فرانس اور جرمنی نے پاکستان کو سیاحت کے لئے محفوظ ملک قرار دے دیا
پیرس،
فرانس اور جرمنی نے پاکستان کے لئے اپنی سفری ایڈوائزری نرم کرنے کا فیصلہ کیاہے۔میڈیا سے گفتگو کرتے ہوئے فرانس اور جرمنی کے سفیروں نے کہا کہ
پاکستان اب ایک محفوظ ملک ہے۔دونوں ممالک کے سفیروں کا کہنا ہے کہ پاکستان نے فنانشل ایکشن ٹاسک فورس (ایف اے ٹی ایف) کے معیار پر پورا اترنے کے لئے مثبت پیشرفت کی ہے
ذرائع کے مطابق یوروپی یونین کے دو اہم ممالک کے سفیروں کا کہنا ہے کہ امریکہ پاکستان اور ہندوستان میں دشمنیوں کے خاتمے میں اہم کردار ادا کرسکتا ہے اور امید ہے کہ امریکہ اپنا کردار ادا کرے گا۔
ذرائع کے مطابق امریکی جریدے فوربس نے 2020 میں پاکستان کو سیاحت کے لئے 10 پسندیدہ ممالک میں شامل کیا تھا۔
اس کے علاوہ سیاحت اور طرز زندگی کے حوالے سے مشہور امریکی میگزین کونڈے ناسٹ نے بھی پاکستان کو 2020 میں سفر کے لئے 20 بہترین اور خوبصورت ترین سیاحتی ممالک کی فہرست میں شامل کیا ہے۔
یہ بھی پڑھیے
ٹائی ٹینک ایک سو گیارہ برس بعد مزید پانچ زندگیاں لے گیا
پاکستان سمیت دنیا بھر میں آج بچوں سے مشقت کیخلاف عالمی دن منایا جارہا ہے
سعودی عرب کی کل آبادی 3 کروڑ 21 لاکھ سے تجاوز کرگئی