بن دلبر شکل جہان آیا۔۔۔کتاب سینے جھوکاں دیدیں دیرے
سعودی ائر لائنز دی پروازایس وی 707 کراچی کنوں جدہ تائیں بس سوچاں ءی سوچاں جہاز پندھ کپینداپئے جڈاں آٹھ سال پہلےوینداپیاہم اوں ویلھے رات ہئی ہن ڈینہہء پہلے کراچی کنواربن تارےپاتی پیاہا ہن کراچی دیاں ماڑیاں ہیٹھوں لنگھدیاں پئین ول عربی سمندر آئے ہرسیٹ دے اگوں سکرین ءسکرین تے جہاز اڈرداویندے چوکھی منزل مارآیوں ۔۔۔۔چو کھا پندھ باقی ءباہروں دید بھنوایم ہیٹھوں جھڑء اتوں خلاءنہ بھڑ کھٹدے نہ خلا مکدے نال بیٹھے مسافر کنوں پچھیم ادا کتھوں پیا آندیں آکھیس شجاع آباد کنوں ناں پچھن دی نوبت نہ آئی ۔۔۔آپے ڈسبس اووی نزیر ہا شجاع آباد دا شاکر یاد آیا ھیس سال دے تریجھے مہینے کراچی دے کشمیر کمپلیکس دے ٹینس اسٹیڈیم ءچ کٹھے ہاسے تاریخ دا انوکھا کردار ہک اینجھا شاعر جیڑھا دماغ دے نال نال جسم کوں وی جگائ رکھدے اسٹیج تے آوے تاں لوک ساہ گھنن بھل ویندن سوئی سٹوتاں کئو آوےالاوے تاں لفظ رقص کریندن جے چپ کھڑارہے تاں خموشی
جھمراں پنیدیء
جہاز عرب دے صحراءچ داخل تھی گئے ریت تے فوجاں بھجدیاں ویندین کتھاہیں بدر کتھاہیں حنین کتھاہیں خیبر کتھاہیں احد کتھاہیں یزید کتھاہیں حسین اوترک ریت آپنی جاون لادی تریہہ لہاون سانگےرت پنیدی پئی ء نویں پرنئے گھوٹ پرانے زمانے دے
طالبان دے ہتھوں مدینے دمشق تے بغدادوے چوکیں تے ٹنگئے کھڑن کنواراں لاواں لہن توں ۔۔۔۔۔۔۔۔پہلے کفنیں وچ ورسانبھ تے ہتھیں تے لگی میندی دی رتول اکریندیاں کھڑین بیعت دے
72 انکارئیں کوں نہر علقمہ دی کندھی تے ذبح کرتے اہل اقرار بس نہیں کیتی 13 سال بعد 99 سال دی ہک بڈھڑی چیل نواتے لکڑی دی
ٹیک تے ٹردی ٹردی مدینے دے چوک تے ۔۔۔۔۔۔۔۔۔۔آکھڑدی ء پہلے خلیفے دی وڈی دھی دا پہلا پتر تریجھے ڈینہہ توں گچی وچ رسا پاتے ٹنگیا کھڑے ۔۔۔۔۔۔۔۔۔۔۔۔۔ٹنگن والے نعرے مارتے اہدن جو باغی دا انجام ڈیکھوتے عبرت پکڑو اج کنوں پچھیں کوئی بغاوت دا نہ سوچے بڈھڑی نوی چیل سدھی کرتے اکھیں پتر ڈھیں کرتے پچھدی ء جو ایں سوار دے لہن داویلھا کڈاں آوسی طالبان کوئی جواب نہ ڈتا ۔۔۔۔
جہاز وچ بیٹھیں بیٹھیں میں گچی پھیر تے ڈہداں یرو شلم وچ مسیح کوں میخاں مریندے پئن بغدادوچ حسین بن منصور ٹنگیا
کھڑے دہلی وچ اورنگ زیب دنیادے ستویں عجوبے تاج محل دی مکین اپنی سکی ما ممتاز محل دے پیٹ توں جاون والے دارا شکوہ مرادتے شجاع کوں کہن دے بعد سرمددی کھل لوھینداپئے ،تاریخ
دے ہک بے کوفے وچ ہک بیا ابن مروان ہک بے سکاتے بھٹو کوں
اسورتوں پہلے سولی تے ٹنگ کراہیں واچھاں پٹ تے کھلدا کھڑے شاہجہاں دے خونی پتر وانگوں اوندے وات تے ۔۔۔۔۔۔۔۔۔وی رتواہن ءوت شیت تاریخ دے دفینے وچوں نکل تے اپنے کالے شمور ما ضی دا کردار نبھاون ۔۔۔۔۔۔۔۔۔سانگے کہیں دارا شکوہ دی رت پیون پیاویندے راولپنڈی دا قیدی پھاسی تے ٹنگیجن سانگے پہلے پیر چیندے وقت کہیں بلیک ہول وچوں لنگھ تے صدیاں پچھوں تے بھج پوندے مسیح صلیب تے ۔۔۔۔۔۔۔ٹنگیندا پئے حسین آپنی گردن تے خنجر دا تیر ھواں وار پیا سہندے ابن زبیر گچی وچ رسہ پاتے ۔۔۔۔۔۔۔۔۔۔سولی دا ستواں منظر پیا ڈہدے ابن منصور سنگسار پیا تھیندے سرمددی کھل پئی لہندی ء ۔۔۔۔کابل وچ رشید دوستم تے احمد شاہ مسعودے بھج ونجن بعد ملا ربانی شہر وچ پیہہ آئے ۔۔۔۔۔۔۔سبھ توں پہلے قیدی نجیب اللہ کوں پوری دنیادے سبدھ (اقوام متحدہ)دے دفتر وچوں کڈھ تے وزارت عدل دے سامنے پختونستان چوک تے ٹنگ ڈیندے
صفین تے جمل دے محاذتے مرونجن والے 92 ہزار انسانیں دا ناں تاریخ محفظ نہیں ۔۔۔کرسگی تاریخ وچ صرف ایہورہ گئے انھیں جنگیں دے نیتجے وچ تخت تے اموی قالبض تھی
گئے ول ابو مسلم خراسانی سیدیں دا پور گھنن سانگے میدان ءچ آئے -72 سال دے بڈھڑے 72 ہزارانسانیں کوں کہہ تے تخت اموئیں کنوں کھس تے عباسیں دے پریں ہیٹھ وچھا یا اتے ول ڈوجھے عباسی خلیفے ابوجعفرالمنصورابومسلم خراسانی کوں ماداسنگ منگیتا آکھ تےچاندی دی تلوارنال اوندی گچی لواھ گھدی
جاری ہے۔۔۔۔۔۔
اے وی پڑھو:سینے جھوکاں دیدیں دیرے(2)۔۔۔ نذیر لغاری
یہ بھی پڑھیے
”شیر دل رانی، مائی چھاگلی (وسیب یاترا :8)||سعید خاور
”چِڑیاں اُٹھو کوئی دھاں کرو“ (وسیب یاترا :7)||سعید خاور
” "دل تاں آہدے یار دی وَستی ڄُلوں”(وسیب یاترا :6)||سعید خاور