پاکستان سمیت دنیا بھر سے آج کی خبریں،مختصر مختصر

کراچی کھارادر میں تین کمسن بہن بھائیوں کی پراسرار موت،،ورثا نے پوسٹ مارٹم کے بغیر بچوں کی تدفین کردی، بچوں نے گزشتہ شب برنس روڈ سے برگر کھایا،لواحقین کا قانونی کارروائی سے انکار، پولیس کے مطابق ،گھر میں کیڑے مار اسپرے بھی کیا گیا تھا ،لواحقین کی تردید

۔۔۔۔۔۔۔۔۔۔۔۔۔۔۔۔۔۔۔۔۔۔

مبینہ طور پر مضرصحت برگر کھانے سے بچوں کی ہلاکت کے بعد سندھ فوڈ اتھارٹی متحرک،، کراچی کے علاقے آئی آئی چندریگر روڈ پر ،، برگر شاپ اور آئس کریم پارلر کوعارضی طور پر سیل کردیا، دونوں مقامات سے نمونے لے کر ٹیسٹ کیلئے لیبارٹری بھیج دیے گئے

۔۔۔۔۔۔۔۔۔۔۔۔۔۔۔۔۔۔۔۔۔۔

چیئرمین جوائنٹ چیفس آف اسٹاف کمیٹی اور تینون سروسز چیفس کا آئی ایس آئی ہیڈکواٹر کا دورہ ،ڈی جی آئی ایس آئی لفٹیننٹ جنرل فیض حمید نے استقبال کیا،علاقائی سلامتی ، لائن آف کنٹرول کی صورتحال اور مقبوضہ کشمیر سے متعلق عسکری قیادت کو جامع بریفنگ دی گئی،عسکری قیادت نے قومی سلامتی کیلئے آئی ایس آئی کی انتھک کوششوں کو سراہا

۔۔۔۔۔۔۔۔۔۔۔۔۔۔۔۔۔۔۔۔۔۔

لداخ کے محاذ پر بھارت کو ایک اور شرمناک پسپائی کا سامنا،،،چینی فوج سے جھڑپ میں تین بھارتی فوجی ہلاک ہوگئے،،ہلاک ہونے والوں میں ایک بھارتی کرنل اور دو سپاہی شامل،،چین کی بھارتی فوجیوں کی جانب سے جھڑپ کی سخت مذمت ،چینی وزارت خارجہ کا کہنا ہے ،بھارت اپنی فوج کو کسی بھی خلاف ورزی سے باز رکھے

۔۔۔۔۔۔۔۔۔۔۔۔۔۔۔۔۔۔۔۔۔۔

لگتا ہے چین نے "گھر میں گھس کر ماریں گے” کی جارحانہ عسکری اپروچ کو ہائی جیک کرلیا ، مقبوضہ کشمیر کی سابق وزیراعلیٰ محبوبہ مفتی کے ٹوئٹر اکاؤنٹ سے ٹوئٹ، کہا،قوم یہ جاننے کی مستحق ہے کہ انتقامی کارروائی کی بات کیوں نہیں کی جارہی ہے

۔۔۔۔۔۔۔۔۔۔۔۔۔۔۔۔۔۔۔۔۔۔

حکومت کا انٹرنیشنل فلائٹ آپریشن مرحلہ وار بحال کرنے کا فیصلہ،ذرائع کے مطابق،ابتدائی طور پر عرب ممالک کیلئے پروازیں بحال کی جائیں گی، وزیراعظم کی متعلقہ حکام کو ایکشن پلان تیار کرنے کی ہدایت،کہا،اوورسیز پاکستانی ہمارے دل کے قریب ہیں ،مشکل وقت میں تنہا نہیں چھوڑیں گے، کابینہ اجلاس میں زلفی بخاری نے انٹرنیشنل فلائٹس بحال کرنے کا مطالبہ کیا

۔۔۔۔۔۔۔۔۔۔۔۔۔۔۔۔۔۔۔۔۔۔

وفاقی وزیر مراد سعید کی قومی اسمبلی میں ن لیگ پر تنقید، کہا، کون اپنی نواسی کی شادی پر مودی کو بلاتا تھا، جندال کو کس نے مری آنے کی دعوت دی ، کس نے کہا تھا جندال سے اُن کے ذاتی تعلقات ہیں، یہ باتیں کروں گا تو غصہ لگے گا، مراد سعید کی تقریر پر ن لیگ کے ارکان کا شور شرابہ،ڈپٹی اسپیکر قاسم سوری کو اجلاس دس منٹ کیلئے ملتوی کرنا پڑا

۔۔۔۔۔۔۔۔۔۔۔۔۔۔۔۔۔۔۔۔۔۔

ملک بھر میں کورونا کا سب سے مہلک وار،،ایک ہی دن میں ایک سو گیارہ اموات ،مجموعی تعداد دو ہزار آٹھ سو اُنتالیس ہوگئی،،چوبیس گھنٹوں میں چار ہزار چار سو سے زائد افراد میں وائرس کی تصدیق،متاثرہ افراد کی تعداد ایک لاکھ اُنچاس ہزار کےقریب پہنچ گئی

۔۔۔۔۔۔۔۔۔۔۔۔۔۔۔۔۔۔۔۔۔۔

کورونا کا پھیلاؤ روکنےکیلئےنئی حکمت عملی،،آج رات بارہ بجے سے لاہور میں سلیکٹو لاک ڈاؤن،،کورونا کےاسی ہاٹ اسپاٹس دو ہفتے کیلئے سیل کردیے جائیں گے،اندرون شہر، مزنگ، شاہدرہ، شاد باغ، ہربنس پورہ شامل، علامہ اقبال ٹاؤن، کینٹ، گلبرگ، ماڈل ٹاؤن، نشتر ٹاؤن کے علاقے بھی  بند ہوں گے

۔۔۔۔۔۔۔۔۔۔۔۔۔۔۔۔۔۔۔۔۔۔

اسلام آباد میں  بڑھتے  کورونا کیسز،، ضلعی  انتظامیہ کا سیکٹر آئی ایٹ اور آئی ٹین کو سیل کرنے کا فیصلہ،،آئی ایٹ میں ایک دن میں دو سو کیسز رپورٹ ہوئے،، سیکٹر آئی ٹین میں گزشتہ روز چار سو کیسز سامنے آئے

۔۔۔۔۔۔۔۔۔۔۔۔۔۔۔۔۔۔۔۔۔۔

نجی اسکولوں کی فیسوں میں بیس  فیصد کمی برقرار رہے گی، وزارت تعلیم نے نوٹیفکیشن جاری کردیا، اسلام آباد کے تمام نجی تعلیمی اداروں کو فوری عملدرآمد کی ہدایت

۔۔۔۔۔۔۔۔۔۔۔۔۔۔۔۔۔۔۔۔۔۔

لاک ڈاؤن مسئلے کا حل نہیں تو حکومت کی متبادل حکمت عملی کیا ہے؟ اپوزیشن لیڈر شہبازشریف کہتے ہیں، ‎حکومت جو دعوے کررہی ہے زمین پر حقائق اس کے برعکس ہیں،،‎حکومت گھبراہٹ، ضد اور دوسروں کو کوسنے کے بجائے اپنی انتظامی کمزوریاں دور کرے

۔۔۔۔۔۔۔۔۔۔۔۔۔۔۔۔۔۔۔۔۔۔

وزیر اعظم عمران خان کچھ دیر بعد کراچی پہنچیں گے ،وزیراعلیٰ سندھ مراد علی شاہ سےملاقات کریں گے،کورونا کی تازہ ترین صورت حال پر وزیراعظم کو بریفنگ دی جائے گی ،گورنر سندھ عمران اسماعیل سمیت پارٹی قائدین سے بھی ملاقاتیں شیڈول،وزیراعظم کل لاڑکانہ میں مختلف اسپتالوں کا دورہ بھی کریں گے

۔۔۔۔۔۔۔۔۔۔۔۔۔۔۔۔۔۔۔۔۔۔

وفاقی وزیر برائے آئی ٹی امین الحق بھی کورونا میں مبتلا ہوگئے،، کہتے ہیں ، بخار محسوس ہوتے ہی خود کو آئسولیٹ کرلیا ، رکن قومی اسمبلی حاجی امتیاز چودھری کا بھی کورونا ٹیسٹ مثبت آگیا

۔۔۔۔۔۔۔۔۔۔۔۔۔۔۔۔۔۔۔۔۔۔

کراچی اور لاہور میں کورونا کا پھیلاؤ تیز،،کراچی میں کورونا کیسز کی تعداد چھیالیس ہزار سے بڑھ گئی،،لاہور میں کورونا کے اٹھائیس ہزار سے زائد مریض

۔۔۔۔۔۔۔۔۔۔۔۔۔۔۔۔۔۔۔۔۔۔

جون میں کورونا کیسز اور اموات میں تشویش ناک اضافہ،رواں ماہ کے پندرہ دنوں میں ستتر ہزار کیسز رپورٹ ہوئے، تیرہ سو کے قریب افراد زندگی کی بازی ہار گئے

۔۔۔۔۔۔۔۔۔۔۔۔۔۔۔۔۔۔۔۔۔۔

کورونا کے نئے کیسز میں کمی، گزشتہ چوبیس گھنٹوں میں چار ہزار چار سو تینتالیس کیسز سامنے آئے ، تیرہ جون کی نسبت ایک ہزار پانچ سو ستتر، چودہ جون کی نسبت آٹھ سو پانچ کیسز کم رپورٹ ہوئے

۔۔۔۔۔۔۔۔۔۔۔۔۔۔۔۔۔۔۔۔۔۔

کورونا کےمریض تیزی سے صحت یاب ہونےلگے،ملک بھر میں چھپن  ہزار تین سو نوے مریض صحتیاب ہو کر گھروں کو چلے گئے، چوبیس گھنٹوں میں دو ہزار چھ سو انہتر مریضوں نے کورونا کو شکست دی

۔۔۔۔۔۔۔۔۔۔۔۔۔۔۔۔۔۔۔۔۔۔

چین سے امدادی سامان لےکر ایک اور طیارہ پاکستان پہنچ گیا،،چیئرمین این ڈی ایم اے کہتے ہیں ، صوبےجتنےٹیسٹ کرنا چاہتے ہیں کریں، سامان کی کمی نہیں،،ہمارے پاس مزید چھ سو وینٹی لیٹر موجود ہیں،صوبوں کودو سو پچاس وینٹی لیٹر دے چکےہیں

۔۔۔۔۔۔۔۔۔۔۔۔۔۔۔۔۔۔۔۔۔۔

تحریک انصاف کی رہنما عظمیٰ کاردار کی پارٹی رکنیت ایک ماہ کیلئے معطل،،مبینہ آڈیو لیک کے معاملے پر اڑتالیس گھنٹوں میں وضاحت طلب،اس سے پہلےعظمیٰ کاردار کو ترجمان پنجاب حکومت کے عہدے سے ہٹایا گیا تھا

۔۔۔۔۔۔۔۔۔۔۔۔۔۔۔۔۔۔۔۔۔۔

معاون خصوصی زلفی بخاری ،، عظمیٰ کاردارپر برہم،کہا، عظمیٰ کاردار کی گفتگو نہایت شرمناک ہے، وزیراعظم اورخاتون اول کااحترام ہم سب کی ترجیح ہے، پی ٹی آئی سےوابستگی کادعویٰ کرنےوالی کسی بھی شخصیت کیلئے یہ رویہ شرمناک ہے

۔۔۔۔۔۔۔۔۔۔۔۔۔۔۔۔۔۔۔۔۔۔

راولپنڈی میں کلیام موڑ کے قریب گھی کے گودام میں آگ لگ گئی،، آگ نے چار کنال سے زائد رقبے کو لپیٹ میں لے لیا،یسکیو کی دس گاڑیاں اور ساٹھ سے زائد اہل کار آگ پر قابو پانے میں مصروف

۔۔۔۔۔۔۔۔۔۔۔۔۔۔۔۔۔۔۔۔۔۔

اسلام آباد ، پشاور سمیت ملک کےمختلف علاقوں میں زلزلے کے جھٹکے،، زلزلے کی شدت پانچ اعشاریہ ایک اور گہرائی  دو سو تئیس کلومیٹر ریکارڈ کی گئی،،زلزلے کا مرکز افغانستان تاجکستان کا سرحدی علاقہ ہے

۔۔۔۔۔۔۔۔۔۔۔۔۔۔۔۔۔۔۔۔۔۔

دنیا بھر میں کورونا کیسزکی تعداد اکاسی لاکھ چالیس ہزارسےبڑھ گئی،، اب تک چار لاکھ انتالیس ہزارسےزائد افراد جان سے گئے ،ساڑھے بیالیس لاکھ سے زائد افراد صحت یاب

۔۔۔۔۔۔۔۔۔۔۔۔۔۔۔۔۔۔۔۔۔۔

چین میں کورونا نےدوبارہ خطرے کی گھنٹی بجادی،وبا کی نئی لہرتشویش ناک حد تک پھیل گئی،ایک دن میں سو سے زائد کیسز رپورٹ، بیجنگ کے مختلف علاقوں اور مارکیٹوں کو سیل کردیا گیا

۔۔۔۔۔۔۔۔۔۔۔۔۔۔۔۔۔۔۔۔۔۔

کورونا کی صورتحال کو دیکھتے ہوئےہر ماہ بجٹ پر نظر ثانی کی جائے گی، وزیرخزانہ پنجاب  ہاشم جواں بخت کی پوسٹ بجٹ کانفرنس،،کہا ،بہتر حکمت عملی کے تحت مشکل وقت سے ضرور نکلیں گے،موجودہ معاشی حالات میں بھی ترقیاتی بجٹ رکھا،بجٹ میں صحت اورتعلیم کوترجیح دی ہے

۔۔۔۔۔۔۔۔۔۔۔۔۔۔۔۔۔۔۔۔۔۔

سخت ترین معاشی حالات کے باوجود جامع بجٹ بزدار حکومت کی کامیابی ہے، وزیراطلاعات پنجاب فیاض الحسن چوہان کہتے ہیں، کورونا، ٹڈی دل اور متوقع سیلاب کےتناظر میں متوازن بجٹ ہے، تعلیم اور صحت کو پچھلے سال سے زیادہ فنڈز دیئے گئے ، گزشتہ سال کی نسبت بتیس  فیصد زیادہ ترقیاتی فنڈز رکھے گئے ہیں

۔۔۔۔۔۔۔۔۔۔۔۔۔۔۔۔۔۔۔۔۔۔

پنجاب کی معیشت بحال ہونے میں دہائیاں لگیں گی،مسلم لیگ ن کے رہنماؤں کی پریس کانفرنس،،اویس لغاری کہتے ہیں، پنجاب میں دس لاکھ سے زائد لوگ بےروزگار ہوں گے،،عظمیٰ بخاری بولیں،شہبازشریف کا پنجاب اس وقت لاوارث اور یتیم  ہے

۔۔۔۔۔۔۔۔۔۔۔۔۔۔۔۔۔۔۔۔۔۔

لاہور ہائیکورٹ میں شہبازشریف سمیت دیگر نیب کیسز کی سماعت کیلئےنیا بنچ تشکیل،جسٹس عالیہ نیلم اور جسٹس طارق عباسی پر مشتمل بنچ نیب کیسز کی سماعت کرے گا ، جسٹس فاروق حیدر کی عدم دستیابی کے باعث نیا بنچ تشکیل دیا گیا

۔۔۔۔۔۔۔۔۔۔۔۔۔۔۔۔۔۔۔۔۔۔

منی لانڈرنگ کیس میں شہبازشریف کی ضمانت خارج کرانے کیلئے نیب نے لاہور ہائیکورٹ سے رجوع کرلیا،پچاس صفحات پر مشتمل جواب میں کہا، اپوزیشن لیڈر کے اثاثوں کی مالیت سات ارب سے تجاوز کرگئی ہے،انیس سو نوے میں اثاثوں کی مالیت بیس لاکھ کے قریب تھی،نیب قانونی تقاضے پورے کررہاہے،ضمانت مسترد کی جائے

۔۔۔۔۔۔۔۔۔۔۔۔۔۔۔۔۔۔۔۔۔۔

خیبرپختون خوا کابینہ نے ایم ٹی آئی ملازمین کے پنشن کے طریقہ کاری کی منظوری دےدی،،مشیر اطلاعات اجمل وزیر کہتے ہیں، ہیلتھ ڈاکٹرز اور طبی ملازمین کا دیرینہ مطالبہ پورا ہوگیا، کابینہ نے تیل اور گیس کی تلاش کیلئے نجی شعبے سے بیس فیصد شراکت کی منظوری دی، وزیراعلیٰ محمود خان کا محکمہ خوراک کی کارکردگی پر اظہار برہمی

۔۔۔۔۔۔۔۔۔۔۔۔۔۔۔۔۔۔۔۔۔۔

علی نواز اعوان کو چیئرمین لوکل گورنمنٹ کمیشن کےعہدے سے ہٹانے کا حکم ،اسلام آباد ہائی کورٹ کا چیئرمین کمیشن کی تعیناتی کے رولز چھ ماہ میں بنانے کا حکم دے دیا،،محفوظ شدہ مختصر فیصلہ جسٹس محسن اختر نے سنایا

۔۔۔۔۔۔۔۔۔۔۔۔۔۔۔۔۔۔۔۔۔۔

سونے کی فی تولہ قیمت چھ سو  روپے بڑھ گئی، فی تولہ سونا اٹھانوے ہزار سات سو روپے کا ہوگیا ،اوپن مارکیٹ میں ڈالرتیس پیسے مہنگا،ایک سو پینسٹھ روپے تیس پیسے کا ہوگیا

۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں ایمپریس مارکیٹ کےاندر تجاوزات کے خلاف آپریشن ، تمام ٹھیلے پتھارے فروٹ  اور سبزیوں کے اسٹال  سمیت دیگر تجاوزات ضبط

۔۔۔۔۔۔۔۔۔۔۔۔۔۔۔۔۔۔۔۔۔۔

تھوڑی سی بےاحتیاطی سےنیوزی لینڈ میں کورونا لوٹ آیا،،،تین ہفتوں بعد دو خواتین میں وائرس کی تصدیق،،دونوں خواتین کا تعلق برطانیہ سے ہے ،جنہیں جنازے میں شریک ہونے کی اجازت دی گئی تھی

۔۔۔۔۔۔۔۔۔۔۔۔۔۔۔۔۔۔۔۔۔۔

امریکہ میں کورونا کیسز اکیس لاکھ  بیاسی ہزار سے بڑھ گئے،مجموعی ہلاکتیں ایک لاکھ اٹھارہ ہزار سے زیادہ

۔۔۔۔۔۔۔۔۔۔۔۔۔۔۔۔۔۔۔۔۔۔

مقبوضہ کشمیر میں قابض فوج کی جارحیت کا سلسلہ جاری،،ضلع شوپیاں میں نام نہاد سرچ آپریشن کی آڑ میں مزید تین  کشمیری نوجوانوں کو شہید کردیا

۔۔۔۔۔۔۔۔۔۔۔۔۔۔۔۔۔۔۔۔۔۔

جنوبی اور شمالی کوریا کے درمیان تناؤ میں اضافہ،شمالی کوریا نے سرحد پر واقع ’رابطوں کا مشترکہ دفتر‘ تباہ کر دیا،،جنوبی کوریا کا دعویٰ،شمالی کوریا کے رہنما کم جونگ ان کی بہن نے دفتر کو تباہ کرنے کی دھمکی دی تھی

۔۔۔۔۔۔۔۔۔۔۔۔۔۔۔۔۔۔۔۔۔۔

کے الیکٹرک کا کراچی میں لوڈشیڈنگ شروع کرنے کا عندیہ،،صنعتی علاقوں میں آٹھ  گھنٹے ، رہائشی علاقوں میں لوڈ شیڈنگ کا دورانیہ  دو گھنٹے تک بڑھ سکتاہے، ترجمان کے مطابق ،،کے الیکٹرک کو فرنس آئل کی مطلوبہ سپلائی میں کمی کا سامنا ہے

۔۔۔۔۔۔۔۔۔۔۔۔۔۔۔۔۔۔۔۔۔۔

پری مون سون بارشوں کا سلسلہ بیس جون سے شروع ہوگا،محکمہ موسمیات کی پیش گوئی، پری مون سون کی بارشیں شمالی علاقوں میں ہوں گی،، ملک میں دس فیصد معمول سے زیادہ بارشیں متوقع ہیں،،گرمی کی لہر مزید تین دن تک جاری رہےگی

۔۔۔۔۔۔۔۔۔۔۔۔۔۔۔۔۔۔۔۔۔۔

ملک کے چالیس اضلاع میں ٹڈی دل کے خلاف اسپرے جاری، بلوچستان کے اُنتیس، خیبر پختون خوا کے آٹھ اور سندھ کے تین اضلاع متاثر ،،،ٹنڈو آدم میں کپاس، گنا، سبزیوں کی فصلیں تباہ

۔۔۔۔۔۔۔۔۔۔۔۔۔۔۔۔۔۔۔۔۔۔

سندھ حکومت ٹڈی دل کےخاتمےکیلئے سنجیدہ نہیں ،رہنما تحریک انصاف حلیم عادل شیخ کہتے ہیں، وفاق کی جانب سے بھیجا گیا جہاز ڈیڑھ ماہ سے سکھر ایئرپورٹ پر کھڑا ہے، ساٹھ کروڑ کی لگژری گاڑیاں خرید لیں مگر جہاز میں پٹرول نہیں ڈالا گیا

۔۔۔۔۔۔۔۔۔۔۔۔۔۔۔۔۔۔۔۔۔۔

ولی خان بابر کا اصل قاتل لندن بیٹھا ہے،وفاقی وزیرفواد چودھری  کہتے ہیں ،برطانیہ کو پاکستان کے مجرم حوالے کرنےچاہئیں،تاکہ اصل شیطان انجام کو پہنچیں،،آلہ کار کی گرفتاری نے یاد کرایا کہ کراچی پر کیسا مافیا راج کرتا تھا

۔۔۔۔۔۔۔۔۔۔۔۔۔۔۔۔۔۔۔۔۔۔

یورپ میں زندگی لوٹ آئی، جرمنی ، فرانس اور سوئٹزرلینڈ نےتین ماہ بعد ایک دوسرے کیلئے سرحدیں کھول دیں،دوسری جانب برطانیہ اور یورپی یونین کابریگزٹ معاہدہ مکمل کرانے کیلئے مزید مذاکرات پر اتفاق

۔۔۔۔۔۔۔۔۔۔۔۔۔۔۔۔۔۔۔۔۔۔

کورونا کے علاج کیلئے اینٹی ملیریا ڈرگ ممنوعہ قرار ، امریکی ڈرگ ایڈمنسٹریشن نے مرضوں پر کلوروکوئن کے استعمال پر فوری پابندی لگادی

۔۔۔۔۔۔۔۔۔۔۔۔۔۔۔۔۔۔۔۔۔۔

ماسک کورونا سے بچنے کا بہترین ہتھیار،نیویارک میں ایک ماہ کے دوران ماسک پہننے سے اٹھہتر ہزار افراد کورونا سےمحفوظ رہے،، اٹلی میں چھیاسٹھ ہزارشہریوں سے وائرس دور رہا

۔۔۔۔۔۔۔۔۔۔۔۔۔۔۔۔۔۔۔۔۔۔

کورونا سے بچنا ہے تو سماجی دوری ضروری ،جرمن سائنسدانوں نے سماجی دوری یقینی بنانے کا آلہ بنا دیا، ڈیڑھ میٹر سے کم فاصلہ رکھنے پر آلہ آلارم بجاکر آپ کو قریب آنے سے روکے گا

۔۔۔۔۔۔۔۔۔۔۔۔۔۔۔۔۔۔۔۔۔۔

کورونا سے بچاؤ کے اقدامات، متحدہ عرب امارات میں مقررہ اپائنٹمنٹ پر اسپتال نہ جانے والے کو ایک ہزار درہم جرمانہ ہوگا،بغیر ماسک گھروں سے نکلنے یا سماجی دوری کا خیال نہ رکھنے والے کو بھی جرمانہ بھر نا پڑےگا

۔۔۔۔۔۔۔۔۔۔۔۔۔۔۔۔۔۔۔۔۔۔

امریکی ریاست کیلیفورنیا کے جنگل میں  لگی آگ بے قابو،،رہائشیوں کو نقل مکانی کا حکم ،، ساحل کی قریب لگنے والی آگ سے  اب تک چار سو ایکڑ رقبے کو نقصان پہنچ چکا ہے

۔۔۔۔۔۔۔۔۔۔۔۔۔۔۔۔۔۔۔۔۔۔

بھارت میں بندر کو عمر قید،،،کانپور میں ایک شخص کےقتل اور دو سو پچاس افراد کو کاٹنے والے بندر کو زندگی بھر جیل میں رہنا پڑے گا

۔۔۔۔۔۔۔۔۔۔۔۔۔۔۔۔۔۔۔۔۔۔

کہکشاں میں تقریباً چھتیس خلائی تہذیبیں موجود ہیں، نئی  تحقیق میں انکشاف ، ماہرین کے مطابق ، خلائی مخلوق یا دوسری خلائی حیات کی موجودگی کا کوئی ٹھوس ثبوت نہیں ملا ، خلا میں زندگی کا ارتقا زمین کی طرح  ہی ہوا

۔۔۔۔۔۔۔۔۔۔۔۔۔۔۔۔۔۔۔۔۔۔

میلانیا ٹرمپ اور ان کی سوتیلی بیٹی ایوانکا ٹرمپ کے درمیان رشتہ خوشگوار نہیں،امریکی خاتون اول میلانیا ٹرمپ کی زندگی پر لکھی جانے والی کتاب میں انکشاف،خاتون اول  سوتیلی بیٹی کو شہزادی کہہ کر بلاتی ہیں،، ایوانکا ٹرمپ اپنی  کم گو سوتیلی ماں کو پورٹریٹ کہہ کر پکارتی ہیں

۔۔۔۔۔۔۔۔۔۔۔۔۔۔۔۔۔۔۔۔۔۔

تین کروڑ روپے کا سونا کوئی ریل گاڑی میں بھول گیا، سوئٹرز لینڈ کی پولیس کو مالک کی تلاش

۔۔۔۔۔۔۔۔۔۔۔۔۔۔۔۔۔۔۔۔۔۔

آسٹریلیا میں سڑکیں پاکستانی لیجنڈ کھلاڑیوں کے نام سے منسوب،،، میلبورن کی سڑکوں  کی پہچان ،عمران خان ، جاوید میاں داد، وسیم اکرم، انضمام الحق اورشعیب اختر کے نام  سے ہوگی

۔۔۔۔۔۔۔۔۔۔۔۔۔۔۔۔۔۔۔۔۔۔

سوئنگ کے سلطان نے آج کے دن چار سو ٹیسٹ وکٹیں لینے والے پہلے لیفٹ آرم فاسٹ باؤلر کا اعزاز اپنے نام کیا،وسیم اکرم نے سنہ دو ہزار میں سری لنکا کے خلاف کولمبو ٹیسٹ میں سنگ میل عبور کیا

۔۔۔۔۔۔۔۔۔۔۔۔۔۔۔۔۔۔۔۔۔۔

پروفیسر حفیظ نے اپنی ریٹائرمنٹ کا فارمولا کلیئر کردیا ،،کہا ،،ورلڈ ٹی ٹوئنٹی ایک سال آگے ہوا تو اپنی ریٹائرمنٹ بھی ایک سال آگے بڑھادوں گا ،، انتالیس سالہ حفیظ نے ورلڈ ٹی ٹوئنٹی کے بعد ریٹائرمنٹ کا اعلان کیا تھا

۔۔۔۔۔۔۔۔۔۔۔۔۔۔۔۔۔۔۔۔۔۔

لالیگا کا ایک اور میچ برابر ،،ریال بیتس اور گراناڈا کا میچ دو دو گول سے ڈرا ہوا

۔۔۔۔۔۔۔۔۔۔۔۔۔۔۔۔۔۔۔۔۔۔

دوہزار بائیس کے فٹ بال ورلڈ  کپ سے قبل قطر میں تیسرا فٹ بال اسٹیڈیم تیار ،،، چالیس ہزار تماشائیوں کی گنجائش،اسٹیڈیم کا شمار دنیا کے فائیو اسٹار فٹ بال اسٹیڈیم میں ہے

۔۔۔۔۔۔۔۔۔۔۔۔۔۔۔۔۔۔۔۔۔۔

ہالی وڈ کا جدید فارم ہاوس برائے فروخت،،چھ کمروں پرمشتمل عالیشان رہائش کی قیمت پانچ ارب روپے ہے

۔۔۔۔۔۔۔۔۔۔۔۔۔۔۔۔۔۔۔۔۔۔

آئندہ سال آسکرز کی تقریب دو ماہ تاخیر سے ہوگی،رواں سال تقریب نو فروری کو ہوئی تھی، اگلے سال آسکرز پچیس  اپریل کو تقسیم کیے جائیں گے

۔۔۔۔۔۔۔۔۔۔۔۔۔۔۔۔۔۔۔۔۔۔

پولیس کے بیڈ بوائز کا ہار ماننے سے انکار،، سال کی سب سے کامیاب فلم بیڈ بوائز ٹو اب بھی ڈیجیٹل چارٹ میں چوتھے نمبر پر برقرار

۔۔۔۔۔۔۔۔۔۔۔۔۔۔۔۔۔۔۔۔۔۔

ویب ڈیسک

See author's posts