اورنج ٹرین سٹیشن اور جین مندر میٹروسٹیشن کو زیر زمین ملانے کا منصوبہ فنڈز کی عدم دستیابی کے باعث بند کر دیا گیا۔
گرین لائن میٹرو بس اور اورنج لائن میٹرو ٹرین کو ملانے کا منصوبہ ایک سال قبل تیار کیا گیا
جس کے تحت جین مندر میٹرو سٹیشن اور اورنج ٹرین سٹیشن کو ملانے کیلئے زیر زمین راستے کیلئے ایک ارب 25 کروڑ روپے کا تخمینہ لگایا گیا۔
منصوبے کے تحت پیدل چلنے والوں کیلئے راستہ بنایا جانا تھا
اس ضمن میں ایل ڈی اے نے نیسپاک سے منصوبے کا ڈیزائن بھی تیار کروایا
جس پر لاکھوں روپے لاگت آئی مگر محکمہ پی اینڈ ڈی نے فنڈز کی عدم دستیابی کے باعث منصوبے پر اعتراض لگا دیا
منصوبے کی فائل بند ہونے سے ڈیزائن پر آنے والی لاگت بھی ضائع ہونے کا خدشہ ہے۔
اس حوالے سے پراجیکٹ ڈائریکٹر اورنج لائن ٹرین اقرار حسین نے کہا محکمہ پلاننگ اینڈ ڈویلپمنٹ نے منصوبے پر اعتراض لگایا تھا کہ
فنڈز موجود نہ ہونے کی وجہ سے منصوبہ فی الفور شروع نہیں کیا جاسکتا
مستقبل میں اگر حکومت فنڈز فراہم کرتی ہے تو منصوبہ دوبارہ شروع کر دیا جائے گا۔
یہ بھی پڑھیے
نیشنل پریس کلب کے انتخابات، جرنلسٹ پینل نے میدان مارلیا، اظہر جتوئی صدر منتخب
ملتان یونین آف جرنلسٹس کے سالانہ انتخابات میں "پروفیشنل جرنلسٹس گروپ” نے میدان مار لیا،
متوازن وفاق اور وسائل پر اختیار کےلئے سرائیکی سرگرم کارکنوں اور طلبہ تنظیموں کی’ سرائیکی صوبہ ریلی کا انعقاد