گوا: ساوتھ ایشین وائر کے مطابق اگواکے گورنر ستیہ پال ملک نے کہا ہے کہ ‘کشمیر میں گورنر محض شراب پیتے اور گالف کھیلتے ہیں، جبکہ دوسری ریاستوں میں گورنرز آرام کرتے ہیں اور خود کو سیاست میں شامل نہیں کرتے۔
گوا کے گورنر ستیہ پال ملک نے اتوار کے روز ایک بیان دیتے ہوئے گورنرز کے کردار کے متعلق سوال کھڑا کر دیا ہے اور یہ دعوی کیا ہے کہ گورنرز کے پاس کوئی کام نہیں ہوتا ہے۔ کشمیر میں گورنر محض شراب پیتے اور گالف کھیلتے ہیں۔
ساوتھ ایشین وائر کے مطابق ستیہ پال ملک تحلیل شدہ ریاست جموں و کشمیر کے گورنر رہ چکے ہیں۔
ستیہ پال ملک کو جموں و کشمیر کے گورنر کے عہدے سے اس وقت ہٹایا گیا جب مرکزی حکومت نے دفعہ 370 کو منسوخ کر کے ریاست کو مرکز کے زیر انتظام دو علاقوں میں تقسیم کر دیا۔ انہیں جموں و کشمیر سے منتقل کر کے گوا کا گورنر بنایا گیا۔
ستیہ پال ملک گزشتہ روز اپنے آبائی علاقے اترپردیش کے باغپت کے دورے پر تھے اور وہاں انہوں نے ایک خطاب میں کہا کہ ‘گورنر کا کوئی کام نہیں ہوتا ہے۔
ساوتھ ایشین وائر کے مطابق ستیہ پال ملک نے گوا کے گورنر کا عہدہ سنبھالنے کے بعد ایک خطاب کے دوران کہا تھا کہ بطور گورنر ان کا سابقہ عہدہ بہت ہی مشکل تھا تاہم میں اس کے ساتھ نپٹنے میں کامیاب رہا اور کامیابی کے ساتھ تمام امور کو حل کیا۔
یہ بھی پڑھیے
ٹائی ٹینک ایک سو گیارہ برس بعد مزید پانچ زندگیاں لے گیا
پاکستان سمیت دنیا بھر میں آج بچوں سے مشقت کیخلاف عالمی دن منایا جارہا ہے
سعودی عرب کی کل آبادی 3 کروڑ 21 لاکھ سے تجاوز کرگئی