جہاز اگوں تے اڈرداویندے ہیٹھوں تاریخ پئی وہندی ء کڈاہاں کیاراترٹ تے بارے وچ ونج پوندےاتے کڈاہاں کیارےوچ تاریخ دا اواندھا ترٹدے تاں تاں سیو پانی نیں وہندارتوہندی ءسکرین تے جہاز جدے دے نیڑے آیاودے ہیٹھوں پہاڑ نظردے پئن پہاڑدی ٹوس تے حال ماضی کوں گلکوی پانی کھڑے متاں کالا کالی تھی تےمریخ نہ ونجن پتہ نیں ایرپورٹ تے کوئی آوسی یا کائنا کئں آونے شاہد نعیم آکھیاہا جو10 جولائی دی شام کوں اوندے بال بچے جدے کنوں کراچی ویندے پئن
ایں سانگے او ائر پورٹ تے ضرور آیا کھڑا ہوسی فروری 1991ءکوں جڈاں سعودی عرب آیاہم اوں ویلھےشاہی مہمان ہم جہاز دئیں پوڑئیں کنوں مرسیڈیز کار آن چاتا ہاجیندے اٹھ درہن جم جوم شاپنگ سنٹر دی کچھ ءچ رتے سمندر (بحر احمر) دی کندھی تے اسریئے شاہی محل دی ستویں منزل تے ٹکیاہم کئی ڈینہہ شاہی ٹرمینل استعمال کریمدارہ گیاہم شاہ فہداپنے عالیشان محل قصر یمامہ ءچ قہوہ پلایا ول ولی عہد پرنس عبداللہ بن عبدالعزیز دعوت کیتی اوندے بعدہک ہک ویلھے دا جنج وزیر دفاع پرنس سلطان بن عبدالعزیز تے وزیرداخلہ پرنس نائف بن عبدالعزیز کھوایا ریاض وچ سعودی عرب دے مفتی اعظم عبدالعزیز بن عبداللہ بن باز وزیرتعلیم عبدالمحسن ترکی الحسین اسلامی کانفرنس دے سیکریٹری جنرل حامدالغابداتے بیت اللہ شریف دے امام عبداللہ السبیل نال ملاقاتاں تھیاں ہن ہر نویں محل وچ پیہن کنوں پہلے ایویں لگداہا جومیں کوٹ طاہر دے نال وستی میرانی والے ءچ کھبیا کھڑاں میرانی والا کنوں ہک بال نریان کیتے بغیر پیروراہنا سکول ویندا پئے رستے وچ چنیں دی پونبلی مٹریں دے پھل ڈڈے آبھوں کچے گوگڑے دانہ دانہ چگدئیں چگدئیں سکول پندھ کرینداپئے ۔۔۔۔۔۔۔۔۔۔۔ٹھمبر چانڈئیے مہتم ڈھاوے جانگلے گھانگھلے جھاردے نال نال اساں بالیں کوں دی ھکلیندے پئن ۔۔۔۔۔۔۔۔۔ئرہوسٹس عربی انگریزی تے اردو وچ اعلان کیتا جو جہاز لہداپئے چیل بدھ بہو
کرسی سدھی کرو سگرٹ وسما سٹو۔۔۔۔۔۔۔۔۔ایندا مطلبء صفابندے دے پتر بن بہو ۔۔۔۔۔۔۔۔جہاز پہاڑیں دے لانگھےلنگھ تے جدے دے اتوں آ گیا ایں شہردے اتوں لنگھدئیں پہلا احساس اے تھیندے جو عرب خیمے اٹھ ڈاچیاں تے بکریاں چھوڑتے محلات ءچ۔۔۔۔۔۔۔۔۔آگئین لیموزین تے بی ایم ڈبلیوءچ سفر کریندن جدہ ائرپورٹ تے کئی ٹرمینل ءن اتے اتھاں ڈینہہ رات جہاز یں دے آون ونجن دارش رہندے ساڈا جہاز پھیری مارتے آسمان دی آم شام کنوں نکل تے دھرتی آلے پاسے جھکا تھینداویندے ہن سکرین تے رن وے آگئے پھیتے رن وے تے لگے تے نال ءی جہاز دیاں بریکاں چیکیاں جہاز ہولے ہولے ٹردا ہک جاہ تے ونج تے کھڑ تھیا ہن کیا تھیسی پوڑیاں لگسن یا ٹرمینل دا گیٹ آن لگسی نہ پوڑیاں لگیاں نہ ٹرمینل دا گیٹ ہک وڈی بس جہاز نال آن کھڑی جیرھی زمین کنوں اٹھی اتے تھیون پئے گئی
جہاز بس دے دروازے ہک بئے نال ہک گئے اساں جہاز کنوں لہہ تے بس وچ۔۔۔۔۔۔۔۔۔۔۔۔آگئیوسے بس ولا ہیٹھ تھیون پئے گئی آپنی جاہ تے آئی تاں اوندا دروازہ بندتھی گیا۔۔۔بس رڑھدئیں رڑھدئیں ٹرمینل پچ گئی اتے اساں اگچھ سٹیس باہروں بہوں گرمی ہئی اساں اباہلے
تھی تے ٹرمینل دی ماڑی ءچ امیگریشن آلے پاسے آیوسے امیگریشن فارم بھرتے پاسپورٹ تے
مہر لواتے کسٹم والے پاسے لنگھ آیوسے میڈے سامنے قطارءچ لوک کھڑن اگوں سعودی کسٹم دا
عملہ ہر ہک دا سامان پٹھا سدھا کرتے ہاں دی بھامرینداپئے لوہے دے رنبےمار مار تے بیگ دے تلے اکھوڑی ویندن جتئیں دیاں کھریاں کپی چاتی ویندن ہک دے بعد بیا بےدے بعد
بیا ول بیا اوندے پچھوں بیاول میڈاوارا آیامیں بیگ کھول سامان اگوں کرتے ساہ جھن تے کھڑ
گیم کسٹم افسر سامان کوں ہتھ لایا ول ہتھ چاتے اکھ دے اشارے نال آکھیس ٹراگوں تے سامان چاتے ٹرالی دی گول وچ نکھتاں ٹرالی دا بھاڑا ہک ریال ءمیں کنیں ہک ریال کھلاکائنی اگوں حیدر آیا د دکن
دا نوجوان کھڑے اونکوں آکھیم کاکا ہک ریال تاں میں کنوں کائنی اوں آکھیا سو۔۔روپے پاکستانی ڈے چاباقی ولا ڈینداں میں اوں کوں سو روپیہ ڈتا اوں میکوں 50 روپیہ پاکستانی کرنسی ہک ریال سعودی ولا ڈتس اتے نال آکھیس جو اخباریں وچ لکھیاپئے جو اساں ٹرالی دے زیادہ پسیے گھندوں بھلااساں کیڑھے زیادہ پیسے گھدن ہک ریال دی جاتے ڈھائی ریال
گھن تے جوان صفائیاں ڈیندا کھڑے ۔۔۔۔۔واہ وے سائیاں واہ
سامان ٹرالی تے رکھ تے باہرونجن والے دروازے دوٹریم پتہ نہیں کوئی آئے یا کائنا
کون آیا ہوسی جے کوئی آئے تاں اومیکوں کیویں سنجنیسی تختی تے میڈا ناں لکھ تے چاتی کھڑا ہوسی
یاہر کہیں کنوں میڈاناں پچھدا کھڑا ہوسی کاکا توں نزیر لغاری تاں نوہیں سوچاں سچیندا دردے نیڑے آیاں سامنے ہک ہتھ لڈدا نظر یا ہک نینگر شانداں کھڑا ڈینداہا ڈاڑھی دے پچھوں پورے
منہہ تے مسکان ہئی اکھیں وی کھلدیاں پیاں ہن ہائیں ظفر اقبال میڈی صحافت دے پہلے
ڈینہہ دا سنگتی نواے وقت کراچی دا پہلا اسپورٹس رپورٹر 19 سال اکھیں دےاگوں پھرگئے ۔۔۔۔ہک دے بعد بیامنظر ہک یاد دے بعد بی یاد ٹرالی اتھائیں سٹ تے بھج پیم ظفرکوں گلکڑی پاتم
اوندے پچھوں مسرت خلیل کھلدا کھڑاہا شرافت نیازمندی خلوص محبت تے پیار دا مجسمہ مسرت خلیل درگھے عرصے کنوں سعودی عرب رہنداپئے پر میکوں اے تاں پتہ وی کائنا ہا جو ظفراقبال جدہ ءچ رہنداپئے چھوٹا بیگ ظفر چاتا وڈا مسرت خلیل پارکنگ والے پاسے ٹرپیوسے جتھاں مسرت خلیل دی درگھی کالی شیورلیٹ کھڑی ہئی
بن دلبر شکل جہان آیا
ہر صورت عین عیان آیا
اے وی پڑھو:سینے جھوکاں دیدیں دیرے(3)۔۔۔نذیر لغاری
جاری ہے۔۔۔۔
یہ بھی پڑھیے
”شیر دل رانی، مائی چھاگلی (وسیب یاترا :8)||سعید خاور
”چِڑیاں اُٹھو کوئی دھاں کرو“ (وسیب یاترا :7)||سعید خاور
” "دل تاں آہدے یار دی وَستی ڄُلوں”(وسیب یاترا :6)||سعید خاور