سرائیکی صوبہ اتیں ڈس۔انفارمیشن !||احسن واگھا

سرائیکی صوبے دی تحریک پنجاب وچ ہے، اتی سرائیکی لیڈر تیں ایکٹیوسٹ بئے صوبئیں کوں (جیویں میلہ میرھےآلا وچ ہک سلیکٹیڈ سٹنگ وچ لوک سانجھ رسول بخش پلیجو کوں)

اے یقین ڈیوا چکئین جو سرائیکی صوبہ اوں صوبے وچ بنڑسی جیتھو دے عوام انج صوبے دا مطالبہ کریندے ہوسین۔

جتھاں سرائیکی عوام آپنڑے صوبے دے

‘نان۔سرائیکی’ لوکیں نال رل وسدے پئین، اوتھاں لوک سانجھ یا کوئی جینوئن سرائیکی آرگنائیزیشن اوں صوبے کوں تروڑنڑ اتیں سرائیکئ صوبے وچ آننڑ دا مطالبہ نہ کریسی۔

تہوں سرائیکی صوبہ فی الحال پنجاب وچو بنڑسی۔

اے ہک انڑ۔لکھیا unwritten شبد۔معاہدہ ہے ۔

۔ سرائیکی صوبہ موومنٹ دی ڈیمانڈ اے ہے جو:

1۔ سنڑیں میانوالی اتیں بکھر دے، پنجاب دے سارے سرائیکی اضلاع تیں سرائیکی صوبہ ترت قائم تھیوے !

2۔ جمہوری ریاست وچ انتظامی نقشے۔۔۔ضلعے، صوبے ہک پورے سماجی تیں سیاسی پروسیس دے بعد وٹاونڑ دا بوہا کھلا رکھنڑا ہوندے۔

3۔ تہوں پختونخوا دے سرائیکئیں دی سنجانڑ (کلچرل آئیڈینٹیٹی) کافی ڈیویلپڈ ہے۔ اوتھ سیاسی لیڈرشپ بنڑسی جیرھی اوتھو دئیں بئیں قومیں نال سیاسی روجھیپا کریسی۔ (مافی چاہنداں، اے ماڈل درست کے نھا جو صوبہ پنجاب وچو سرائیکی لیڈرشپ ٹر ونجے اتیں پختونخواہ وچ موومنٹ تیز کرے۔)

جیرھلے ایھو کم بلوچستان دے کجھ لیڈر تونسے آ کیں بلوچ موومنٹ پلانٹ کریندین، یا جیرھلے اچکزئی ڈیرے۔سمائیل خاں آپنڑے پشتون۔کلیم دی وال۔چاکنگ کریندے تاں اساں ایکوں غلط آہدے ہیں۔

اتیں اے جیرھے فیکشن ‘گریٹر سرائیکستان’ جھیاں ‘تیز نعرہ’، ڈیندے پئین اینھیں دے بارے وچ انقلاب دی تھیوری وچ صاف لکھیا کھڑے جو تیز نعرہ ڈیونڑ آلے چنگے نئیں۔ہوندے۔ اے سبوتاژ کرنڑ جھیاں کم ہوندے۔