پاکستان اور سری لنکا کے درمیان دوسرے روز کا کھیل خراب روشنی کے باعث روک دیا گیا۔دوسرے روز قومی باولرز مہمان ٹیم کی ایک وکٹ ہی گرا سکے۔
کبھی بارش اور کبھی خراب روشنی، راولپنڈی ٹیسٹ کے دوسرے روز کا کھیل کھٹائی میں پڑ گیا۔ دونوں ٹیموں کے درمیان دوسرے روز صرف اٹھارہ اشاریہ چھ اوورز کا کھیل ہی ہو سکا۔
سری لنکا کی ٹیم دوسرے روز اکسٹھ رنز بنا پائی، مہمان ٹیم نے پانچ کھلاڑیوں کے نقصان پر دو سو دو رنز سے اننگز آگے بڑھائی تھی۔ قومی باولرز سری لنکا کی وکٹیں گرانے میں ناکام نظر آئے،،،،نیروشن ڈیکویلا تینتیس رنز بنا کر شاہین شاہ آفریدی کا شکار بنے۔
ڈی سلوا ایک سو اکتیس گیندوں پر گیارہ چوکوں مدد سے باہتر اور دلروان پریرا دو رنز بنا کر وکٹ پر موجود ہیں۔ اس سے قبل راولپنڈی ٹیسٹ کے پہلے روز کا کھیل بھی خراب روشنی کے باعث منسوخ کر دیا گیا تھا۔
سری لنکا نے پہلے روز پانچ وکٹ کے نقصان پر دو سو دو رنز بنائے تھے۔
یہ بھی پڑھیے
بھارت کو فائنل میں عبرتناک شکست، پاکستان نے ایشیا ایمرجنگ کپ جیت لیا
لاہور میں پاکستان کا سب سے اونچا پرچم نصب کیا جائے گا
برلن میں جاری اسپیشل اولمپیکس میں قومی سائیکلسٹ کی نمایاں کارکردگی