27مارچ 2020:آج پاکستان اور دنیا بھرمیں کیا ہوا؟

۔۔۔۔۔۔۔۔

حکومت کا کورونا ریلیف ٹائیگر فورس بنانے کا اعلان، ملک بھر میں گڈز ٹرانسپورٹ اورکھانے پینے کی فیکٹریاں بھی کھلی رکھنے کا فیصلہ، وزیراعظم عمران خان کہتے ہیں، ، ہم نہیں جانتے کورونا کی دو ہفتے بعد کیا صورتحال ہو گی، اکتیس مارچ سے سٹیزن پورٹل پر نوجوانوں کی رجسٹریشن ہو گی،قوم کی مدد سے کورونا کو شکست دیں گے، کورونا ریلیف فنڈ بھی قائم

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

خیبر پختون خوا حکومت کا مستحق افراد کو پانچ ہزار روپے ماہانہ دینے کا اعلان، ٹیکسز میں پانچ ارب روپے چھوٹ دینے کا اعلان، صوبے میں پانچ اپریل تک عام تعطیل، اکتیس مئی تک تعلیمی ادارے بند، تقریبات پر تیس اپریل تک پابندی، وزیراعلیٰ محمود خان کہتے ہیں، کورونا روکنے کیلئے بتیس ارب روپے خرچ کریں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سندھ حکومت نے زکوۃ مستحقین کی رقم تین سے بڑھا کر چھ ہزار کر دی، گھروں میں راشن پہنچانے کیلئے کمیٹیاں تشکیل، ہر ضلع کو ابتدائی طور پر دو کروڑ روپے جاری

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

میو اسپتال لاہور میں کورونا مریض کی ہلاکت، وزیراعلیٰ پنجاب نے ایکشن لے لیا، تحقیقات کا حکم دے دیا، دو رکنی تحقیقاتی کمیٹی قائم، ڈاکٹر یاسمین راشد میو اسپتال پہنچ گئیں، ڈاکٹروں نے مبینہ طور پر مریض کو رسیوں سے باندھا تھا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

برطانوی وزیراعظم بورس جانسن بھی کورونا کے مریض، ٹین ڈاؤننگ اسٹریٹ کے مطابق، بورس جانسن میں بیماری کی علامات ابتدائی ہیں، برطانوی وزیراعظم نے خود کو آئسولیٹ کر لیا، حکومتی معاملات دیکھتے رہیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان میں کورونا مریضوں کی تعداد بارہ سو باون ہو گئی، تئیس مریض صحت یاب، کورونا سے اب تک نو پاکستانی جاں بحق ہوئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مردان سے رکن صوبائی اسمبلی عبدالسلام آفریدی میں کورونا کی تصدیق، عبدالسلام نے خود کو گھر میں آئیسولیٹ کر لیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ڈالر کی قدر میں اتار چڑھاؤ، روپے کی قیمت گرنے کےبعد اچانک اضافہ، انٹربینک میں ڈالر ایک سو انہتر روپے سے کم ہوکر ایک سو پینسٹھ روپے کا ہو گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا نے امریکا میں تباہی مچا دی، ایک ہی دن میں سترہ ہزار مریض، پچاسی ہزار مریضوں کے ساتھ امریکا پہلے نمبر پر آ گیا، امریکہ میں ریاست نیویارک سب سے زیادہ متاثر

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا بھر میں کورونا مریضوں کی تعداد ساڑھے پانچ لاکھ سے تجاوز، دو روز میں مریضوں کی تعداد میں ریکارڈ ڈیڑھ لاکھ کا اضافہ، ہلاکتوں کی تعداد پچیس ہزار کے قریب پہنچ گئی، ایک لاکھ اٹھائیس ہزار سے زائد صحت یاب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سندھ میں کورونا کے چار سو چالیس اور پنجاب میں چار سو چودہ مریض، بلوچستان میں ایک سو اکتیس ، خیبر پختون خوا میں ایک سو سینتالیس کیسز سامنے آئے، گلگت بلتستان میں اکانوے ، اسلام آباد میں ستائیس اور آزاد کشمیر سے دو کیسز سامنے آئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ڈیرہ غازی خان میں دو ڈاکٹروں میں کورونا وائرس کی تصدیق، دونوں ڈاکٹرز آئسولیشن وارڈ منتقل، حالت خطرے سے باہر ہے، ڈاکٹرز قرنطینہ اور آئسولیشن وارڈ میں ڈیوٹی انجام دے رہے تھے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیراعلیٰ سندھ کی صوبے میں لاک ڈاؤن مزید سخت کرنے کی ہدایت، مراد علی شاہ نے کہا، عوام کو لاک ڈاؤن اور حکومتی فیصلوں کا احترام کرنا ہو گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

فیصل مسجد اسلام آباد میں نماز جمعہ کی ادائیگی، شہریوں کی محدود تعداد میں شرکت، نماز جمعہ مولانا ضیا الرحمان نے پڑھائی، نمازی ایک دوسرے سے فاصلے پر کھڑے ہوئے، اردو خطبہ صرف کورونا وائرس سے بچاؤ کی تدابیر پر دیا گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

صدرمملکت ڈاکٹر عارف علوی نے مسلسل دوسرے جمعہ کو مسجد کی بجائے گھر پر نماز ادا کی، ٹوئٹر پیغام میں کہا ہمارے شفیق پیغمبر نے بارش اور بیماری کے خطرے میں نماز گھر پر ادا کرنے کی اجازت دی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

حکومت کو پتا تھا کہ چین میں وبا آچکی ہے پھر خاطر خواہ اقدامات کیوں نہیں کیے؟ لاہور ہائیکورٹ کا وفاقی حکومت کے وکیل سے استفسار،،چیف جسٹس نے کہا،، بظاہر لگتا ہے حکومت عدالت سے اعداد و شمار چھپانا چاہتی ہےٖ، عدالت نے کورونا وائرس سے متعلق کیس نمٹا دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چین سے دوسرا جہاز طبی ساز و سامان لے کر کراچی پہنچ گیا، سامان میں چھپن ہزار کورونا ٹیسٹنگ کِٹس، این نائنٹی فائیو ماسک اور دیگر طبی اشیا شامل ہیں، سنکیانگ سے خنجراب کے راستے دو ہزار ٹیسٹنگ کٹس، پانچ وینٹی لیٹر اور فیس ماسک بھی گلگت پہنچ گئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

شاباش کورونا کیلئے احتیاط کرنے والو شاباش،،، اسلام آباد میں مختلف مقامات پر دکان داروں اور خریداروں نے سب کیلئے مثال قائم کردی، لمبی قطاریں مگر مناسب فاصلہ، چہروں پر ماسک، سینیٹائزر مفت ، کاونٹر پر بھی فاصلہ، اپنی باری کا انتظار بھی صبر کے ساتھ ، کسی کو کوئی جلدی نہیں، آپ بھی دیکھیئے اور عمل کیجئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا وائرس سے ڈرنا نہیں، ڈٹ کر لڑنا ہے، پاکستان کی کورونا وائرس کے خلاف جنگ فیصلہ کن مرحلے میں داخل، پاک آرمی کا حفاظتی و ضروری اشیا کی فراہمی میں بھرپور تعاون، ملک کی تمام اہم شاہراؤں، شہروں کے داخلی خارجی راستوں پر فوج موجود

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسٹاک ایکسچینج میں کاروباری ہفتے کے آخری روز اتار چڑھاؤ، ہنڈرڈ انڈیکس میں آٹھ سو بیالیس پوائنٹس کا اضافہ، انڈیکس اٹھائیس ہزار کی نفسیاتی حد عبور کر گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

حکومت کا گیس کی قیمت نہ بڑھانے کا فیصلہ، معاون خصوصی اطلاعات فردوس عاشق اعوان کہتی ہیں، گیس کے شعبے میں اصلاحات لا رہے ہیں، کوشش ہے گیس صارفین کے مسائل کو کم کیا جائے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا وائرس کے بعد پیٹرول کی طلب میں چالیس فیصد سے زائد کی کمی، کابینہ کمیٹی برائے توانائی کو بریفنگ، ہائی سپیڈ ڈیزل کی طلب بھی پچاس فیصد سے زائد کم، متعلقہ وزارت کو ملکی سٹوریج صلاحیت بڑھانے کی ہدایت

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سابق وزیراعظم شاہد خاقان عباسی کے خلاف ایک اورکرپشن ریفرنس دائر،، ریفرنس احتساب عدالت کراچی میں دائر کیا گیا،، نیب کے مطابق ،شاہد خاقان عباسی نے شیخ عمران الحق کو غیرقانونی طور پر ایم ڈی پی ایس او تعینات کیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اپوزیشن لیڈر شہباز شریف کہتے ہیں ساری دنیا متحد ہو کر اپنی قوم کو بچانے میں مصروف ہے، ہماری حکومت اپوزیشن سے انتقام لے رہی ہے، قوم مرتی ہے تو مر جائے عمران نیازی کو انتقام کی پیاس بجھانی ہے، شاہد خاقان عباسی کو کچھ ہوا تو عمران خان ذمہ دار ہوں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

آمدن سے زائد اثاثہ جات کیس میں حمزہ شہباز کے جوڈیشل ریمانڈ میں چودہ روز کی توسیع، کورونا خدشات کے باعث حمزہ شہباز کو پیش نہیں کیا گیا، احتساب عدالت کی نیب پراسیکیوٹر کو جلد ریفرنس دائر کرنے کی ہدایت

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اٹلی میں کورونا مزید سات سو سے زائد جانیں لے گیا، مرنے والوں کی تعداد آٹھ ہزار سے بڑھ گئی، وائرس سے اسی ہزار سے زائد افراد متاثر، دس ہزار سے زائد صحت یاب ہوگئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا اسپین میں تباہی پھیلانے لگا، ہلاکتوں کی تعداد اڑتالیس سو سے بڑھ گئی، چونسٹھ ہزار سے زائد کیسز، جرمنی میں کورونا کے سینتالیس ہزار سے تجاوز، فرانس میں کیسز کی تعداد تیس ہزار تک پہنچ گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

برطانیہ میں کورونا سے ہلاکتیں پانچ سو اٹھہتر ہوگئیں، کیسز کی تعداد گیارہ ہزار سات سو ہو گئی، ایک سو پینتیس صحت یاب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چین میں کورونا کے صرف تین ہزار چار سو مریض، کورونا کے خلاف جنگ میں چین دنیا کے لیے مثال بن گیا، اسی ہزار سے زائد کیسز سامنے آنے کے بعد مریض تیزی سے صحت یاب ہونے لگے، پچھتر ہزار کے قریب مریضوں نے بیماری سے نجات پا لی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چین کی امریکا کو کورونا سے نمٹنے کے لیے مدد کی پیشکش، امریکی صدر ڈونلڈ ٹرمپ اور چین کے صدر شی جن پنگ میں رابطہ، چینی صدر نے کہا کورونا سے نمٹنے کے لیے امریکہ اور چین کو اکٹھا ہونا ہو گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا سے لاک ڈاؤن کے باعث امریکہ میں بے روزگاری میں خطرناک حد تک اضافہ، ایک ہفتے میں تینتس لاکھ افراد بے روزگار، ریاستوں کے پاس بے روزگار افراد کو دی جانے والی امدادی رقم کم پڑنے لگی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کوئی امریکی سرحد عبور کر کے میکسیکو نہ آئے، میکسیکو کے شہریوں کا مظاہرہ، میکسیکو میں کورونا کے صرف پانچ سو مریض ہیں، امریکیوں کے سرحد عبور کرنے پر کیسز میں اضافے کا خدشہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لاک ڈاؤن پر عمل درآمد کیسے کرتے ہیں، یو اے ای کے شہریوں نے مثال قائم کر دی، تمام سڑکیں اور بازار ویران، شہریوں سے اتوار کو شام پانچ بجے تک گھروں میں رہنے کی اپیل کی گئی ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سعودی عرب کے شاپنگ مال میں ٹرالیوں پر تھوکنے والے کو سزائے موت دی جا سکتی ہے، سعودی میڈیا کا دعویٰ، گرفتار شہری پر جان بوجھ کر کورونا وائرس پھیلانے کا الزام لگایا گیا ہے، برطانیہ کا بھی ڈاکٹروں کے منہ پر جان بوجھ کر کھانسنے والوں کو سزا دینے کا فیصلہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکہ میں ایک سپر اسٹور کو پینتیس ہزارڈالر کی خوراک ضائع کرنا پڑ گئی ، اسٹور مالک کے مطابق ایک خاتون جان بوجھ کر اسٹور میں کھانستی رہی ، باقی صارفین کو محفوظ رکھنے کے لیے تمام چیزیں تلف کرنا پڑیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سکھ کمیونٹی بھی کورونا سے نمٹنے کےلیے پر عزم ،، گرودوارہ جنم استھان ننکانہ صاحب میں کورونا کےخاتمے کےلیے خصوصی دعائیہ تقریبات

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لاہور کے علاقے شاہدرہ میں ایل پی جی ٹینکر دھماکے سے زخمی ہونے والا ایک اور شہری دم توڑ گیا ، جاں بحق ہونے والوں کی تعداد چار ہو گئی ، دھماکے سے درجنوں گاڑیاں ، موٹر سائیکل ، بسیں اور رکشے تباہ ہوئے تھے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ہرنائی میں شدید بارش اور سیلابی ریلوں کے باعث ٹریفک کی روانی معطل، ہرنائی پنجاب شاہراہ پر سیکڑوں گاڑیاں پھنس گئیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسلام آباد سمیت خیبر پختون خوا اور پنجاب کے کئی شہروں میں بارش، مری میں بارش کے بعد برف باری، سردی پھر بڑھ گئی، آج بھی ملک کے کئی شہروں میں بارش کی پیش گوئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جنگلی جانور پینگولین میں کورونا سے ملتے جلتے وائرس کی تصدیق، تحقیق کے مطابق، پینگولین کو ادویات میں استعمال کرنے کیلئے اسمگل کیا جاتا ہے، پینگولین پر تحقیق سے کورونا کا توڑ ملنے کی امید

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا سے بچنا ہے تو صرف انتہائی مجبوری میں ہی گھر سے نکلیں، ہاتھ صابن سے دھوئیں، غیر ضروری اشیا کو ہاتھ نہ لگائیں، چہرے کو نہ چھوئیں، دروازہ ہاتھ کی بجائے کہنی سے کھولیں، ماسک پہنتے اور اتارتے وقت بھی ہاتھ چہرے کو نہ چھوئیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

خبردار میک اپ کے استعمال شدہ ٹیسٹرز سے کورونا پھیل سکتا ہے، برطانیہ میں میک اپ اسٹورز نے میک اپ ٹیسٹرز پھینکنے کا اعلان کردیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکہ کی سب سے بڑی کار ریس، انڈی فائیو ہنڈرڈ ملتوی، مقابلے اب تئیس اگست سے شروع ہوں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

گھر پر رکنا ہے تو کیوں نہ مزے مزے کے کھانے بنائے جائیں، فاسٹ باؤلر نسیم شاہ گھر میں شیف بن گئے، پکوڑے بنا کر خود بھی کھائے گھر والوں کو بھی کھلائے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دوسروں کیلئے اپنی جان کو خطرے میں ڈالنے والے’’ ہم درد‘‘ کو قوم کا سلام،،، ڈاکٹرز، نرسز، پیرا میڈیکل اسٹاف، پاک فوج، پولیس، سیکورٹی عملہ، میڈیا، انتظامیہ سب کی کوششوں کو قوم کا خراج تحسین،،، احتیاط کرنے والو! دوسروں کی مدد کرنے والو ! دوسروں کو سمجھانے والو !، اور گھروں میں رہنے والی سمجھدار عوام، آپ سب کو ’’ہم‘‘ سب کا سلام

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

گلوکار اور سیاست دان جواد احمد کا، کورونا کا مقابلہ کرتے ڈاکٹرز، نرسز اور پیرا میڈیکل اسٹاف کو گانا گا کر شاندار الفاظ میں خراج تحسین، کہا،، اس مشکل وقت میں طبی محاذ پر جنگ لڑتے غازیوں کو قوم کا سلام

۔۔۔۔ساٹ۔۔۔ سفید جھنڈا لہرائیں۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

برطانیہ میں قوم کے مسیحاؤں کو تالیاں بجا کر خراج تحسین، شہریوں نے کھڑکیوں، دروازوں اور بالکونیوں میں کھڑے ہوکر برتن بھی کھٹکھٹائے، عمارتوں کو نیلی روشنیوں سے مزین کر دیا گیا

ویب ڈیسک

See author's posts