پاکستان سمیت دنیا بھر سے آج کی خبریں،مختصر مختصر

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

علی زیدی ملزمان کو فائدہ پہنچانے کیلئے جے آئی ٹی کو متنازع بنا رہے ہیں، ایسا ہوا تو قانون اپنی کارروائی کرے گا، وزیراعلیٰ سندھ مراد علی شاہ کہتے ہیں،موٹر سائیکل پر کوئی آ کر ان کو کاغذ دے جاتا ہے اور علی زیدی سامنے لے آتے ہیں، سندھ روشن پروگرام کیس میں مراد علی شاہ کی نیب میں پیشی، جوابات جمع کرانے کیلئے دو ہفتے کی مہلت

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وفاقی وزیرعلی زیدی کہتے ہیں، تھوڑی کھوج کریں تو عزیر بلوچ کی جے آئی ٹی پر مزید شواہد مل جائیں گے، نبیل گبول نے ٹی وی شو میں کہا سندھ پولیس جے آئی ٹی پر دستخط نہیں کررہی، فواد چودھری بولے،علی زیدی نے سنجیدہ سوالات اٹھائے ہیں اب عدلیہ کا فرض ہے کہ اس معاملے کا جائزہ لے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چیف جسٹس پاکستان کا ملک میں ایک سو بیس نئی احتساب عدالتیں قائم کرنے کا حکم ، کرپشن کے مقدمات، زیر التوا ریفرنسز کا تین  ماہ میں فیصلہ کرنے کی ہدایت،پانچ احتساب عدالتوں میں ایک ہفتےکےاندر ججز کی تعیناتی کا حکم

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بھارتی جاسوس کلبھوشن یادیو کا نظر ثانی اپیل دائر کرنے سے انکار، ایڈیشنل اٹارنی جنرل احمد عرفان نےکہا،کلبھوشن نےرحم کی اپیل کےفیصلے کا انتظار کرنے کو ترجیع دی، بھارت پراپیگنڈے کے بجائے قانونی راستہ اختیار کرے ،عالمی عدالت انصاف کے فیصلے کے تحت کلبھوشن یادیو کی سزا پر قانونی جائزہ لیا جا رہا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں کرنٹ لگنے سے دو روز میں پانچ افراد جاں بحق، بہادر آباد میں موٹر سائیکل سوار بجلی کے تار گرنے سے چل بسا، کریم آباد میں مزدور کرنٹ لگنے سے جان سے گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لوڈ شیڈنگ کے ساتھ کیبل فالٹ، کراچی کے شہری بجلی سے محروم، گلشن اقبال ، لیاقت آباد ، کورنگی، نارتھ کراچی اور، اورنگی ٹاؤن میں بجلی کی فراہمی معطل ، کھڈہ مارکیٹ ،موسیٰ لین ، لی مارکیٹ اور کاغذی بازار میں بھی بجلی بند ، عوام بجلی کی بندش سے پریشان

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں تیسرے دن بھی بارش، نیو کراچی ، نارتھ کراچی اور آئی آئی چندریگر روڈ کے اطراف بوندا باندی، ملیر ، کورنگی، قیوم آباد اور لیاقت آباد میں بارش، ہلکی بارش کے بعد بھی سڑکوں اور گلیوں میں پانی جمع

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملک بھر میں یکم ستمبر سے تعلیمی ادارے کھولنے کی تجویز، وفاقی وزیر تعلیم کی زیر صدارت اجلاس میں مشاورت، حتمی منظوری کل این سی اوسی اجلاس میں لی جائے گی، ایس او پیز کے ساتھ امتحانات لینے کی بھی تجویز، اگست سے پہلے جائزے کیلئے دو اجلاس بلائے جائیں گے ،صورتحال تشویش ناک ہوئی تو تعلیمی ادارے بدستور بند رہیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیراعظم عمران خان کہتے ہیں ، کورونا سے نمٹنے کیلئے مشترکہ لائحہ عمل بنانا ہوگا، پاکستان نے کورونا کے پھیلاؤ کو کم کرنے کیلئے چیلنجز کا سامنا کیا، مزدور طبقہ سب سے زیادہ متاثرہوا، کورونا سے نمٹنے کیلئے چیلنجز اور اقدامات پر دنیا کو آگاہ کرتے رہیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان میں ایک دن میں کورونا کے دو ہزار نو سو اسی نئے کیسز، مجموعی تعداد دو لاکھ سینتیس ہزار سے بڑھ گئی، تراسی مریض زندگی کی بازی ہار گئے، اموات کی تعداد چار ہزار نو سو بائیس ہو گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیر خارجہ شاہ محمود قریشی کے بیٹے زین قریشی کو بھی کورونا ٹیسٹ مثبت آ گیا، زین قریشی تحریک انصاف کے ممبر قومی اسمبلی ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مسلم لیگ ن کے رہنما خواجہ آصف کہتے ہیں،بھارت میں اقلیتوں پر ظلم ہو رہا ہے، ہم نے ملک میں رواداری کو فروغ دینا ہے، اقلیتوں کی عبادت گاہوں کی حفاظت ہماری ذمہ داری ہے،پیپلزپارٹی رہنما نوید قمر بولے،پاکستان میں اقلیتی برادری کی دل آزاری نہیں ہونی چاہیے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اپوزیشن لیڈر شہباز شریف کا بلاول بھٹو زرداری سے ٹیلی فونک رابطہ، آل پارٹیز کانفرنس کے انعقاد پر مشاورت، اے پی سی کی تاریخ اور زیر غور آنے والے نکات پر تبادلہ خیال

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیراطلاعات پنجاب فیاض الحسن چوہان کہتے ہیں، غیر متحد اپوزیشن جتنی ایڑھیاں رگڑ لے، حکومت مدت پوری کرے گی، مولانا فضل الرحمان پھر اپوزیشن  کو بے وقوف بنانے جا رہے ہیں، حکومت عوام کے ووٹ سے اقتدار میں آئی اور عوام کے اعتماد پر قائم ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

حکومت نے نجی شعبے کو دس لاکھ ٹن گندم درآمد کرنے کی اجازت دےدی، نوٹی فکیشن کے مطابق،بیرون ممالک سے ڈیوٹی فری گندم درآمد کی جا سکتی ہے، گندم اور گندم سے بنی تمام مصنوعات کی برآمد پر پابندی عائد

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیراعظم عمران خان سے معروف عالم دین مولانا طارق جمیل کی ملاقات

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کرکٹ کے ویران میدان آباد ہونے میں تھوڑا انتظار، چار مہینے بعد انٹرنیشنل کرکٹ لوٹ آئی، ساتھ بارش بھی لائی، ٹاس تاخیر کا شکار،  سب کو ساؤتھیمپٹن میں انگلینڈ اور ویسٹ انڈیزکے میچ کا انتظار، کسی تماشائی کو اسٹیڈیم داخلے کی اجازت نہیں، کھلاڑی ایک دوسرے سے ہاتھ ملائیں گے نہ تھوک سے گیند چمکائیں گے، صفائی کا بھی وفقہ لیا جائے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سونے کی قیمت مسلسل بڑھنے لگی، دو ہزار چار سو روپے اضافے سے ایک تولہ سونا ایک لاکھ آٹھ ہزار تین سو روپے کا ہوگیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسٹیٹ بینک کا ایکسپورٹرز کیلئے شرح سود میں ایک فیصد کمی کا اعلان، اسٹیٹ بینک کے مطابق، صنعتوں کے پھیلاو اور نئی سرمایہ کاری کیلئے ایکسپورٹرز کو قرض پانچ فیصد پر ملے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سندھ میں ایک لاکھ کے قریب کورونا کیسز، کراچی میں کورونا مریضوں کی تعداد پچھہتر ہزار سے بڑھ گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایک دن میں کورونا کیسز کے لحاظ سے پاکستان دنیا میں گیارہویں نمبر پر پہنچ گیا، مجموعی کیسز اور چوبیس گھنٹے میں اموات کے لحاظ سے گیارہ ملک پاکستان سے آگے، مجموعی اموات میں انیسواں نمبر

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسمارٹ لاک ڈاؤن کے مثبت اثرات ، اسلام آباد میں کورونا کیسز میں نوے فیصد کمی، چار سب سیکٹرز کو آج شام سات بجے ڈی سیل کردیا جائے گا، جی سکس ون اور ٹو ، جی سیون ٹو اور جی ٹین فور شامل

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لاہور کے سات علاقوں میں لاک ڈاؤن کا فیصلہ ، ٹاؤن شپ اے ٹو بلاک، ڈی ایچ اے، ای ایم ای سوسائٹی شامل، واپڈا ٹاؤن، جوہر ٹاؤن سی بلاک اور چونگی امر سدھو بھی رات بارہ بجے سے ایک ہفتے کیلئے سیل

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں ایک اور عمارت گر گئی،  لیاقت آباد کی چار منزلہ عمارت میں گزشتہ روز دراڑیں پڑیں، رہائش پذیر افراد نے خالی کردی، اطراف کی دو عمارتوں کو بھی نقصان ، ہمارا سب کچھ برباد ہو گیا، متاثرہ افراد کی روتے ہوئے دہائی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی کے علاقے سچل گوٹھ میں بیکری کے قریب دھماکہ، ایک شخص جاں بحق، پولیس کے مطابق، جاں بحق شخص بیکری کا مالک ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

صوابی میں پولیس پرفائرنگ، ڈی ایس پی علامہ اقبال شہید، دو اہلکارزخمی، پولیس کی جانب سے جوابی فائرنگ میں ملزم ہلاک ہو گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسلام آباد اورراولپنڈی میں بادل کھل کر برسے، صبح کی بارش کے بعد دھوپ کے ڈیرے، خیبر پختون خوا، کشمیر اور گلگت بلتستان میں بھی آج بارش کا امکان، کوٹ ادو میں کچے کے علاقے میں بارش کے بعد سیلابی صورتحال

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا بھر میں کورونا کے ایک کروڑ انیس لاکھ سے زائد مریض، اموات کی تعداد پانچ لاکھ سینتالیس ہزار سے بڑھ گئی، انہتر لاکھ بیس ہزار سے زائد مریض صحت یاب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکا میں ایک روز میں کورونا کے پچپن ہزار سے زائد کیسز، تعداد اکتیس لاکھ تک پہنچ گئی، ایک لاکھ چونتیس ہزار کے قریب مریض ہلاک، برازیل میں مریضوں کی تعداد سترہ لاکھ کے قریب، سڑسٹھ ہزار کے قریب مریض چل بسے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بھارت میں کورونا کیسز کی تعداد سات لاکھ چوالیس ہزار کے قریب، ایک دن میں تئیس ہزار سے زیادہ کیسز سامنے آئے، ہلاکتیں بیس ہزار چھ سو سے بڑھ گئیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

حریت کمانڈر برہان وانی کا چوتھا یوم شہادت ، کشمیر کے بہادر بیٹے نے اپنے خون کی قربانی دے کر تحریک آزادی میں نئی روح پھونکی، برہان وانی کی آواز آج مقبوضہ وادی کے کونے کونے میں گونجتی ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان بھارتی حمایت یافتہ دہشت گرد تنظیموں کے نشانے پر ہے، چینی قونصل خانے اور اسٹاک مارکیٹ پر حملے بھارتی دہشت گردی کی مثالیں ہیں، اقوام متحدہ میں پاکستان کے مستقل مندوب منیر اکرم کا انسداد دہشت گردی ورچوئل ویک سے خطاب، کہا ، بھارت میں مسلمانوں سمیت تمام اقلیتوں کو خطرات لاحق ہیں، عالمی برادری بھارتی اقدامات کا نوٹس لے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وانا میں ایگری پارک میں کاروبار کا آغاز ہو گیا،پارک دو ہزار اٹھارہ میں حکومت پاکستان اور سیکیورٹی فورسز کے تعاون سے تعمیر کیا گیا، عوام کو خریداری کیلئے بہترین ماحول میسر ہو گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کرفیو کےفیصلےکے بعد سربیا میں پولیس اور عوام میں جھڑپیں، دارالحکومت بلغراد میدان جنگ بن گیا ، مظاہرین نے کورونا کے خلاف صدر کو ناکام قرار دیتے ہوئے استعفی کا مطالبہ کر دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چین اور جاپان میں شدید بارشوں اور سیلاب سے تباہی، جنوبی چین میں سیکڑوں عمارتیں سیلابی ریلے میں بہہ گئیں، دو افراد ہلاک، جاپان میں تین روز سے جاری بارشوں میں پچاس افراد ہلاک

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

یورپی ملک سلواکیا میں منشیات کی سب سے بڑی ڈیل ناکام ،سیکیورٹی فورسز نے سینتیس کروڑ ستر لاکھ روپے کی مالیت کی ڈیڑھ ٹن منشیات قبضے میں لے لی ، منشیات میکسیکو سے اسمگل کی گئی تھی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

خدمت، ہمدری اور احساس کا استعارہ، ایدھی فاؤنڈیشن کے بانی عبدالستار ایدھی کی آج چوتھی برسی، عبدالستار ایدھی نے خدمت خلق میں پاکستان کو دنیا بھر میں روشناس کرایا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سعودی عرب کا ریاض کو میگا انڈسٹریل زون بنانے کا منصوبہ، دارالحکومت کی توسیع اور ترقی پر آٹھ سو ارب ڈالر خرچ ہوں گے، جدہ ٹاور، کنگ سلمان پارک ، نیوم سٹی، ریڈ سی سمیت سترہ منصوبے شامل

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دبئی فیلڈ اسپتال سے کورونا کا آخری مریض ڈسچارج ، عملے نے تالیاں بجا کر رخصت کیا، انتظامیہ نے اسپتال بند کردیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

فیس بک کا بائیکاٹ کرنے میں پلے اسٹیشن اور ایکس باکس بھی شامل ہوگئے ،اسٹاپ ہیٹ فور پروفٹ بائیکاٹ کمپین کا حصہ، فیس بک انتظامیہ سے نسل پرستی پر مبنی نفرت انگیز مواد ہٹانے کا مطالبہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ٹیسٹ ٹیم کے کپتان اظہر علی کہتے ہیں، تھوک سے گیند چمکانے پر پابندی کے بعد باؤلرز مختلف طریقے آزما رہے ہیں، ووسٹر کے موسم میں پسینہ بھی نہیں آرہا، کرکٹرز کی فٹنس قابل ستائش ہے، جلد کنڈیشنز سے ہم آہنگ ہوں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دورہ انگلینڈ کیلئے مزید تین پاکستانی کھلاڑی لاہور سے برطانیہ چلے گئے، کھلاڑیوں میں عمران خان سینئر، حیدرعلی اورکاشف بھٹی شامل ، برطانیہ پہنچنے پر بھی کورونا ٹیسٹ ہو گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

انگلش پریمیئر لیگ میں آرسنل اور لیسٹر سٹی کی زبردست ٹکر، گول کیپرز نے کئی یقینی گول بچائے، مقابلہ ایک ایک سے برابر

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا کا فٹبال پر دس کھرب روپے کا وار، تماشائی نہ ہونے اور میچز منسوخ ہونے کی وجہ سے یورپ کے ٹاپ کلبز کو سات بلین ڈالر کا نقصان اٹھانا ہوگا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بیلاروس میں سالانہ اوان کپولا فیسٹیول کا میلہ،، تہوار میں شہریوں نے روایتی دھنوں پر گانے گا کر اور رقص کر کے قدیم رسموں کو ادا کیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پنجابی فلموں کے شہرہ آفاق ہدایت کار یونس ملک کی پانچویں برسی، یونس ملک نے کریئر میں چھتیس فلموں کی ہدایت کاری کی ، فلم مولا جٹ نے شہرت کی بلندیوں پر پہنچا دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اَن ہِنجڈ اور گرین لینڈ کی ہالی ووڈ کو بچانے کیلئے انٹری،دونوں فلمیں کورونا کے دور میں ریلیز کیلئے تیار، اَن ہنجڈ اکتیس جولائی کو  ،، جبکہ گرین لینڈ چودہ اگست کو ریلیز ہوگی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

dailyswail

See author's posts