چیف الیکشن کمشنر اور ارکان کے تقرر کے لیے ہونے والی بیٹھک کی اندرونی کہانی سامنے آ گئی،چیف الیکشن کمشنر سمیت الیکشن کمیشن کے دو ممبران کی تقرری کا فیصلہ نہ ہوسکا ۔
پارلیمانی کمیٹی کے اجلاس سے قبل سپیکر چیمبر میں حکومت اور اپوزیشن کا اجلاس ہوا ۔ جس میں حکومت نے چیف الیکشن کمشنر کے لئے حکومتی امیدوار کی مشروط حمایت کی۔
ذرائع کے مطابق اپوزیشن نے موقف اپنایا کہ چیف الیکشن کمشنر پر حمایت کے بدلے سندھ اور بلوچستان کے ممبرز اپوزیشن امیدواروں کو دئیے جائیں ۔ جس پر حکومت نے مشاورت کے لئے مزید وقت مانگ لیا۔حکومتی ٹیم نے جواب دیا کہ آج وزیر اعظم سے مشاورت کرکے جواب دیں گے۔
پارلیمانی کمیٹی کا اجلاس ایک بار پھر موخر کرنا پڑ گیا۔۔۔اجلاس اب جمعرات کو شیری مزاری کی سربراہی میں پارلیمنٹ ہاوس 4 بجے ہوگا،،،وزیر مملکت علی محمد خان نے میڈیا سے گفتگو میں کہا کہ کچھ نوک پلک درست کرنا چاہ رہے ہیں ،امید ہے پارلیمنٹ کا مسئلہ پارلیمنٹ میں حل ہوجائے گا ۔ امید ہے پارلیمان میں ہی مسئلہ حل ہوجائے گا۔
اسپیکر قومی اسمبلی کے دفتر میں حکومت اور اپوزیشن کے اجلاس میں حکومت کی طرف سے پرویز خٹک، علی محمد خان اور محمد میاں سومرو نے شرکت کی ،ن لیگ کی طرف سے مشاہد اللہ خان، مرتضی جاوید عباسی اور نثار چیمہ اجلاس میں شریک ہوئے۔ پیپلز پارٹی کی نمائندگی سابق وزیراعظم راجہ پرویزاشرف نے کی۔
یہ بھی پڑھیے
نام ور سرائیکی شاعر مشتاق سبقت انتقال کر گئے
نیشنل پریس کلب کے انتخابات، جرنلسٹ پینل نے میدان مارلیا، اظہر جتوئی صدر منتخب
ملتان یونین آف جرنلسٹس کے سالانہ انتخابات میں "پروفیشنل جرنلسٹس گروپ” نے میدان مار لیا،