سابق وزیر اعظم سید یوسف رضا گیلانی نے کہا ہے کہ سیکرٹریٹ کے معاملے پر سیاسی جماعتوں کو اعتماد میں لینا چاہیئے تھا۔پیپلز پارٹی کی ڈیمانڈ سیکرٹریٹ نہیں صوبہ ہے۔پی ٹی آئی صوبہ بنانا نہیں چاہتی ۔
ملتان میں میڈیا سے گفتگو کرتے ہوئے یوسف رضا گیلانی کا کہنا تھا کہ ہمیں خود مختار صوبہ، اسمبلی اور سینیٹ میں نمائندگی چاہیئے۔ایڈیشنل آئی جی اور سیکرٹری کو بیٹھانے سے مسائل بڑھیں گے۔
بہتر ہوتا اعلان سے قبل سیاسی جماعتوں سے مشاورت کرتے۔حالیہ اعلان نے عوام میں تفریق ڈال دی ہے۔انہوں نے کہا کہ
میر شکیل الرحمن کی گرفتاری میڈیا پر قدغن ہے ۔نیب نے صحافت پر حملہ کیا ہے جو قابل مذمت ہے ۔انکا کہنا تھا کہ پیپلز پارٹی نے بہاولپور جنوبی پنجاب صوبے کا نام تجویز کیا تھا۔
صوبہ محاذ تحریک انصاف میں ضم ہوگیا مگر صوبہ نہ بنا۔جنوبی پنجاب کی پسماندگی کا حل صوبہ ہے۔
انہوں نے مزید کہا کہ حکومت بلدیاتی الیکشن کرانے میں سنجیدہ نہیں ہے۔بلدیاتی الیکشن جماعتی بنیادوں پر ہونے چاہئیں۔
بطور وزیر اعظم 35 فیصد صوبائی بجٹ جنوبی پنجاب کو دلوایا۔انہوں نے کہا کہ این ایف سی ایوارڈ فارمولا ضلعی سطح تک ہونا چاہیئے۔15 مارچ کو بلاول بھٹو کا شہر اولیا کا دورہ متوقع ہے۔
یہ بھی پڑھیے
متوازن وفاق اور وسائل پر اختیار کےلئے سرائیکی سرگرم کارکنوں اور طلبہ تنظیموں کی’ سرائیکی صوبہ ریلی کا انعقاد
ڈیرہ اسماعیل خان میں پولیس نفری لیجانےوالی گاڑی کے قریب دھماکہ،5افراد شہید،21زخمی
ڈیرہ غازی خان کی خبریں