سرائیكی سنگت نال جھیڑا۔۔۔ احسن واگھا

a comment elsewhere;

یار، سائیں، نراض ئی نہ تھیواہے، اے “واگھا واگھا ٹرینڈ “ بہوں چل گئے۔
سنگت دے مانڑ دا آدر ئے۔
پر پلیز، پلیز، ہنڑ بس۔ آئو کوئی کم کروں۔
سرائیکی لٹریری وسیب وچ اے بٔت۔پوجا بہوں تباہی کیتی وئیندی ئے۔
ریزن، ماڈرن موریلیٹی، تنقید، سبھ کنوں تیں ودھ ایکوئیلیٹی والا تعلیمی کلچر ۔ ۔ سبھ ایندی بھینٹ/كڈھارا بنڑدا پئے۔ كیوں؟
كیوں جو علم رضامندی نئیں !
علم جھیڑا ئے۔
علم بحث, دلیل, مٔہڈا ئے۔
علم تیں سوجھ دے ودھارے دے بجائے ‘مرشد۔كلچر’, تابع مہمل استادی شگِردی دی ریت ٹوریندا پئے۔

تابع مہمل كیا ہوندے؟
تابع مہمل او شبد ہوندے جئندے آپنڑے كوئی مانئیں نئیں ہوندے جیویں ‘مشوق ششوق’ وچ ‘ششوق’ تابع مہمل ئے۔

اجكلھ جیرھا اشو سئیں تیں بئے كجھ شاعریں سرائیكی فالوئنگ (سرائیكی گروپ۔سازی) دی ریت ٹوری ئے او ایھا تابع مہمل دی ریت ہے۔

ایندے وچ۔مفہوم دار, سمجھنڑ لائق, مانئیں دار اینٹیٹی ہكو شاعر/مرشد ہوندے۔

شاگرد, فالوئر تیں تابع مہمل ہوندے۔

تہوں سرائیكی وچ علم/سِكھائت دی ریت مردی پئ ئے۔ كم از كم میں تاں ایں ریت دے ہتھو جہل تھیندا پیاں۔ كیوں؟

كوں جو جیرھا ملدے او ‘مرشد’ آلی ٹرانس وچ سر لٔڈاونڑ جوگا تابع مہمل ہوندے۔ میكوں ذرا پاسے تیں ركھو,
تہاڈے چیتے وچ فدا حسین گاڈی دے باری وچ جو ‘چیتےكاری’ ہے اوكوں چیك كرو۔ مجال ئے اوندے ‘سرائیكی مرشد’ ہوونڑ كنوں علاوہ اوندے حوالے نال كئی شئے, كئی علمی گالھ تہاڈی میموری وچ ہووے۔

یار لرننگ/ِسِكھائت انكار نال شروع تھیندی ئے۔ مثلا,

گلیلیو آكھیا: ‘زمین كائنات دا مركز نہیں’. كیا یوروپ دے عالمیں تیں لوكیں اے گالھ شگردیں آلی كار من گدھی ؟
نا۔
اكثریئت انكار كیتا, اونھیں اصل وچ ‘شك’ كیتا۔ اج اووھو شكی یوروپ گللیلیو دے قانون دا عالم ئے۔ اج اووھو یوروپ كاسمالوجی دی سائئنس پڑهدا سمجھیندا پئے۔
شك سودھ پڑچول كرویندے۔
شك سِكھیندے۔
تہوں پلیز كہیں بھینڑ ۔ ۔ مرشد دے دے فند۔فریب وچ نہ اَویجے۔
یقین کرو، برابری، بلکہ تھولی جھئیں بے۔لحاظگی لرننگ کیتے بہوں ضروری ئے، تقدس کھاندے وے، پلیز، پلیز۔ بس۔

ویب ڈیسک

See author's posts