لاہور: کورونا وائرس سے بچاؤ کیلئے دوسرے روز کے لاک ڈاؤن کے دوران شہر کی سڑکیں ویران رہیں۔صرف میڈیکل، کریانہ اسٹورز اور دودھ دہی کی دکانیں کھلی ہیں۔
سڑکوں پر شہری ہیں بھی تو فقط وہ جنہیں بہت ضروری کام سے باہر آنا پڑا۔ شہریوں کا کہنا ہے کہ کرونا وائرس سے بچنے کا واحد حل صرف احتیاط ہے۔
شہر میں ڈبل سواری پر پابندی کے باوجود بھی کچھ شہری ڈبل سواری سے باز نہ آئے ۔
لاک ڈاؤن کے دوران دفعہ144 پر عملدرآمد کیلئے پولیس نے شہر کے103 مقامات پر ناکہ بندی کر رکھی ہے۔
پولیس کی طرف سے دفعہ 144 کی خلاف ورزی پر 156 مقدمات بھی درج کئے گئے ہیں۔ شہر میں پاک فوج کی جانب سے بھی گشت کا سلسلہ جاری ہے۔
حفاظتی ماسک اور سینٹائزر مہنگے فروخت کرنے پر بتیس ملزمان کو گرفتار کیا گیاہے۔
یہ بھی پڑھیے
نیشنل پریس کلب کے انتخابات، جرنلسٹ پینل نے میدان مارلیا، اظہر جتوئی صدر منتخب
ملتان یونین آف جرنلسٹس کے سالانہ انتخابات میں "پروفیشنل جرنلسٹس گروپ” نے میدان مار لیا،
متوازن وفاق اور وسائل پر اختیار کےلئے سرائیکی سرگرم کارکنوں اور طلبہ تنظیموں کی’ سرائیکی صوبہ ریلی کا انعقاد