ٹیم پریمیئر لیگ میں حریف کلب پر چھا گئی، نیو کاسل کو صفر کے مقابلے پانچ گول سے ہرا دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ڈزنی لینڈ میں چار ماہ بعد مکی ماؤس، سنو وائٹ اور سنڈریلا کی واپسی، فلوریڈا میں گیارہ جولائی کو سیاحوں کو ویلکم کہنے کیلئے ڈزنی لینڈ کے عملے نے ڈریس ریہرسل شروع کر دی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دبئی میں اب خواتین بس چلائیں گی، بس ڈرائیونگ کا مقصد ٹرانسپورٹ کے شعبے میں خواتین کو مواقع فراہم کرنا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مارگلہ کے پہاڑ خوبصورتی میں بے مثال، کورونا وائرس کے باعث سنسان ہو جانے والی اسلام آباد کے مارگلہ ٹریلز کی رونقیں لوٹنے لگیں، واک اور ہائیکنگ کا سلسلہ دوبارہ شروع ہو گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لائیو شو میں یونیورسٹی کے ڈین کو چور پڑ گئے، برطانوی یونیورسٹی کے ڈین کی لائیو چٹ چیٹ میں بلی نے موقع پاتے ہی میز پر پڑا دودھ پینا شروع کر دیا، ویڈیو سوشل میڈیا پر وائرل

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جاپان میں روبوٹس چیئر لیڈرز بن گئے، بیس بال میچ میں کھلاڑیوں کا حوصلہ بڑھایا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چھوٹی سی عمر میں بڑے بڑے کام، چھوٹے بچے کی واٹر اسکیئنگ سیکھنے کی ویڈیو نے سوشل میڈیا پر سب کے دل جیت لیے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مشن امپاسبل سیون کی ریلیز بھی وقت پر امپاسبل، ٹام کروز کی فلم کی شوٹنگ کورونا کی وجہ سے متاثر، فلم کو اگلے سال نومبر میں ریلیز ہونا ہے

ویب ڈیسک

See author's posts