فشر مین کوآپریٹو سوسائٹی کرپشن ریفرنس میں عدالت کا نیب کو کل تک ریکارڈ جمع کرانے کا حکم۔ ریمارکس دیئے نیب کیوں اپنا تماشا بنارہی ہے۔نا سمجھیں آپ کو واک اوورمل جائے گا۔
سپریم کورٹ کراچی رجسٹری میں سابق چیئرمین فشرمین سوسائٹی نثار مورائی، گل منیر و دیگر کی درخواست ضمانت پر سماعت ہوئی۔عدالت نے نامکمل دستاویزات پر نیب حکام کی سرزنش کی۔
عدالت نے پوچھا کہ آپ نے جو ثبوت جمع کئے،، وہ ریکارڈ کہاں ہے۔ نیب کیوں اپنا تماشا بنارہی ہے۔ یہ مت سمجھیں کہ آپ کو واک اوور مل جائے گا۔ عدالت نے حکم دیا کہ
نیب شام تک اپنا ریکارڈ جمع اور کل تک عدالت میں جمع کرادے۔آپ کی نظر میں ملزم چور و ڈاکو ہوں گے،،، لیکن عدالت ثبوت دیکھے گی۔
ملزم کے وکیل نے دلائل دیئے کہ اس کیس میں کچھ نہیں ہے۔ ہمارا موقف سن لیں ۔ریفرنس ہی ختم ہو جائے گا۔
عدالت نے کہا کہ سب سن لیا جائے گا۔ نیب کو موقع فراہم کر رہے ہیں۔ مزید سماعت اکیس اپریل تک ملتوی کردی۔
یہ بھی پڑھیے
نیشنل پریس کلب کے انتخابات، جرنلسٹ پینل نے میدان مارلیا، اظہر جتوئی صدر منتخب
ملتان یونین آف جرنلسٹس کے سالانہ انتخابات میں "پروفیشنل جرنلسٹس گروپ” نے میدان مار لیا،
متوازن وفاق اور وسائل پر اختیار کےلئے سرائیکی سرگرم کارکنوں اور طلبہ تنظیموں کی’ سرائیکی صوبہ ریلی کا انعقاد