ساڈی وسوں دا نوحہ ،بی بی شہید۔۔۔ڈاکٹر یسین بیگ

مشرق سجھ ابھرن دا خطہ ھے۔چندر دی چاندنی اتہاں رات دے اندھیرے کوں لکا کے مسافریں دی راھ گزر بنڑدی ھے۔ایں خطے دا ھک المیہ وی ھے جو سجھ وی پکڑیج ویندے تے کڈاہیں چندر وی۔اتھو دی وادی دی مٹی سونھڑے ونڑ رنگ برنگیاں تریمتیں تے نویں نکور گبھرو پلیندی ھے۔مٹی پھلیں نال اساریاں کریندی تے مون سون نال واچھڑ ڈیندی ھے۔کجھ ونڑ اپڑیں خمیر نال چھاں تے پھل ڈیندن۔کجھ ونڑ راھزن تے شکاریں کوں لہو کیتے پناہ ڈیندن۔خطے دے اندھیر المیے پچھو کئی صوفی۔انقلابی۔غازی شہید تے کرہ زمین تیں اپڑاں پچھاواں سٹ ویندن۔
سندھ جائی ھک بی بی او صوفی وی ھے تے درداں ماری دھی دا عملی نمونہ ۔نہ وینڑ کرن ڈیندی نہ شام دا رلیہ مسافر بنڑن ڈیندی ھے۔1953توں2007تک دا ائے جی کئی قہر قیامت توں گزریے۔سجھ پکڑیا شام دا تے پتہ لگا اگلی فجر جو سجھ کتھاں پاھی لگ گئے تے کئیں سانگے۔اج توں چالہی سال پہلے۔سجھ پچھوں ڈس گیا جو ھنڑ چندر امانت ھیوے۔اے چندر ھاروڈ گیا آکسفرڈ گیا۔تاکہ راہ رو درست تے سدھا سفر با منزل کر سگن۔او ھر سمت چودھارو دے ڈین راھزن تے شکاریں دا نقشہ سکھ ایا۔1988توں 1990 اسلامی دنیا تے قدامت پرست کوں ھرا کے پہلی وزیراعظم بنڑی۔او چندر دی پہلی ھئی۔ول 1993توں1996تک ڈوجھی تے تریمت دے عالمی حقوقِ دی پہلی حقیقی علمبردار ھئی۔جیندی عملی حقیقت ملالہ امن دا نوبل پرائز دی شکل اچ ھے۔اندرا گاندھی ھوووے یا تھیچر ایں بی بی شہید دا کوئی موازنہ کینی۔عالمی لیڈراں دا ائی کون صرف بی بی ھئی۔جئیں دہی وڈیرے ملک وچ لبرل تے سوشل ڈیموکریٹک پارٹی کوں چلائے جتوائے۔ظاہر ائے ایجھے ملک اچ بلیک میلنگ مذھبی انتہا پسندی رشوت دہشت گردی جہیں ونڑ تناور بنڑ چکے ھوون اتے چندر دے بابا کوں سولی چھڑا ڈتا ھوونے اتھاں روز پھاہی روز سولی دا منظر ھوندے۔عالمی شہیدیں دی لسٹ لمبی ھے پر اسلامی ملکیں دے شہید مغرب دی نظر اچ مختلف ھن۔اخر قدافی صدام یا حسنی مبارک یاسر عرفات یا راجیو گاندھی او شہرت نیں پا سگیے جھیڑی گاندھی۔بھٹو تے بی بی شہید کوں ملی ھے۔دنیا کوں ائے تحفہ سندھ دھرتی تے انڈس وادی ڈے سگدی ھے۔20صدی عورتیں دے حقوقِ دی اواز دی صدی ھے تے آئے اواز صرف بے نظیر ھئی۔اوندے ناں دا شہر ھووے ائیرپورٹ ھووے پر اوندے ناں دا وظیفہ پروگرام لاجواب ھے۔او ساڈی ھر ما بھینڑ دے دل اچ وسدی ھے۔27دسمبر دا شام ساری قوم دے سامنڑیں ائے چندر کوں گرہن لگی۔کجھ دید بچاون واسطے اکھ چا نوٹی کجھ توبہ دے صف تے کجھ ایں نظارے کوں انکھیں مل مل کے ڈیکھدیں اپڑیاں انکھیں ڈے کھڑے۔اساں جہیں کوں دید ملی تاں پکڑئے چندر اگوں ھک فجریں دا تارا بلاول دی شکل اچ ڈٹھا تاں کجھ دید ول ائی۔سجھ پکڑیا تے چندر وی پکڑیا لیکن ساکوں یقین ھے زرداری دی کہکشاں دے سوجھلے تیں تارے نیں پکڑیندے۔اے صرف ترٹدن تاں کیں ظالم تیں قاتلی تیں۔جے خالی زمین تیں وی ڈھانون وڈے متبرک ھوندن۔۔

ویب ڈیسک

See author's posts