پنڈی کرکٹ اسٹیڈیم راولپنڈی کی رونقیں بحال ہو گئیں۔پاکستان اور سری لنکا کے
درمیان ٹیسٹ سیریز کا پہلا میچ کل کھیلا جائے گا۔دونوں ٹیموں کے کپتانوں نے میڈیا سے گفتگو کی اور شاندار ٹرافی سے پردہ بھی اٹھایا۔۔۔۔میچ سے ایک روز قبل کھلاڑیوں نے گراونڈ میں جم کر پریکٹس کی۔
پاک سری لنکا ٹیسٹ سیریز،،،،تیاریاں مکمل،،،،دونوں ٹیمیں میدان میں اترنے کو بے تاپ۔
پنڈی کرکٹ اسٹیڈیم میں پندرہ سال کے بعد کسی انٹرنیشنل ٹیم نے قدم رکھا۔
پاکستان کے کپتان اظہر علی اور سری لنکن کپتان ڈیموتھ کرونارتنے نے سیریز کی شاندار ٹرافی سے پردہ اٹھایا۔
میڈیا سے گفتگو کرتے ہوئے قومی کپتان اظہر علی کا کہنا تھا کہ دس سال کے بعد پاکستان میں ٹیسٹ کرکٹ واپس آنے پر تمام کھلاڑی بہت خوش ہیں،ان کی خواہش تھی کہ ٹیسٹ کرکٹ پاکستان میں واپس آئے۔
سری لنکا کے خلاف سیریز کے حوالے سے بات کرتے ہوئے اظہر علی نے کہا کہ جو چیلنج ملے گا وہ پورا کریں گے،پچ بہترین ہے،،،،موسم کی ـصورت حال کو دیکھتے ہوئے ٹاس کا فیصلہ کریں گے۔
سری لنکن کپتان ڈیموتھ کرونارتنے نے کہا کہ وہ پہلی بار پاکستان آ کر بہت خوش ہیں،ان کی ٹیم میں تجربہ کار کھلاڑی موجود ہیں،مکی آرتھر پاکستان کے کوچ رہ چکے ہیں،اب وہ ہمارے ساتھ ہیں اور ہر کھلاڑی کی صلاحیت سے بخوبی واقف ہیں۔
ڈیموتھ کرونارتنے نے مزید کہا کہ پنڈی کرکٹ اسٹیڈیم کی پچ بہت اچھی ہے،پاکستانی ٹیم ہوم گراونڈ میں بہترین پرفارم کرتی ہے۔
یہ بھی پڑھیے
بھارت کو فائنل میں عبرتناک شکست، پاکستان نے ایشیا ایمرجنگ کپ جیت لیا
لاہور میں پاکستان کا سب سے اونچا پرچم نصب کیا جائے گا
برلن میں جاری اسپیشل اولمپیکس میں قومی سائیکلسٹ کی نمایاں کارکردگی