سرینگر(ساوتھ ایشین وائر)سابق وزیر اعلی اور پی ڈی پی صدر محبوبہ مفتی کو انتظامیہ نے سرینگر کے ایم اے روڑ کوارٹر سے اپنی رہائش میں منتقل کردیا ہے، تاہم اس پر عائد پبلک سیفٹی ایکٹ بر قرار ہے۔
وہ 5اگست کے بعد سے پبلک سیفٹی ایکٹ کے تحت حراست میں ہیں۔
محکمہ داخلہ کے ایک حکمنامے کے مطابق محبوبہ مفتی کو انکی سرینگر کے گھپکار میں سرکاری رہائش ‘فئیر ویو’ منتقل کیا ہے اور اسے سب جیل قرار دیا ہے۔
ساوتھ ایشین وائر کے مطابق ذرائع کا کہنا ہے کہ کووڈ 19 وبا کے پھیلاو اور خطرات کو مدنظر رکھتے ہوئے حکام نے یہ فیصلہ کیا ہے۔
محبوبہ مفتی کو گزشتہ برس پانچ اگست کو دفعہ 370 کی منسوخی کے بعد انتظامیہ نے چشمہ شاہی ہٹ میں نظر بند رکھا تھا لیکن موسم سرما کی وجہ سے انکو سرینگر کے مولانا آزاد روڑ پر واقع سرکاری ہٹ میں منتقل کیا گیا تھا۔
محبوبہ مفتی کی رہائی کا مطالبہ انکی سیاسی جماعت کے علاوہ نیشنل کانفرنس کے صدر فاروق عبداللہ نے بھی کیا تھا تاہم انتظامیہ نے ابھی تک انکا مطالبہ منظور نہیں کیا ہے۔
یہ بھی پڑھیے
وادی نیلم میں برف باری کے بعد سردی کی لہر میں اضافہ
آزاد کشمیر:بس کھائی میں گر گئی، 18افراد جاں بحق
کے پی ایل کے افتتاح میچ میں راولاکوٹ ہاکس کامیاب