شیر دریا دے وکھرے رنگ۔۔۔ ڈاکٹریسین بیگ

ترائے ھزار کلومیٹر لمبائی دا دریا ترائے پہاڑاں دی تھپکی نال سفر کریندے۔ہمالیہ۔قراقرم تے ہندوکش دی جھولی وچوں رنگ برنگے تبتی پشم پا کے اوندھی جھیل مانسور توں نکلدے۔

واحد دریا ھے جیندی پوجا تھیندی ھے۔جیندے ناں تیں سندھ تے ھندوستان ھن۔کہیں جا تے دیوتا تے کتھاں جھولے لال تے کتھاں اباسین سبھی دریاویں دا ابا ھے۔

اپڑیں واسیں کوں بقا۔ساہ پانی روزی روٹی ڈیندے۔تے مقابلہ کرن الین کوں موت۔تبت توں لداخ تک کئی اوک سوکھ تے نیلی۔کالی بھوری چادر تے سر تیں گلیشیر چا کے گلگت ا ویندے۔

اگو ریشمی راہ تے قراقرم نال ھزارہ تے اگو گندھار وادی بدھ مت دی علمی وسوں۔ٹیکسلہ دے سٹوپے توں اگوں پشاور وادی نال رتی مٹی چا کے وادی سون اکھڑدے۔

جتھاں اریان اپنڑی وید ایندے کنارے بہہ کے لکھدن تے سکندر کوں چندر گپت دے ہتھوں شکست ڈیندن۔اٹک کوہاٹ تے جہلم دے نمک دے پہاڑ اگوں میدان نظردے تے میانوالی دے رنگیلے واسی پچھادی کندھی دے شلوار پا کے پٹھان تے پوادھی لنگی پا کے سندھی یا جٹ بنڑ کھڑدن۔

ھنڑ لمے دو ڈیرہ تے کوٹ مٹھن دے سدھے لوک اندے سدھے میدان وانگوں نظردن۔کھپ جیں سبزے۔گیرے طوطے بلبل بگلے تے تیتر ھن ھرن پاڑھے سہیڑ تے پانڑی دے گھڑیال کچھوں بلھن تے موسمی تلور مرغابیاں شکرے تے چرخ۔

مٹی دے وسدے سبھی ڈھور تے بییر کیکڑ لئی لانڑے ثوھلےتے کنڈی ۔ھک فطرت نال وسیبی تے وسیبی نال دریا۔اگو وادی سندھ تے سیلابی وادی دی عظیم تاریخ موھن جوداڑو ھے۔تے اروڑ شہر تے منصورہ تیں عربی حملہ اوریں دے نشان۔

سکھر توں اگوں منجھر جھیل ھووے یا سندھ ساگر مٹھو دریا بنڑ کے ساوے رنگ دے سمندر کوں اپنڑیں رنگ نال سنگم کر ڈیوے۔ایں شیر دریا تے اپڑیں جتنا رنگ ھن انوویں اتھوں دے واسیں دے رنگ۔اے پیت پلیندے ۔

پیار ڈیندے نیل وانگوں کنواری نیں منگدا پیار منگدے۔ایندی ریت دے رنگ توں دلدل یا کریڑ دی مٹی توں لونڑ دے پانڑیں توں وسیبی وس پوندے۔

ویب ڈیسک

See author's posts